極上日本料理 (已結業)

今晚要去新世紀睇戲,去之前就想在附近找一間未吃過的食店來試吃(順便來打個食評),男友就介紹這一間給我,我之前又說很想吃一人一鍋,結果就決定來這間了,當晚7點幾,一入去就見到9成滿,得番一千零一個2人位和入面的平排高枱位,男友說高枱位放得比較多野,所以就入咗去坐,還多了一張椅子放東西,見到餐牌的食物都是一般可以吃到的便當,還有一些我想吃的火鍋,結果就揀了比較少見的清酒煮雞鍋配烏冬,而男友就揀了泡菜豚肉便當,再加一份鹽燒三文魚鰭艦,買了雜誌來打發時間,想不到要等20min,男友的泡菜豚肉便當先到,份量都幾多,又有煎餃子,吃了一口餃子感覺還好,王將的比較好吃,然後就到我的到了,這個是一人一鍋的,要加個火在下面滾呀滾,同時送上了一碗白飯?!我要的是烏冬呀!!,幸好當我落單的那位侍應還記得我要的是烏冬,立即叫廚房再做,這時鹽燒三文魚鰭艦都送到了,每人一條,剛好我的那條有鰭比較多骨,但肉質真的很滑,點了那個酸汁再吃可以去除油膩感,真的不錯!,鳥冬很快就送來了,本能地試一口湯底,想不到連味精湯都慳......................用水,如果是給一個烏冬餅還很容易加入鍋中,但這個狀態要將烏冬

其實我見到好多人都評論這間食店是差.小弟食過不少次,也認為應該為這食店討回一個公道雖然食店的食品價錢提高.但也叫了不少食物.如生蠔.海膽,辣酒煮硯.刺身.拉麵.燒三文魚頭.....我極為欣賞是生蠔.雖然上菜時間較耐,但無沙,以及其鮮味.不消一陣就食晒半打了(兩個人)不過海膽的質素比以前差左而三文魚頭亦很大個.味道也不錯.整體來說我認為這間食店是可以的但唯一不好是張枱太細.放兩樣野就已經無位!相信這一點令好多人也覺得討厭.希望有待改善

今晚一行三人打算隨意搵間餐廳食個晚餐, 都算沒什麼要求. 有人提議食日本食物, 而又剛好走過有這一間極上. 單從外面看, 都沒什麼好感. 入內後, 座位極少. 無奈在太子這等一線地段, 租金是貴得很座位放多幾張都正常. 坐下後看看餐牌, 都是一些定食便當之類的款式為主. 我隨意點了一份加州卷拼刺生定食, 配湯烏冬還加送飲品. 以日本餐而言其實都算幾底食.等了五分鐘後, 很快便送來湯烏冬, 烏冬上面加了一點紫紙. 還有一份味噌湯. 我先叫這份只有湯和紫紙絲的湯烏冬, 其實我感覺是怪怪的. 因為吃刺身配湯烏冬, 一冷一熱, 很易令人肚痛呀. 這點真是很希望店主改善一下, 雖然我明白只有刺身的話, 份量不足夠. 但這樣的配置很不專業呀. 吃完湯烏冬後飲完味噌湯, 差不多等了十分鐘才來加州卷和刺身, 刺身切得一般, 吃下新鮮程度一般. 加州卷方面, 坦白說差得很, 切得極薄. 內裡亦無甚味道. 當然我也明白一份錢一份貨, 但這質數以這價錢來說又要加一的話, 其實有更好的選擇. 食物: 款式都算多, 以便當定食為主, 但質數一般.環境: 店舖極為擠迫, 座位極不舒適. 食完只會想走, 不想再停留

約左舊同事食餐便飯,問都冇問諗住求其食D野,最後揀左 極上 ...一心諗全日本野難食極有個泡...點知..領野...一入到去, 細細間鋪有超過二十張二人台...勁...個位又勁細兩個大男人坐得低黎D仲慘過小學生上堂..張台放得落杯茶之後都已經冇咩空間....一陣D野食點放...!?望個餐牌好似賣相OK, 之後見證左原來圖片真係只供參考...一齊叫A餐($40左右), 好大, 個盤, 最多係紅蘿白絲, 魚生加埋有8小件,令我諗起乞衣兜...如果個盤唔係咁大的話可能冇咁覺...豉油...怪怪的...D魚生, 好生, 即係咩...? 自己諗諗...餐配拉面, 普通味, 係個湯比較濃...面豉湯...似味精溝水...同事叫左支可樂, 玻璃樽裝, 相信係最正常...小弟叫左凍檸茶....還算過得去...另外叫左個軟殼蟹天婦羅($42), 同事的食後感係...味道奇怪...最弔詭的係...一間日式料理店冇綠茶供應之餘播的音樂竟然係酒吧音樂...!?而最難明係會全院滿坐....仲有人等位....同事食完的感覺係; 好似冇食過野咁...坐多陣見又迫又有人等位...唉...都係lala臨買單走人...兩

係門口睇下個店員已經係咁sell我地入去,咪入去試下囉一坐低已經勁逼,之後嗌野食,個waitress態度勁差嗌左壽司餐,加1蚊多2件壽司,仲有三文魚刺身,半打生蠔.先黎左個壽司餐先,跟餐個烏冬無嘜特別,得個鹹字之後啲壽司一夾即散啲鼓油又係勁鹹!!之後黎三文魚刺身,嗌10片佢拎5片黎!d刺身仲要係勁薄,又唔新鮮!!最後上果個生蠔,等左勁耐都未黎,吹左幾次都係咁整體黎講,得普通飯餐係ok之外,其他都唔惦!!下次唔會再黎!

七月十四日 (星期四)每次經過這家日式料理時,店員都熱情地拉客今次終於低受不了店員熱情的款待,中伏了......入了店子,坐了陣近門口的檯明顯地較嘈雜,不時聽到店員在門口拉客,有點令人煩躁首先聽到門口店員說送壽司的,原來是要加錢的,那不是送吧!見到鄰坐的客人為這"送"壽司而感到不滿我們也不理太多了老公仔點了個滑蛋雞扒飯我則點了個三文魚海膽飯先來了我的凍檸茶,完完全全是糖水一杯,沒有檸檬味的看得我們目定口呆...似乎較像中式的雞柳炒蛋飯與MENU上的日式飯完全不相稱!令人氣憤如果好吃的話,都可以下啖氣可惜炒蛋死實實的,沒有滑蛋的效果加上醬汁怪怪的,雞柳也十分"嚡口",不是新鮮貨色等了又等,我的三文魚海膽飯似乎失蹤了在三催四請下,終於來到五片既薄而又似甩色的三文魚,令人看到有點打冷陣再見到海膽,細細的兩件,也覺得不會好吃老公仔先試一口海膽,只見他一臉無奈的表情心知不妙了充滿著腥味和咸味,三文魚又不新鮮,毫無魚味埋單要成百二元!換來一肚氣!少見的低質素日料理!劣評

琴日同幾個FD行行下街搵野食,經過E間野,見佢地門口D人叫得意就入左去試下我地4個人等左10MINS左右就入得入到去個場都幾多人下4個人叫左D小食,串燒,刺身刺身都OK唔錯串燒都好好,又要平,食得出係真燒既,有個燒大眼雞真係幾正!!!之後我地見唔太夠就叫多個辣酒蜆E個真係正野辣唔係太辣,岩岩好,用個石頭鍋燒到好熱先出,幾正下,味道都真係好食,下次去一定要食反個辣酒蜆同大眼雞!!!!!

今天去了呢間食下午茶,真的食到一肚子氣,落單時叫個女侍應比杯暖水,佢竟然話要收兩元,我之前來過幾次都未收過,心諗算啦她話要收米收,錢比佢,跟住佢又話跟餐叫飲品只加四元,咁我米叫熱檸水囉,點知來咗杯檸茶,即時指住杯嘢同佢講我要水的,她即時黑面,後來佢竟然捉我講少個字換咗杯熱水比我,最好笑係佢竟然跟糖比我,自己落錯單對唔住都無句,仲態度惡劣,,費時同佢噪,忍,,一間食店食物一般就要靠服務留住客人,呢D咁的服務呢D咁的員工,簡直令食店更差勁,都唔洗再光顧

我相信如果呢間鋪頭唔係因為有加$1有壽司送既~都唔會吸到人入去...朋友一行三人~本人點左個什錦刺身定食 - $48朋友叫了 金菇肥牛飯 - $38仲有 豬軟骨拉麵 - $38加左$1既三文魚壽司同玉子壽司上菜既時候真係好失望~因為同menu既未免相差得太遠什錦刺身定食:刺身好一般~用隻碟上菜~最大問題係佢竟然係跟一碗白飯黎..........真係熱既...請問....點解食刺身可以跟熱飯~令我不禁諗起明將=0=金菇肥牛飯:金菇肥牛卷有三條...放底既係一大堆芽菜食食下朋友發現有一隻小小小"黑芝麻"o係飯度~叫waitress去換~佢竟然第一句問~佢arm arm飛落去ga?唔夠食物送飯既朋友只好食芽菜~點知個waitress二話不說地以為碟野食晒收左佢~叫都叫唔住~最後朋友決定唔食豬軟骨拉麵:豬軟骨唔知點~冇試~不過拉麵湯底係淡而無味呢一個價錢~味千真係好佢好多$1三文魚~平野果然冇好~誇d講句~三文魚真係薄到透光$1玉子~正常麵豉湯 - 好咸結論:好差好差好差!!!!!!!!!!!!!!!!!!!!!!!!!!!!!! 打死我都唔會再去!!!

諗住平平地食個日式tea, 18$拉面 + 9$蟹子沙律雞扒拉面: 雞扒冇味蟹子沙律: 好細碟, 得好少蟹子, d醬好酸同太多咁既食物質素又冇咩服務仲收人10% charge?以後唔會再去..........

前幾日同朋友行街 再次入去呢間日本餐廳食,多左好多新款串燒同野食 d串燒未食聞到已經超正..再叫左個鹽燒雞翼味道唔錯 好少係出面既日本餐廳食到甘夠味的雞翼 佢地d小食真系唔差 我已經唔係第一次食朋友都話okd烏冬幾彈牙 真系值得一試 同埋我覺得佢d價錢都幾大眾化 唔係好貴

一入到內, 桌椅與桌椅之間真的好緊密~擠迫得背包也放不下! 真想走頭...食物都可以, 售價跟環境就都算貴了!都有好多客支持佢地D 刺身, 我只嘗一了客, 都唔錯!PS: 環境絕對適合一個人去用善

呢間野從來都係以平價招徠食的當然唔係靚貨, 食中魚生就真係要小心D叫左個三文魚親子飯唔知係咪太多人食壽司啦，等左好耐先黎一上檯就覺得佢勁少三文魚子，仲要粒粒都唔靚好似粒粒都縮晒水，無彈性之餘仲要唔好味三文魚就好少少啦，雖然睇得出唔係咩新鮮貨色薄薄咁幾塊，又無俾好瘦果部分跟餐有懷舊樽裝氣水都幾開心$42其實又唔算好抵，不過下次都係唔好食魚生食熟食應該會好少少而呢間餐廳環境的確好迫！好容易俾經過的侍應撞到

真係唔見識過,唔比較過永遠都只做井底蛙以前中學時代間中都食既呢間廉價日本菜到而家試多左其他好野,返轉頭再食先覺可能連"豬糧"都不如!!!最後先評味道先講環境店仔細細，為左維返佢廉價食埋既本，就整勁多張台數數埋埋可能坐到成50人不過樓面只有300平方尺左右真係逼到難民營咁服務方面完全唔掂D人個個個樣寫住"唔想做"三個字佢又唔係對你黑面但係睇見佢個"唔想做"既樣就作為客人都"唔想食"啦LUNCH TIME去忙到攞命，根本理都唔得閒理你上菜果陣掉低就算又唔講乜名堂佢D台又連住哂，DUM碗野係中間都唔知佢比我定比隔離食物先得人驚三文魚爛的D飯鬆到我用哂陰力都夾散如果再粗魯D既人都唔知點食!!! 索性掃哂落碗用匙羹畢啦不如????雜錦壽司定食竟然得兩舊加州卷,熟蝦,三文魚,墨魚,八爪魚,立魚各一求奇到爆....仲差過明將任食囉咩事鰻魚飯我懷疑佢D鰻魚係炆唔係燒仲林過梅菜扣肉飲品方面真係笑死人，要乜冇乜得汽水奶茶檸茶檸水囧冇綠茶已經好值得恥笑，連一杯熱茶佢都指住杯完全冇茶味既凍水同我講"呢杯咪熱茶囉"真係恥笑一萬次都唔夠寫到咁多~大家唔好貪平去呢間食D唔係人食既野

同朋友放工約係太子,想搵個可以坐得好少少嘅地方食完晚餐行街,但就諗唔到食咩,見呢度唔駛等位,我地又OK鍾意日本菜,所以就揀咗呢度。睇咗餐牌,朋友要咗牛肉火鍋定食,我就叫咗個刺身定食。形容下個刺身定食:有兩片三文魚、兩片八爪魚、兩片(魚立)魚、一片墨魚&兩隻甜蝦.....另跟一個紫菜拉麵(我揀咗拉麵,另有飯或烏冬選擇)一杯餐飲&味噌湯。但當我見到個定食上嚟就後悔叫呢個餐啦!兩片三文魚切得破爛、八爪魚薄依依到好似張紙咁、兩隻甜蝦望落OK,食落有少少霉霉地、係得兩片(魚立)魚同一片墨魚尚算過得去,個紫菜拉麵就淡而無味,搞到我要狂落七味粉至有番少少味道!最厲害係杯餐飲,我要嘅係熱奶茶,上嚟嘅時候係冒煙架,杯身仲好係熱嘅,但飲落去竟然只係微暖!?杯茶唔難飲嘅,只係好難明白點樣做到呢個效果出嚟啫?至於個味噌湯就冇咩特別,唔好唔壞咁啦~而朋友嘅牛肉火鍋就等咗好耐先嚟,差唔多我食完先出現!不過好彩個火鍋睇落都OK,牛肉同雜菜份量頗多,&有豆腐及生雞蛋一隻,另跟白飯一碗。朋友話係D湯甜咗少少之外,一切尚算正常!(我同朋友幾驚個鍋同我個定食一樣有問題啊!)坦白講,我同朋友都可以話對食嘅要求唔高,唔係太差都