樂園魚蛋粉

营业中

休息中

今日係尖沙咀剪完頭髮，就想係附近食飯。見到呢間招牌手打魚蛋粉只需要$33，就行入去試試。餐廳有大概7張臺，幾闊落，墻上都寫住店内招牌，落左單之後幾分鐘内就有得食，上菜速度好快手。留意到店員有好仔細地清潔餐牌，衛生唔錯招牌手打魚蛋粉 $33揀左河粉，比想象中大碗，有三大粒魚蛋同三大片魚片頭，食落有驚喜，手打魚蛋超級彈牙，入口綿軟爽滑，魚片表現都唔錯，又白又滑，加上葱花點綴，實在係一碗簡單又好味嘅魚蛋粉如果係附近返工一定成日食，因爲性價比太高啦，兩個人食都係$100左右脆骨魚皮 $35分量好多，有好多塊，配左個湯可以比你浸下d魚皮。魚皮夠厚身，炸得香脆厚實，咬落超脆口，更加有一陣鮮味，呢個小食好味加菜 $10咸檸碧 +$12想再健康d，加左個菜心，只需要$10，配埋蠔油，簡簡單單。夏天再飲埋杯咸檸碧，滿足既一餐

嚟到尖沙咀食野普遍閒閒地都過百，今日嚟到位於金馬倫道嘅 樂園魚蛋粉，雖然鄰近the one呢個黃金地段，呢度食野都keep到好平，一於豪食一下～嚟度未睇餐牌，唔使諗一定要一碗魚蛋河，跟住再叫啲佢嘅朋友，例如魚皮、蘿蔔，再加份淨雲吞。今日嚟嘅時間已經8點幾，本身想食份脆骨魚皮，可惜已經賣晒，下次早啲嚟吧。魚蛋河有魚蛋同魚片，配得上期待中傳統味道嘅質素，非常彈牙，手工感十足。如果食得辣，建議落啲辣椒油，佢嘅麻&鹹香好夾河粉！🌶魚皮上檯係一袋咁上，但食落就知完全無疏氣，就咁食好脆（浸落熱嘅湯係同打邊爐一樣會有聲的），浸湯後都keep到中間脆身。（你係就咁食派定係浸湯派呢？😎）小食方面，蘿蔔、雲吞上檯都熱辣辣好香好好食。一次過豪食左咁多款式，monday blue得點慰藉。💙魚蛋粉賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️

今日出開尖沙咀想食個快靚正嘅晚飯，行行吓見到有間舖頭寫住樂園牛雜魚蛋粉，見好耐冇食過啲地道香港野，咁梗係即刻衝入去啦。好耐冇食過魚蛋粉啦，舖頭面積唔大，但勝在枱與枱之間夠闊落，見到入邊有個裝飾用霓虹燈整成嘅燈好靚好搶眼，當然要試下啦。嚟到之後嘩咗一聲，因為好大碗好足料，魚蛋有三大粒，魚片亦都有三大塊，仲要係片頭添啊，魚蛋爽口彈牙，超級有咬口，魚片亦都夠厚身，配合埋蔥花真係超級正。唔知點解魚蛋魚片同麵呢三樣嘢點樣整都好，撈埋一齊嘅化學反應都係咁正，超級好味。朋友叫咗個五香牛雜河粉，牛雜件件都超級大份，亦都好香口，有牛肚牛心牛肺牛腸呢啲基本嘢啦，同樣配合埋蔥花加粉面湯底好好味。牛雜好味外，我覺得呢度嘅河粉都好好食，細滑得嚟口感亦都好有層次，超正。嗌咗個小食炸魚皮，超級驚喜，炸魚皮好大包，食落嘅時候香口爽脆好惹味，一啲都唔乾，我最怕食一啲咬落去硬身又乾嘅炸魚皮，食完之後一定會喉嚨痛，但樂園魚蛋粉呢個魚皮真係超級好食，無論就咁食又好，送麵食都好，都超級爽脆，食到停唔到口上晒癮啊

路經金馬倫道，想食少少嘢，見有間食魚旦粉餐廳。於是入去第一次幫襯，見餐牌寫必食招牌菜-魚旦粉。就豪不考慮即叫一碗魚旦粉，凍檸茶。好期待叫碗魚旦粉。 食第一口已知中伏，魚旦冇味，魚片冇味，河粉湯冇味。 真心食唔到點可叫招牌菜枱上冇醬油供應，唯有問服務員取。問啱一位亞叔服務員有冇醬油。 點知……呢位亞叔仲要態度極差反問：有，係咪要呀？ 答：係。 亞叔：你問我有冇$ ，唔通我有我就比你咩！呢啲係咩服務態度！！？？幫襯完呢次一定以後唔幫襯！

係尖沙咀想平平地食個dinner，終於搵到間平小小嘅餐廳喇！！！！啱哂糧尾一族🤣🤣係金馬倫道勁多餐廳其實，不過又未係好肚餓又想食小小野，就啱哂啦！！一般餛飩鋪店感覺都係舊，但這間非常光猛而播住最新至潮嘅歌🤣🤣正呀！本來想食崩沙腩，但今日賣哂🥺唯有食其他啦！牛筋腩河多汁 $49正呀！！好多餸！！而且牛腩好淋好食😆牛根亦好多collagen!!份量一啲都唔失禮，好入味！！最正係加佢個辣醬，將個味道再升華😍注意:都幾辣㗎！另一碗就叫咗墨魚春卷雲吞幼麵 $44雲吞好大隻入面有好多蝦㗎！春卷就好有咬口，墨魚味濃！略略覺得佢粗啲會更加好食🤣🤣因為未到6點關係，我仲有野飲送添呀🤩叫咗杯熱杏霜！好濃！好抵呀真係!!!!!meun都多選題其實！！

在尖沙咀真的很難找到一家好吃的魚蛋粉，廣東胃的我就喜歡湯粉麵。今天早上剛好在尖沙咀辦事，經過這家樂園魚蛋粉，一看價格驚艷到我，29雙拼送一盃喝的，於是進去試試。説實話這個價格，起初我對味道和份量不是太期望，以爲份量會很小。結果一看，份量也好大，我吃了一碗已經夠夠的，味道也非常非常的好。我點的是手打牛肉丸和雲吞雙拼。雲吞裡大大的鮮蝦，牛肉丸也很爽，最主要是湯底超好喝，有點牛腩湯的味道，河粉也非常有口感。另外加10塊有個小青菜🥬，可以説巨劃算。這個價格去哪裡找這種味道份量的魚蛋粉！！！生活總是給你不經意的驚喜！例如吃一碗魚蛋粉足夠讓我心情美美噠一個早上！（原諒我真的是開心點很低）#港漂# #香港生活# #香港打卡# #美食日常# #香港美食# #香港探店分享# #香港旅游##香港小吃# #香港旅游攻略# #香港旅游打卡# #尖沙咀# #尖沙咀美食##香港美食攻略之尖沙咀# @吃货薯 @薯队长店舖：樂園魚蛋粉 (尖沙咀)尖沙咀金馬倫道21號地下C號舖

尖沙咀樂園昨日響東大街王林記食完意猶未盡，今日試吓呢度嘅崩沙腩撈粗。任何粉麵加$2有菜或蘿蔔送，我要左蘿蔔，杯熱飲送嘅。撈麵用左蠔油，怪我無問清楚，結果啲麵成餅痴到實一實，非常難挾起，入口只得淋滑完全唔爽脆，好重梘水味，pet蠔油響另一邊掂住其中一件沙腩，重陰陰咀笑！唔緊要！因為啲崩沙腩好正（好彩），有成六七件，每件都有筋膜有肉有啲脂肪，每一啖都食到果種膠質感，少少肥膩多多罪惡。碗湯又係要多蔥，裏面加左啲炸蒜，好香口，味精程度可以接受。寫到呢度發覺原來飽到蘿蔔都未食

再過一週多就能脫離這種悲涼的生活17：40只有20分鐘能吃東西那就點一碗餐牌封面的魚蛋河吧 $38再假裝健康地加點了一碟腐乳通菜 +$10如果加上選擇困難症大概17：50還未能吃到在在下點完餐後沒想到還有客人進來太難了..因為麵太熱辣辣在下沒辦法吃太快只好先咬點菜腐乳醬跟菜是隔開的這感覺很好腐乳醬有點辣比起他們店裡的辣椒醬更辣似乎腐乳也是自家制的吧反正無辣不歡的在下就是很喜歡就是通菜稍有點老 😅回頭再繼續吃麵沒那麼熱了各種魚蛋很彈牙河粉細膩嫩滑但在下還是無法吃得太快看著時間一分一秒地過去好緊急 更不安這種時間的壓迫 讓在下有點吃不下..結果18：00在下沒把食物完成也只好離店感謝店員對客人和時間的寬容及體諒

今日陪好鐘意食粉麵嘅屋企人嚟食位於尖沙咀嘅樂園魚蛋粉餐廳平日嘅午餐時段非常爆棚，我哋特登等夜晚先嚟食呢度嘅menu有好多選擇，除咗招牌嘅粉麵之外仲有飯餐啲小食望落去亦都好吸引揀咗好耐先揀到食咩，係幸福嘅煩惱我叫嘅係牛腩豬手河($42)，牛腩同豬手都夠淋，餸同河粉嘅份量都係極多！屋企人叫嘅係牛筋魚片頭河($47)，我哋另外加咗碟生菜($10)我哋最後兩個人夾埋食咗$99，好抵！下次諗唔到食咩嗰陣又可以嚟食啦

早上食太多下午打算是是但但食D野醫飽個肚就算     難得已經3點當然要享用下午茶特價的福利見門口有張poster話鋪頭有特價魚蛋粉就入去睇睇最抵食應該係下午茶$31 魚蛋魚片河 連熱飲$31蚊有咁大碗 分別有3大舊魚蛋同魚片係爽口彈牙ge河粉絕對唔係下午茶size係一大碗                                茶餐廳style裝修唔闊落係正常有霓虹燈牌令個氣氛有d生氣                         D侍應態度唔錯有禮貌  下午茶係抵到爛有質素有分量有態度尖沙咀真係冇乜地方做到呢個價錢比你食飽肚邊個話尖沙咀冇平價野架？

到咗年尾+月尾，花費自然大咗，經過尖沙咀做野順便要食個飯。係門口睇完見麵同飯大約30-40左右就決定入去試試。四寶幼麵（$38）：有手打魚旦+豬肉丸+魚皮餃+墨魚丸。粒粒都大而且幾彈牙唔會有酸既味道。值得一讚既係幼麵既鹼味唔勁，易入口，而且食落爽口。湯式清清地。朋友既牛雜飯：份量唔算大，但牛膀、牛肺、牛腸、牛肚都炆得好軟林，鋪底既蘿蔔都入味。仲送咗一碗紫菜湯。我地加$10要咗一碟菜心，菜心幾幼唔會多渣。兩個人大約100內，個人中意麵多過飯。幾抵食。

早2日公司要OT，同同事喺附近食個快飯，就諗起食魚蛋粉應該最快😂😂一入去餐廳見到個環境都幾乾淨😃，而且啲裝修好簡潔，令人坐得好舒服🙃我呢位同事一向食得清淡，見到枱面膠片貼咗黃金墨魚春卷圖，佢就order左呢個配米粉；黃金墨魚春卷米粉hk$35-而我一向食魚蛋粉店都係叫牛腩河，所以今次都唔例外😌，再配杯凍檸茶；牛腩河hk$35-配凍檸茶加hk$8-墨魚春卷金黃色，入邊有粒粒墨魚肉，好有咬口👍；而牛腩河既牛腩好淋，一啲都唔un唔”鞋”口😆我哋再叫咗個油菜share，(跟餐hk$10)，今日嘅油菜係芥蘭，師傅”淥”得啱啱好，唔會太淋，啲菜本身亦都好靚，好甜😋😋呢度除咗粉面之外，亦都有飯類選擇，如果好肚餓嘅可以選擇叫飯🤗，店員亦都好有禮貌🙆‍♀️👍，價錢亦都唔貴，平靚正之選😎

以前好怕去尖沙咀揾晚餐食，但今日之後就唔會咁諗，因為今日發現左尖沙咀竟然有呢間好野行過見到條街呢間舖坐滿人已經好好奇點解咁多人幫襯，望下餐牌見到食粉麵，再望下個價錢原來價錢咁抵，係尖沙咀黎講，應該真係無幾多間可以做到咁平，所以我地兩個決定一試因為滿座，我地要等一陣間，大約五分鐘就可以入去了，侍應好友善，即刻帶我地坐低餐牌都有幾多選擇，粉麵配搭多元化，又有飯類選擇，仲要讚下餐廳安排即棄筷子，食客都食得安心我地最後揀左豬肉丸河粉，墨丸春卷米粉，加$10仲可以跟菜心抵豬肉丸有四粒，河粉份量勁多，滿晒一大碗，不過最想讚下個清湯底，一食就知無落任何味精，好多時出街食，想清清地食一餐都好難，好多粉麵舖都會加味精，呢度真係一個清泉終於有間食粉麵係唔使食味精啦另外一個雙拼都要讚下個墨魚春卷，真係用心製作，墨魚肉彈牙用料足，食到粒粒墨魚肉，仲加左粟米一食就感覺到無味精，用料足，仲要健康d，老闆係尖沙咀收呢個價錢真係成本價跟餐加$10就有菜心，生菜，芥蘭揀，我地見咁抵食就加左一個菜心，菜心夠冧又無渣，原本唔記得叫佢少汁，一上菜見到佢分開汁就想講佢真係安排得好貼心，客人按自己喜好去點蠔油，多少都自己決定，有

呢間開喺尖沙嘴既粉麵店，價錢親民，真係良心小店，值得支持下👍🏼牛雜粗麵($35) 唔少得牛肚 牛膀 牛肺 等等啦，最鐘意牛肚好彈牙，個湯好夠味 正😋😋招牌魚蛋河粉($31) 相比之下呢個就清淡啲，不過都好食架 河粉煮得啱啱好 ，唔會overcook ，魚蛋大大粒好彈牙淨雲吞（$31) 有六粒雲吞加幾塊生菜，每粒需呑都有鮮蝦豬肉，味道好濃，愈食愈好味大食既我再加多左一碟菜心（$10），菜有得揀菜心/生菜/蘿蔔/芥蘭，浸下雲吞個湯再點少少蠔油食 好好味😋

又凍又肚餓又口干， 只想搵一間餐廳坐下、暖下個胃. 尖沙咀搵到一間麫舖坐下。 （5⭐️最高）有少少失望雲吞size（2⭐️) : 一碗有3粒， size 比一個5元大少少，有一隻蝦肉在其中，對比較我之前食的雲吞為細。味到(2⭐️）： 因為一咬就食出雲吞皮的粉味， 起初以為搞錯， 但三粒都有同樣的粉味， 只可以說落粉太重手粗麫底（2⭐️）： 唯獨一讚是蛋味好重， 因為麫量唔算多， 鹼水味太濃， 無足夠時間讓開啲面就煮😩… 就出事啦～心機/心思（4⭐️）： 黃金墨魚春卷， 自家整， 內有墨魚肉， 粟米粒。 咬落滑口， 雙拼都有3條， 每條約7-9cm 長☺️希望下次去， 有改善啦～😌