榮記粉麵

营业中

休息中

食左好多次 榮記車仔面😍今日放工又心思思想食😢佢地d 湯底 ♨️特別濃 同好味d 送 都好入味 好正我去榮記必食豬紅 好好味❗️❗️❗️d mushroom 都好正其實佢仲有好多出名野 都多選擇

今日lunch專登由中環去銅鑼灣食呢個車仔麵，同事誠意推介豬紅，佢話無豬紅就要轉場😂😂😂Lubch時間等左一陣就有位。呢度既車仔麵最多先可以叫4餸，所以要認真諗好要食咩餸🤣我揀左馳名豬紅、豬大腸、墨魚丸米粉。碗車仔麵既餸唔欺場，我地成枱都叫左豬紅豬紅真係juicy同滑身，好耐無食過咁正既豬紅。豬腸係ok但無咁出色，墨魚丸都係。試食左同事既魷魚都好好味，下次要叫魷魚先得鍾意車仔麵既值得一試。

星期五放工出銅鑼灣做運動，但都要食野架，見佢有豬紅就入去榮記食. 榮記對好多人黎講必食既係翼尖，但對我黎講係豬紅同佢以前既咖哩辣醬撈，但唔知幾時開始無左撈，所以個日去到叫我只係諗到豬紅，其他都係陪襯...

🔎榮記粉麵 (銅鑼灣)🍴銅鑼灣渣甸街43號地下👧🏻覺得渣甸街這間分店最好味👍🏻😋🍜豬紅雞翼尖蘿蔔河粉*三拼$43豬紅-口感幼滑爽脆入口即溶同牛腩汁非常夾蘿蔔-好淋幾乎入口即溶雞翼尖-滷水汁炆到好入味每碗都加有小小西洋菜，份外美味

已經無以前咁好食，但還算合格。最主要一年內同同事嚟左三次午餐，每次都比我覺得不悅，而且次次都會落錯單，又叫你同一組四個人一齊坐一張枱嘅分返開兩邊，留返一個位比佢安排另一位客人坐下，咁撘枱就預左，但奇怪在分開我地然後中間插一個外人，奇怪😅😅😅

已經食過不知多少次，永遠想食車仔麵的時候第一時間就會想到榮記。我點的是墨魚頭，蘿蔔和冬菇，我個人認為蘿蔔和冬菇是必點的，因為兩款都是極度入味，蘿蔔是真的食得出甜。試過帶朋友來食，但朋友覺得咸，而我就覺得正因如此，才能做到整碗麵的味道都這麼濃，重口味人士必試！！！

鬧市中嘅平民車仔麵。#榮記粉麵🍜 .兩餸車仔麵 $36 (最多加至4餸).-牛腩必推介！肉質夠腍夠入味，而且完全唔「鞋」口，脂肪比例均勻偏瘦，但仍然保持到牛肉脂肪獨特嘅香味-韭菜餃應該係店家出品，係雲吞「金魚尾式」嘅包法，唔重味精，豬肉韭菜比例剛剛好，唔油膩-每碗麵都會附送幾條烚菜，變相免費加餸，加分！.-湯底加腩汁極有驚喜，腩汁牛味重偏甜-辣椒油辣度頗高，而且咸甜偏重，但辣椒香味好出，有畫龍點睛之效小結：環境頗擠迫，lunch hour去預咗要搭枱，但如果以呢個價錢而言有高質麵食可以接受，另外，榮記喺糖街嗰頭都有間分店，行過都可以試下 🤤推介指數😋：4分（5分為滿分）地址: 銅鑼灣渣甸街43號地下

朋友在外地回香港渡假，突然之間話想食車仔麵，榮記就係一間歷史悠久的車仔麵。在銅鑼灣已經四十年，屹立不倒。最初只是在一個橫街入邊一個細細的檔口。但是已經有兩間的舗位。而且任何時間都係座無虛席。

不用多說，回港必吃！牛腩汁湯底簡直一絕！無人能及！就像在國內一周總有1-2次點麻辣燙吧？就是這個道理。自從去上海工作以後，回港必吃的一定有車仔麵。說榮記是車仔麵先鋒也確實當之無愧！以前當佢仲係喺糖街后巷擺街邊檔的時候，我已經是超級粉絲！雞亦尖天天食也不會膩！豬皮、蘿蔔、八爪魚頭、牛肚都是我的必選，四款菜品加一個主食都是最基本的滿足要求。建議喜歡吃雞翅尖的可單點一份，加上一份菜，首選牛腩汁西洋菜，再加上店家袐制辣椒油，超級香辣惹味。

好耐之前去過糖街嗰間分店食過一次。當時嘅印象就係好逼人，好多內地遊客，好嘈！全部都要搭枱，印像中唔難食， 但係因為實在食得太急。。。所以今日經過有機會靜靜地就食多次 今日探完朋友喺銅鑼灣走嘅時候都係五點幾 ，所以就走入去試下啦！點咗豬紅蘿蔔冬菇米粉 一嚟到就見到個湯底好深色，唔知係咪個個都係呢個湯底呢？應該冇人有清湯底...不過唔緊要啦！食咗一啖蘿蔔驚為天人真係幾好食 咬落去好淋好入味，而且冇渣！佢嘅餸分量好多 👍豬紅又係好多嚿，食落去冇騷味 至於嗰件冬菇非常之厚身，但係咁厚佢亦都可以炆到咁入味！！！真係幾有誠意 抵佢咁多年都做得住，仲開分店而且繼續有人幫襯

銅鑼灣榮記有兩間分店，還是對渣甸街情有獨鍾，奇怪是每每經過都對墨魚頭念念不忘⋯⋯由於已是旅客食店之一，所以任何時段，都會排隊等候⋯⋯番枱快，店員有性格，故此等一下就可入坐。來這裡吃，食客必定乖乖的，等店員安排入內。牆壁上大大的餐牌，細心組織好後，方可叫店員落單。牆上張貼溫馨提示:細心留意店員覆核，否則有錯不會受理。因此曾眼見多次食客發現上枱後的麵食不是所點，因而有些意見，但食店規矩，所有食客一視同仁。筆者每次都是點這三兩個餸，故此一坐下來便唸唸有詞，純熟地點餐。通菜豬大腸蘿蔔墨魚頭米粉$49~豬大腸乃邪惡之物，但也是車仔麵的靈魂，這裡清洗乾淨，沒有太多肥膏。曾在雜誌上看過這裡的報導，說他們是用頂級蘿蔔，狠批只剩返蘿蔔芯，所以特別清甜。就是這塊墨魚頭，彈牙、爽口、入味，正！由於秘製醬汁夠入味，筆者至愛配撘米粉

銅鑼灣榮記車仔麵屹立香港數十載，亦都係香港車仔麵嘅代表。香濃嘅滷水汁亦都係多年來嘅賣點，另外每次經過銅鑼灣，都心思思食一碗。今次我有經銅鑼灣食個下午茶，就嚟咗呢一度叫咗一個蘿蔔 豬紅 墨魚頭油麵。三餸麵都要成$49，不過價錢唔係問題最緊要好食。豬紅同蘿蔔吸晒滷水汁啲味好好食，麵麵份量少左啲。佢哋依一間鋪嘅特製辣椒油都係賣點之一，相當之辣落少少落碗麵度。成碗麵就變得好辣，更加香辣同好味。依度職員嘅服務態度相比起，舊舖嗰邊嘅榮記好好多，嗰邊啲職員完全冇態度可言。

榮記粉麵在銅鑼灣是非常出名的，不少旅客都會走過來食。長期都有好多人在門口排隊。好在排隊的時間不算太長，通常可以在五至10分鐘內坐低，這樣都不算等得太耐。但係喺榮記粉麵食嘢，空間是非常狹窄的，連一個袋都要放在大髀上，同隔離嘅人坐得非常親密，手踭掂手踭。榮記粉面的餸菜非常多，例如可以選擇，豬皮、蘿蔔、墨魚頭、水餃、大腸、牛腩、魚蛋、墨魚丸、雞翼尖、等等。而我每次都會叫墨魚頭和牛筋，依度的雞翼尖非常入味，水餃都不錯，味道不錯！值得一試！但榮記粉麵的面底少，對於男性來講要食兩個先飽。如果分量多一點就會更加好！

今天下午來到這間香港十大必試食物的車仔麵檔。我們在配料一欄選了三項配料，之後茄米線和腩汁。怕肥的可以選擇要清湯，即他們說的走腩汁。可能比較人多的關係我們等了十多分鐘才有得食。我們點了牛丸，魚皮春卷和魚片頭，其實魚片頭即是魚蛋只是形狀不一樣，大家可以一試。牛丸純粹個人喜好其實沒有好食，或不好食之分。預備春卷是兒時回憶，如果大家是對食物有追求的，建議可以叫墨魚頭，朱豬和韭菜。這家出名車仔麵排隊是有道理的，最後提醒大家這裏只收現金。

榮記係銅鑼灣好出名，好多旅客都過黎食，長期都有條人龍係門外，好在都排得好快，通常十分鐘內都可以埋位坐低，都唔洗等好耐。黎呢度食野實在太逼喇！同隔離嘅人坐得好密，想搵多張櫈放下袋同外套都有啲困難！又平又大碗又多唔同種類嘅餸可以揀。每次都會食雞翼尖同墨魚頭，呢度啲豬紅就普通左少少，而水餃同魚吞都幾好味，雖然細粒左啲，但味道唔錯！可以一試！再加碟通菜，但有啲細碟！麵底其實好少，男人黎食其實都唔夠飽！份量多啲會好啲