極の丼戶 (已結業)

去到旺角，咁啱落雨，所以入左新世紀food court揾野食。黎到呢間小店，見到有牛肉飯就叫黎試下。啲飯係用日本珍珠米，都唔錯，可惜拎到黎食個陣唔夠熱。啲牛肉就真係麻麻，又老又鞋，應該無下次。😰

好耐無食過壽喜燒啦，呢間係可以便宜回味壽司燒美國牛肉壽喜燒定食飯好大碗珍珠米，不過米味唔係好勁同好黏中華沙律正常壽喜燒汁，有點鹹，難怪佢d 飯咁多，配飯就可以接受牛肉超多，但無咩牛味，屬於半肥瘦個壽司燒包左勁多蔬菜整體質素正常，唔係超好味又唔係難食到食唔落呢個份量同質素，對得起佢個價錢

去到moko foodcourt唔知食咩好，咁啱見到依間日本嘢～ search返ig先知佢係良心店，本身想食魚生飯但佢已經冇再出☹️ 不過就揀咗佢個壽喜燒餐，壽喜燒嘅湯底好濃郁，但唔會覺得重味精，而且牛肉數量都好多，加埋碗飯同中華沙律真係好飽，可以喺60蚊內食到咁足料嘅壽喜燒真係好抵！

去到moko新世紀覺得無咩價錢親民嘅嘢食，而且好多都係連鎖店，無乜選擇，於是朋友介紹我去food court試呢間小店。呢間小店主打丼飯，款式唔算好多，但係都揀到下嘅。因為無乜胃口，所以揀咗唯一嘅素食，就係野菜天婦羅飯。希望將來會有多一兩款素食就好啦。天婦羅炸得夠香脆，有唔同蔬菜，食落唔會太寡淡，有唔同口感。餸同飯嘅份量都幾多，跟餐配多一碗味噌湯，女仔一定夠飽。整體來說，水準不過不失。晚餐時段$59，以旺區嚟講算係咁。

之前執咗嘅街坊cafe終於開番喇！！今次佢哋主打天婦羅丼同刺身丼，記得要去試下😚—————————————————🐮天婦羅美國安格斯牛肉極丼 $68連味噌湯、中華沙律個天婦羅牛肉唔錯，真係外脆內嫩㗎，仲要個牛亦都冇炸到overcook！而且牛嘅數量亦都唔少，有8至9塊到~😚同埋個丼入面亦都有其他天婦羅蔬菜，有紅蘿蔔、茄子、青椒。（表示唔鐘意青椒🤧🤧—————————————————🍜澳洲M8和牛壽喜燒定食 $58連中華沙律壽喜燒個湯底超甜，勁好飲😚😚而且佢嘅和牛帶有脆骨，所以食嘅朋友要小心D。同埋略嫌和牛有少少嚡。但係嗰牛味夠重，所以整體嚟講都唔錯🤪同埋入面除咗和牛之外，亦都有好多唔同嘅配菜。 豆腐、 娃娃菜、金針菇、粟米、紅蘿蔔...—————————————————對比以前嘅街坊cafe，嘢食係有進步嘅，所以不妨一試😚😚—————————————————

餐廳係food opera門口直行就見到價錢親民，大部份都係$60內 澳洲和牛壽喜燒定食（$58）定食好抵食，有一大碗飯，海藻，鍋有粟米，金菇，豆腐，冬菇，菜同大概8塊唔同大細嘅牛肉。牛肉太熟太厚好難咬，有少少肥膏。粟米可能比湯吸曬啲味，無咩粟米甜味，得壽喜燒汁味。飯好大碗，飽到食唔曬 三文魚刺身丼（$48）50蚊有找就有豐富刺身丼模型同實物相符，真係啱啱好有7塊三文魚😂飯有啲硬同凍無咩味，有好少酸味。三文魚肥美幾新鮮

今日朋友突然約左我出黎食飯！真係好突然！lol臨急臨忙就決定左食左呢間既！🧐個中華沙律味道正常。個飯我覺得偏硬身，所以我自己就會用壽喜燒汁浸個飯黎食，點知道食落都吾錯既！🙈小白菜、金針菇同紅蘿蔔都係新鮮既菜。而個豆腐一夾就散，食落口都滑既。個肉普普通通，有肉味，吾會話太有驚喜。正常既肉！個壽喜燒汁反而吾錯，甜中有咸，吾會得個死甜既甜味，亦吾會甜到喉嚨痛！🙈同埋店員出餐果陣都有提醒我，話個壽喜燒煲非常重，要我小心D，非常之貼心！價錢我覺得有少少貴！但以商場入面既店舖黎講還可以啦！可以一試！

本來係見到有ig介紹睇落好吸引就買左外賣食超抵$48有三文魚飯 有麵豉湯 仲有中華沙律 同壽司豉油三文魚有用火燒過好食都幾多舊夠送成盒飯啲飯有調味 應該落左啲味素 份量好足夠真心覺得超高質賣相又靚有用心擺盤如果堂食仲正下次都會想食ps 盒飯本來有放wasabi同薑 比我夾走左 本身個樣仲靚啲 啲洋蔥係fd夾比我

極の丼戶 (旺角)-🔍 澳洲M8和牛丼 $58估唔到係新世紀food court 入面都有黃店💛 雖然聽個名好似好威咁🤣 簡單啲來講就係一個牛肉飯🤣 食落去就正常發揮，一句講晒就係黃店嘅吉野家🤣-📍極の丼戶 (旺角)旺角太子道西193號MOKO新世紀廣場3樓食代館13號舖

雖然我已經在「旺角東站」港鐵大堂裡面，購買了裡面一份有很多牛腩，還有不少蔬菜配料的甜辣味道「咖喱牛腩飯」，但是我還需要食雞肉，所以跑去商場三樓樓上的美食廣場看看。我在三樓美食廣場裡面，看到有其中有一間名稱，叫做「極の丼戶」的食檔攤位。後來我翻查資料之後，才發現原來所謂的「極の丼戶」，其實即是已結業「通菜街」食店「街坊Cafe」，在美食廣場裡面開的新食店。我還在使用上手手提電話，跟上手「開飯喇」戶口的時候，也曾經跟細佬在「通菜街」光顧過一次「街坊Cafe」，「街坊Cafe」主打價錢比較便宜的西餐，包括有意大利麵和鐵板牛扒在內，還有提供新穎的西式甜品。可惜「街坊Cafe」現在已經關門結業，及後「街坊Cafe」轉戰美食廣場，甜品早已經消失無蹤，熟食食品菜式亦由原本的港式西餐食品，轉變變成了日式丼飯、小食和天婦羅飯卷。由於「極の丼戶」在香港疫情期間，實際上停止售賣提供堂食的時間，比一般食店的「下午六時正」休息更提早一小時，在下午五時正已經提早停售堂食食品。所以冥冥中已經注定我，沒有可能在「極の丼戶」裡面享用我的晚餐，加上我已經在「旺角東」港鐵站的大堂裡面，購買了一份「咖喱牛腩飯」，沒有必要再在