楊記麵家 (已結業)

已是好幾個月之前的事了, 那時剛開張不久, 和媽媽經過見肚餓就入去了。紅彤彤的裝修已教人食慾一振。我們二人點了招牌貨蝦子撈麵: 銀絲麵條相當爽身, 也有嚼勁, 蝦子烘的鹹鹹香香, 蔥花也下的慷慨; 最美味的當然是加有羅漢果而有點點鮮甜味的撈麵湯, 我倒為了這碗湯而再光顧。好像也要了五花茶, 是嫌甜了些。蝦子麵當時賣18 塊, 以其份量不算很抵食, 但味道總算不錯, 未知如今又是何等光景?

第一次經過時覺得好平會唔好食，就咁經過就算。之後有一次好肚餓就同朋友一齊去試吓，點知勁好味。因此就成為常客。平時一到兩點半後墨魚丸﹑牛丸同魚蛋都只不過係$10碗，飲野都係加多$3，最常食係魚蛋河，啲魚蛋好彈牙，河粉好滑，但有時八點幾去冇哂河粉。雖然楊記款式唔多，但質素真係幾好，個牛肉撈麵都唔錯，都好值得大家去試吓。

會展看戲前，用了半小時間在此店速食，想不到食粉麵都有如斯驚喜：　鮮牛肉撈麵($18)-龍不好蝦籽，阿姐就推介這款麵；除了份量不太多，味道、賣相及價錢都可謂無懈可擊，牛肉頗新鮮仍彈牙，麵表面有一層香口的麻油，加上蔥花與有咬口的質感，滋味相當不俗；而最讚是那碗隨麵奉上的濃湯，看了介紹，原來是以大地魚事、蝦米、豬骨等熬煮，難怪滋味如此豐富，最特別是加上羅漢果，鮮中帶甜，份外令人印象深刻。　魚蛋湯河($10)-與招牌撈麵比較下來，味道一點不起眼，可平得交關且份量不少，足足有五顆彈牙魚蛋，龍大呼抵食!　再來一杯豆漿，是個清甜純美的句號。這頓竟然埋單$40有找，而且麵店環境別緻，那裡找?

去完香港冬日美食節.行行下去食這一間.仲以為個野好貴,原來價錢都好平民化鵝腸撈麵$18.但細碟左點.可能唔係好夠食.

大地魚撈麵$18大地魚炸香成粉碎, 唔腥好香. 但太乾身, 撈埋麵口感差少少. 如果一放湯的話, 大地魚碎又會走晒... 湯底係值得一讚, 唔似普通粉麵舖, 湯顏色比較深, 好似話係加羅漢果入去, 所以飲落味道幾甜, 唔錯呀!三寶河$20三寶係牛丸, 魚旦, 墨魚丸. 味道都幾好, 無咩特別, 河粉都唔錯wo, 幾滑, 少少透明咁, 幾好味.晚市時間去到, 都仲有下午茶餐wo! 指定粉麵加豆漿都係$13, 呢度係灣仔區啊! 好抵呀!

上星期上課前想吃點東西，但又不想吃得太飽，醒起蔡瀾介紹這麵店就在附近，於是決定光顧。點了蝦籽鵝腸撈麵、油菜及銀菊露。份量真的很小，不過埋單才３３圓，都唔算貴啦！何況蝦籽不少，不過鵝腸就爽而無味；而銀菊露味道不錯。喜歡麵食而胃口小者是不錯之選。

11月23日,12:30要回老巢收拾個人物品，準備24日的搬舖。在灣仔下車後，先到這店開餐。午市旺場，坐下不到5分鐘全院滿座，本要蝦籽撈麵，伙計遊雲落錯單，竟來了蝦籽牛肉撈麵。麵底：鹼水不重，算爽口；可惜部份被焯牛肉水浸淋。蝦籽：份量多，但不夠品品和森記鹹香。牛肉：梳打牛肉。湯：仍帶微甜，不是我所愛。部份店員遊雲般的服務要改善。店員或廚房不會轉膊：拒絕為同食客提供雙丸撈，祇有牛肉撈。真不明白原因。在旺場時，錯單漏單齊齊出現。廚房力不從心，食客久等。

最後一天上課，決定試試蝦籽魚香撈。蝦籽依然淡味。魚香乾身，有點似肉鬆，但味道和撈麵出奇地配搭，還奇妙地把蝦籽的鮮味帶出。感覺比上次的淨蝦籽撈好吃。埋單$22，魚香撈的話還是可以一試，蝦籽撈的話還是免了。

送別朋友後，打算到附近搭程小巴返公司，過了兩條街口，又開始口痕起來，想起食友話這裡有大地魚碎撈麵，路過無理由唔試。裝修得企企理理的麵店，牛丸、墨魚丸、鯪魚球都有，就是無雲吞，都好，起碼唔會吃得到「沾家」的乒乓雲吞。諗左陣，問有無薑蔥撈，侍應話有蔥撈麵，咁即係有無薑蔥撈？結果原來是餐廳無薑，既然如此偶也不夠薑叫淨蔥撈麵，於是來個蝦籽魚撈好了。下了少量熟油的幼麵，篩得夠乾身，蝦籽與大地魚碎一邊楚河另一面漢界，則面放了些蔥絲。撈了撈，感覺淡出個鳥來，蝦籽沒烘焙出鹹鮮味，大地魚碎而苦，最大問題是麵是較室溫低幾度，冷冷的黏著，難吃得要命，基本功也做不好，也不用說其他了，換名改行高檔路線，結果仍是老樣子般馬虎了事，豈有此理！

牛肉蝦籽撈面+牛栢葉蝦籽撈面+菜心。先上兩碗湯，有蝦味，但始終感覺係味精，兩啖後放棄。牛肉蝦籽撈面+牛栢葉蝦籽撈面都好好味，牛肉最正，反而栢葉無味失色了..面質比劉森記仲要好!大概是因為豬油令其更香口吧!

一直都不知在上課地點附近，尾二一堂終於一試。蝦籽撈($18)－－真的頗細碟，蝦籽比劉森記少，味淡。魚湯黑胡椒味重，但喝後沒有口渴，應該沒有味精吧。餐牌上的選擇不多，但原來可以自由選拼材料，早知就試蝦籽大地魚撈麵啦。整體感覺不算突出，但由落單到食完不過二十分鐘，是快捷方便之選吧。

一路在灣仔返學，lunch係咁搵好野食，黎到呢間出名既楊記試試撈麵~裝潢不錯，幾特別，人也不算太多，和女朋友坐卡位=]叫了一個蝦子撈麵和牛肉撈麵，食物黎到我地都有Ｄ嚇親，碟野好似細左少少喎..不要緊...嘗過麵後認為只是一般而已，也許是我不太好撈麵吧，但勝在價錢合理~

門面都幾ok,不過唔係咁多客!長橫檯就唔感興趣,揀左個卡位,一客蝦子牛肉撈麵,一個油菜,一罐Zero,撈麵好乾身,彈牙無鹼水味,份量略嫌少,不過有加「香油」,蝦子就出奇地多,味道唔錯!只收$22大元,亦不能太荷求!只係個湯就差到離奇,咸到以為海鹽大特賣,整體亦然係食得過!

凸登去揾佢, 過然無令我失望!蝦子撈麵唔係好大, 賣$18, 吃得好滋味... 一定會再番去!!!地方企企理理,似乎撈麵係佢強項,招排有大地魚(即係魚鬆)同蝦子撈麵叫咗蝦子撈麵,蝦子加埋薑蔥, 比起淨係蝦子, 味道又多啲曾次, 加埋豬油撈一撈, 香到吖!個蝦子大地魚湯好香,甜,濃, 一啲都無欺場 good!!!

我不嬲都唔"好"撈麵，通常幼麵太重"簡"水味同埋太乾身係灣仔返工，今日諗唔到去邊到食，突然諗起開張無耐既楊記，裝修唔錯，價錢唔貴但唔多人食同男友坐低，我就叫左餐牌推介既"大地魚鬆撈麵"加牛肉，男友叫左餐牌推介既"蝦子黑柏業撈麵"一上台已經聞到好香，大地魚鬆好有魚味有香口，牛肉就普通，麵既質感好好～服務稍差，一入到去已經覺得冷氣好涷，坐低發現我個位係風口位，問個waiter可唔可以"較"細小小，佢話一陣會多人，唔肯"較"！我想講，大部份幫櫬既都係OL，如果我都覺得涷，好多其他客都會覺得涷囉，分明趕客。＄22一碗實在抵～一定有下次