樂園魚旦專家 (協和街)

营业中

休息中

今日食完個唔飽又唔值嘅炸雞餐後，仍然有啲餓，於是落咗車後，行過嚟搵食，由於正值學生放午飯時間，成條協和街都好多人，呢間都唔例外，但聽到個收銀話有位，又入嚟試吓。之前食過牛腩、牛筋、豬手及丸類，都幾對版，今次試下未試過嘅嘢，點知就出事啦！我叫嘅係雲吞水餃麵，先咬一口水餃，已經唔對路，嚡口嘅，再嚟雲吞，一樣唔掂，實心得嚟，得啲豬肉，無蝦，真搵鬼笨，好在啲麵依然爽口無鹼水味，個湯有啲大地魚味，如果唔係，都幾難食落去。再食落去，水餃居然有渣，係食唔落要𦧲出嚟嗰隻，完全唔掂，明顯竹筍太老身，至於雲吞就終於食到蝦，但只有一隻咁多，而且實肉唔得爽。水餃皮同雲吞皮都係一樣，死實實，唔得滑。下次要幫襯嘅話，都係要返其他穩陣啲啦！

星期六唔想煮飯，做下懶人😅，行下觀塘睇下食咩好，剛行到樂園魚旦專家，見到餐牌幾吸引，就決定今晚買佢地既外賣回家食。🙈叫左一個飯、一個麵，承惠$89。晚飯時間，觀塘協和街有好多人，在外邊等見到人來人往。好彩天氣咁凍，都係等咗大約5分鐘，就可以有得拎番到個我個竇都成9個字，天氣咁凍野食仲熱，好彩無塞車😂😂一入屋太肚餓啦，拿拿臨拎左食物出嚟食，先飲個紫菜湯，冬天飲熱湯係好暖心😁豬手幾林又好入味，肉又多，面係鹼水麵，食落爽口，麵同湯是分開上的，所以可以保持無浸到林哂咁😉牛腩飯有好多件牛腩，件件都好大件，份數好多，夠哂份量，而且牛腩香到飯都可以食多兩啖。😋今餐外賣樂園都出乎意料咁好食，天氣凍食熱野就比較舒服D，另一個重點係好抵食，真好

今日無咩胃口，想食下中式粉面，呢間餐廳成日都見到，都好出名，不過一直都冇試過，但呢間餐廳有咁多分店，相信唔會太差～我哋叫咗一個豬手雲吞米線，豬手超級大隻，而且好入味，滿滿嘅骨膠原，唔錯唔錯！雲吞都好足料，大大粒，入面仲有兩隻蝦，好抵食！另外再叫咗個炸醬幼麵，見佢嘅牛三寶係招牌，就當雙拼咁叫黎試下，發現咁樣叫好似抵d🤣炸醬麵味道都唔錯，同一般喺街出邊食嘅差唔多，不過牛三寶果然係招牌菜，全部都好入味，而且牛腩一啲都唔韌，肥瘦適中，而且一個價錢就可以食曬三樣招牌牛，值得一試👍🏻👍🏻嘢飲方面就叫左凍檸樂同凍檸賓，檸樂啲冰係另上，都算細心。總括嚟講，講得味道唔錯，性價比幾高，下次經過都可以再食😋😋

懷念的味道讀書時代，傻婆T都成日放學後都會去樂園度食，巧遇今天行過觀塘協和街見到，就急不及待入去食番碗。店鋪細細大約二十個位左右，地方都算寬闊，店員服務態度好，好有禮貌。🌸湯米粉（雙拼）牛三寶$58+$10豬手⭐️⭐️⭐️⭐️⭐️傻婆T叫左雙拼，牛三寶有牛筋炆得好淋身，好好味，而且夠晒入味、牛肚好似咬開，唔會痴牙、牛腩夠晒入味，超淋！而豬手同樣整得好出色，同樣好淋身，骨肉分離。米粉軟硬適中，大大碗。🌸凍檸樂+$11⭐️⭐️⭐️⭐️⭐️大大杯，夠凍，檸檬夠新鮮夠香======詳情======樂園魚旦專家 (協和街)觀塘協和街111號建德大樓地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #觀塘好去處 #觀塘美食 #RnT觀塘 #RnT粉麵 #牛三寶 #豬手 #凍檸樂 #牛 #牛筋 #牛肚 #牛腩 #可樂 #米粉 #樂園魚旦專家

今日到觀塘同事屋企拎野，突然有些餓，碰巧就見到間樂園魚蛋專家，自己都好久沒有食過了同同事兩個都係叫雙拼+10就可以，影品跟餐+8金牌牛三寶拼墨丸河$68三寶：牛筋、牛腩、牛肚，好入味好容咬，餸同粉份量超足，滿滿一大碗，湯味道適中，對於喜歡飲湯的我來說就超正啦，幾乎飲埋d湯，墨丸都好Q彈牙香滑牛筋拼魚蛋河$48牛筋都一樣好淋好軟，入口即容，魚蛋好爽口彈牙，配上辣椒油，味道仲香本身想食崩沙牛腩，結果係限量發售，唯有轉其他啦，下次要早d去食先得📍 樂園魚旦專家 (協和街) (觀塘)觀塘協和街111號建德大樓地舖

平時見到間餐廳個名咁搞笑，今日得閒黎買番碗魚蛋粉黎食先。  餐廳雖然細細地，但係估唔到五臟俱全，有魚蛋粉之外，仲有唔少種類嘅牛，例如牛腩、牛筋、牛雜。除咗麵之外，仲提供埋飯類，適合一班飯桶。最近天氣開始凍凍地，好啱打邊爐，依度都仲有提供火鍋配料添！  今次叫咗樂園四寶丸米線，四寶丸有魚蛋、片頭、肉丸、魚皮餃，非常彈牙有口感，一次過有齊哂四種丸真係爽，唔洗雙併三拼。米線soak哂啲湯汁，味道一流。 仲叫咗鮮蝦雲吞幼麵，雲吞有5粒，每粒都脹卜卜，蝦肉好大舊，清甜爽口，冇簡水味。幼麵好有韌勁。 咁啱係下午茶時段，所以凍熱飲品都係加$5炸，叫咗2杯凍檸茶。  總括黎講，魚蛋粉真係香港人嘅恩物，價廉物美，真係午餐下午茶定係晚餐都食得！ 

上堂上到好夜係觀塘唔知食咩好又唔想食咁飽見到有樂園魚蛋專家食魚蛋粉啱晒叫咗一個淨鳳城水餃水餃有五粒 生菜底水餃有蝦有肉有木耳食落好爽口加埋杯凍檸茶 $7對女仔黎講 宵夜一流飽肚又唔駛食咁多澱粉質朋友叫咗五香牛腩米牛腩都幾多舊牛肉味香濃 食落幾嫩 唔靭米粉吸晒腩汁湯底 $38 黎講收晒貨 飲埋杯凍檸茶 朋友係男仔 晚餐黎講都夠晒飽除左加飲品 仲可以$10 加油菜一碟樂園魚蛋專家愈開愈多總有一間係附近而且落單 到上菜到食完都係半個鐘內 快 靚 正 一流

今日同朋友去觀塘，趕時間就黎左呢到食麵。呢到環境都唔錯，雖然店面唔大但都乾淨整齊。而且呢到店員服務態度好好，order左野食基本上幾分鐘就可以整好，好岩想快啲食完嘅人。首先叫左牛三寶麵紫菜河粉，餸嘅份量真係勁多！而且都好好味，牛腩好腍，牛筋軟滑，而牛肚就好份味易咬。而湯底都好濃郁但又唔會好油，配住河粉食下食下幾乎成個湯底都飲晒。另外仲叫左碗魚片牛筋米粉，賣相好吸引！一樣係份量十足，魚片爽口彈牙，牛筋都一樣好軟滑，望落有豐富骨膠原

去左觀塘協和街搵食，都有好多小店幾方便，突然想牛河，就見到呢間啦，樂園魚旦專家！雖然佢叫魚旦專家，不過佢嘅牛都好出色！！見到仲有崩沙腩，不過已經賣晒了，我就買左牛三寶面同牛雜河加墨魚丸返屋企同老公慢慢歎！佢好好咁自動幫我地外賣分湯，所以拎到屋企d面同河都吾會淋晒，叮返就熱辣辣食！大大碗，牛三寶牛根好正！又軟又淋又入味，牛雜份量好多，牛腸我很喜歡，而且比左好多舊，好食，哈哈哈岩晒我呀！墨魚丸大粒爽口彈牙，加餸咁計有2粒，飲品就嗌左豆漿，原來係一支支比，都大支，一品豆腐嚟，吾錯！整體價錢好，味道好，好滿意！

💛 #觀塘 #樂園魚旦專家今日上堂前去咗附近食碗麵，揀咗呢間「樂園魚旦專家」，佢喺牛頭角同觀塘都有分店（仲有其他分店），CP值高，好受歡迎㗎～🐮 金牌牛三寶米粉 （$58）牛三寶包括牛筋、牛腩、牛肚，牛三寶都軟腍多肉，好味😋 餸同麵嘅份量都好多，仲有一大匙香䓤添😆 湯底香甜唔油膩👍🏻 🐮 崩沙牛腩河粉（$58）崩沙牛腩一層肥一層瘦咁，好靚🤩 食落肥美軟腍，湯底更香濃😋🍹 凍檸茶、凍檸蜜食麵加飲品仲會比較平添㗎～

已經是第二次到此點買外買，上次買了牛根米線，牛根稔爽而不鹹，今次叫多另一個，見餐牌上豬手麵是店長推介，二話不說便點了這個，堂食$38，外賣加$1，即$39，這個價錢算是合理。牛根米線上次試過，正如上文所說稔、爽又不鹹，味道剛剛好，所以有回頭。豬手麵就第一次賣，先來一啖麵，麵是蛋麵，不是無蛋的鹼水麵，所以無鹼水味，值得一讚，但蛋麵的缺點是不夠爽，所以蛋麵與鹼水麵是各有優勢。再來一啖豬手，很稔很滑。外賣附送兩包深黃色物體，由於無寫是什麼，以為是麻油，於是將一包一倒而下，結果出事了，原來是辣椒油。這包辣油太勁太辣，倒下之後，整碗麵都是辣辣，根本吃不出是什麼味道，浪費了一碗美食，所以下次如果再叫外賣的話，一定不會下這包勁辣的辣油包。

八號風球情況之下，屋企人無煮飯，所以放工後去左觀塘既樂園魚旦專家食個quick dinner。之前食過旺角分店，覺得幾抵食。- 樂園四寶丸河同事叫左四寶丸河，四寶包括魚片、白魚蛋、豬肉丸同魚皮餃。魚片同魚蛋好爽口，魚皮餃既外皮幾煙韌。- 五香牛腩韮菜餃河牛腩肥瘦適中，而且好入味，份量都多，最少有最少有五件。韮菜餃既餡料好飽滿，河粉口感滑溜，唔會糊左。另外我地仲叫左蠔油菜心同蘿蔔。餐廳嘅檸檬茶亦唔錯，味道唔會太甜，茶香有一定程度。

樂園魚旦專家受歡迎程度非常高👏🏻越開越多分店😋真係更有一間響附近，今日放工行經凱匯，之後去對面協和街既分店買外賣返屋企慢慢食。✨金牌牛三寶+炸醬粗麵$68牛三寶係必食之選👍🏻一次過品嘗牛筋、牛肚、牛肮腩🐮牛味濃郁豐富，牛筋夠軟而不失彈牙🐄而牛肚爽口有咬口，牛肮腩極之好味😋。我個人十分喜歡炸醬撈粗麵🍜，炸醬辣度適中帶點甜🍬，配搭粗麵一流。雪花肥牛+炸醬河粉$48另一款到樂園必點既雪花肥牛🥓，份量夠多，肥瘦適中，再加配炸醬增加味道層次👏🏻。而加配炸醬會將湯另上，唔會浸冧d粉麵，非常貼心。✨

天氣熱，梗係要食Ｄ有湯既野啦，呢間就十分唔錯啦都已經下午兩點幾，但依然好多人食，證明Ｄ野掂價錢都唔算貴金牌牛三寶河粉一個都幾有驚喜既牛三寶雖然佢叫牛三寶，但點解有四樣牛呢？原因係原來佢講究到連牛腩都分左兩款分別係崩沙牛腩同五香牛腩五香牛腩就瘦Ｄ，崩沙牛腩就淋Ｄ，各有所好，果然講究牛肚洗得好乾淨，完全冇奇怪味，仲好爽口又入味牛筋好淋好軟，幾乎入口即溶湯底本身加左腩汁，令佢勁香勁惹味河粉索晒Ｄ汁就更加正樂園四寶丸麵呢個四寶丸麵就更加豐富Ｄ料多到成個碗面都係特別要介紹佢地既招牌魚蛋真係好正食落好有魚香，而且口感爽口黃金片頭炸過，令佢既味道更有層次，口感都更正魚餃皮薄餡靚，食到陣陣鮮味

之前食樂園都係堂食魚蛋粉，原來佢地唔只魚旦，仲有牛都好出名。今日在瑞和街街市買完生果，就到晚飯時間，我哋就試吓佢地既外賣自取。原本打算叫崩沙牛腩，但呢個原來限量，可能今日都是晚餐時段，靚既崩沙牛腩都賣晒，唯有下次早點去食啦於是就叫左金牌牛三寶河粉，另外都想試下佢地既五香牛腩飯要咗兩杯嘢飲，一杯凍奶茶、一杯凍檸茶，仲加咗個腐乳通菜等了不用10分鐘就餐廳就準備好我的外賣了回到家就急不及待打開，打開香氣撲鼻。牛腩飯牛腩都好多而金牌牛三寶就有牛肚、牛筋、牛腩，單看牛腩飯的牛腩數量係多於牛三寶都頗多，但牛三寶就可以一次過試哂有牛肚、牛筋、牛腩三款。牛肚、牛筋、牛腩都好林、好嫩，好好味。腐乳通菜都好好食，好食到唔夠食添🙈🙈兩杯野飲就夠哂凍，夏天飲凍奶茶&凍檸茶就係爽。咁多野埋單唔使$130，超值，佢地仲有印花卡，下次一定要早點食到個崩沙牛腩。