榮來樓

营业中

休息中

今晚早啲開飯 ，因為聽日大家都要返工返學。 六點零鐘 ，見呢問無咩人，餐牌都幾啱食， 就試下啦。 叫咗幾碟餸 ，有舖頭推介嘅蜜餞薯仔牛柳粒， 薯仔甜甜地 ，輕微炸過 ，加上 炒得香嫩嘅牛柳粒，不錯!仲叫咗炸鯪魚球 ，大大粒的鯪魚球， 目測應該有直徑5cm，一碟12粒 ，外面脆裏面軟， 加埋蜆蚧一齊食，冇得彈 。食食下已經見到全店滿座。即叫即炒的餸菜，好味大碟 ， 有時唔係一定要食大排檔嘅

逛完錦田紅磚屋，就去元朗覓食。上次途經呢間小菜館，已經想試下。就今晚去個晚飯。問店員有咩好推介 佢話看看牆壁 就係好介紹點了3樣推介蜜餞薯仔牛柳粒薯仔先炸 邊邊有少少脆口 少少甜味 很好吃炒蛤有少少辣 配啤酒一流勁大粒嘅炸鯪魚球 老媽干雞 以為好辣 其實辣味岩岩好咸蝦蒸茄子 底配粉絲 很入味 如果多D粉絲就仲正長沙剁椒蒸大魚 鲜味加辣味 魚肉鮮嫩 最岩配白飯呢頓晚餐真係大滿足

招牌菜，蜜餞牛柳粉，牛肉都唔小，係炒得幾好，薯仔粒好多。。椒鹽九肚魚都幾好，粉唔厚，，個豉椒炒蜆超唔得，無獲氣，凍o既，應該都係水煮再撈汁，兜左都唔知有無五下所以一啲都唔熱，唯一好處係無沙，收我78蚊，傻的嗎！佢係有ok好食o既餸，，但就係招牌個啲，但無理由次次都食同一樣。

大家姐話元朗有間小炒好多o野食, 好抵食, 拍晒心口話佢食過幾次都無事… 我都真係半信半疑, 但係其他人無異議, 我唯有和議…來到門口, 爆多人, D枱擺晒出街都全院滿座, 訂咗冷氣廂房都要等, 座位仲椅貼椅, 接近坐唔入, 後面枱3位年輕女子不停報以仇視眼光, 我想講, 我地都係受害者, 唔該你仇就仇間餐廳… 個冷氣廂房接近完全無冷氣, 仲要不停滴倒汗水, 我估部冷氣唔支持得幾耐…10個餸, 加埋啤酒汽水白飯, 1行14人先至$1100, 真係堅抵…乳鴿脆就夠脆喇塊皮, 但肉比較少, 致命傷是好鹹, 可能係為咗迎合飲啤酒的客人的口味…薯仔牛柳粒好得, 甜甜酸酸的, 薯仔又夠粉, 好快比人搶晒…粟米斑塊又係小朋友之選, 熱辣辣到呢, 沒有半點腥味及多餘油份, 幾得喎…炒蜆我冒死試咗1粒, 味道中俗, 不至好味到我要冒死食多幾粒…薑蔥煀蠔好惹味, 都幾大隻, 仲食極都有, 要用筷子搜索清楚有無幸存者縮係薑蔥下面…炸豬手皮脆肉嫩, 絕對是驚喜之作, 啤酒肚的欣物…椒鹽鮮魷鮮度略遜, 惹味得來總像缺少了靈魂, 不知道問題出在那裡… 可能係個喼汁唔得…好耐無食過豉汁蒸鱔, 用大木桶上, 很有風

呢日中午同男友仔去街街, 不知不覺又到左晚飯時間...左諗右揀, 原本打算試下果間泰國野, 不過最後我揀左呢間.......大排檔!!!因為成日都久唔久有路過, 但係就一次都未試過~好香喎~ 隨便揀左張路邊既細枱坐低左, 跟住就好努力咁睇 menu!2 粒人, 其實可以食既唔多, 因為見佢碟都唔係細, 所以叫左幾樣野就收手~- 紅燒乳鴿- 椒鹽炸豆腐- o者o者白鱔煲- 白飯呢度可以直接望到入廚房位, 見到入面好多大廚, 又忙又嘈, 好似打緊仗咁... = ="落完單, 都等左好耐下先有野食....可能真係太多人呱~乳鴿上枱, 有陣陣香味, 顏色唔錯, 炸得均勻, 肉質唔錯, 有咬口有彈性, 唯一係....唔夠肉汁, 可能係炸得過火左少少!!之後黎既椒鹽炸豆腐, 賣相都唔錯, 大大碟炸得脆, 可惜...........有部份炸得過火了, 已經唔係金黃色, 而係......暗黃色!!原本, 想食油鹽水浸蜆, 點知等左好耐先有人通知............蜆已賣晒!! T^T所以就改左要o者o者白鱔煲, 熱乎乎既一個小菜, 香氣噗鼻, 白鱔肥美肉厚, 可惜..............o者o

呢間店.至少開了2年,每一天在街上都放滿枱,店的門外有燒味,海鮮放出來.假日時也坐無虛席,竟然零食評?呢間店在我家中附近.我都遲遲末試,前2日終於一試.雖則說街道放滿枱.其實也有一間舖,但環境當然簡陋,至少有冷氣供應,我也滿足,服務.我亞姐都有禮貌,大排檔的大叔當然粗聲粗氣,都不用介懷金銀蛋浸時蔬55元.原來是白菜湯加了金銀蛋,湯底鮮甜.所有材料份量都足.只嫌白菜煲得火喉不足.有少少草青味,和較硬身.豉汁蒸白鱔98元現在的白鱔貴.每一件也飽滿.肉質彈牙.沒有泥味.而汁的味道亦恰到好處.不會過鹹.加埋飯.一個飲品.埋單179元也合理...