榮昌茶座

营业中

休息中

今日天氣好好，終於同男朋友去左講左一年都未去既茶座。呢間茶座係車路中間，無車真係好難去，當然泊車都唔容易。但既然咁出名，慬係要試一試。4 點到去到，都差唔多坐滿，我地倆個都要撘枱，真係好好生意。有彩色餐牌書，入面仲有傳媒推介食物，不過我無影，出名既地方當然價錢都有番咁上下。男朋友話最好食係綠茶雪糕紅豆冰、豬扒包同乳鴿。乳鴿賣曬，一場黎到都試下其他。叫左一個菠蘿油，以佢17蚊既價錢，呢個包就真係唔合格。同普通麵包店包既無分別，麵團唔好，包唔得QQ，又唔夠熱，上面既酥跌到周圍都係，旺角既金X菠蘿油真係好食好多。跟住叫左杯奶茶涼份冰，有點中伏，好苦”GIP”，飲左幾啖，真係忍唔住同老闆娘講，佢話可能唔記得加淡奶，咁都得，不過加左之後，可以入口 (僅係無俾杯新既我啦)，29蚊一杯，真係可一不可再。 重點飲品綠茶雪糕紅豆冰真係唔錯，算係性價比最高，都係31蚊，綠茶雪糕好食，紅豆冰都味道都恰道好處。豬扒包就都係咁啦，正常味道，無話特別好食唔好食，包可以熱D，洋蔥可以煮一煮會更好，都好少豬扒包既豬扒唔去骨……要開車先入到去，又無景，我覺得食一次就夠，睇唔到特色既位係邊，都係吹大左既茶座

放假訓醒就已經到食Brunch的時間男朋友就話：「帶你去食豬扒包、乳鴿做早餐呀!」我心諗：「下...下...下...咁肥膩．．．」不過無所謂啦～肥就肥啦！反正會做運動！經過一條長長的高爾夫球場之後就到了原來是茶檔的格局, 不過有室內有冷氣及室外之分當天人很多, 我們只能坐室外, 可幸那天不算太熱!!點餐後, 好快飲品就已經送遞到面前我點的是紅豆冰, 男朋友的是石板街涼粉冰紅豆冰的紅豆是大大粒的, 有質感的, 不是糊糊的而且分量算多, 我好喜歡!!!石板街涼粉冰我覺得只是特色飲品如果想食石板街雪糕及涼粉的話就叫吧~不過當天我聽到好多人都有叫!!我覺得味道只是普通而已~豬扒包集脆、鬆、嫩、爽、香於一身外層既面包焗到脆口只需用叉輕輕插入就會發出悅耳的卜卜脆聲音面包內雖然無一般街食既煙韌口感反而係一口鬆化軟熟既質感豬扒醃得好嫩, 滑而不失口感用刀輕輕一切就已經可以切開再配上香濃醬汁炒過的洋蔥真係暫時係我食過最好味既豬扒包!!!!!唔怪得之男朋友說有好多人專登入黎食啦!!!!我個人本身好喜歡食乳鴿的, 男朋友亦推介我試這裡的乳鴿體形比較我平時係酒家食的細小油脂亦比較一般的乳鴿少, 取而代之就係嫩

呢間茶記想試好耐，但嫌地方有點偏闢⋯今日有朋友揸車嚟，旁邊就有車位停泊，非常方便！呢度室外同室外都有坐位，室外比較優閒，室內就有冷氣，因全是大枱關係，2人喺多數要搭枱。今日星期日，約下午4點嚟到，都好多人，但室外仍然有位，仲見到蘇思黃添！呢度有好多出名嘅嘢食；菠蘿包、煎雞尾包、豬扒包、紅豆冰等紅豆冰：紅豆大粒夠淋，又唔太甜，👍豬扒包：豬仔包外脆內軟，上枱個包仲熱嘅，豬扒夠鬆軟，不過有骨就麻煩咗啲！仲叫咗個乳鴨：係BB乳鴨嚟，好細隻，但皮脆肉嫩，👍

今日同屋企人去左上水一個比較郊區ge茶餐廳，系系一個高爾夫球隔離，所以環境優美！有好多傳統茶餐廳賣ge野食，同時都有d好友創意ge美食，例如有煎雞尾包同煎菠蘿包。雖然改左小小，但一樣好味，仲好得意添！紅豆冰都物超所值，用新鮮紅豆做，紅豆差唔多有2/3杯紅豆冰gum多，甜甜地，好好味！我地3個人去食，每人一樣野食，一杯野飲，平均$40一個人。可能比一般貴少少，但好味又好景，抵啦！

已第三次黎呢度食野，但就第一次寫食評，同上幾次一樣選擇了坐出面的露天位，吹吹清風，舒服透了，馬上叫野食先，佢地的招牌菜都已食過，今1次試下其他先，碎蛋牛角包餐$38轉飲雲尼拿雪糕紅豆冰加$14，碎蛋略小，夾著新鮮生菜，牛角包酥酥脆，不錯，大大粒原粒紅豆，入口即溶，又有些咬口，最鍾意佢不太甜，幾好，埋單$52，小小貴左D啦

趁今日假期可以帶狗狗一齊出去玩，於是揸車黎到元朗呢個高爾夫球場附近既茶餐廳。今日天氣超熱，由於帶左狗狗，所以只可以揀戶外坐，馬上叫左杯綠茶紅豆冰消下暑先。見到d紅豆都幾大粒，煮得都幾軟身。但個雪糕就無乜綠茶味。再叫左個豬扒包，豬扒包𥚃面夾左d炒洋蔥，但我自己本身因為唔鍾意食洋蔥，所以無食洋蔥。個包裡面塊豬扒係連骨，所以食落時有d麻煩，要切走d骨先食得。略嫌個包太乾身，塊豬扒都算juicy唔油膩，如果個包再焗至軟身會好味d。小食煙肉腸仔卷，睇落好似好heavy，加埋d茄汁一齊估唔到又幾好味。煙肉表層煎到脆卜卜，包住軟淋淋既腸仔，同d茄汁一齊食，酸酸甜甜，變得無咁肥膩。用餐途中見到好多主人帶埋狗狗一齊，如果出外可以同狗狗一齊食飯，都係一件幾咁開心既事。

聽聞榮昌茶座的煎雞尾包和紅豆冰很有名，便趁平日比較少人駕車來嘗一嘗。茶座外的車位不多，相信如果周末來要等位。我和友人很快便被安排入座，點了煎雞尾包、煎菠羅包、豬扒包、沙嗲牛肉包、凍鴛鴦和紅豆冰。當時的客人不多，食物和飲品等了不久便到。我點的紅豆冰不錯，甜度適中，奶味不會太重，底下的紅豆甜甜的，一整粒一整粒。友人大讚凍鴛鴦好喝，喝過後我也覺得奶茶和咖啡的比例恰到好處。或許對煎包的期望太高，我覺得並不是特別好吃。煎雞尾包和煎菠羅包外型扁扁的，來到的時候熱辣辣，兩者皆比平日吃到的少甜。豬扒包裡有條狀的洋蔥，煎香了的豬扒肉嫰但味道不是特別好，所以我較欣賞外面又熱又脆的麵包。最失望的是沙嗲牛肉包，包與豬扒包的包一樣，但裡面的牛肉味道很膻，比普通茶餐廳的差。總括來說，這間茶座的食物和飲品無疑是比普通茶餐廳的好吃，可看得出餐廳製作食物的誠意，價錢也合理。可是，慕名而來的話，可能會有少許失望。

花生漿西多士, 豬扒飽併奶茶, 紅豆冰配雞腿, 全都是兒時最愛，想起就餓了。平日工作忙, 假日才有閒情嘆嘆下午茶餐。比起在酒店中high tea，地道港式下午茶更吸引味蕾。這次分享榮昌茶座美食之行。 豬扒飽脆卜卜豬仔飽, 配上洋蔥同煎豬扒, 簡單完美配搭。豬扒是很普通的食用材料, 但普遍茶記都會使用梳打粉醃制, 結果肉質變得粗糙, 肉汁亦流失。而榮昌的豬扒鬆軟有肉汁, 沒有過份醃制的怪味。 花生漿西多士西多士制作簡單, 而榮昌用心制作。第一, 不用千年油炸, 西多士賣相金黃, 沒有油膱味第二, 西多士上的小三角， 絕非反式脂肪牛油, 是真正"牛油"。第三, 小碟糖漿味道清甜, 不是廉價貨。 香滑奶茶(茶走)合格之上, 香醇濃郁。(個人對奶茶沒太大要求)平日優惠茶餐供應, 假日只有散點食物。茶座有內堂冷氣開放, 煙民亦可選擇室外大圓台。每人消費才40元, 買到用心制作，實在難得。

我倆揸車途經粉錦公路，遇見一間半露天茶座，決定下車偈一偈！難得餐廳外有車位泊車，方便了駕車人士。甫進內，老闆娘已給予我們一個溫馨提示：「早餐時段還有兩分鐘，看看吃什麼早餐！」所以我們急不及待的看著餐牌，選擇了B餐，叧加一隻BB乳鴿！很少食店有比得包可以選擇，包面微烘乾身，配以新鮮蕃茄、生菜和煙肉，伴以蛋黃醬，入口清新爽口，健康之選！牛油粟米入口既甜帶香，略嫌份量太少！火腿河粉，河粉爽滑，但味道較淡，要另加辣椒油調味！招牌BB乳鴿，即叫即製，鴿身上色均勻，皮脆肉嫩，不用蘸上淮鹽，也是滋味！再配以一杯凍檸水，為這餐劃上完美的句號！店內另提供有機蔬菜供客人購買。默默自家經營的鄉郊茶座，是歎茶淺嘗的好地方，亦是忙碌都市人隱世的偈腳點～

揸車入開元朗，順便兜去上水試下之前電視介紹既煎雞尾包，當日下午去到餐廳門口已經看到有人等位，餐廳隔離有個停車場可免費泊車，泊好車後便入去問服務員攞飛等位，餐廳分別有室內及露天座位，等了差不多30分鐘有位了，入到去大部份都是大圓枱，所以就跟別人搭枱了坐低後拿餐牌一看便叫了這裡出名的煎雞尾包、牛腩河、西多士、綠茶雪糕紅豆冰、炸薯條、熱狗、梅菜扣肉飯煎雞尾包比想像中沒什麼特別，只是壓扁了的雞尾包，十幾蚊一個太貴牛腩河d牛腩煮得好淋又入味，可以一試 這個是朋友叫的，他的意見是不會太肥，好味綠茶雪糕紅豆冰 紅豆又大粒又多，值得叫的炸薯條、熱狗、西多士都是跟一般茶餐廳差不多

We came here today from the recommedation of a friend. Their specialty dishes are the fried gai mei bao and bo lo bao, although their pork chops are also delicious and great even upon reheating. Both are delicious although be wary- the gai mei bao is known to sell out on occassion! If you're willing to wait though, they make fresh batches. A delicious treat that tastes like the bun usually would, except chewy and moist on the inside instead of dry as it can sometimes be.The milk tea isn't anythi

自從看了三色台的訪問，我一直都好想去試試。原來上水入去再轉小巴都方便，為了個豬扒飽我決定要入上水。露天茶座，而且附近種滿了百合花，香氣撲鼻，非常愜意，環境已經滿分。可惜四點多，豬扒包已售罄，唯有點了其他包。比得飽，看似普通煙肉蕃茄夾餅，口感卻非常豐富。咬落有生菜清脆，蕃茄juicy, 煙肉香口，再配上剛烘烤過的飽皮，配搭得宜又香口。鷄扒飽都不錯，雞扒煎得又香同時包持鷄肉滑嫩，而且。旁邊的奶茶即差點，茶味淡，奶味少。煎雞尾飽同樣香口，香脆又不油膩。紅豆冰不太甜，奶味適中，而且粒粒紅豆大粒又原整。由於太想食豬扒關係，點了豬扒丁麵。一般茶檔菜得一兩條，但這碗麵的配茶卻有五六條。豬扒果然出名，煎得很香又不油膩，咬落好鬆軟，豬扒肉汁四溢。這餐非常滿足，必定再次光顧。

這天一家大小去完假日農場,一出車就看到這間店,就突然來個下午茶!!車位雖則不太多,但一般都好快等到車位,合駕車人士,夏天飲杯涼粉好涼快!!侍應都好有效率,也看得出是家庭式經營,與食客打成一片!很懷舊,有風味!! 門口有個小韆鞦,很別緻! 價錢適中!!

在對面大隴完成拍攝工作轉眼已經14:00我老闆見我們辛苦了，於是今天不食碟頭飯，改叫送食Lunch. 4人午餐，真的很好。（對比前公司，真的差天共地）义燒炒蛋炒菜加哩豬扒豆腐蛋角評： D汁真係不錯，不會太SALTY，我諗甘滑口，應該有花奶mix coconut milk, 相反，出名的豬扒一般，骨很多，而醃味一般。7/10評：有成六塊定八塊蛋角，雖然不角，D湯汁幾好送白飯，而且D豆腐OK，有湯飯感覺。8／10服務可以的。

到北區!!呠呠車!!榮昌也!! 適逢到北區醫院,就榮昌一下.大概11點半去到 人不多 應該未到午飯時間不過都見到不少汽車泊在鋪外可見每個客人光顧呢度都需要一架車！室內外都有不少位置坐方便需要"呼吸"的客人最後點左紅豆冰雞扒麵豬扒麵菠蘿油 紅豆冰不太甜碎冰尤其配合紅豆大粒分量適中讚菠蘿包外脆內軟 略嫌不夠熱菠蘿油始終熱辣辣先夠過癮有點失望吧雞扒煎得好香去皮很貼心不過份量就只適合女士或者當下午茶份量男生可能點飯會比較好吧！至於豬扒、味道濃郁juicy薄身不太膩走既時候已到午飯時間人流就比較多了想不到位置偏僻既茶座都有一班捧場客下次或會嘗試豬扒包跟煎雞尾包