椰小盅燉湯專門店 (白楊街)

营业中

休息中

因為實在好喜歡飲靚湯,所以嚟咗呢間好出名燉湯嘅店。見到一個個椰子盅,就知一定超級正! 點咗兩個燉湯配飯套餐,都幾多嘢食。一個餐89,一個跟菜同紅豆仙草嘅餐就109。嚟到椰小盅,又點可以唔飲椰小盅?呢個蟲草花乾貝土雞燉鮮鮑椰小盅 原個椰子上,一打開蓋已經有滿滿椰香味。小小嘅椰盅入面有滿滿嘅料,有一隻鮑魚仲有好多雞件。咁多料,個湯當然好鮮甜。呢個仲係佢哋嘅得獎燉湯,唔試唔得。呢度唔係個個湯都係椰盅,所以記得睇清楚,而且椰盅通常好早就賣晒!呢個 花膠排骨土雞燉湯都好足料,有幾塊花膠又有雞肉。啲湯都好咁,但同椰盅比,真係會覺得失色,所以要試記得試椰盅呀~ 一向都鍾意食醋香骨,因為煮到啲肉入晒味,感覺完全唔會膩。呢個焦糖醋香排骨紫薯飯份量感覺有啲少,不過成個餐咁多嘢食都夠嘅。因為啲菜式都唔太吸引,所以揀咗呢個叉燒拼燒腩仔紫薯飯。叉燒可以,唔會太肥,但燒腩仔嘅皮腍咗… 至於個甜品,花倫啫喱個表面似啫喱,但中間唔似,因為係一種鬆散嘅感覺,好好奇到底係點整嘅呢?而個紅豆仙草雖然唔係咩特別嘅甜品,但係整體感覺好好味。 一個餐有齊靚湯,主食同甜品,真係一次過滿足晒三個願望。靚湯真係好正,必試椰子盅嘅燉湯,

經OpenRice app落單買外賣，過程一波三折。建議都係直接去門市買，比較方便。Order咗長白山鮮人蔘烏雞燉湯，湯的味道一般，飲唔出有人蔘味道。撈麵配雞翼，正常出品，但雞翼的味道偏淡。

行到太子，但諗唔到食乜好，天氣又凍想有啲暖野落肚，行行下就見到呢間野。本身見佢間舖都幾細間，唔係坐到好多人，但見到有湯飲，諗住暖一暖下，就入左去試啦。今次我試既係竹笙烏雞椰小盅，糖醋排骨飯同埋餃子，個湯好甜而且唔會好油膩，平時我飲湯最驚就係啲好油既湯，今次反而佢有淡淡既椰子香味得黎又飲到陣雞味。而個排骨就濃味，所以兩樣野加埋岩岩好。而個餃子呢，就不過不失啦，可能始終佢地個主打係椰子湯，所以總體黎講我覺得可以係值得再食多次。

今日下晝突然之間想食暖野，所以特登出左去太子食左呢間。我見佢嗰度有套餐選擇，浦山就會係有個湯有個飯有甜品，咁多嘢都只不過係$89。不過因為我想食其他嘢，所以就我無叫到套餐，反而係淨係叫左個湯同撈面，仲有啲配菜。首先佢嘅湯係超甜超重椰子味，又唔會太油膩，飲一啖已經亂入心，唔怪得知人人都讚好。另外不得不提係佢啲雞翼，醃得好入味。我見佢仲有燉桃膠呢啲嘅甜品，可惜今日實在太飽所以都冇機會試，下次一定會再試！

年紀越大就越嚟越鍾意飲湯😂 返工咁辛苦，點都要飲啖燉湯補補佢🤪✅推薦✅織金竹笙烏雞椰小盅 套餐💰89個湯非常足料，有唔少烏雞紅棗，飲落非常香甜，純天然冇味精，聲稱可以養氣益血，美容養顏🥰🐣秘製椰小翅 隨餐叫咗個雞翼，醃料做得幾好，幾入味👍🏻焦糖醋香排骨 另外一個餐叫咗排骨，反而就麻麻哋，肉質比較乾身🥟月牙煎餃嗌多咗個小食，係普通嘅煎餃子😂🧚🏼‍♀️如果唔係太肚餓，建議可以淨係單叫椰小盅燉湯🪄 椰小盅燉湯專門店 (白楊街) (太子)太子荔枝角道130號白楊街地下2A號舖#porkbelly_foodie #porkbelly_foodie_太子 #porkbelly_foodie_中餐 #hkfood #hkfoodie #香港美食 #香港好去處 #太子美食

燉湯配飯套餐(A+B+C+D+E) + 花倫啫喱 $89鑫草花幹貝生雞燉鮮鮑椰小盅+$14個湯好好飲，食得出冇味精又好有椰子味。佢哋係真材實料煲出黎，係個椰子入面有蟲草花、雞件、同埋干貝絲。食啲湯渣嘅時候雞件已經煲到淋晒。焦糖醋香排骨糖醋排骨相比之下冇個湯咁出色。唔夠糖醋醬，排骨啲肉同埋骨中間食落去冇即刻散開。肉燥絲苗白飯開頭以為肉操嘅意思係好似台式嘅嗰啲肉操飯咁多肉粒，不過佢只係擺咗幾粒豬肉粒落去。花倫啫喱個啫喱其實只係黑加倫子啫喱上面加椰奶。不過都幾滿足，好少依家出邊嘅甜品係黑加倫子啫喱。

同朋友嚟咗大角咀呢一間燉湯舖頭食午餐鋪頭專賣無添加（唔落鹽、唔落糖、唔落味精）😍 出街食飯都可以飲到好健康嘅湯見佢哋嘅椰子湯好出名，所以叫咗一個同朋友分，再叫咗兩個飯餐織金竹笙烏雞椰小盅（$66）烏雞肉非常滑，好足料，椰子味好香。飲完之後有好滋潤嘅感覺，啱晒乾燥嘅冬天飲！蜜汁叉燒飯餐（$43）呢個價錢來講好抵食，份量好足夠，叉燒亦都唔會太韌，調味剛剛好。紫色返有一粒粒嘅紫薯喺入邊，令到飯入面有唔同嘅口感！上野慢煮牛筋（$49）牛筋入口即溶，好入味，唔會太肥或者太瘦。

對上一次食已經係2月嘅事，佢變咗好多。例如之前係蟲草花于貝雞燉鮮鮑$79+紫薯飯配菜脯+7但依家燉湯配飯套餐（A+B+C+D+E)A係湯+B小食+C飯+D飲品+E甜品（啫哩）

之前喺YouTube見到呢一間燉湯餐廳，都覺得好有興趣想試。咁就啱啱遇着剛剛，竟然在太子見到呢間餐廳，今晚天氣有啲涼涼地咪入去試吓囉！咁試咗佢哋啲王牌燉湯，休息吓油菜，最重要椰皇裏便嗰啲嘢肉可以刮出嚟食，咁件事係好圓滿嘅！鍾意飲湯㗎你唔好錯過啊！

湯底熱辣辣及清甜可口及清新，並且養血，美容養顏，潤肺清甜，是在太子區很難找到如此方便好吃的地方，還有其他小食都可以一試，味道可以，店舖環境寧靜,食盅的好地方，都有叉燒及燒腩仔及腸仔的選擇！

◦•●◉✿✿◉●•◦ 天氣凍就想飲碗暖湯❄️ 👴🏻就帶👵🏻試吓呢間燉湯專門店🤩小店主打椰盅燉湯 👴🏻織金竹笙燉烏雞椰小盅👵🏻織金竹笙燉子排椰小盅織金竹笙比較大條 吸哂湯嘅味但又好爽口🙊👍🏻加埋新鮮烏雞，個湯真係好鮮甜☺️而織金竹笙燉子排味道就相對比較濃，夾埋椰香味，都唔錯👍🏻燉湯有套餐，包一個主食仲可以加菜&仙草 主食叫咗蜜汁叉燒&脆皮燒腩仔🐷 2樣燒味都有d乾，有少少失望🙍🙈Overall覺得燉湯係出色嘅👍🏻 真係無味精 好飲☺️ 主食就有進步空間🥲如果鐘意飲湯嘅可以一試啊👻P.S.當日食完椰小盅就順路去食芋圓圓🤣 滿足的一天🙆🏻‍♀️🙆🏻‍♂️😋: 𝟞.𝟝/𝟙𝟘

夜晚食飯平靚正 椰子🥥成隻 冬天最啱食白楊街店內餐廳環境裝修唔錯店員服務態度友善 推介蟲草花干貝土雞湯 同竹笙烏雞湯 配搭月牙餃子 正！食極都食唔厭 前日食完好似上癮咁仲會想食 椰子味好鮮甜 唔怪得係米芝蓮攞獎 ！！當歸乳鴿四物湯 補中益氣調理止痛 好啱女士飲 ，飲完成個人䁔哂👍👍👍👍👍👍😍

因為見到入左米芝蓮 又連續2年 於是決定去試下～個燉湯好足料配埋紫薯飯 夠哂健康牛筋夠冧 不過唔夠熱 有小小凍左店舖雖小 不過坐得幾舒服 😌地理位置唔算太偏 都好近地鐵站價錢就正常 又唔算特別貴

今次飛甩屋企人，約朋友仔拍下拖😆😆😆呢間太子燉湯都係朋友介紹，所以專登去試吓😬😬😬我哋兩個都係叫咗個燉湯配飯套餐，叫咗二個蟲草花鮑魚土雞燉湯，好有驚喜😋😋😋真係好好味👍🏻好新鮮👍🏻啲湯好清甜，飲完唔會覺得口渴👍🏻真係好健康💛💛💛價錢仲要好平，套餐$89👏🏻👏🏻👏🏻地方雖然好細，但係都接受到，燉湯同價錢加晒分❤️❤️❤️以咁嘅價錢冇得挑剔👍🏻👍🏻👍🏻

椰子湯好香 配埋個紫薯飯都夠飽 而家跟餐仲要有啲小食 叫咗個滷水雞髀 然後仲有個仙草加埋菜心 ☺️☺️☺️ 好味 員工態度仲有好好 幫我哋搬枱 雖然舖頭細細地 但係都坐得好舒服 😌 再有個椰汁 都係要加$12 我另外仲叫咗個桂花燉蛋白好滑 啱晒啲唔鍾意係屋企度整燉蛋白嘅人 🤣 另外叫咗個螺片湯 都好飲幾大碗 呀 要提佢個肉燥飯 佢個肉操飯係同紫薯整埋一齊 所以先會細細地但係都夠飽 其他嘅小食都好香尤其係佢啲雞翼 夜晚七點嘅時候可能要等一等 始終舖頭唔係好大 但係為咗食健康嘅嘢都係等一等啊