楊記麵家 (已結業)

呢份工雖然睇落唔係好重，但係用咗唔少腦汁同埋精力，所以到咗假日我都會去灣仔一處相熟嘅地方做推拿。呢一日做完推拿之後，我同阿K响地鐵站附近會合，再睇吓附近有啲乜嘢可以醫肚。我地行經呢間麵舖，見裝修得幾光鮮，於是入去裡面試一試。我留意到隔離檯都有嗌蝦子撈麵，於是我都叫咗一客，仲加埋牛肉，睇吓會唔會有元朗「好到底」嘅水準。蝦子嘅質素上乘，味道不濃但好似細水長流，配上彈牙嘅麵條，令人留下深刻印象；牛肉味道亦不錯，唔會話隱隱然有一股淡淡嘅苦味(這是落梳打粉過多嘅後遺症)。阿K食咗一碗墨魚丸粗麵，墨魚丸本身質地夠實淨，唔會話撈得太多粉而變得組織鬆散。價錢一點兒都唔貴，平均每人都係食咗十八蚊。路經此地，不妨試一試。

早前睇左雜誌介紹呢間沾仔記second line, 得知係公司附近, 所以今日趁放工同媽咪0黎試下~環境簡潔整齊, 卡坐都予人坐得舒適, 而食物放面選擇不多~ 最後試左推介0既蝦子牛肉麵, 再叫豆漿同埋通菜蝦子牛肉麵~ 好多蝦子, 亦充滿咸香味, 牛肉都ok, 而麵亦無我最唔鍾意0既鹼水味, 附送0既大地魚湯味道淡而清~ 整体唔錯豆漿同通菜不提也吧~ 反正不是主角, 嘻

見好多報章雜誌都介紹, 於是就同朋友去試下. 我o地叫左炸大地魚香撈麵, 蝦子牛肉撈麵, 通菜同五花茶. 大地魚無我想像中咁好食, 只係幾甘香o既一o的炸物咁. 麵無咩鹼水味, 但唔知點解好似比較少; 湯味道幾清, 而且有淡淡o既甜味, 兩樣都幾好. 通菜就好正常水準! 裝修好而感覺幾寬敞, 坐得好舒服!