極上帝王水產

营业中

休息中

今日一行三人到此餐廳［極上帝王水產］食午市放題，見兆萬地下派單張，便想試下，此間中午最基本的放題係$289，另收加一服務費，單張寫到此放題係由12：00開始，可食到18：00（六小時），所以價錢算平。入座店員安排了卡位給我地，然後入座會叫我地先選第一輪的刺身，刺身會先行送上，然後其他食品就用餐廳提供的QR 碼落單。日式前菜（如沙律）、天婦羅、燒物、泰式食品（如海鮮冬蔭功、泰式炒通菜、泰式豬頸肉，泰式蝦餅）、壽司、另可選配料湯底打邊爐、南蠻炸雞、水蟹粥、忌廉湯等食品，食品不能盡錄。三行人埋單$953.7

極上帝王水產，之前食過幾次，今前同以前相比感覺到佢地既進步！佢哋有蠔、赤蝦刺身、鰻魚同磯煮鮑魚等日式野，全部都幾好！首先，佢哋嘅蠔好新鮮，肉質好鮮美，幾有蠔味同有厚度，真係好開胃！對中意蠔既朋友黎講呢度絕對係一個好好嘅選擇！然後，我試咗佢哋嘅赤蝦刺身。個刺身好鮮嫩，色澤好豔麗，唔算太大每一口都有鮮甜嘅海鮮味，真係令人難以忘懷。佢哋處理嘅好細心剔走啲腸，保留咗赤蝦嘅原汁原味。接下嚟，就係佢哋嘅鰻魚。話真係，個鰻魚燒得剛剛好，肉質好嫩滑，味道好濃郁。加上佢哋嘅醬汁唔算太膩，每一口都好享受！最後，我都試咗佢哋嘅磯煮鮑魚。鮑魚煮得好嫩滑，充滿咗海洋嘅鮮味。磯煮湯汁濃郁，完美提升咗鮑魚嘅風味。真係一道令人難以忘懷嘅料理，一定要試下！總括嚟講，極上帝王水產絕對係一個令人印象深刻嘅餐廳。佢哋嘅海鮮選擇多樣豐富，質量絕對唔使擔心。不論係蠔、赤蝦刺身、鰻魚定磯煮鮑魚，每一道料理都展現咗日本料理嘅精髓同烹飪技巧。如果你鍾意食海鮮，記住唔好錯過極上帝王水產啊！我已經好期待再次品味佢哋嘅美味啦！

📌 極上帝王水產 - 旺角西洋菜南街1N號兆萬中心9樓🗓(18/12) 星期一 ⏰ 晚上7點左右 💈特式：今日又出左旺角，想搵下日式放題食，去左出名多放題餐廳嘅兆萬中心，見到呢間係「兆萬」相對比較多正評嘅「極上帝王水產」，就親自去試一下佢地嘅食物質素。🥩🍔🌭🌮🥗🥯🥘🍲🍝🍣🥟🍤🍱食物：同大部份放題餐廳一樣，佢地都係會分開唔同價位，由最平$2️⃣8️⃣9️⃣ - 最貴$5️⃣6️⃣9️⃣不等，當然越貴就會越多食物種類，質素亦會越高，我今次就試左佢中價位個「極上套餐」set，而家等我同大家講下🎌味道先。極上套餐會比最平個set貴$100左右，但就會多左9款食物任食同清酒/梅酒任飲，9款食物包括新鮮日本生蠔/海膽軍艦/迷你榴槤流心筒/芝士榴槤多士/紅酒藍莓鵝肝/厚切鰻魚串/原隻甜蝦/巨型赤蝦/磯煮鮑魚。每款我都有試，真係意想不到地出色，尤其是d日本生蠔，新鮮程度拍得住大酒店級數，海膽都好新鮮，而且無明礬味。此外，每位入座會即送🦀鱈場松葉海鮮鍋或🐮日式和牛壽喜燒鍋一份，我咁鐘意食壽喜燒就梗係揀食壽喜燒啦。佢地個壽喜燒一d都唔馬虎，係會上一個薄身鑄鐵鍋比你自己烹調，跟住餐廳提供嘅教學，先放牛油起鑊，再自行放入牛肉

事日係旺角兆萬中心9樓食放題有三個餐可以選擇揀的B餐 極上套餐 可以食埋海膽手卷 有生蠔 榴連👍🏻可以選擇壽喜燒或者海鮮鍋一份仲有得揀埋配料打埋邊爐海鮮鍋越煲越甜 係甘飲個湯底啱晒今日天氣好凍整體食物都不錯 無食到唔好食既東西雪糕雪條 飲品都有好多選擇炸物炸得好出色😋店員好細心 拎室溫飲品比我都無嫌煩QR code落單好有效率 全場坐滿 d嘢食都上得好快🌟Cp值:🌟🌟🌟🌟👩🏻 回頭指數:👩🏻👩🏻👩🏻👩🏻📸打卡比分:📸📸 📸📸

約埋三個朋友，諗住好耐冇見，諗住食放題，可以坐耐啲，又可以各自點嘢食，去到兆萬樓下見個四眼哥哥咁落力sell，又話四位同行一個半價，又話無限時，仲送埋大閘蟹，🦀🦀🦀咁就無所謂試下啦！去到門口，見到地下唔太乾淨，又有紙巾，又有筷子，衛生認真麻麻！😒😒😒咁坐底見張枱好細，諗住叫職員換枱，明明成餐廳得嗰幾枱客，咁都擾攘左一陣間先肯轉！都唔知點做生意！咁一開始就點刺身啦！我哋四個男仔點佐幾款，點佐二十件三文魚，竟然切單切到得返十件！而且啲三文魚又有雪氣，款式又小，出面放題用嗰蟹棒做壽司嗰啲都話係刺身！😳😳😳咁我哋都箅，點熟食啦！啲燒物又燒到濃哂，啲天嫻羅蝦就攣既，個漿又厚！😩😩😩食食下同職員講，拎咗傳單有大閘蟹送，好快就送上枱，不過啲蟹細隻到揾顯微鏡先睇到！😡😡😡食唔夠一個鐘我哋都走！每人仲要三百幾！🤬🤬🤬之後唯有去食麥當勞！🤪🤪🤪一定唔會再嚟！！

這是一間比較擁擠的餐廳,而且環境亦較昏暗,因此用餐時亦較有壓迫感.🥶🥶當中的餐點相對平庸,並沒有什麼是比較可取的,並且較多的餐點是半製成品,都是較為普通的.🤔刺身等等的質素不是很好,可能因為生意未及,流貨比較慢,導致魚生等感覺都不是十分新鮮.Even甜品都能看出是叫貨回來,配有環保的膠杯,放在一個冰箱內,看起來並不是十分吸引😞店員推銷時有提及大閘蟹,並稱兩位有一位半價,入座時發現原來有多個不同套餐,不是所有東西都是任食.假如想要嚐到更多不同種類的食物,建議可到酒店享用自助餐會較為合適,並且價格相等.

叫乜都係嚟啲唔嚟啲？咁你咪開放題啦。。。。。。。。。。。啲哥哥仔服務幾好👍可惜食物質素真係。嚟食放題係食你啲嘢食 如果嘢食都唔得，想幫襯你都難。。。。。。。。。刺身好似好多款 點知有啲唔係任食咁你入座前講清楚啲嘛。。。。。整體都比現有集團放題差，不論生食或熟食甚至乎甜品雪糕。如果係有心做落去希望會用心改善下，唔係單純口舌之術，做生意唔係做一次，你地服務咁熱情，可惜食物質素完全唔掂，浪費左啦。。。。。。。

今日經過兆萬樓下，收到好多傳單，其中一間突別吸引，見200元有得食放題，便沒有理會就上去食，點知就中伏😞😞😞上到去先知冇呢個價錢，冇你又寫，好啦，心唸都上咗嚟就照食，自己又唔係差一百幾十，講番啲野食真係麻麻，刺身品種少，唔新鮮🤢🤢🤢壽司🍣一夾就散，咁就唯有主攻熟食，點知都係失望😞😞😞炸物啲醬勁厚，天婦羅又硬，炒野又唔熱，一食就知整定，成餐飯都冇樣好食，漏單又多，貴既羊架又冇，平既野就大大碟😡😡😡三百幾元真係有好多選擇，奉勸各位，想清楚先食，唔好貪一時之快

喺樓下聽到派傳單嗰個話有九折又買大閘蟹上左去食。上到去上面啲卡位超級迫，又好夜。環境第一感覺已經唔多好。食放題，最主要食刺身，啲刺身啲三文魚一啲光澤都無🤢🤢，唔知放咗幾耐。好彩嘅係佢啲數根本出唔足😓😓兩個人寫六件嚟得四件，真係死得。啲壽司都唔講啦，啲飯硬過雪落雪櫃隔夜啲飯。我去到啲熟食其實我都叫得唔多，但係出嘅仲更加唔多。追一碟嚟一碟。🥲🥲🥲🥲🥲重頭戲啦，食到最尾醒起佢話送隻大閘蟹，頂xxx😳😳😳細到阿媽都唔認得，唔知以為係嗰啲炸蟹仔，拎上手仲要一啲都唔熱，唔知係咪蒸定，枉我仲等咗成餐飯時間。總之一句到尾，我下次一定唔會再黎依間，搵蠢🤢

本來抱以一個期待的心情去用餐，怎料獲得一個不太好的經歷。當天預訂了這間餐廳和朋友聚會，入座後如常點了刺身，壽司等等，一開始的刺身上得較快，然而數量卻不似預期（我們共三人，總數加起來卻只有我點的一半），自問不是貪心的人，點單的數量亦十分節制，然而卻遭到扣單，內心有點不忿。反正是一間任食的餐廳，便沒有多想。到享用熟食的時候，才是真正「打大佬」。首先食物味道，以一個普通人的口味來說，真的頗差，一是沒有調味，或是調味過度😅另外食物上桌時，明顯失去了溫度，最多只有常溫，可能是人手不足的關係吧。同行朋友一致認為，店家根本沒有擺放任何心機於熟食的部份。以放題餐廳，整體都十分一般，沒必要用三百多的價錢去試。

今次同好友去咗兆萬中心9樓嘅「極上帝王水產」，佢哋有個甲羅燒嘅推廣菜單，當然揀咗甲羅燒啦！先將螃蟹嘅甲殼放上爐燒，燒到上下再加一口飯落去撈，就可以完全沾到蟹膏、蟹籽同蟹肉，味道好香濃，真係讚到唔停！😙仲有壽喜燒，每個人可以揀鱈場松葉海鮮鍋或者日式和牛壽喜燒鍋。今次我試咗壽喜燒，先用牛油起鑊，然後將美國肥牛放入鍋內煮，幾秒鐘就熟得差唔多啦！再加入秘製壽喜燒汁，肉質吸收晒嗰啲精華，真係好好食㗎！當然，仲有其他壽喜燒嘅配菜，一啲都唔馬虎！🫶仲有，佢哋嘅擺盤好靚仔，剌身厚薄啱啱好，入口鮮甜！有三文魚、赤蝦、扇貝、泰式生蝦、大赤貝同松葉蟹棒等等，全部都好新鮮！ 🥰📍 極上帝王水產 (旺角)旺角西洋菜南街1N號兆萬中心9樓

見呢間好似有好多嘢食，又話有燒肉，反正一個人唔知食乜好，就入咗去試下！入到去地下癡笠笠，又冇乜客，真係想掉頭走！但都帶咗我去坐！咁就食啦！先講剌身，全部都未溶雪，唔新鮮！🥲🥲🥲叫一round就冇再叫！壽司🍣，一個普通既花之戀，好似常溫咁，應該整定擺咗好耐！😳😳😳咁一個人食，諗住求其填飽個肚就算啦！叫芝麻雞翼入面仲冰都俾我，🐔肉串嗰啲都可以暖既！飛天通菜都黃黃黑黑咁！好明顯呢間嘢全部都整定！🤣🤣🤣咁其實我要求都唔係高啫！諗住同啲員工講，幫我追個烏冬，全部好似外星人咁，😳😳😳冇人理你！真係未試過俾錢食放題之後仲要食云呑麵！😨😨😨

最近去了家放題餐廳，雖然菜色多樣，但係可惜嘅係味道和口感真的讓我有點失望😞。首先係壽司，米飯乾硬到好似食舊磚，食落去好似磨牙感😬。接著係炸物，炸得太耐食落去硬掘掘，完全唔知自己食緊乜😓，天婦羅炸物炸出來都是油膩膩的口感，係咪真係咁急。還有，不知道是廚師手藝不好還是食材問題，啲羊架又乾又冇味，最後是甜點，但很多都品質十分一般，甚至有些口感偏酸，我懷疑係咪過咗期🤮🤮這家放題餐廳的品質真的十分差勁，希望各位來之前三思🙏🏻不用大家來受罪🙏🏻🙏🏻

唔知食乜好，經過兆萬樓下有班哥仔派傳單，強烈建議我嚟呢間，話有長腳蟹任食，就想去試吓啦，點知…..上到去坐低，先話我知長腳蟹每人送一梳😤😤任食要加幾舊水，俾佢氹到入嚟真係慘，個餐牌唔升級真係冇乜好食，升級咗之後仲慘，啲長腳蟹完全唔食得😵‍💫懷疑係攞鹽水浸住，根本就鹹到入唔到口，其他刺身都麻麻哋，甜蝦係苦嘅，三文魚完全冇魚味，帶子碎濕濕，真係完全搞唔掂😵😵，之後到天婦羅，件件都好似着咗避彈衣咁，超級厚漿😓食唔夠一個鐘，就埋單走人，根本冇嘢食一定唔會再去！🦀️

今次去咗呢間餐廳，真係好慘😓出嘢食非常慢，又係咁漏單，啲刺身追極都唔出，店員仲要黑你面😵‍💫😵‍💫真係俾錢買難受，炸嘢 天婦羅 就係咁上 聲稱任食嘅生蠔海膽 就話沽清😓😓樓下派傳單就吹到天花龍鳳 ，實際入到間餐廳就一無是處，刺身上得慢都算，仲要唔新鮮，第一次食放題蝦冇挑腸就上，D飲品選擇又少，連茶都冇，全部係D便價汽水，價錢仲要唔平，兩個人埋單差唔多成八舊水！希望老闆好好檢討吓，啲錢唔係咁搵㗎😓