榮式燒雞扒 (已結業)

這店聞名已久, 這還是第一次吃.縱使只吃些不甚名貴的食物, 但這裏環境整潔企理, 服務也不錯, 姐仔忙中也不會黑口黑面, 抵讚.來到當然要試下這裏的招牌雞扒, 不想吃飯, 所以揀了榮式燒雞扒湯烏冬吧!雞扒肉身比一般薄, 質地嫩滑不粗鞋, 調味不濃, 比較吃得出是較強的黑胡椒味. 湯烏冬有金菇和木魚絲調味, 烏冬也帶點煙靱.可能期望較大, 招牌雞扒雖好吃, 但又不致於一試難忘.但食物, 裝修和人物可令我看到誠意, 鼓勵鼓勵!

叫了豬頸肉+雞八 飯 及雞八面雞皮炸得好脆um...但我覺同去台灣街邊食既差太遠,比較細塊, 味也較淡而且價錢也貴了一點

凍凍地...突然想食一個熱辣辣脆卜卜的包~慢慢諗起上次的生日午飯...男朋友帶過我去食一個超正的雞扒包就係北角的榮式喇~!!!記得我點了雞扒包...本來以為個focus係雞扒...但其實個包我更喜愛~!!!即叫即製吧~??好熱辣辣的呢~!!!個包好脆...上面有烘過的一格格烘紋...男朋友點了雞扒藕餅午飯...雞扒不用說...當然燒得好味...更值得注意係件藕餅~!!!...賣相唔靚仔...但煎得勁香口...吸引力不遜主角雞扒^^店內座位舒適...服務員都幾nice呀...好想再去食>w<

以前食LUNCH都會同同事去京味食..依家京味執左,周圍都食過哂,就黎食個雞扒好耐以前都黎過,雞扒燒得真係唔錯..不過食下食下真係有D麥記板燒雞腿FEEL蓮藕餅..以前煎得好香..好好食,但係依家只係炸出黎..好多油凍檸茶,過得去吧..服務都OK,笑容夠+分有下次,不過唔會再點蓮藕餅囉0.0

自從食過WANCHAI個間之後就幾鐘意係個度食但佢愈黎愈多分店後,QUALITY愈來愈差北角E間一開始都仲KEEP到,但而加真係幾間入面最差個間主打雞扒而家又細又多油,章魚餅都仲OK豬扒就愈來愈差又冇以前個D餐簡,真係愈食愈嬲...

星期一，搬家之事已落實得八八九九，可以繼續做北角人。住了北角區年多，一次都未試過與家咫尺之距嘅「榮式燒雞扒」，臨別舊居在即，是時候幫襯一下了。太座是豬扒加鹵豆腐拼豬骨湯拉麵($45)，豬扒質素普通，沒有留下深刻印象；反觀筆者嘅榮式雞扒拼粟米肉粒套餐($42)，值得一談。這塊燒雞扒，外表燒得金黃，表面十分香脆，醃得很入味，十分吸引。咬落肉汁亦相當豐富，美味可口。粟米肉粒是固然的大家樂feel，伴在白飯旁的什菜是炒過吓的，都算唔錯。筆者想，此燒雞扒可謂猶步江湖，價錢又不離譜(試想一頓大家樂晚飯套餐閑閑地都要三十幾啦)，是值回票價的。服務有點甩漏，減了分。

九月上旬‧晴心血來潮，來了這附吃飯。好幾間的榮式也都吃過，又試試這裡如何？午市人不少，一個人，當然會易一點找位，就給安排搭檯坐下。要了煎雞扒及豬頸肉的雙併，另外一杯凍咖啡。這裡的利害之處，就是找到一個簡單又美味的雞扒煎烤方法，令出品受歡迎之餘，也容易保持水準。如是日的雞扒，醃得夠味，皮脆口，沒有什麼可以挑剔的地方；豬頸肉賣相一般，但吃起上來爽口之餘，還有香茅的香味的，也很有水準。除了雞扒及豬頸肉之外，還有薑蓉佐吃，倍添風味。埋單38蚊，不便宜，但錢是抵人賺的。

放咗學, 去試了一客滷豆付燒雞扒飯套餐，等了約 15分鐘就有得食~嘩~雞扒好嬓滑又好大塊，加埋老火靚湯，好飽肚！(p.s.: 這裡的個人空間感唔錯, 加上一班穿整齊製服的年青伙計, 感覺不俗！)這裡是不收加一服務費的可以改善的地方是洗手間的衛生安排 ^^

因工作關係，很多時午餐時份都有機會到處去覓食，每當得知有任何吸引的食肆，都將資料分區存入手帳，方便日後登門拜訪。其中一間叫 “膳食小廚”，出品的 “榮式燒雞扒” 可謂抵食夾大件，而且味道更是頂瓜瓜，Openrice得分達66個笑vs 5個喊。但每次進入此店都要鼓起勇氣，事關除了要忍受迫餐死之外，更要抵受到滿身油煙之苦。後來，得知在銅鑼灣開了分店之後，滿心歡喜以為可以避開油煙之苦，點知，情況更差，幸好該處設有露天位置，暫可勉強地享受美食。今年三月，榮式雞扒卒之在北角登場，地方寬闊之餘，裝修更一改以往。今日，配合天時地利人和，工作路過又沒有帶飯，又可以回味這件 “坑紋雞扒”了。細閱桌上兩張古古怪怪的過膠餐牌，發覺每間分店(共有4間)食物都有所不同。例如只有總店有撈公仔麵、北角店有河粉同檬粉仲有鴨胸、栗米雞C等等。不過我始終對雞扒情有獨忠，所以最後也是選擇雞扒飯+凍咖啡($40)。兩大件雞扒香噴噴份量十足，加上豉油汁，已經令人垂涎三尺，翻開雞扒們，發現配菜跟總店不一樣，而伴碟的酸菜改成了蔥油，變得油膩了一點。匆匆拍過照後，要煩惱的，就是吃與不吃? ………….. 我是指雞皮…… 香脆的雞皮實在

上次朋友介紹，今次同dad去叫咗一個跟滷豆腐，一個跟鴨胸片燒雞扒無論係賣相同味道都的確係唔錯，醃得好好味唯一唔好ge就係覺得佢放太多豉油，到我食完塊扒就好食豉油撈飯咁 haha$4x套餐又多combination，下次會再泥試下

之前見灣仔個間有好多好既評語, 咁岩去開北角, 所以就入去試下~點了榮式燒雞扒配鴨胸飯, 雞扒只得薄薄的一片, 皮不夠脆, 飯只淋上少量豉油,跟一般的碟頭飯沒有分別, 很失望!!

一個人, 口痕痕, 又無食夜晚飯。臨搭van仔時見到有間榮式燒雞扒分店, 諗住食完先返屋企。坐低叫左個set b, 係粟米蘑菰肉粒配燒雞扒飯。落左單唔夠一個字, 碟飯就已經上桌。其實都無諗住話佢地會即叫即燒, 一食塊雞扒, 微微地暖既。想點?個雞扒雖然醃得好入味, 但微暖既燒雞扒真係唔係甘多人可以接受到...粟米蘑菰肉粒伴以忌廉汁...一般快餐店既味道。唯獨service好ok, d侍應幾好笑容, 又唔會趕住收工甘...

今日同友人無聊, 突然他想試下北角間榮式燒雞扒......各自點了:榮式燒雞扒+燒豬頸肉飯: 燒雞扒名不虛傳, 調味剛剛好, 豬頸肉燒到剛剛好, 唔燶, 易入口, 而飯本身加了蔥花, 香口好味榮式燒雞扒+煙鴨胸: 煙鴨胸香口, 而且易咬.有下次有下次

總覺得香港的餐廳要「發圍」，就算是使出一大堆的花拳繡腿，再減價促銷，總不及勤勉的來一兩項耍家招牌食物，叫人不得不來吃完再來。這間的小店子就真的可以做到了。雞扒本身不是一件十分特別的食物，來到了這間小店，卻做得相當出色。雞扒用烤的方法來處理，一方面鎖住了裡面的肉汁和油分，另一方面也將雞皮的邊緣烤得香脆，但亦不會有烤焦了的問題，火候的掌握十分到家。雞扒雖不是新鮮，但在濃濃的味道之下，卻沒有什麼雪藏的味道。另外，想必是因為烤的關係，雞扒被壓長了，不是平時見到肥肥厚厚的樣子，卻變得修長而薄身，但肉汁卻仍然豐富，而且是即叫即燒，雞扒上桌時熱得燙嘴，這是其他什麼事後補救（如放進微波爐再叮一叮等方法）所造出來的味道截然不同。肉質嫩滑，這想必是拜肉汁和油分在內所賜。這次小弟叫了雞扒拼豬頸肉。豬頸肉雖然是普通貨色，沒有經過燒製，肉質也頗乾硬，不過，這豬頸肉仍可算是不過不失，只是有了這塊燒雞扒「珠玉在前」，使得豬頸肉變成了真真正正的配角了。這裡叫的碟頭飯放了蔥油和菜脯，與豉油撈勻才吃，有點吃燒味飯的感覺，卻與燒製的雞扒相當配合，好吃。凍檸蜜的蜜糖放得足夠，甜度剛好，不錯。小弟在北角開飯，有著落了！

29-6-09(一)這次來主要讓 T試試其馳名燒雞扒，要等了一會兒，座位不太舒適。叫了一個榮式燒雞扒飯配滷豆腐、一客磨菇滷牛肉飯，檸茶一凍一熱。茶先到，凍檸茶比一般茶餐廳好喝。燒雞扒仍是不俗，但今次皮不脆，反而滷豆腐很入味。這客磨菇滷牛肉飯，好像是午餐套餐中最貴，一點也不好吃，鹹得要命的碎牛肉，完全不合格。價錢偏貴，坐位窄逼，試過就算了。