極上帝王水產

营业中

休息中

放工後一個人來一頓豐富晚餐，店員好貼心咁帶位並介紹入場即送鱈場松葉海鮮鍋或日式和牛壽喜燒鍋，這裡用手機落單，每個檯面都會有一個六格的醬油碟，一個桶, 紙巾和濕紙巾，第一次的刺身由廚師拍板，有牡丹蝦、三文魚腩、北寄貝、泰式生蝦、蛋甜、大蝦、蟹棒、帶子、蚌、八爪魚, 全都好新鮮又肥美。再來香脆可口的海老天婦羅、松葉蟹棒天婦羅、炸蠔、芝麻雞翼，特別是燒菠蘿，上面舖上一層薄脆焦糖更能特顯菠蘿香味，鹽燒活海蝦也很惹味，香滑的胡麻冷豆腐有櫻花蝦點綴，帝王三文魚子杯很精緻，海膽手卷有鮮甜濃郁的鮮味，牛油果軟殼蟹卷口感豐富，日本蟹粥綿滑又鮮甜。最後來一杯香濃幼滑的Movenpick雲呢拿雪糕，絶對是舌尖上的滿足。#極上帝王水產 #兆萬放題 #旺角美食 #香港放題 

極上帝王水產🐡位於旺角兆萬，黎開旺角都知依棟樓充滿食肆，仲充滿放題，要脱頴而出係靠咩呢！今日試試🧐入場環境都幾和風，唔錯，任食飲品選擇多夠特色，連日本啤酒都有🤞🏻🌟刺身時間🌟個擺盤靚到呢，嚇親，飄住煙食，三文魚肥美，油脂好夠好好味，赤貝幾爽幾甜，北海道帶子好新鮮，好正👍🏻蝦最吸引，必食三蝦🦐甜蝦又鮮又好味，泰式生蝦又有另一個風味，加埋珍寶赤蝦🤤蝦味好濃，好好味既刺身🙌🏻🥘煮物上場🥘點估到有黑松露炒蛋😎而又點估到會咁好食🫣上枱超香黑松露，睇得出既滑🫠口感正到，味又濃，勁正🤞🏻香蒜片和牛粒，牛粒幾大粒，牛味濃既，鐵板鮮蝦滑，又⼀驚喜😍非常好味，焦香加埋好濃既蝦味，⼀定要食💟🇯🇵和食之選🇯🇵鹽燒牛舌，超厚身爆肉汁，好濃味😗孜然鹽燒雞脾菇好大舊，又爆汁，燒得幾好，七味三文魚骨腩，好多肉，七味粉幾夾到，吉列炸廣島蠔+熔岩芝士蝦球，正常發揮，味道唔錯😌芝士和牛手打漢堡扒，肉質驚人地好，溶左既芝心，正🥳學日本人最後食個雜炊但食唔落飯，就留個鱈埸松葉海鮮鍋做結美，豐富海鮮，飲住個雪白湯底食蝦同青口，又好味又舒服😘完整好味既⼀餐，相當高質既放題❣️唔怪得咁多人排隊！

有親友從英國來港旅遊，當然要請佢哋食飯，我就帶咗佢哋去旺角兆萬中心嘅極上帝王水產，餐廳地方不大，但用餐環境和氣氛都唔錯。除咗本身放題，我哋還升級極上生蠔任食套餐，一於食豐富啲。入座有鱈場松葉海鮮鍋或日式和牛壽喜燒鍋送，其後火鍋配料任食。升級可以任食生蠔、磯煮飽魚、海膽軍艦、藍莓鵝肝、燒鰻魚串、有頭大甜蝦刺身、迷你榴連筒、榴連多士、清酒。生蠔即叫即開，side 都唔細，口感creamy。磯煮鮑魚爽口鮮甜。燒鰻魚串，鳗魚混合咸香酱汁，口感彈牙且鮮味濃郁。刺身新鮮肥美：挪威厚切三文魚的味道鮮美而溫和，帶有油脂香氣。希靈魚口感爽脆，魚籽帶出的味道極為鮮甜。北海道帶子肉質彈牙, 豐厚, 味道鮮甜。松葉蟹棒肉質嫩滑，味道鮮甜。有頭大甜蝦好大隻，肉質細綿、味道甜美。馬刀貝、赤貝非常爽脆。火炙左口魚裙邊壽司食落魚油濃郁甘香，入口即溶。沙律蟹籽軍艦口感清脆，帶有一絲甜味。日本芝蔴雞翼、吉列炸廣島蠔，即叫即做，外層香脆，雞翼肉質嫩滑，廣島蠔蠔肉飽滿，味道甘香。鹽燒活海蝦鮮味彈牙。海老天婦羅金色外衣口感酥脆，蝦肉爽口。日本榴連炸彈，外層脆口，榴連餡料香甜美味。鹽燒鯖魚肉質鮮嫩大魚油香。唔好忘記食甜品，除咗任

今次一行兩人黎到位於旺角兆萬中心嘅極上帝王水產試一試佢地嘅放題套餐一坐低首先就可以品嘗一盆新鮮嘅刺身包括三文魚、北寄貝、帆立貝、希靈魚同螺肉。成盆刺身最出色嘅應該係佢地嘅希靈魚🐟雖然希靈魚嘅肉質口感未必人人喜歡，但依次食到嘅希靈魚不但爽口彈牙，而且肉汁鮮嫩。跟住就試試壽喜燒鍋平時食日本野最怕壽喜燒鍋底湯較得太咸蓋過食材鮮味，但依次湯底醬汁咸度剛剛好，令牛肉抑或其他蔬菜食味豐富左之餘又唔會失卻佢本身嘅味道。平時食放題一般好少會叫壽司熱食，但今次放題嘅壽司選擇好多，總有一兩款啱你口味令你忍唔住添食。另外嘅拉麵烏冬煮得爽口彈牙，同一般即食麵式嘅麵食不一樣。今次雖然星期一去食飯，但係都全場滿晒人呢間嘢 性價比 好高店員好有禮 主動問 我地食物到齊未 幫我地跟👍🏻👍🏻👍🏻

星期六晚已經訂好咗7:30，上到去，同店員溝通，說等等好快入座，期間不斷入客，不斷接受新客，等候位置超多人，等候期間，巳再三問了幾次，店員只回覆好快有枱，清潔中，只好信任繼續等，等到8:10分，再詢問多次，竟然店員聲稱再要等多20分鐘，期間不斷有枱比客入，甘樣究竟對訂枱既客人嚟講，有咩意思？等了40分鐘，都未有得入座，仲係不斷要等，離哂譜😠，第一次同朋友去試，就已經不愉快經歷，以後都不幫襯，甘樣做生意，任你幾（好）食，廣告，抖音，IG吹剄天花龍鳳都冇用，👎👎👎不了😠

今日口痕想去食放題 去到兆萬樓下見到呢間個名特別吸引 食物款式又多 抵食到爆 刺身壽司🍣單單係蝦嘅類別都有4款👍🏻壽司上面舊魚仲大過d飯 好滿足 佢嘅黑松露系列都好特別✨日式和牛壽喜燒🥘呢個大家真係要食👍🏻首先落左牛油燒左d牛黎食先 燒落去嗰下真係勁香 然後再落佢地嘅秘制牛湯加埋d菜 簡直無得頂 娃娃菜同金菇索晒佢地嘅精華 真係超正👍🏻仲要好夠牛味🤤最後仲有movenpick雪糕送

最近返工返學很忙，一於食餐好獎勵吓自己。雖然旺角放題選擇很多，但朋友極力推介這間～我們就來試吓😆先點一客刺身船～勁豐富又新鮮！我們自選了厚切三文魚、迷你北寄貝、八爪魚刺身、泰式生蝦刺身、螺片、大赤貝、北海道帶子、去頭甜蝦、希靈魚。特別推薦泰式生蝦刺身，酸酸辣辣勁好食。厚切三文魚都值得食多幾件。用隻龍船裝住幾好睇～我們也點了很多炸物，特別推薦炸牛奶，比起在酒樓吃的更好味。炸蠔、炸天婦羅蝦都抵食。特別點了一客泰式炒通菜，放題很少有炒通菜吃，雖然有點辣，但又炒得同泰國餐廳一樣好味道！我最欣賞這間放題的上菜速度，一張單也沒有漏，而且上菜速度適中。飲品和甜品櫃都超級多選擇，有超過30款，勁正。見到隔籬枱打邊爐，但我們已經吃得太飽飽到打唔到😂

在Instagram上看到有人好評這家餐廳，我們四個人滿懷期待地前去試試。每人支付約330港幣，不包括服務費。然而，我們的期待很快就變成了失望。食物完全沒有味道，感覺就像是為了填飽肚子而吃，而不是為了享受。此外，餐廳的環境也，我們首次抱怨後，整體的服務明顯下滑。最初服務人員確實會來詢問我們的食物是否送達，但當我們表達不滿後，後續的處理卻相當敷衍。最糟糕的是，我們等了整整一個小時的刺身最終還是沒有上桌。即使是熟食和炸物也毫無味道，十分難吃。儘管廚房明顯已經有準備好的菜肴，但服務速度很慢，我們的抱怨最終只換來了寂寞。這次訪問從頭到尾都是一場失望，我肯定不會再來，也不會推薦這個地方給任何人。

在Instagram的廣告中看到一名店員推薦這家餐廳，說這裡的食物很好吃，於是我同成班朋友決定嚟試。每人330蚊左右唔包括加1。餐廳的環境極差，起初他們甚至把我們安排在一個雜物房的地方，聲稱係VIP房。後來我們向店員反映了這一點，店員的態度還算不錯，叫做盡力幫我哋安排了一張四人桌，雖然坐得很擠，但店員的服務態度還是可以的。他們會主動來清理餐桌，也會詢問是否已經送上菜品，但問過之後就沒有後續了。我們點了刺身，等了整整一個小時都沒有上來。熟食和炸物很難吃，黑椒牛柳像是炒出了一堆肥膏泥糊。你比錢我，我都唔會再來這裡吃。這裡食物真係比9食，上菜速度慢，明明看到廚房裡有很多食物，但就是不出菜。非常失望，我不會再來這裡，一點也不推薦。

食物質素欠奉, 咁的價錢收費比這樣的食材,刺身吃下不太新鮮, 爐端燒的蔬菜煲極都吾淋, 壽司的紫菜變林,不是爽脆, 海鮮不新鮮, 未曾吃過那麼差的放題.飲品選擇少, 有點伏

大伏！簡直係貼錢買難受！唔明點解呢間餐廳仲有咁多正評 ？唔明點解仲有人可以喺度搞生日？玩_個壽星公/女？定係我同我啲朋友個味覺有問題？😂首先，入到去，比個場面震撼左，逼到⋯座位太逼，座得好唔舒服 。食物方面係好多選擇呀，但我可以講，呢餐係我人生食過最難食既放題🥴 又貴又難食！炸物同刺身還好（雖然返到屋企都有痾過一次），但壽司同熟食味道同溫度都有待改善⋯完全唔明白點解最普通既牛油粟米同金菇都可以搞成咁⋯貼錢買難受，絕不推介！無下次！🥴🥴

旺角樓上 好方便 既 日底任飲任食😋😋起兆萬中心 9/F全層 既 極上帝王水產意想不到既 多款式、好味🤤只需要$229 就可以7點食到9點 慢慢食Staff有禮貌 熱情款待、賓至如歸感覺一入門口 已經好welcoomeee又借提點 要叫左D 炸物要耐D時間製作一來是 壽喜燒 配料好多 好似 打邊爐🍲Buffet咁好肥牛、牛丸、金菇、娃娃菜、蟹棒⋯熱辣辣 好暖胃 再來又有 刺身拼盤三文魚🍣、希靈魚、 帶子、調左味既泰式生蝦、蟹棒、北寄貝⋯多類型 又係 新鮮 、 好食既燒炸物 方面有鹽燒活海蝦 、避風塘雞軟骨粒、松葉蟹棒天婦羅、巨海老天婦羅🍤、香蒜片和牛粒、汁燒雞肉串、鹽燒牛舌、鐵板鮮蝦滑、黄金蝦多士、南蠻炸雞應有盡有想食下甜野 又有日本炸牛奶又唔只得日式野 仲有D 泰式 如大蝦冬陰功湯 入面有蝦、蠔🦪有D人食番D澱粉先叫 食左飯放心 有齊晒拉麵🍜、烏冬、炒飯！

真係好耐無去食放題啦, 有個姊妹派帖約咗去食，地點搵就腳旺角兆萬，方便大家食完回家。遲咗少少到，她們已經叫定嘢食，用QR code自己落單，方便之餘食物準確送上。刺身真係多選擇，肥美三文魚，爽彈榮螺，鮮甜蝦，大大粒帶子口感豐富，赤貝脆口帶鮮，還有多款選擇。 當然壽司都讓我覺得唔錯。另外入座即送有兩款選，她們揀咗松葉蟹腳海鮮鍋，大大隻青口，幾條蟹棒，大蝦魚片豆腐同埋黃牙白，湯底濃濃豬骨，另外可以加火鍋料，肥牛，牛丸，疏菜等，夠晒豐富。下次試另一款和牛壽喜燒，見隔離枱都好吸引。還有好多款熱食，泰式美食，天婦羅，燒物，炸物，較出色係泰式豬頸肉，蝦餅，燒牛舌，泰式肉碎包，冬蔭功。。。我發覺冇可能叫到咁多。她們還升級冇限加生蠔，燒鰻魚，籃莓鵝肝同磯煮鮑魚及海膽軍艦等，榴槤控更加開心榴槤多士同榴槤筒。 個人最愛鮑魚夠入味又彈。甜品飲品種類亦都比其他放題店多，甜品櫃靠咗lift 口位，韓國品種極多囉，試咗幾款超滿足。

同老公兩個放工有點肚餓, 大家諗緊食乜好，行經旺角兆萬仍然有好多選擇，最終決定去食日式放題，隨意揀咗間極上帝王水產, 一於上去搵位先。 出升降機餐廳入口已經有兩個甜品雪糕櫃，內裡品種好多選擇，尤其是Korea出品，好吸引。讚～ 見到好多位都滿咗，好彩接待門口個女仔幫我哋按排到位比我兩，真係好服務。大部份年青人，十分熱鬧，有氣氛，唯一係餐廳坐位唔多，穩陣起見預訂位好d。 食物質素唔錯而且選擇唔算少，個人覺得刺身壽司新鮮，三文魚夠肥美，北寄貝，帶子，榮螺，甜蝦，赤貝，已經值回票價，未落單已為我們送上極細心。還有入座即送二選一之選，鱈場松葉海鮮鍋或日式和牛壽喜燒鍋。我哋揀左海鮮鍋，湯底濃厚，青口大大隻，蟹柳，魚旦，蔬菜。我地自己再加咗生牛肉，牛丸，爽呀。 熱食火鍋炸物小食天婦羅通通都有，還有泰國風味食物，泰式豬頸肉，冬蔭功，炒通菜，生菜包，蝦餅，樣樣熱辣辣送上。可以升級厚身鰻魚串，鵝肝，生蠔，羈煮冷鮑魚，海膽軍艦無限添加。生蠔老公極推，我就揀鮑魚一口一隻超滿足。 飲品亦係任飲，重點係有嘉士伯啤酒，其他基本都齊汽水紙盒飲品。

「極上帝王水產」嘅放題真係超抵！大人只需319蚊，小童仲平過平民169蚊，性價比極高嘅！首先，佢嘅壽喜燒火鍋真係冇得彈！湯底鮮甜，仲有好多新鮮牛肉同埋材料任你揀。燒得剛剛好嘅肉片，湯底浸得入味嘅海鮮，真係好過癮啊！你可以盡情煮，一次過滿足你對火鍋嘅渴望！刺身就更加冇得頂啦！極之新鮮！各種魚生鮮嫩彈牙，食落口感極佳。刺身盤上面仲有好多選擇，有三文魚、吞拿魚同埋帶子甜蝦等等，一次過滿足你對刺身嘅愛好！熟食方面都冇得挑剔！燒得香脆嘅牛脷同炸物，每一口都令人欲罷不能！炸得剛剛好嘅天婦羅，不論蝦到南瓜，全部都好好味啊！其他仲有好多選擇，可以任你揀擇，個肚爆炸都食唔晒！總括嚟講，「極上帝王水產」嘅放題真係性價比超高！壽喜燒火鍋、刺身同炸物都一流！大人只需319蚊，小童169蚊，真係抵到爆！如果你鍾意放題、鍾意正宗嘅海鮮同埋日式料理，一定要去試吓啦！