榮昌茶座

营业中

休息中

      其实来这里不是很方便，地铁没直达，在上水站下车后还要去公车站转77K路在莲塘尾站下，再往车尾方向走半分钟才到。      煎鸡尾包（HKD$12）：鸡尾包吃过，但就没吃过煎的，还可以，不算甜，椰丝挺香。    猪扒餐（HKD$36）：包括一个猪扒包和一杯咖啡。    猪扒包：包身很脆，但是太干，而且猪扒肉有点柴，比较逊色。    即磨咖啡：反倒是这杯咖啡有带给我惊喜， 浓厚而不苦涩，好喝。

星期日，揸車去古洞探朋友，咁睇到openrice d人話ｅ間餐廳ｄ豬扒好好食，咁順路就當然要試下啦！去到之後，真係好多人，人又多，車又多，ｅ個位應該係有車先黎到，泊左車之後，等左一陣就有位啦！望一望餐牌，心唸洗唔洗咁貴呀！咁我就叫左個豬扒包，熱奶茶，煎雞尾包，女朋友就叫左個豬扒米粉，凍咖啡！女朋友果個到左啦，我就夾佢一舊豬扒食啦，又真係幾鬆軟wor!又有豬味，ｄ肉唔會那到好似ｄ滑牛咁！令到我好期待我個豬扒包啦！而咖啡就無特別啦，普通雀巢咖啡！煎雞尾包，唔知點解自己感覺係隔夜麵包返煎，當然ｅ個係我無證無據嘅亂講啦！煎出黎都幾香口呀！再加ｄ果jam又幾特別！奶茶，我從來未飲過咁難飲嘅奶茶，根本就係苦茶，就咁睇相都知佢唔夠奶，同埋個茶底應該煲左好耐，我落左3匙糖都係苦，超差豬扒包最後到，見到我都呆左，點解個豬扒咁細塊，size根本係個包一半度！重要有舊骨，有骨嘅豬扒包同一隻帶蝦殼嘅蝦嘅蝦餃俾我感覺係無分別，真係幾特別，塊豬扒拆埋ｄ骨重細塊，自己好似食炒洋蔥包咁，真係幾好食都假，加埋杯奶茶成50蚊，好彩都係順路！一定唔會再黎！

甘岩開車經過附近就轉左過黎食，平時多數叫波蘿油同煎雞尾包，但今次趕時間就叫佢整左個蛋牛治，佢唔同出面系罐頭喊牛肉，佢系用新鮮牛肉整的，好多牛肉好足料，個牛肉食落口好滑無根，但有咬口的，淡淡牛肉味再配上剛好熟的蛋

其實呢間餐廳就系唔系好周腳，但佢d野食真系好味道，有時去開上水附近都特登轉入黎食個豬排出前一丁麵配杯大大杯紅豆冰，佢塊豬排好入味好鬆軟，一D都唔痴牙，個麵唔系浸熟的，湯夠熱、佢杯紅豆冰紅豆大大粒起晒沙，甜味適中。

今日系附近返工都忍唔住特登坐多十分鐘黎到榮昌叫外賣，食佢既招牌豬排包同埋佢既大大粒紅豆冰，佢塊豬排好鬆咬落多肉汁甜甜地，再配佢外脆的包皮，good,佢個紅豆冰比一般食的紅豆大幾倍，一樣煮到起晒沙，甜度適中

好耐無去食依個煎雞尾包，將雞尾包煎熱黎食，暖粒粒食別有一番風味因為佢整熱左，所以入面既餡料有啲融化咁食落真好好味另外佢都有煎菠蘿包，都係HKD 14下次再去的話試埋煎菠蘿包先介紹得煎雞尾包又點少得另外一個必食既食品就係---豬扒麵其實豬扒包係比較有名的不過我怕太乾身，所以我揀左麵豬扒咬落超鬆軟入味，而且加埋蜜糖一齊煎一定要試不過價錢都唔算平 HKD37 咁好味，值得既食完咁多野點少得要飲野呢黎到梗係要飲紅豆冰粒粒紅豆都咁大粒絕無揸流灘👍🏻 HKD20

一班人下午茶時候去到呢度午餐，馬路邊一間簡陋冰室，有得泊車，室外座位都有陽傘，我哋人多坐在有蓋大圓枱，在枱邊有個櫃位放咗蔬菜及農具放售！ 餐牌選擇以冰室食物為主！有好多有特色飲品！店員落單後食物好快到！ 炸雞髀沙律（$35）雞髀唔算大隻，炸得外脆內嫩，鹹香好味，沙律份量唔多，蔬果爽口，但沙律太多沙律醬，味道太酸 珍寶熱狗（$36）熱狗大隻，香腸皮薄多肉汁，青瓜醬酸爽好味，可以解膩，麵包鬆軟！ 煙肉腸仔卷（$30）派對小食，炸得熱辣辣，煙肉油脂滿咀，香腸彈牙！ 咖哩牛腩飯（$50）少飯，咖哩汁香濃微辣，牛筋粗身，炆得入味彈牙！膠質滿咀！牛腩有幾多件，有啲有筋膜，炆得入味唔嚡！加上入晒味嘅薯仔同爽脆洋蔥！好味！白飯一般！ 菠蘿包（$12）我唔要牛油，菠蘿包皮甜膩但唔夠脆，麵包略濕唔夠鬆軟！一般！ 煎雞尾包（$12）扁平樣子好搞笑，烘得熱辣辣，雖然無咗鬆軟，餡料椰絲甜膩可口 熱鹹檸水（$17）第一次飲熱鹹檸水，唔落糖，鹹味清爽唔澀，幾易入口！飲完喉嚨好舒服！ 石板街涼粉冰（$18）賣相好特別，朱古力雪榚比較實，朱古力味唔夠濃，我唔鍾意撈落去食，所以先食晒雪榚，涼粉冰唔重奶味，涼粉多又彈

悶悶地揸左架車去榮昌tea下先，呢到比較格攝，如果無揸車都唔多方便。平時豬扒飽食得多，今次天氣熱熱地想轉下口味，叫左個熱狗食，原來都一樣咁出色，咬落啖啖沙律菜同腸，好清好新鮮，坐喺outdoor望住外面既環境，感覺好似置身郊遊外。

好多年前，食友阿 Jay (Fabulous Jay) (Build 。美。會) 向我推介一間位於上水與錦田之間的一間山寨食店。由於地方非常之隱蔽，又唔就腳，也不順路，所以一直都沒有鼓起勇氣名興趣來尋找隱世的味道。是日，在粉嶺與太太的家人午膳後，準備去位於屯門的佛堂，可是時間絕對是尚早，外母大人問我有什麼地方可以帶他們去行行坐坐 (最重要順路)，打發一下時間，我想了又想，眾親戚又有癮去飲個下午茶，於是，我想起了當年阿 Jay 的推介，位於粉嶺哥爾夫球場旁邊的《榮昌茶座》。此茶座，位置的確是很偏僻，沒有車基本上是來不到，所以，餐廳 (也許叫返茶座好少少) 的後面，預留了兩片大空地，給客人泊車之用。安頓了汽車，就入茶座，在未讓大家了解茶座的環境時，我先讓大家了解一下這一家茶座的歷史吧。《榮昌茶座》的前身叫《榮昌商店》，始於1952年，至今的經營者，好像已經是第三代傳人。餐牌及其網頁上，有此店東主幾代人的辛酸經營故事，都幾感人下架。說地方了，是一間平房再加有半露天的 green house 位置，坐在這些屋外位置，風涼水冷，份外地感到舒服，我來過兩次，兩次都是坐在外，這一種飲食感覺，完完全全

Weekend想去d特別d既地方所以就入左去榮昌到飲杯奶茶hea下榮昌茶座位於粉錦公路，哥爾夫球場附近早年因為呀蘇介紹過，所以都幾出名咁遠入到黎，梗係要食佢地既推介啦鮮油菠蘿包菠蘿包係呢到其中一個招牌菜菠蘿包微暖，麵包好軟熟個皮唔會好硬又唔會界口加埋中間果塊鮮牛油D油香同埋麵包既甜味雖然係好簡單，但已經好令人回味乳鴿哈哈 估唔到呢到會有乳鴿食但既然係推介食物，就試下啦乳鴿皮脆內嫩有肉汁最鍾意佢個調味，唔會太咸但有香料味奶茶咁去茶座又點可以唔飲番杯奶茶呢?茶味幾香，不過覺得唔夠滑綠茶紅豆冰紅豆煮得夠腍所以一食就有好多粉加埋綠茶雪糕個配搭都幾有新意不過我覺得唔加應該會仲好飲好多食店出左名之後就會變得唔好食但呢到雖然一到放假就會好多人但食物水準都保持得唔錯星期6日諗唔到去邊可以去試下

真係可以用非常好味的豬扒包,唔洗過大海,原來就係香港,仲係新界鄉村茶座,好懷舊.一場嚟到四個人都決定要食'招牌豬扒包'.豬扒真的很嫩,還有肉汁,很容易咬,絕唔係嗰種死腍質地,無彈性嗰種,醬汁均勻,調味得很好,洋蔥只係輕輕炒過,不會過熟,麵包外皮薄,脆,內裡嫩,一口咬落,真的香味無比,外出真係食唔倒,非常滿足,真令人念念不忙,知道榮昌處理豬扒,係用人手一下一下揼鬆啲肉,唔會落鬆肉粉,所以好有咬口.其實當日還點了,滷水雞中翼,色澤光亮,顏色好深色,外表好似瑞士汁雞翼嗰種,但絕對唔係瑞士汁,這碟雞翼非常好好味,滷汁很香,唔似滷水汁,味道很特別,好複雜,好難食到呢款滷水雞翼嘅味道,好香好香,皮好滑好滑,肉非常之嫩滑,無得頂,好味到要再encore,因為一碟有5隻.另外,呢到有好多特色,懷舊特飲,雪糕紅豆冰,涼粉奶茶等等,話晒係"茶座"總括:外出真係食唔倒,無得挑剔.(唯獨是:價錢好唔鄉郊 )

喺呢間餐廳食過三四次飯，冇一次有影相，因為每次都係客請食飯，我一般都唔會影啲食物，亦因為係咁所以冇諗過會寫佢嘅食評。平時喺呢度食飯，我連餐牌都懶揭，只會叫是日午餐，算食得好簡單，今日比較特別，個客拍緊車，未入到來，就攞個餐牌揭下，發現阿蘇曾講過呢度有全港最好食嘅豬朳包，有咁高嘅評價，本來想叫個試下，但係嗰日係入冬以來最凍嘅一日，一個包根本唔夠飽，因為唔係自己埋單，又叫包又叫飯唔係咁好意思，所以叫左個豬朳飯食算。豉油豬朳飯 HK$42睇啲豬朳骨位並非据口，估計係新鮮朳，一啖咬落驗証無誤，充滿肉汁，鮮甜異常，而且不帶雪味，豬朳確係得！但係豬份量真係頗細，最多得塊半(切開哂) ，佢地間鋪響啲上水吊腳位，鋪租平，講真件頭可以大番啲，唔好咁寒酸；仲有佢地碟飯都好細碟，以當日咁凍嘅天氣嚟講，我係唔多夠嘅。總結 :雖然味道唔錯，應該未至於好似阿蘇講到嘅全港最好咁正， 加埋杯HK$16嘅熱檸蜜，呢餐飯要HK$58，性價比只係一般。

超多嘅sauce ，生菜蕃茄配得啱啱好咖，熱狗腸嘅長度跟面包一樣，每啖都有肉有汁，簡直perfect 咖啡香濃，滑吾會太甜!呢個仲有套餐叫，加埋凍飲都係$39咋!下次再嚟，一定要試埋個豬扒，都好岀名咖

好中意食榮昌燒乳鴿,黎親都食~燒到外皮酥香又脆又香口,鴿味又香,唔伯好SO!味道入味,真係好好味!一咬落去D肉汁同油流哂出來好味好好味!!呢度既麵包都好唔錯呀,鬆軟又多餡,唔伯好似食空氣咁,最愛菠蘿包,個菠蘿皮又脆又香牛油味!

早餐大大份！ 有佢出名既豬扒！豬扒好鬆軟！ 調味好好。不太咸～多士有滿滿的牛油，新鮮烘的，好味！最好飲係佢既奶茶茶味香，紅茶味濃奶都好滑撞埋一齊好飲好香好滑！有個good morning 😊😊