楚撚記大排檔

营业中

休息中

哩個名聽咗好耐，終於都book位去食喇🤭大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬👑楚撚豬油撈飯 $25好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈✨七味黃金炸一口金磚豆腐 $78一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻✨古法涼瓜炆魚雲煲 $138涼瓜炆得好入味而且唔苦，份量都唔少，可惜魚雲有啲啲乾，美中不足。✨香煎黑松露手打蓮藕墨魚餅 $118一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤✨蜜椒薯仔牛柳粒 $118牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆✨家鄉炒銀針粉 $86係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣

朋友想約去大排檔食鑊氣小炒兼啤啤佢，雖然我都想，但天氣實在太熱，大排檔真係頂唔順，所以我反建議佢去楚撚記，一樣有大排檔鑊氣，仲有冷氣，超正！同朋友去咗荃灣分店，分店裝修得好靚，好有80,90年代的香港懷舊風味，經典又好適合打卡，朋友都大讚好有特色。平日都坐無席，好彩有預先訂位，果然大家都好識食👍🏻🌟楚撚記脆皮燒BB鴿好耐無食乳鴿，見到立即下單！BB鴿好大隻，但依然皮脆肉嫩，金黃香脆，而且食時還肉汁滿滿，鮮嫩多汁，　啖啖肉食完超滿足🌟香煎黑松露手打蓮藕墨魚餅一上枱就滿滿的黑松露香味，正，而且份量充足，每一塊都煎得金黃色，墨魚餅彈牙有口感，啖啖的墨魚鮮味，食時仲有蓮藕粒，口感滿分🌟香爆黑椒牛仔骨煲黑椒與牛仔骨係絕配，牛仔骨啖啖肉，配上惹味黑椒，味道香濃，仲要以煲仔上枱，夠晒鑊氣又保溫，連D配菜都非常美味，配飯一流！🌟楚撚豬油撈飯黎到楚撚記當然一定要點出名的豬油撈飯啦，2碗蒸飯立即送到，再另上豬油、豉油及香蔥芫茜，非常窩心的安排，各人可安自己的喜好調配，正！豬油香，再配上特配豉油，配著熱辣辣的飯，香軟好味，豬油香氣充斥口腔，味道非常🍻啤酒(大支)黎到當然要啤一啤一佢，叫咗支啤酒，夠凍，仲用埋

約朋友食晚飯諗住試人氣大排檔小炒，諗住盡情食同飲……但發現全枱最正嘅係條女…藍妹🍻🤣🤣網上人人話好味，但我地應該去錯地方，味道如店名🤣呢個價錢求其去個大排檔炒都好過佢，限時90分鐘食到最後30分鐘已經忙執枱。金沙椒鹽粟米～無椒鹽味完全唔香口，得蛋黃味，淋嘅😔白灼鵝腸～急凍鵝腸都唔緊要，但爽都唔爽一d都唔香😑，唔明個豉油汁點解咁甜豉椒炒蜆～汁還汁蜆還蜆，好明顯係烚熟先炒埋個汁，完全無鑊氣。啫啫芥蘭～都可以把鬼嘅，一鍋水，點叫啫啫呀！芥蘭淋嘅，唔爽脆（又係烚左先？🤨）椒鹽鮮魷～算最正常味道豉汁蒸鱔～雖然唔夠肥美但味道算正常風沙霸王雞～收158半隻，預左係雪藏雞無雞味所以無期望，普通嘅一味雞，但唔明鋪面嘅炸蒜又唔香口又唔夾味。剁椒魚頭～味道算正常偏咸，但又係一鍋水……🤨豬油撈飯～$26碗，飯一d都唔香。送嘅糖水飲左一啖就……廢時浪費自己quota。🤪總括……笨過一次就夠

好鬼好食既楚撚記！每款撚手小菜都保持到佢應有既水準 湯同茶都超級好飲 已經食左幾次都唔錯同超級好味 不過晚市可能要訂檯 平時都係十點幾後去就有位 要推薦啲小菜係配豬油撈飯 豬油同鼓油比例自己可以調製 記得裝左自己碗先再慢慢試個比例 如果唔係就無得用白飯溝淡佢

宵夜首選，楚撚記食過好多次覺得初初食嘅味道係最好食即係可以講色香味俱全之前食完仲會有番薯糖水或者清補涼送非常之貼心！！依家好似越嚟越鹹，同埋份量好似少咗，雖然都係好香。另外宵夜時段9:30之後仲有八八折👍🏻講返餸菜先-十分推薦拉絲咕嚕肉，每次必叫呢個菜式醬汁調配得啱啱好，而且肉係用里脊肉，淡淡都係肉，而且又香口又酸酸甜甜非常開胃-第二推薦避風塘魷魚避風塘超香，魷魚好香脆，個皮唔會太厚！-啫啫雞煲雞有雞味🤣但係呢個真係有啲鹹，豬潤喺入面啱啱好唔會太老，好鍾意豬膶嗰個口感，我自己覺得豬膶仲好食過雞😂😂-小炒王呢個份量真係比以前少咗，但係都係好惹味好有鑊氣，不過蝦乾真係好鹹，一定要送飯-啫啫生菜煲都係正常惹味-金菇肥牛呢個真係超級鹹🥲不過牛肉份量好多

老公嘅男友人NT約請老公喺21-11-2024 (Thur)食生日飯，我問佢有冇idea食邊間？佢搵搵，佢搵到江湖小棧，我就記得想試好耐嘅呢間，佢最後都揀呢間，佢打電話嚟話冇得book位，要wall in。咁我放工嚟攞定位先啦，嚟到時都係話冇得book，不過可以留電話，到有位時call我，ok啊。不過我都問，係咪要人齊至入得？佢答唔係，不過用餐時間係1.5個鐘，一入座就開始計。啊，咁我等埋佢哋嚟到先啦。喺等嘅時候，都唔少客嚟到，我就問職員，我係第嘅第組客？佢就答我7點鬆啲會有枱。咁我繼續等，等到人齊，我就入去攞位，職員話等一陣，叫我哋上樓梯坐住先，有位會嗌我。咁等咗一陣就有位，我哋上到去坐低睇完menu，就要：3. $25.00嘅楚撚豬油撈飯（碗）都好細碗，豬油，豉油，蔥花同芫荽碎都分開上，要趁豬油仍係液體狀態時淋落白飯喥，淋完同加蔥花芫荽碎食得。呢個幾好味，唔太膩，不過都係少食多滋味。4.5分5. $92.00嘅飛天通菜煲NT好想食，所以點呢個，呢個用蝦醬炒，有少少辣。4分2. $76.00嘅黃金椒鹽粟米咁有創意嘅菜色點可以唔叫？嚟到都拿拿淋食，金沙蛋黃包住甜美多汁粟米，係有突破，不

與三五知己想不到在哪裏吃晚飯好的時候，有人提議可以到這一間大排檔嘗一嘗，會有一種非常難以忘懷及經典的味道，所以就應朋友的要求嘗試了這一間大排檔檔，果然令我們覺得不枉此行。最推介的，就是椒鹽鮮魷，我最喜歡就是酥炸香脆的食物，而椒鹽鮮魷是每一家大排檔必有的菜式，我對他的椒鹽鮮魷評價非常高，鮮魷的味道很濃郁外皮很酥脆吃下去的時候很好送酒，是一道非常完美的下酒菜。另外一個推薦的餸就是咕嚕肉，酸酸鹹鹹的感覺，也是非常好送飯。

同鄰居打緊羽毛球，突然有人話想食呢間小菜館。不過話好難book就想放棄。好耐之前已經上市呢一間，咁就打電話去碰碰運氣。點知又俾我book到即晚嘅8:30。打完波就滿心歡喜出去食飯。因為得三個人唔叫得多，今次就是住少少先。黃金粟米，味道係冇得輸嘅，不過就略嫌佢唔夠乾身。菠蘿豬大腸，呢度處理得幾好個外皮炸得好脆裏便又唔會太韌。最重要嘅佢唔似得出邊啲小炒店，炸到好似柴咁跟住又俾啲腸尾完全冇肉食。另外鄰居點咗個豬油撈飯，但係佢餐牌有個經典嘅。我就口痕問吓有咩分別原來經典嘅話係自己即場撈。咁梗係自已撈過癮啦。即撈即食先至夠香，最終都冇令我失望，真係好好食。另外叫咗個牛仔骨煲，一試佢個黑椒汁，即刻想嗌碗白飯嚟撈汁。不過控制咗自己，因為打完波都係唔好食咁多碳水化合物，點知佢下邊用粉絲墊底索曬啲黑椒汁，真係好食到癲咗。跟住鄰居唔夠喉，後尾加多咗個黑松露墨魚餅，係幾香嘅同埋有誠意，裏面真係見到有墨魚粒，不過就細咗少少。整體嚟講呢餐超滿足。事次為自費用膳。

尋日諗住同埋班friend去楚撚記食飯，點知要等成一個鐘。咁我哋就轉做賣外賣返屋企食。我哋買咗脆皮豬手，椒鹽魷魚，椒鹽粟米，飛天通菜，豉椒排骨陳村粉，蜜楓薯仔牛柳粒，咕嚕肉。外賣拎到返屋企，雖然冇堂食咁熱辣辣，但係味道依舊做到一慣嘅水準。尤其是係佢個陳村粉，因為香港唔係道道有賣陳村粉，所以每次我見到餐廳又陳村粉都會嗌。你個排骨陳村粉啲排骨好淋，而整體上又唔會做得死鹹，我覺得我一個人都可以食得曬。另外佢個薯仔牛柳粒，有做到鹹甜鹹甜嘅味道，食落好開胃。平時我都會同班friend去食大排檔但係通常大排檔衛生環境一般， 而坐撚記呢間室內大排檔就十分之啱我。可惜唔係堂食我冇嗌到佢嘅招牌豬油撈飯。我哋將所有嘢都清曬碟，大家都覺得好好味。

香港地出名大排檔櫈腳，整返幾道鑊氣小炒，再同志同道合一齊整返杯啤爽一爽，咁先係香港特色嚟嘛！但天氣咁熱，又想食撚手小菜又想涼吓冷氣，嚟楚撚記大排檔食飯傾偈就最合適啦楚撚原隻脆皮炸豬手呢味菜份量十足，豬皮炸得香脆唔會硬，豬手肉質唔會太乾身，保留到肉汁喺入面，一路食一路飲好快無晒，一流！楚撚記脆皮燒BB鴿呢隻BB鴿好趣致，用個竹籃裝起佢，BB鴿肉嫩皮脆，非常香口，食每一啖都留晒肉汁出嚟，超正！鑊氣豉椒炒蜆食蜆最忌就係食到成口沙，唔係炒到點好食都無用，呢度嘅蜆好乾淨，隻隻都開晒口，經豉椒炒十分惹味，隊啤絕佳！避風塘鮮魷又係一碟夠晒鑊氣嘅小菜，避風塘嘅蒜香炒出嚟非常香口惹味，魷魚有咬口，沾上炸粉油炸又唔會好滯，推薦！👍🏻

今日同朋友一行四人山長水遠來荃灣試新潮大排檔，好耐都無食過大排檔，因為價錢實在有D貴🙃先睇睇個餐牌，款式都唔少招牌野都唔少，最後我地試左個「陳伯痛風餐」再散叫左個黃金椒粟米同墨魚餅，埋單$900有找😋價錢來講真係算得上抵食，碟頭夠大，絕對好過好多街市既大排檔多多聲！加上地方都乾淨，唯一搞唔掂就係個冷氣🙃真係熱到呢🙃豬肺湯相當醒神，真材實料，鍾意飲湯記得試！出名既豬油撈飯同炒蜆，豬油飯算唔錯，係細碗左少少🤏因為叫套餐係要額外加$8碗先食到🙃炒蜆偏甜，但還算新鮮，無沙黃金粟米還可以，但我自己口味上就鍾意乾身D既，所以略顯濕D其中椒鹽鮮魷就係相當不錯，散叫都可以試，份量同味道都唔錯👍

食物、環境、服務 邊一樣都唔得都唔會有下次；食物質素:原隻脆皮炸豬手 ($166)皮硬..肉質尚可接受, 但唔知係咪師傅心情唔好, 定係翻煮過, D豬手些少削；小炒王 好L鹹又無鑊氣($108)材料很豐富，有蝦、魷魚、白飯魚、腰果、韭菜等，但鹹到唔敢再食；飛天通菜煲 ($92) 味道正常；每期的糖水都不同:每次都有兩款選擇~~這次就是清補涼、蓮子西米露、贈送的糖水少吃最好。員工安排:唔掂(點會放個垃圾桶響卡位果度） 餐桌服務：正常(無唔肚痛)環境:多過四人食飯就令到環境變窄、座位邊貼邊背對背；樓上舖:老野無腳骨力唔好行上去(可搭電梯)停車場有電梯上1.2.3/F由電梯上2/F, 後欄入餐廳, 需閉氣進入, 電梯內的老鼠尿味重（臭）, 出電梯後左轉經過好L熱的空間, 見到餐廳男女洗手間後, 右轉入餐廳, 環境懷舊感高。

人均消費：$100-200推薦指數：⭐️⭐️⭐️⭐️話說今日約咗朋友出嚟食飯 平時成日都有食大排檔 就係未食過楚撚記 於是今日就走去試一試佢😋 1）避風塘鮮魷🦑 $112 鮮魷外面脆漿夠薄，唔會好厚粉。食得出係新鮮既，冇話好韌要咬好耐。避風塘香口，啲蒜粒🧄可以直接撈飯食，好滿足！ 2）蜜椒薯仔牛柳粒🥔🥩 $118 牛肉同薯仔切得好細粒，冇乜口感，但炒得都算有穫氣。味道亦都好夠，好香口。純粹細粒左少少，都算幾好食 3）鑊氣豉椒炒蜆🐚 $105 蜆肉吐哂沙好乾淨，冇食到我地成口沙，而且隻隻都開哂口，感覺好新鮮，有鮮甜味☺️。豉椒唔會好淡，都算惹味，一啖一隻停唔到口 4）菠蘿拔絲咕嚕肉🍍 $119 講明用既係梅頭肉，唔會好韌好多肥膏，外面層炸粉好薄好脆，冇成層粉咁好難食。個餸酸酸甜甜咁幾開胃😙，飯都可以食多碗🍚 整體嚟講，我同朋友都好滿意今餐飯，可能會再嚟。我地三個人最後食左$600零蚊，都唔算太貴💵，值得試一試#foodiehk #foodie #楚撚記大排檔 #楚撚記 #荃灣 #荃灣美食 #荃灣友 #香港 #香港美食 #boyyfoodie

性價比極高嘅大排檔，已經encore咗好多次（全自費！）！環境、食物、員工服務都👍🏼👍🏼原隻脆皮炸豬手 （$166）皮脆、肉質🍖唔會靭，配埋啲芥末/甜酸醬好食！黃金椒鹽粟米 （$76）鹹蛋配埋啲粟米🌽，鹹同甜剛剛好中和，食落好香口！必叫！西檸煎軟雞 （$108）個醬酸酸甜甜，食落都好開胃，而雞肉好脆嫩！正常發揮～😎小炒王 （$108）材料好豐富，有蝦、魷魚、白飯魚、腰果、韭菜等，炒得香，不過就冇乜鑊氣～飛天通菜煲 （$92） 味道正常發揮～紅豆沙 （Free) 食完飯會贈送糖水，每期嘅糖水都唔同，每次都有兩款揀～～今次就係紅豆沙同綠豆沙🥰環境乾淨企理，有別於一般嘅大排檔～而員工服務態度都好好，因為餐廳嘅位置只有樓梯上去，而員工見到有老人家都介紹咗個秘道去搭𨋢🫶🏼

📍楚撚記大排檔 (荃灣)荃灣川龍街118號百悅坊地舖至1樓晚上時間九點…越夜越熱鬧 座無虛席用餐時間90分鐘 必須提早book位 ✨白灼鵝腸 鵝腸鮮味 有口感 值得一試✨黃金炸魚皮 鹹香酥脆 略嫌整體不夠乾身✨飛天通菜 份量略嫌有點少✨脆皮BB鴿 乳鴿外皮薄香脆 肉嫰多汁 嫩滑又juicy✨菠蘿拔絲咕嚕肉外脆內軟 肉粒嫩滑多汁 ✨鑊氣豉椒炒蜆 夠晒鑊氣 非常有食慾整體用餐體驗✨味道(3/5)✨環境(3/5)✨服務(3/5)
✨抵食(3/5)