極上日本料理 (已結業)

上次食覺得又好味又抵食，便帶埋朋友黎試下，點知差左甘多。三文魚壽司 ($28)：三文魚太簿片無三文魚味。海膽壽司 ($22) & 海膽三文魚子壽司 ($30)：一般般，上次鮮甜好多。帶子壽司 ($22)：唔夠鮮味。明太子沙律壽司 ($22)：味道古怪，酸酸辣辣好似泡菜甘。芥辣八爪魚壽司 ($16)：唔夠辣。玻璃蝦壽司 ($24)：蝦肉新鮮彈牙。鰻魚芝士卷 ($25)：以上既壽司都係紫菜唔脆，所以食芝士卷覺得比壽司好食。三文魚芒果沙律 ($32)：沙律醬多得濟，太 creamy。水母刺身 ($68)：咩味都無，口感爽爽地硬硬地，好似海蜇甘。活赤具貝刺身 ($38)：唔鮮味，只有三小片, 賣相亦好差。銀雪魚西京燒壽司 ($48)：魚肉嫩滑又鮮甜。串燒雞肉 ($8)：肉嫩野味但 size 太細。串燒雞腎 ($8)：太乾身， “靭靭地”。粟米芝士天婦羅 ($30)：超級油膩又淡而無味，沒有芝士香。今晚沒有指定款式壽司買二送一，而且又甘難食，真係大失所望。

海膽壽司 ($22)：海膽鮮味又多，紫菜脆，壽司飯有咬口，好正！玻璃赤蝦壽司 ($12)：蝦肉厚身彈牙。青烏貝壽司 ($15)：青烏貝有點腥，麻麻地。芝士三文魚海鮮焗飯 ($42)：三文魚海鮮餡料唔多，但芝士醬多而香濃，飯好大碟，飯粒係珍珠米有咬口，我鍾意！成碟食晒好飽啊！燒青魚 ($28)：唔知係咪遲左送上，青魚唔夠熱辣辣，魚皮也淰左，幸好魚肉仍鮮甜有汁，$28抵食。呢度既壽司size大件，特價款式還買二送一 (即一碟三件)，好彩唔係要左好多款，如果唔係真係食唔晒！

小妹第一次寫食評...絕唔係打手而確係忍唔住要打..!!同男友出街食飯,,行經呢度見幾抵就入左去環境好迫係真既,,但又真係好多人,,估佢唔到= =男友叫左個鰻魚定食+1蚊有三文魚sushi我叫左個牛肉卷薄燒定食..佢果個好快到,,但我等左半個鐘又多,,我男友食哂都未黎..-.-其實我等得又冇乜所謂,,所以唔mind..點知到左就出事..我男友身先士卒試左一舊薄燒牛肉卷...omg..佢成舊野都好苦好苦...苦到我男友去左廁所"long 口"我試左一件都真係好苦..佢成碟唔記得有4件6件,,,我逐件撩開黎睇..我食得出入面既野係蒜同埋onion混合物,,但係唔熟既!!..凍既咁搞法真係超苦丫..= =男友話根本唔熟想換過碟...但我覺得用40零蚊買佢一個教訓就算..以後唔會再黎..最後男友成口苦味..一齊過左糖百府食綿綿冰先sweet番

今日去左太子行街,太熱想食日本野,咁好彩俾我撞中呢間野...間隔極逼不在話下,店員態度極差...黎既野食真係得啖笑首先:「一個海膽刺身呀唔該」「加唔加紫菜?」「下...唔係有架咩」「加紫菜加5蚊」吹漲=.=之後叫左個蟹子三文魚冷麵d冷麵決已經倒晒入去浸死d魚生仲要冇蟹子但驚奇地有好多得1舊既刺身食食下搵到立魚,再食食下搵到舊北寄貝我唯一諗到既係我食緊豬哨...雜錦刺身定食 完全放唔到入口全店最好既都只係支可口可樂仲要係唔凍既...以後俾番$我我都唔會再去仲衰過名將

一間唔知食咩既所謂日本野...野食已經唔好食，又冇心機做，服務又唔好，食完好谷氣D野食好唔日本，吉野家都好過佢；我更加覺得佢用既食材冇一樣係日本黎既! 所以食到好奇怪，不中不日咁。門口就寫住有幾平，有幾多野食，未入去就真係覺得好抵! 但入到去又唔同講法，變得又少又唔好食；以佢個份量一個set真係食唔飽!! 仲要唔平!! 又話可以加呢樣加果樣，講到好似好抵咁，但原來樣樣都勁少勁細，加完都唔會飽! 坐到入去係勁逼! 碗碗碟碟都好舊，唔係幾開胃囉。唔好再信出面果人講到有幾平，死都唔再去食!!

oh god..真係唔好諗住求其試下就去食...一人食左百六蚊食d垃圾d壽司飯亂咁搓出黎壽司飯調味又亂黎豉油用老抽沙律醬係同鮮果沙律醬=.=如果真係要食平野真係去食金x郎好過雖然都係難食..但呢間野仲要貴...我只係個普通食客,唔係有心唱佢,但真係唔係人咁品坐bar台食完野仲會搞到一身廚房味

好耐之前食過一次，已經覺得佢好唔掂。但係見到佢仲未執，又有人出入，以為已經有進步，有提升，可以TRY TRY加上要等朋友放工，佢想食日本野，果頭又冇乜得揀......唉..... 又中計.....壽司好，魚生又好，都係唔新鮮，仲要D 壽司飯係爛爛地 ..... 好彩朋友話要等佢大半小時，我慢慢一碟碟野咁叫叫夠最低消費立即 SHARP 閃~~~今日以後，真係唔會再考慮...........多謝

um.....今日我男朋友生日...黎左呢間餐廳....真係好彩,好彩係因為本身男朋友今日正日生日係不在hk的,因為一d突發事,佢先留左0係hk...所以之前幾日我已經同佢慶祝左...今日只係睇完戲搵個地方食野je....估唔到會入左呢間"極上"餐廳.平時我地2個都鐘意周圍去食野,以有限既價錢都食過好多好野,但係都唔會打食評囉...今次,我塵封多年既a/c終於有用喇....哈...好可笑,岩岩一入到呢個page....好多都係劣評....犀利...入正題,我地2蹶去搵野食..當時都10點半喇...組過mk花月庭,我話上去食,但男友話我前幾日已經用左好多錢,不去食平d啦...咁都ok既....經過呢間"極上"餐廳,門口有妹妹拉客,都好似幾經濟bor...入去啦...睇menu,有好多"定食"set都係below40蚊,但係話晒都係男友生日丫...不如散叫,想食咩就叫咩啦.....以下價錢不部份唔記得,只係around數字1.燒日本花魚$50-60...好味,pass.....滿心期待...2.海膽壽司2客,(4件)$20-30一客(2件)omg,好難食,唔新鮮,有苦味.我立即想起見城的海

岩岩同個朋友食完, 食第2次呢間野, 差到冇人有!!SUSHI唔新鮮, 三文魚仲要賣相都唔得, D SOYO SOURCE仲要溝希晒, 完全唔得!野食真係好難食..差差差呀!!service又唔得, 搵埋d 15,16歲既女仔做waitress, 完全唔識serve人, 仲要比加一以後都唔會再幫親!!

同女友行左好耐都唔知去邊度食好, 咁o岩經過見幾抵食就入去試下一個定食不用40元, 有湯有飯有野飲又有主菜抵到爛 加多1元仲有多2件壽司.我地叫左一個魚生定食同一個壽司定食. 跟定食有送一個麵或飯, 我地叫左鳥冬同拉麵, 麵質幾好, 幾彈牙, 不過湯底就非常之淡.......魚生都算新鮮, 不過太細片了, 以呢個價來說都可接受, 不過提供既wasabii 十分之甜......係甜到好似糖咁再來壽司定食, 十分之唔得, 入面根本連飯都未熟透, 有d仲係生既, 食到成口米粉粒.另加既1元壽司都係同一情況! 不可原諒!!湯, 都係普通既即開味精粉湯.另外叫左個南瓜壽司天婦羅, 炸粉太厚, 而且仲有重油味, 入面既飯都係生生地既!!!又一次證明平野無好呢個道理!

估唔到第一次寫食評，就係比個劣評去到太子唔知食乜好，咁啱行到佢門口，待應話送壽司送飲品，就入左去，點知入到去原來係得兩個餐係送壽司送飲品，其他都要加$5先至有壽司同飲品入到去叫左一個剌身套餐，一個北海道拉麵，兩杯凍奶茶先黎左兩杯凍奶茶，超級難飲，苦架之後再黎個剌身套餐，貨不對版囉，剌身小到唔小，根本唔值呢個價錢 ($42)剌身又唔新鮮喎，跟餐果件三文魚壽司上面果塊三文魚仲衰過剌身，d壽司飯又不知所謂另外，北海道拉麵都尚可接受，唯一唔好就係件叉燒，"un" 到唔 "un" 仲要食到成日"痴"牙埋單仲要加一服務費，谷鬼氣連 tips 都唔比，將所有找既錢全部攞番曬呢間野以後都唔會再黎

其實都知呢間野唔掂，門面又暗，仲要揾人喺出面拉客。要拉客嘅店通常都生意麻麻。不過個同事話想試，咁又一於試吓，睇吓係咪真係好嘎掂先！叫了最穩陣的燒雞排飯。其實同吉野家嗰d無分別，不過就貴好多，咁嘅飯都要$36。雞排都尚算ok，不過d汁甜得滯又咸得滯。d飯最離譜，兩溝米！一半日本米，一半港米。珍珠米都唔係好貴je~點解要兩溝，搞到不倫不類。口感其差！好心唔好咁慳啦！麵豉湯又係慳皮貨，無咩味。餐牌好污糟，又梅又爛又黐立立。

平時行過見到幾多人所以入去試左一次簡直係又食又拎因為已經9點所以唔洗等位就入得去一座低, 飲左啖水, 就比人叫掉位話要比4個人坐位係佢比既, 一坐又要轉, 冇安排架咩?轉左既位仲要係廁所隔離, 都算喇叫野食, 一個滑蛋雞肉飯+極上牛肉拉麵+一個東姑寸燒同一個雞肉寸燒加5蚊可以加三文魚壽司同野飲, 咁都ok啦一泥上左個三文魚壽司簡直比廁紙仲要薄, 望落d色仲要唔多新鮮放左入口都唔知自己食左咩跟住泥左個滑蛋雞肉飯就ok但係跟飯果個面豉湯, 竟然唔係廚房整, 而係係toilet對面既櫃果到, 由waiter係唔知咩兜好似針茶咁針出泥, 個湯仲要係凍架wor拉麵一食落就勁似d上海白麵咁配料多多, 不過d牛肉又少又碎到寸燒泥, 真係離哂大鋪, 東姑得兩粒, 雞肉又係得兩舊岩岩食完都未走, 已經係側邊掃地(鋪頭依然多客)掃到d塵飛下飛下咁, 乜e+ d塵可以調味架咩, 佢咁掃法, 個個咪食哂落肚!?埋單仲要三吹四請先泥, 食品差,價錢貴, ,兩個人要百幾蚊落樓返到屋企, 全身既衫+頭髮, 連手指la, 都係油煙味仲唔係又食又拎?!

$84元兩個定食都ok，但服務卻臨天光賴尿，在找錢時，疑似老細的男服務員見我們不打算給貼士，就很生氣的在我們拿零錢時，極速將夾零錢的板fing出，使零錢掉到地上，然後不屑的離去，錢亦沒有打算幫我們拾，更使看到事發經過的店員也不好意思。其他店員服務是ok的，各位，平的價錢但吃了要受氣，再回不回去幫襯，你們自己決定吧!

今晚放工好想食日本野~~~~~~行過見到呢間都好似ok咁，因為7點幾就好多人等！所以試一試啦！一黎放低杯茶............飲一啖.........無野下化...............香片???期望既綠茶<-----------------無左！再叫左一客翡翠蝦壽司12(無味)、赤貝壽司15(無味)、劍魚壽司15(無味)、甘蝦壽司19、帶子壽司22(無味)、海膽壽司22、象拔蚌壽司22(臭渠味)，total127，連埋加一.......埋單140！得個甘蝦同海膽壽司叫似d樣！但唔知點解都要等好耐先有得食！因一個人食，座左埋牆邊..........一望上去，嘩.........成牆都係"塵毛"，見到都唔開胃，差不多食完....都想反胃！勁污糟！好嚇人！現場環境又迫，坐得好唔舒服！添多杯茶都有難道！都未試過食完會咁有衝動寫食評既！呢間野真係食唔過啦！睇返佢d食評先知道"拎"野！