椰子樹泰國料理

营业中

休息中

椰子樹泰國料理 (西環)西環英華臺1-6號華輝閣地下2-3號舖今日同媽咪參加抄心經活動，活動之前梗係要食飽飽，等陣先有精神。我好想食芒果糯米飯🍚實在太掛住泰國，所以就嚟到椰子樹泰國料理食lunch，俾佢嘅芒果糯米飯吸引。男女老少都嚟食，可能鄰近港大，好多大學生都嚟呢度食，所以要等位㗎。芒果糯米飯$58泰國香甜芒果🥭入口細滑。椰汁糯米飯，鴛鴦色有紫米有糯米🍚煙煙Un Un超好食😋麵包焗咖喱軟殼蟹$168軟殼蟹炸得超鬆脆，整體係偏甜嘅咖喱🍛唔辣嘅，好啱我口味，麵包覺得超鬆軟，外表脆，點咖喱食好易入口，同埋一定夠飽。配菜有芹菜、青紅椒、洋蔥🧅好香好爽鮮甜。椰青$38椰青清甜濃香，勁大個，椰青殼入邊嘅肉都好好食，俾咗隻匙羹我哋可以刮來食，椰肉好香，爽滑，係夏天解暑良品。龍眼冰$33好足料，勁多龍眼肉，賣相超靚，剔透金黃色，清甜涼爽嘅味道，送泰國嘢最正。

/ 椰子樹泰國料理西營盤少有由泰國人主理嘅正宗泰菜🇹🇭回復晚市堂食之後, 收工同男朋友都懶得煮飯, 都會去下西環附近覓食, 行到高街再上一條街, 見到有一間新開嘅泰國餐廳, 望到餐牌價錢都算合理, 而且老板娘係泰國人, 態度十分友善, 一於揀呢間食晚飯🫶🏻1️⃣麵包焗咖喱軟殼蟹 $168一上枱已經俾佢嘅賣相驚艷到, 軟殼蟹啲腳豎起晒喺個包😂 份量超大, 有兩隻完整嘅炸軟殼蟹🦀麵包係新鮮烘過, 外皮超脆, 麵包浸下啲黃咖喱食, 做到外脆內軟嘅口感🤤 黃咖喱渴渴地唔會好水, 偏甜又唔算辣, 好開胃, 加上軟殼蟹分量足夠, 炸得好脆而且唔油膩, 食完尼個其實已經幾飽😂2️⃣肉碎生菜包 (豬/雞) $68呢個肉碎生菜包可以揀小辣或者中辣, 我揀咗正常就唔算好辣, 肉碎夠重香料味幾正宗而且生菜大概有8至10塊, 唔會包到最後唔夠菜👍🏻3️⃣馬拉盞炒通菜 $60通菜嘅份量都好多, 馬拉盞雖然相對其他菜式偏重口味但係炒得唔會過鹹, 一上枱就香氣四溢, 熱氣騰騰,通菜都幾嫩🤤4️⃣芒果糯米飯 $58食泰國菜點可以唔喺最後嗌一個芒果糯米飯🥭份量都係好大, 芒果超甜肉質實淨, 糯米飯用咗白糯米拼黑糯米, 滿滿嘅椰漿鋪喺熱

去完山頂，經龍虎山旭龢道落返黎西營盤已經勁肚餓😵‍💫經過見到泰國餐廳即刻衝入去叫杯凍飲先😍 岩岩過左lunch time就只好散叫menu，好彩價錢唔貴得黎仲幾抵食咁。.肚腩到爆，叫左個「海南雞飯 $78」同「串燒沙嗲 $88」，海南雞飯有晒雞髀雞胸位，用三黃雞夠晒雞味，薑同香茅味好突出，食落雞皮爽口又滑。串燒有得三拼，豬/牛/雞各二，雖然串燒要等耐少少，但絕對值得等待😍 串燒炭香味重，沙嗲汁好香花生味，仲要係大大啖肉既沙嗲，唔係細細串個種。.甜品叫返個「芒果糯米飯 $58」就perfect晒，芒果糯米飯分白糯米同紫糯米，椰汁熱辣辣，芒果當造，好甜又好味😋.野飲唔貴，$3x就有杯，「青檸梳打 $33」同「咸檸樂 $33」解喝一流❤️❤️

泰式風格小店，位處西營盤站旁的英華臺，不算易找但性價比很高，所以十分多客專程到訪，由坐下到離開，堂食外賣都忙個不停，超繁忙！午餐海南雞飯$62雞肉剛好熟，口感軟稔不會過熟，胸位也不會鞋，入口多汁三色醬汁濃而不膩，當中甜醬油是最出色的一款！油飯味道不算濃，當中除了雞香還有些薑味， 清淡之餘十分不錯泰式蝦頭油炒飯$88感覺聽起來好像很油膩？其實不然！入口蝦油很香濃，幾近蝦醬的香但沒那麼鹹，入口惹味香濃，而且份量巨大，加上不少的蛋絲，彈牙的蝦仁，實在出色套餐加$28生菜包豬肉碎帶點辣，入口香濃而惹味，加上清新的生菜實在不俗青木瓜沙律$58同樣是比想像中大份的沙律口感爽脆 味道偏甜小辣，非常清新椰青$38上佳的椰青，清甜解渴，值得一試午餐竟也有送椰子大菜糕送！內含椰子肉，味道濃郁，實在沒什麼投訴

尋日趁著早放lunch，同同學嚟到學校附近食個lunch～見到呢間新開嘅泰國餐廳，我哋又好耐冇食泰國菜🇹🇭就嚟試吓～佢嘅lunch set都幾抵,大概$62就有主食，仲包埋餐飲，加$28仲有小食添～泰式炒金邊粉$88一大碟炒得好香嘅金邊粉，好有鑊氣～入面有好多料，有大大粒蝦肉，仲有好多菜，酸酸甜甜，食落幾好味😋泰式濕炒牛河$72同樣係好大碟嘅炒河粉，醬汁好濃郁，有好多牛肉片，食落幾爽口，河粉幾正～泰式炒雜菜$58有唔同款式嘅菜，好似西蘭花🥦椰菜花，紅蘿蔔🥕等等～同樣係炒得好香好入味，食多啲菜感覺都健康啲👍🏻龍眼冰$33凍凍地又幾香甜嘅龍眼冰～有好多龍眼肉，叫咗少甜都算甜泰式凍奶茶$25同樣係香甜嘅奶茶，好有泰國風味🇹🇭

今日去西營盤拎d野比朋友, 拎完差唔多2點去醫肚, 落到去見依間泰國野仲有lunch set就試試佢。餐廳d店員都係泰國人, 聽佢地講泰文同埋見到牆上既泰式佈置, 感覺好似係泰國去左間地道又唔係好起眼既鋪頭咁。泰式牛肉金邊粉menu寫船麵湯, 黎到既時候見湯底顏色好似唔係好似平時既船麵湯咁深色, 飲一啖發覺係清澈而香濃, 而且無乜味精, 仲有九層塔既清香。牛丸, 牛肉份量幾多下, 仲有炸豬皮增添口感, 不錯。泰式濕炒豬肉河濕炒河都預佢會有好多汁, 醬汁濃稠岩岩好, 河粉同雜菜都掛汁, 味道適中唔過咸, 河分仲有微微焦香味, 又幾好食。set lunch $62, 再加加$28可以有小食, 加左炸魚餅同埋馬拉盞通菜, 炸魚餅香口彈牙熱辣辣, 通菜有獲氣好惹味, 好食。最後飲埋杯thaitea同椰汁冰, 先似食泰國野架麻!

西營盤 半山嘅椰子樹之前一晚同朋友係半山開party第二日落樓想搵野食唔想食西餐咁啱見到有間泰國餐廳價錢好似幾抵食就去幫襯下鋪頭細細間但menu 選擇都唔小lunch set 定價好有競爭力老闆娘同樓面都係泰國人好nice 好親切食物方面要左個海南雞飯雞肉嫩滑有小量膏味道天然配埋3隻醬好食！油飯香噴噴得黎唔膩好食小食拼盤份量多！炸蝦餅外脆內滑無點醬都夠蝦味魚餅表層調味足春卷餡料豐富最後要多個串燒燒得香口肉質嫩滑配埋satay 醬就更美味！加埋杯青檸soda 就perfect!

疫情嚴重，所以我哋放假都唔敢周圍去，最多喺屋企附近買嘢同食個晏，唞唞氣嘛。呢日我哋發現扶手電梯旁嘅英華臺，又開咗新餐廳「椰子樹泰國料理」🎊。呢頭附近冇乜泰國菜，所以餐廳都幾受街坊歡迎，好多人嚟幫襯，堂食同外賣訂單做唔停🥡。小店座位唔多，環境格局同上手無乜分別。餐廳星期日都有提供午市套餐，每款$62，共五款選擇，定價喺呢區來講算係咁啦😉。餐牌定期會轉換，保持新鮮感。我哋嗌咗兩個午餐，再加啲小食，食飽飽當埋晚餐🙈。泰式蝦炒金邊粉，金邊粉炒得唔錯👍，麵底偏濕，但麵條無漿埋一餅，亦唔會碎濕濕，算幾分明。金邊粉落足料炒，有四隻大蝦🦐，新鮮爽彈；其他料仲包埋豆乾、大豆芽菜同蛋絲等。馬沙文牛咖哩(配白飯)，🥘泰式咖哩口味溫和，辣度老少咸宜，香多過辣。咖哩配以鮮牛片，而非牛腩，個人認為少咗份嚼勁，但都好味；另外仲有薯仔。白飯分開上，見隔離枱好似有得添。串燒沙嗲($88/6串)，🍢串燒好抵食，大大串，半打有齊豬牛雞都唔使過百蚊。每串均容易分得出係邊款肉打邊款，而且肉質唔乾唔柴。沙嗲醬雖然少，但經已足夠帶來滋味。椰子雞湯($68)，雞湯唔算大碗，但味道有驚喜🤤。佢熱辣辣送上，椰子香突出🥥，但同時亦不乏辣味

今日同媽媽去吃泰菜～餐廳是泰國人主理的～ 非常有泰國親切感的民間小店，餐廳的裝修真的很Thai，簡約裝修配上泰式畫，掛在牆上的另一邊是泰式民族坐墊，非常有特色！我地叫左椰子雞湯，炒金邊粉，馬拉盞炒通菜同埋兩個椰青～ 雖然菜牌上寫椰子雞湯有一個辣椒標誌，但係其實唔會辣，椰子雞湯清甜好味，雞肉仲好滑添！泰式香料好足！炒金邊粉真係又足料又好味😋超級吸引呀～ 真係好似去咗泰國食咁！d蝦大大隻，爽口又彈牙！真心推薦！我真係幾鍾意加小青檸汁落金邊粉，多一個口感層次！必要之選馬拉盞炒通菜！真心足料好味又唔會咸！大大碟菜好抵食！！兩個椰青真心超級超級甜！飲落嘅時候有椰香味！真心第一次飲有椰香味嘅椰青水椰青大菜糕都好好味店主和員工都很親切和藹可親，見到我地杯無水keep住倒水比我地😆服務好好！

正宗泰國人主理，泰國人侍應，好似置身泰國今次見幾抵，叫咗2個lunch set 🍱🍱每個lunch set可以額外再加錢有特色小食🔹辣豬肉炒河 $62🐷炒河好惹味，亦都幾辣下，份量都多，仲有好多配菜一齊炒，令到個炒河味道更豐富，可惜多油咗少少🤏🔹泰式蝦炒飯 $62🍤🍚呢個炒飯真係要襯熱食唔知係咪太肚餓嘅關係，炒飯一上枱係超級熱辣辣，出煙嗰隻食落去好重蝦味，啲煙都飄住蝦嘅香氣～🔹米紙春卷 +$28春卷皮好薄，入面嘅餡同平時食開有啲唔同，好特別，點嘅sauce酸酸地好開胃🔹炒芥蘭 +$28炒芥蘭又係即炒即上碟，超香，平時麻麻地芥蘭都好中意食，爽口🔹燒豬頸肉 $78豬頸肉有好多，啖啖肉最中意係點嘅自制醬汁🔹🥥椰汁冰 +$8

🌞 天氣好好，決定出街行下，知道西環開咗間新嘅泰國餐廳，啱曬鍾意泰菜嘅我。午餐時間餐廳非常旺場，店員忙於招呼客人，仲有好多外賣單，雖然忙但係仍然好有禮貌。午餐套餐抵食，只是62蚊，有5款揀，加28蚊仲可以配一個小食或者菜👍🍚海南雞飯 $62雞肉滑捋捋，份量都幾多，油飯又香又大碟，仲有碗冬瓜雞湯🥦泰式炒雜菜 $28有芥蘭，紅蘿蔔，西蘭花及粟米芯等，好健康。🍹青檸梳打 跟餐 $8好fresh。🐷燒豬頸肉 $78燒得好香脆，食到唔停口。🥥椰青 $38清新解渴。👍食到尾聲，每人送一件椰青大菜糕😍 清甜美味。我哋仲叫左芒果糯米飯🥭，芒果超甜，糯米飯配椰汁軟糯美味，今餐真係豐富。

中西區嘅西營盤向來多美食，英華臺平台位置經常都有唔同嘅餐廳進駐，今次就試吓呢間街坊價嘅泰國菜啦！🐔先來一個海南雞飯（午餐$62）有杯飲品。飯量足夠，雞可以再滑D就好了。我最期待的豉油汁，略帶甘澀。餐廳裝修都有點心思，有度假的感覺。🦐咖哩麵包大蝦（$168）餐牌上原為咖哩蟹，但店員知道我地又想食蝦，就建議我地可以轉用大蝦，有人情味啊！不得不讚蝦肉好新鮮，我地叫左少辣版本嘅咖哩，真係超好味，送麵包、薄餅或白飯真係一流！🥬健康寶寶點都要叫個菜食嘅。呢款脆肉炒椰菜苗（$88）個脆肉係我地食開嘅燒肉加鹹版，椰菜苗鮮嫩多汁。

新開嘅椰子樹泰國料理喺西環，午市套餐幾抵食，只係$62， 喺港島區算係便宜！ 午市套餐海南雞飯 ($62)雞件都算幾多，而且好滑溜🤤 啲飯唔會太油身，有三款醬料及湯！ 份量比較大！ 泰式蝦炒金邊粉 ($62)金邊粉唔會炒得太濃味，有四隻大蝦，而且都幾足料，有青檸配搭，酸酸地更加好食！😋 泰式炸春卷 (+$28)春捲炸得很脆口，入面包住厚厚的雜菜，配酸甜醬非常好食！🥰 包咖啡或茶凍飲+$3奶茶夠香滑👍🏻 串燒沙嗲(豬牛雞) 6串 ($88）自製嘅沙爹醬好美味， 串燒肉嘅份量適中🤤 芒果糯米飯 ($58)賣相吸引，一半係用了紫米，食落去唔會太甜，配埋新鮮嘅芒果夠juicy, 而且正宗！ 分量都比較多，所以如果食完午餐後食呢個做甜品嘅話同朋友share就啱啱好！

今日同下午約左朋友去上環買海味，去之前黎左呢間新開嘅椰子樹泰國料理食午餐店內環境不算太大，但坐位舒適，感覺很舒服午午提供午市套餐，$62包主菜及飲品，幾抵食主餐牌價錢亦非常親民====—====—====—====—𝑨𝒑𝒑𝒆𝒕𝒊𝒛𝒆𝒓🍢串燒沙嗲（$88/6串）豬、牛、雞各2串，串燒香噴噴，肉質非常鮮嫩，配埋濃郁沙嗲醬，好惹味😜𝑺𝒆𝒕 𝑳𝒖𝒏𝒄𝒉🐥海南雞飯（$62）海南雞飯雞肉嫩滑，配上的飯帶有香茅味道，製作有誠意，還附送冬瓜雞湯一碗，足料又好味😋🍝泰式干炒牛河（$62）泰式干炒牛河用上的河粉較闊，更薄身，入口更嫩更滑，配上牛肉、菜心、紅蘿蔔、芽菜、粟米芯等材料非常豐富，穫氣十足。套餐餐可以升級$28加配小食，認真抵食！🍤炸蝦餅（2件）一份有4小件，蝦餅炸得金黃香脆，蝦膠足料厚身，啖啖爽口，超美味😄🥬肉碎生菜包肉碎生菜包份量比想像中多，香辣惹味的肉碎配在新鮮爽口的生菜上好正✌🏻套餐包咖啡/茶（凍飲加$3）加$8轉特色飲品🥥椰汁冰、💛龍眼冰、💚青檸梳打、🍋咸檸檬七喜我同朋友都轉左青檸梳打，梳打係原支上，配埋青檸，超醒神！

英華臺新開的餐廳，裝修簡潔，店面環境乾淨衛生，店員不時就會為自己清潔雙手，而且客人用餐後會用消毒清潔劑清潔餐桌位置，令客人食得安心。以這清新簡約的裝修，意想不到店內的員工及廚師全都是泰國人，每一道菜色都非常正宗的做法和風味。午市套餐 $62 黃咖喱牛(配白飯)椰汁味香濃，不會過辣，牛肉有別於平常食到的牛腩，而是嫩滑的牛肉片，加上炆得10分腍的薯仔相當滋味。串燒沙嗲雞串2串+$28 雞肉串燒，今日外層朝代焦香，內層肉質幼嫩，必點推介。青檸梳打+8 柚子蝦沙律 $88爽口彈牙的大蝦和清新鮮甜的金柚肉配上鹹香濃郁的醬汁，加上面層的各種香料及香脆的椰絲和腰果，相當清新滋味。冬陰功湯 $78香料味十足又非常清新，喝到大頭蝦的鮮甜和蕃茄的酸甜味，份量不會過多非常適合二人享用。芒果糯米飯 $58 暖笠笠的椰漿和脆綠豆下是軟熟香糯的白糯米和紫糯米，配上芒果的清新香甜，非常好的一道甜品。