榴槤樂園 (金巴利道) (已結業)

因為生日，本來是想去紅磡海逸食個lunch buffet , 因為入面有榴槤的甜品，但因為只有一個人，所以最後決定唔去，不過跟朋友講起「榴槤」又好鬼想食，所以係飲食男女看到了，就來了Durian land 食。openrice book 左，我早到了10分鐘，原來佢地係下午3點先開門。不過他們都好好人，帶左我去choose 榴槤，可能因為季節關係，沒有其他品種，只有貓山王，我本人其實鐘意層層感多些的「紅蝦」or 「黃姜」多些，不過唔知呢度會唔會有，我看menu 都只有D24。最後我都叫左個貓山王，4磅幾。因為係openrice booking, 所以送了個榴槤綠豆沙，係熱的。原本因為趕來，所以好喝，反而想飲凍野，不過綠豆沙好，涼又清熱。只是榴槤味不是太出。如果載的杯不是熱杯會更好。之後waiter 可以鋪設，有送一支水，有熱巾和手套比你一陣食榴槤用。因為我寫了是慶祝我生日，所以他們送了個榴槤cheese cake 比我食，超香榴槤味，好食。意料之外，原本還想叫個雪糕。食完呢個，我有D 擔心我個貓山王。😅主角來啦，超多！食左15粒，仲剩番半個，實在怕再食就會胃痛。所以打包了。

諗住見佢米之蓮 所以想上嚟試吓 點知發現食物質素真係好一般 仲要賣呢個價錢 簡直可以形容話係好差 侍應嘅服務態度都差 環境就一般般 完全唔覺得有米之蓮級數 以後唔會再嚟 連果欄都不如嘅餐廳 唔值得攞米之蓮

外母話太太嫲嫲好想食榴槤，所以放工太太即去榴槤樂園買咗兩粒新鮮貓山王，$1300左右，有得用 Alipay 好方便。因為唔係嗰個人都忍受到榴槤嘅香味，所以同佢講好分四盒，佢哋仲幫我獨立包保鮮紙，好方便食用，之後用手食都唔會整污糟手！食唔哂果啲可以放冰箱唔洗驚榴槤會臭同變壞，食之前攞出嚟解凍就得喇！啲果肉好新鮮，係馬來西亞直送到的，味道好濃郁，帶有甘味。比起其他種類嘅榴槤，貓山王係真係果皇中嘅果皇呀！

啖啖貓山王奶蓋 $68貓山王奶蓋唔多，除咗頭兩啖飲到奶蓋外，淨低個d都溶咗落d茶度。但總體成杯野飲都飲得到榴槤味，淡淡嘅榴槤味配住茶黎飲，幾清新，幾有趣，而且冇落香精，應該係用榴槤肉blend落奶蓋度，但係奶蓋真係太少，會見到奶蓋中間有幾粒大冰，想要多d奶蓋呀。ig@hkfoodtaster榴槤芝士撻 $25同樣因為冇落香精，只用榴槤肉，榴槤味淡淡嘅，食落去唔膩。撻皮係香嘅又幾鬆脆。叫咗常溫嘅，芝士雖然唔太過流，但係都好軟身。欣賞淨係用純榴槤肉黎整，只不過整體冇咩特別。

在尖沙咀吃完飯想吃甜品, 找到了附近這間, 和認識多年的朋友, 這才知道對方是吃榴槤的, 有趣有趣!對這間店有興趣, 是因為剛知道它得到了米芝蓮2019街頭小食, 而這是一間專賣榴槤小食的店, 之前經過興趣不大, 米芝蓮後光環令我很想試一試。上到二樓, 發現店內的佈置和燈光幾有特別氣氛, 像萬聖節, 健談的老闆說, 想營造主題樂園的感覺, 讓客人在這裡吃得開心。有細菌小子彷真度頗高的原個榴槤餐牌有榴槤本人和一些製成品(食品/飲品)選擇廚師熊?怪怪牛?說到小食, 應該是指它的榴槤系列甜/鹹品, 我們點了幾款試試。榴槤芝心撻$25應該是一早做好, 不是新鮮焗起, 所以撻皮不夠脆, 不過芝士味道夠濃, 榴槤香味亦出, 可收貨。冰火榴住我$68說到冰火, 大家都有種好奇心, 冷熱交融的感覺是如何, 不過這個令我們失望了。說是芝士配雲尼拿雪糕, 好像換成了芒果, 亦沒什麼芝士味, 說好的榴槤咖啡tiramisu, 其實只是手指餅淋上榴槤咖啡, 榴槤咖啡味道是幾香, 但作為甜品來說, 不符合我們的期望, 比較像affogato吧。極度邪惡$78(半份)以巴馬火腿包著芝士條和貓山王榴槤, 因為有貓山

本身只諗住試下榴槤芝士蛋糕同埋飲品。見到有D24，XO，貓山王品種，以為可以叫¼，原來依到要原個買。店員介紹唔同品種榴槤既分別，D24會甜些，XO係高山種，就會有少少酒味，果肉味苦些，D24同XO係白肉，而貓山王就係黃肉。同朋友商量後決定叫一個D24，大約3. 9磅，價值$433。少買榴槤，我就唔知貴定平？🤔第一次係店即買即開即食榴槤。本身擔心食唔晒，一開總共有5嚿，店主話食唔晒可以帶走，最後當然食晒。選擇D24，因為我同朋友都想甜為主，依個絕對配合我地需求。榴槤一早已經係雪櫃，所以夠晒凍。店員送左支水比我地飲。依到報置都幾切合店名樂園，每枱都會有公仔或假榴槤造型，都真係幾似真。

呢間榴槤樂園店面帶兩層，第一層就可以落Order同有幾個位坐，上層就有影相位同埋坐得舒服好多餐牌只有咁多款選擇，120%榴槤專門店原來呢間店係馬來西亞有自己既果園，榴槤收成日員工會24小時準備，一有榴槤跌落嚟，就即刻用氮氣保存，幫佢凍齡，所有一年365日都有榴槤食餐牌上面3款榴槤係要原個買，如果當日食唔哂，佢會幫你包裝好拎番屋企今次就點咗兩款甜品食榴槤芝士蛋糕 $48呢個芝士蛋糕真係好正，佢芝士味唔太濃㗎，因為你食每一啖係好似食緊榴槤咁，口感同味道都係好濃好香好滑完全無俾芝士搶佢既味，愛榴槤既一定愛榴槤芝士撻 ＄25可能食左蛋糕先食呢個撻，感覺榴槤味無咁勁，佢係比較實既口感，榴槤味比較淡，其實仲想試其他㗎，下次試埋先

今晚難得一家四口係屋企食飯，家姐話公司附近開咗間榴槤甜品店，所以買咗榴蓮撻同榴蓮芝士蛋糕返黎做飯後甜品。榴槤芝士蛋糕因為唔記得雪落雪櫃嘅關係，個蛋糕係好軟身，不過個texture食落有啲似榴槤個質感咁，所以都幾好味，榴槤撻可能外賣關係，個撻底唔脆，不過個餡係好creamy既。食完依兩個甜品，我先發現原來榴槤同芝士係咁夾架，等我得閒親身去間鋪試埋其他先。

早前睇到介紹已經好想試，一去到以為沒有座位 ，原來有樓上雅座。坐底後即詳細睇個menu...甜品類都好吸引!!如果只叫榴槤感覺有D貴，所以叫左奶茶&焦糖布丁奶凍!頂級貓山王奶茶如果可以再多番D榴槤蓉會更好，因為甘樣飲只飲到淡淡榴槤味...焦糖布丁奶凍呢個好好食!!雖然沒有榴槤在裡面，但如果另一半是不食榴槤嘅話，呢個就好岩!甜度夠，好像食緊雪糕!份量都好足夠!~再加上焦糖醬淋在上面，在底部溶化緊嘅奶凍再配合珍珠一齊啜!香甜味充滿晒成個口!另外餐廳裝修很有趣!完全配合榴槤主題~連D枱&椅很colorful!廁所都是一個特色!因為他地嘅門口是用圖案表達!洗手位置都是統一在門口位用腳踏出水!有趣有趣!當時去食都很多榴槤愛好者!~但如果你另一半是不喜歡榴槤就可能連門口不會入。因為充滿榴槤香味!!~HAHA!!

因為 介紹同埋係公司附近，加上班瘋狂的同事，一個crazy的下午就咁誕生！上星期已經同同事約好咗今日晏晝去試一試呢間新食店，一行7人午餐時間1點去到，估唔到只係撞到佢地ge員工啱啱返工。大廈看更話呢度開2pm...摸門釘😪咁我地唯有去慢食個麵再行埋超市同便利店先再去。終於等到佢開門，其實大家都好想試佢ge榴蓮芝士蛋糕同榴蓮芝士撻，但奈何已經2點幾，無時間慢慢嘆，買返公司又太過，所以最後每人都係咗飲品外賣。講返我呢杯頂級貓山王奶茶，可能有個蓋蓋住，所以整完岀嚟之後，聞唔到好勁的榴櫣味(咁就放心D)。但第一啖入口，嘩～自己都覺得好濃烈的榴蓮香(嗅)直攻入口，不過還好，再入多幾啖，習慣咗之後又開始飲到榴蓮的清香，同埋佢ge奶茶唔係好杰，反而係稀稀哋，咁中和咗榴蓮的濃。而且除左珍珠，佢真係有榴櫣肉係底，所以都幾足料我個人返到公司不知不覺就飲哂成杯，但其實都幾飽。亦有同事話有D膩飲唔哂，呢個見人見智。不過同日同friend 係附近食完晚飯，8點零心血來潮加心有不甘今日食唔到榴槤芝士蛋糕，諗住過去食返個甜品，點知佢已經閂咗門，下午一點摸門釘，九點又摸門釘，只可以話真係無緣了⋯⋯

在英國留意facebook，看到有佔地2500尺的榴槤樂園，不得不成為回港首要去潮聖的地方～看到這個醒神的黃色招牌，已經十分興奮了！地下是店員弄食物飲料的地方，所以我們便懷著興奮的心情往樓上走。可能因為網絡上形容到太大，所以一眼看完的地方，讓人感覺好小喔，沒有樂園的感覺。店裡有三款原隻榴槤供選擇或有幾款榴槤製成的食物和飲料。由於覺得在公共場所吃榴槤會有點尷尬，所以只點了榴槤芝士撻&貓山王奶茶。這個榴槤撻，可能沒期待吧，出乎預料的好吃，很濃郁的榴槤味但不失芝士的香味，好吃！相反，奶茶是店員推薦的，但卻跟普通奶茶沒差，完全只是很淡很淡的榴槤味，雖然有吃到一點點果肉，但沒有吃到的時候，完全跟普通奶茶一樣，還要68$，真的是蠻失望。雖然整體沒有預期的好，但店員全都很友善，值得加分喔！

本人是一個榴槤愛好者，當知道香港有家名為榴槤樂園的餐廳新店開張，當然要試一試。號稱2000多呎，聽到以為真的是一個樂園，但到步後看到卻没有想像中大，但它的裝飾佈置真的很花心思。食物没有很多元化，清一色榴槤製品，對於有選擇恐懼症的朋友，這裡是他們的福音，因為種類不多，只有榴槤肉、榴槤飲品和榴槤芝士撻，所以我没有花很久就決定叫芝士撻及貓山王奶茶。芝士撻入口幼滑、流心的榴槤蓉呼之欲出，吃下去滿腔的榴槤芬芳，這是喜悅的味道。相反奶茶真的是一杯加了少少榴槤蓉的奶茶，嘗到第一口就略微失望，味道偏淡。整體感覺還算可以，裝修加分，食物味道尚可。

咁前排睇到乜假期推介呢間新開嘅榴槤鋪 咁有日得閒就帶著中伏嘅心情同朋友落去😂 入到鋪頭店員即刻打招呼 幾有禮貌 咁我表示想食榴槤啦 店員就叫我哋揀榴槤同埋講解每樣榴槤有咩唔同 咁揀咗個三磅幾貓山王👍🏻開咗之後 果肉比想像中大舊 咁有同行嘅朋友係純粹陪我地去但佢唔食榴槤 又估唔到店員留意到呢點 就問我朋友係咪唔食榴槤 同我地推介左一杯焦糖布甸奶涷 話係非榴槤產品 好啦見你咁有心機推介咁我2個朋友分別叫咗榴槤珍珠奶茶 同埋杯焦糖布甸奶涷😛等左10分鐘左右就有啦 我同兩個朋友一見到杯奶凍直頭講咗句喂使唔使咁大杯啊 咁我朋友嗱嗱聲即刻飲 就話布甸味道幾濃 係珍珠比較多 咁我就唔好有珍珠嘅野 所以就淨係飲水算 咁嗰杯榴槤珍珠奶茶我第二個朋友就話 榴槤味係唔錯不過食緊榴槤 就唔係好肯定本身係咪咁濃啦感覺上下次可以再食過嘅價錢係有啲貴 如果平啲嘅話會仲吸引🤨對比咩乜乜七七紫薯拉絲 呢間野鍾意榴槤嘅人真係可以試吓

今日見經過 就入去試下店員熱情推介原個榴槤 好吧 一場來到 就試下啦 佢話幫手揀一個 好啦 信佢啦榴槤就斷磅計 榴槤放得好好的 我係一眼都未見個d榴槤係邊到揀一上枱就是一個開左的榴槤唔問唔答 一問就話呢個五磅🤔🤔原來開左先話我知 咁其實我想要個8磅的榴槤囉😯 5磅咁少咁呢個榴槤有六粒果核😺埋單唔係收5磅 係5磅多d 點計我就唔知啦鍾意呢種廚房發辦的食榴槤店鋪 值得一探

今日一行4人 一齊黎試呢間榴槤專門店 見佢網上d廣告相咁突登黎試下啦一入到間鋪 店員都好熱情咁招待我地上樓上雅座 d店員都好靚仔靚女。上到去間鋪的確有好多影相位 感覺好似真係去左個樂園咁 成個feel都好玩味十足咁， 最得意既係間鋪有d榴槤道具 無論外觀手感都好似真既榴槤一樣咁 。咁我地專程黎到當然要開返個榴槤啦， 見店員推介下我地叫左個都幾大既貓山王 600幾蚊， 都有7，8舊 色澤好靚 粒核好細 味道就好香甜 感覺都物有所值 。咁我地都仲有嗌其他榴槤飲品同試左個榴槤蛋撻 同榴槤cheese cake都好有榴槤味 我地鐘意食榴槤 所以就非常鐘意^^