楊記麵家 (已結業)

與同事一起來楊記蝦子撈麵配上湯, 麵好味, 但份量少, 蝦子香, 上湯ok墨丸及牛丸河冇口感, 湯底配河粉好味 銀菊露, 冰凍涼快, 夏天飲好消暑

蝦子撈麵配上湯：份量不太多，鹼水味不重，整个麵唔錯，因我不爱吃鹼水麵。墨丸河沒甚麼墨魚味，唔爽，有D “Lum”， 个河有口感！牛丸魚蛋河都係好普通貨色。下次只叫蝦子撈麵便可以了。笑面是比蝦子撈麵的~

知道公司附近這家麵店有不少朋友讚賞, 就趁是日中午來食碗麵試試.人客不少, 不過小弟一個人, 也馬上找到個係門口的位置. 正在講電話, 想不了太多, 不加思索地揀了個蝦子牛肉撈麵, 再加杯銀菊露.蝦子牛肉撈麵 $24: 8分, 係蝦子撈同埋大地魚香撈中間先揀了蝦子撈, 下次有機會先再要大地魚香撈. 牛肉是化學的. 蝦子好靚, 份量也相當之多, 愛吃蝦子的應該也夠皮. 麵條就一般, 不太彈牙的, 無乜口感, 但係鹼水味不重的. 之於個湯, 真係好得, 大地魚加上羅漢果, 喝口湯係相當之鮮甜. 推介的係蝦子撈麵, 但要走牛肉.銀菊露 $6: 8分, 要了杯銀菊露, 天氣熱飲下, 對喉嚨幾好.不算貴的, 加上環境以麵店來講係幾舒適的, 係值得推介的.

5月16日，21:10雖然在口岸吃了碗桂林米粉，但仍要到這店添食。要了少見的土魷撈麵。麵底：滲出點點的動物油香味，還有點到即止的醬油鹹香，麵帶有淡淡的鹼水味，但勝在夠爽口、彈牙。土魷：有咬口和甘甜，不會被化學品處理至軟而無味。清湯：仍帶甘甜，水準仍能保持。晚市末人不多，吃得舒暢。

下午五時四十五分，這個時間實在為難了主人與奴隸獸，飲下午茶可能遲了一些，但食晚飯又嫌太早，如何是好呢？當途經此麵家時，問題就迎刃而解。我們點了：1. 鮮滑牛肉撈麵（HK$19）：牛肉肉質之嫩滑及份量，與『沾仔記』相比，略輸一籌。麵有些微鹼水味，但尚算爽滑彈牙。令奴隸獸最印象深刻的，是隨麵奉上的湯，飲第一口，就覺得異常地甘甜，原來食店用了羅漢果及大地魚來煲湯，怪不得如此好味。2. 蝦籽柏業撈麵（HK$24）：黑牛柏葉絲，口感煙韌有咬口，卻淡然無味。幸好有蝦籽及辣椒油配搭，整體味道尚算 OK3. Coke Zero（HK$4.0）品嚐過後，我們都覺得此店的出品，仍然是物有所值。

因為順路，不時都來會會這裏的撈麵。今晚叫了蝦籽牛肉土魷撈，湯一口喝下有濃濃魚味，接着再有陣陣甘甜，聽說是羅漢果，很是特別；麵只一點點爽口彈牙，但有陣陣豬油香，加上滿碟蝦籽的咸香，一口吃下，再呷一口湯，非常唔錯；至於餸就唔多掂，吃過噤多款，全部無味！牛肉算唔un，栢葉、土魷算爽口，鵝腸直頭咬唔開，叫餸全因這裏的辣椒油，它有特別香味（好似係豆豉），每次都係叫餸送辣椒油，仲要食幾匙羹先夠。仲有，這裏湯麵的湯是淡很多的。笑面是給淨蝦籽撈的。

吃海南雞吃不飽, 辦完事就過來吃個下午茶.兩點半打後時間加飲品只需多付四塊.睇下餐牌, 原來和沾仔記同老闆, anyways 就要個蝦籽撈麵.蝦籽撈麵麵細細, 上面的蔥幾青綠, 不過切得長短不一.蝦籽很香, 頗滿意, 而且下得不客氣, 麵幾爽, 不過如多點豬油香會更好.上湯是濃濃, 有濃的大地魚. 羅漢果的味道也隱約地飲到, 落師傅是有點重手, 返到屋企到飲水.杯豆漿也不錯, 幾香豆味, 總括平平, 值得一試.

4月4日, 公眾假期..同朋友駕車出街找新東西吃..可是..到遮打道..忙了是行人專用區..駕車剛剛到那處....即被police截停...$4xx 沒有了但是我們是違規...算了到達楊記前..大家也沒有太多說話..不開心是正常的叫了蝦子撈...墨丸河..大地魚湯先到...鮮甜..不油膩..蝦子撈...好香..相信有點豬油...但我同朋友均覺得好好吃...noodle 好爽...沒"簡" 水味道...吃得好開心..開心到同朋友講笑...$4xx 當吃魚翅..好味道!!!服務好像ok

是日來這裡吃麵, 叫了蝦子牛柏葉撈麵和大地魚撈麵.碗麵有好多蝦子, 但略YIM 牛柏葉冇乜味....大地魚就好似魚鬆麵咁~ 脆脆的~ 好好味係味食麵前飲了一口湯, 覺得好咸, 但奇怪地發現食過麵後再食就好甜~18蚊一碗, 好抵食~應該會再來幫襯

3月1日, 某日經過, 見到呢間舖頭裝潢雅致, 好似一間摩登中食餐館. 點知入面賣既原來係雲吞麵, 蝦子撈麵, 仲要原來係沾仔記既new line, 裝修靚左但係價錢依然抵食, 所以入去一試!::: 墨丸米::: $14開頭見到成碗野唔算大碗白雪雪, 好似無乜味甘. 但係有成5粒墨丸, 食落爽口彈牙, 仲有d好細細粒既墨魚肉, 有咬口又有墨魚味. 米粉幼身但係幾硬淨唔會好碎. 整體都好唔錯~::: 蝦子牛肉撈麵::: $24主角來了~ 真係覺得呢個撈麵賣相一流!! 雖然麵的份量唔算多, 但係全都滲滿粒粒分明既蝦子. 麵都幾乾身, 鹼水味唔重. 牛肉好嫩好淋好新鮮~ 最好味係個湯. 真係好回味甘甜, 齒頰留香~ 原來用左d藥材去煲, 仲加左羅漢果~ 超有心機, 超讚~!! 楊記裝修靚, 價錢平, 食物用料正, 總括黎講係值得食完再食的港式麵舖!

一早聽過食友推介，但每次總陰差陽錯，緣慳一面。是日下午茶時間，獨個兒經過，吃個撈麵就正好。這裡也有大地魚鬆撈麵，不過坊間的總帶點苦，不冒險了，就要了蝦籽撈麵，照舊「扣底」、「多青」。先來上湯，非如一般的金黃清澈，反而是不見底的濃郁，明顯是下了骨頭去熬。喝一口，有大地魚及豬骨的香味，而且還有隱約的羅漢果的清甜~~果然與沾仔記是一脈相承，那裡的清湯，也下羅漢果的。這個上湯，不馬虎，要嚐真；撈麵雖然只賣18蚊，但蝦籽下了不少，加了蔥花，扣了底，很有看頭。吃一口，麵身爽，蝦籽很鮮香，有水準，夾著爽脆的蔥花，如果可以加多一點醬油及豬油，會更香。但總括而言，滿意的了，喜歡吃蝦籽撈麵的，也要試試這裡。價錢比一般的店子便宜一點，食物水準沒有差幾多，可以一試的。

由於某燒蠟店在復活節休息4天，無可奈何要在附近找吃的！卒之來到了楊記門口，又說甚麼沾仔記創辦人的兒子主理，蔡先生常去的150間餐廳之一(這個對我影響是零)等等，便入內試個究竟了。裝修令人感到舒服，座位間也不太逼，給人較高級的感覺，幾摩登。點了墨魚丸河及黑柏葉蝦籽撈麵。墨魚丸河先到，湯清清的，不錯，但墨魚丸不太爽口，也出奇的沒甚麼墨魚味，不對味。對黑柏葉蝦籽撈麵抱有少許期望，因為自從在劉森記吃過蝦籽撈麵便喜歡上了。可是，這兒的不是太好。首先，麵未乾，底下是有水的；而麵條還算爽，不過吃落有少少鹼水味。跟撈麵的湯則很甜及濃，是有心機之作。而黑柏葉爽口及有調過味，感受到此店的細心，但始終未稱得上是很出色的蝦籽撈麵。店員的服務一般，感覺不太上心，即不太認真。不過特登來Encore了，始終吃過更好的。但售價相宜始終是賣點之一。

某日，友人建議lunch黎楊記食。我沒有詳讀大家的comments，因為看到「蝦子撈麵」已經覺得好吸引。地方就腳，裝修幾靚，尚算闊落點了蝦籽黑牛柏葉撈麵($24)，友人點了蝦籽鵝腸撈麵($24)。黑牛柏葉幾爽(鵝腸也不錯)，麵的味道香，配上有點點鹹味的蝦籽，恰到好處。湯更香，看得出是用心煮的，而非街頭的味精湯。光吃蝦籽及麵的口感是爽中帶點鹹香，而以湯伴麵卻是清甜的。友人嫌份量不夠，多點了魚香撈麵。魚香很濃，但友人認為還是蝦籽比較特別。加6元有飲品，8元有油菜，照顧周到。一點左右門外排長龍，要吃好麵的話請早呢~

我係因為蝦子撈麵而去...... 我有印象, 細個係有食過架, 但係邊度, 同埋同邊個食,就好以冇咩印象咁...... 大約上個月, 我上o左Openrice網, 好隨意咁, 打o左:- 蝦子撈麵- 四個字 咁就比我攞到"楊記"喇! 今日, 我就去o左試喇. 首先, $19一碟蝦子撈麵, 的確唔平, 不過就真係OK好食. 好似D人話, 有碗好似老火湯既物體, 聞到個味真係非常正, 咁我就將少少湯放入撈麵度, 幾好味, 唯一問題係我覺得唔係好夠鹹......(但其實我真係唔知係咪咁樣食......)...... 佢加$4就有一個飲品, 咁我就加o左個豆漿, 都OK喎. 真係可以試下架!

蝦子撈麵: 麵好爽, 蝦子好香而且勁多, 那碗很似老火湯的湯, 好飲。很不錯, $19 勁抵食淨三寶:有牛丸,墨魚丸,魚蛋(唔係咁好食)