榮記潮洲粉麵

营业中

休息中

西環轉角位既一間粉麵，雖然唔係話最好食、有咩皇牌，但都係一間老字號，有佢存在既意義。 地膽叮叮食開就知咩係最好食，介紹左墨魚鬚、雙丸：豬肉丸同墨丸。我地一行三人不約而同叫雙丸，我果個就係撈粗麵，哈哈。我鍾意分開咁食。再淨叫左一碗墨魚鬚，都唔錯既！ 留意番餐牌，好多唔同配搭，又有粥食添。唔怪得之咁多老人家係度食，食完一個又一個，原來又清又好味又夠多選擇，好過自己煮啦。 令我最印象深刻既就係依度地方細細竟然有廁所。事關我有D事所以忍住冇去廁所，黎度依度果然暢快暢快，再慢慢品嚐粉麵。 我希望Daisy都可以好似依一間老字號一樣，雖然裝修陳舊，但格局四正；味道平凡，但留得住人心；偶有失手偏差，但好快就重整旗鼓。你快D好番，我帶你食好味既。

榮記在堅尼地城一個街角，小小一間舖，一邊用透明膠簾，另一邊用風鍘(空氣門簾)，環境確係嘛嘛哋，夏天熱熱哋，有時仲會見到叔叔在外面揮刀劈魚。今日個人病病哋，諗唔到食乜嘢，是旦叫，叫咗個四寶河($32)：魚旦一粒，墨魚丸兩粒，豬肉丸兩粒，魚皮餃一隻，味道普普通通正正常常，質地/口感及格以上，尚算爽口彈牙，河粉剛剛熟唔會腍坺坺，湯底應該無味精，配埋啲蔥同香蒜味道幾好。油菜($12) ：白烚西生菜加蠔油，正常。

睇某youtuber 西DxxSx條片介紹之後專程來西環試下好幾間小店，其中一間就是榮記。分別叫了魚蛋粉，墨魚鬚雲吞麵，魚皮，兩支汽水🥤魚蛋魚片係彈不過無咩魚味，最差係河粉吾滑又無米味都幾一般墨魚鬚份量吾少仲係非常彈牙不過一點墨魚味也沒有，好失望。生麵質地尚可，雲吞反而係兩碗中最好的食物，但是都吾係話正到會為雲吞而再來。唯獨是炸魚皮值得一讚，香脆可口，有魚味亦沒有油溢味。另外一提，老闆娘真的很親切有禮。

西寶城做完野餓到暈但不想hea找快餐店醫肚故沿完大街周圍找野食，行過見到榮記細細間但食客不少有老有少，一試無妨心態入去坐低叫了碗墨丸河加菜再加$5配支裝可樂。河粉夠滑口墨丸彈牙有5粒，湯底唔太咸啱晒我。對面位太太叫左碗四寶米好似好好味咁但因唔食牛怕包含牛丸，餐牌又冇寫清楚唔敢叫...失敗。因為冇卑單唔知原價$32嘅墨丸河加菜要加幾錢，埋單至知都係收$32...正。想帶老豆再來食

有幾位朋友家住西環，曾向提及榮記粉麵，他們都說西環街坊無人不識，就算他們搬離此區，也久不久回來吃一碗潮洲粉麵😻😻😻 如果到西環一遊，必要試試。今天剛巧有朋友送贈我facial 優惠券，而這facial 店就在西環，有緣到西環就試試這潮洲粉麵店。本來，我想試試連蔡瀾都推介的手打魚蛋和貢丸。但我看到有$33雲吞麵套餐包樽裝汽水，由於本人非常喜歡喝樽裝汽水，於是，二話不說即叫了這雲吞麵套餐😻雲吞麵：湯底清甜好味，麵質爽滑彈牙，雲吞是傳統做法，有半肥瘦豬肉及鮮蝦，很好吃😋下次有機會一定來試試手打魚蛋和貢丸😋😋😋如果您們來到西環，我也建議您們來試吃這傳統潮洲粉麵店👻

凌晨時分，經過荷蘭街，看見榮記仍在營業，門口貼著蔡欄先生的食評。因為晚餐只吃了個麵包，總覺得還要再吃甚麼🙈於是便買了一碗粥及灼墨魚鬚回家。由於電話電量過低不能拍照，是次食評相片缺席😂豬膶魚腩粥$36，餸的份量頗多，豬膶夠大塊有厚度，不會太鞋口，可惜其中一塊有苦味魚腩夠滑，不會很腥，多骨。白灼墨魚鬚$56，本身覺得價錢有點貴，男朋友愛吃墨魚堅持要買，份量不算太少，但以這個價錢來說會期望份量多一點。幸好墨魚夠新鮮很爽口彈牙雖然這間榮記老店名聲也不少，但仍不是我杯茶，希望在西環能找到一間我滿意的粥店

一個人出西環附近做野，搵左呢間粉麵店速食午餐。叫左一碗雙丸河加紫菜，盛惠30個大洋，價錢經濟實惠！雙丸係2粒墨丸併3粒豬肉丸，墨丸好香墨魚味，彈牙之餘仲有粒粒墨魚好有咬勁，個人覺得比銅鑼灣「文X墨魚丸大王」更好食。豬肉丸爽口唔會太肥，亦不錯。另外讚下d河粉，滑溜之餘份量亦不少，亦唔會碎濕濕。湯頭清清地，簡單加少少芫茜蔥花已經非常美味可口。香港剩返家庭式經營嘅小店已經唔多，我覺得應該要大力支持下先啱，下次經過西環一定會再encore呢！

這天同伴想到外面吃晚飯，而且指定要去榮記。一直聽說這是西環饒有歷史和水準的小店，可是上次光顧已是多年前的事了，印象很模糊。既然獲得她「欽點」，那我們便特意造訪 (店的位置在兩個港鐵站中間，所以也要些少意志和腳骨力)。到達時已過八時，客人不算多。這回認真看店內告示和餐牌，才知道除了傳統粉麵店的款式，還有油渣麵、甚至生滾粥等供應。而特別吸引到我目光(相信同伴也是) 的，就是白灼墨魚鬚了：這味也是附近另一家老牌麵店的名物，也是吃得我們很過癮的。加上店內張貼了蔡さん的專欄，說已移民數年的街坊，朝思暮想著這小店的滋味，兩者都把我對這頓輕食晚餐的期待值大幅提高。炸魚皮先上，不過湯 (不論是湯麵中的湯，還是撈麵附送的那碗湯) 未到，所以先讓它放著。已記不起有哪家店，會同時送上一碗湯，不為甚麼，就是為了禮待這備受推崇的小食。同伴的雙丸麵到了，她是第一時間把魚皮放進去，也不去吃裡面的麵。(其實這樣吃不是很理想，因為會令湯多了油，影響了麵的味道。) 我的炸醬撈也來了，我做的也是一模一樣。魚皮確是好吃，夠脆有鮮 (腥？) 味，更重要的是那層粉不厚硬。說回兩款麵，雙丸的豬肉丸和墨魚丸，不論肉質(彈力) 和鮮度

紫茶四寶河: 河粉滑，墨魚丸彈牙，豬肉丸爽脆，魚皮餃亦彈牙，河份份量唔算大，呢頭粉面價錢差唔多，但啲丸味道幾鮮。墨魚so: 都算彈牙 但有啲位較硬，要使少少勁先咬開。

味道已經大不如前。有時午夜無乜餐廳選擇唯有買個粉麵外賣。但點解叫親外賣order十次錯足九次?一係走青無走青、叫面變河粉、再唔係啲餸錯哂，唔通叫兩三碗面要即場check下?幾時先可以改善呀?

第一次中午到这来的时候，想吃粥，女老板告诉我中午没有，五点之后才有，中午可以吃粉面。引我坐下后，给我从另桌拿了菜单让我慢慢看。周围吃的人大都是鱼丸，云吞面之类，我却看到菜单上有一个炸酱面，便抱着随便试下的心态要了。不是正宗北方的炸酱面，也不似南方的肉末杂酱面，用的是肉丝，香菇，有点甜口的酱炒制的炸酱面，下面铺了豆芽，还配了一碗汤，味道挺好的。今天正好晚上来这吃碗鱼片粥，粥很软乎，咸淡也刚好，鱼片除了2小刺，既嫩也不腥。好评。走的时候，老板照例和所有人道再见。我想，应该还会再见

連續兩晚在榮記開餐，因為這裏是我的食堂😄😄😄榮記有粥粉麵吃。。全部都好吃😘我昨晚吃粥。。現在少有的生滾粥。。師父會先在砂鍋中把魚雲，魚卜等用薑蔥爆炒。。再拿去煲粥，粥份外甜美，魚肉不易散街坊麻， 多茜就多茜😂 今天吃粉， 當然4寶粉啦。榮記名物呀!麵師傅好利害，會記得客人的特殊喜好謝謝師傅。。好好味呀

晚餐時間到達，點左個雲吞麵，開放式廚房，睇住兩個叔叔著住拖鞋，背心係廚房忙碌...感覺特別!雲吞麵上枱...一黎就見到有6粒!!真抵食😆咬落係蝦同豬肉，雖然豬肉較肥，但真係令粒雲吞好香好味😀麵條彈牙，湯底味道適中!!!!總括而言...係又抵又好食😆

又到宵夜時間啦！每逢依個時候我都中意落黎樓下既榮記粉麵買返碗雲吞撈麵返歸慢慢嘆。入正題啦，個雲吞撈十分足料，佢總共有五粒雲吞，每粒都包住大大隻既蝦仁系入面，鮮甜可口，而且皮亦吾厚，容易入口。到麵依方面，幼麵煮得啱啱好，吾會太淋，而且亦夠干身、彈牙，配以佢地既蠔油生菜撈埋簡直就一流。又夠飽肚，又能滿足味蕾，又半夜三更都仲開，完全滿足到我既需求。

店名：榮記潮洲粉麵地址 : 西環卑路乍路15G地下好味指數：7.5／10價錢：$26滑雞粥粥底綿滑，與滑雞🐥一起煮出來的粥底份外鮮甜，比較濃味，仲加入了薑和大蔥去腥，不過食完會有少少口渴 。滑雞輕輕煎過後再滾粥，雞肉幾滑。店名：榮記潮洲粉麵地址 : 西環卑路乍路15G地下好味指數：7.3／10價錢：$36墨魚鬚雲吞河呢度最出名既墨魚鬚果然名不虛傳，墨魚鬚粗壯又新鮮夠份量，質感非常爽口彈牙且有嚼勁，味道夠鮮。雲吞入面粒蝦幾鮮甜，湯頭鮮甜，配埋河粉食一流。店名：榮記潮洲粉麵地址 : 西環卑路乍路15G地下好味指數：7.8／10價錢：$26淨紫菜魚蛋魚片紫菜唔算多，但勝在湯底夠鮮甜，🐟魚蛋魚片食落彈牙爽口，愈食愈開胃😜