樂園

营业中

休息中

可以一至五 朝早10點幾嚟呢度食早餐當然開心啦，但係另一邊又擔心仲未有正常工返！😭因為上次嚟煎腸粉賣晒同埋提過下次要黎試食雞扒，結果今日兩樣都試晒。大滿足炸雞扒出前一丁（+$5）加沙嗲汁炸雞扒第一次食，其實佢個粉漿同炸豬扒嗰個係一樣嘅，加咗啲蔥花加咗啲蔥油味，就因為咁配雞反而仲好食過配豬。諗諗吓有啲蠢，應該唔使專登加$5食出前一丁，因為個沙嗲汁基本上已經掩蓋晒出前一丁個湯嘅精緒，嘥咗$5，其實係因為啲牛肉太硬所以先至唔要沙嗲牛肉乍。（出奇地加沙嗲汁唔使加錢）煎腸粉係即時煎，需要啲時間，我相信佢應該係來貨腸粉，雖然都煎得條條均勻金黃色，係嫌佢啲豉油唔多夠，麻醬就已經撈埋落去，反而甜醬佢就分開旁邊放。以為係特別嘢，原來佢係普通貨色。奶茶呢⋯⋯都係個茶膽始終差啲，唔係好夠滑，所以同我自己係屋企沖茶包落淡奶冇乜分別🤦🏻‍♀️

而家仲未正式有工返，可以幾點食早餐就幾點食早餐，去邊度食就去邊度食，所以最好就係去啲鋪頭開門時間比較囂張嘅地方。呢度食開有條癮，又返嚟食，今次原先想試佢個蝦米腸粉點知一早就賣晒，另外就叫咗個蔥花蛋治烘底同埋一碗沙嗲牛肉豬扒米粉，再另外帶一個炒米粉俾媽媽食。今日嚇然發現佢個餐牌轉左金碧輝煌嘅Menu即刻諗到啲嘢食又順理成章加咗價呢！？蔥花蛋治係第一次試嘅，其實響其他地方都有食過，好肯定蔥花同蛋嘅結合係好味嘅，而且佢嘅蛋炒得滑嘟嘟👍🏻最衰佢冇蝦米腸粉試吓啦，下次一定要試😅至於個沙嗲牛肉米粉就一般般啦，都係硬如柴嘅牛肉囉，沙嗲汁都係配麵好食啲！炸豬扒就成日食喇，下次可以試吓炸雞扒！

懶理你話服務態度差、價錢又貴 、開舖時間囂張，依然咁多人嚟食 ，連蔡瀾先生都要提字，就知呢家鋪頭唔野少。其實真係唔係話超好食，只不過可能有啲嘢比出邊特別少少 ，例如普通嘅西多士會加紅豆、加阿華田、加沙嗲牛肉，奶茶加紅豆等等。另外佢係絕對唔會有套餐叫既，全部都係單點，逐樣加錢。所以如果人多黎叫嘢食條數真係有排加。平時上晝嚟食早餐，我接受唔到晨早流流食炒米粉同西多，終於等到今日機會lunch 先黎，可以叫男朋友好想叫嘅嘢喇。佢嘅獨門雪菜肉絲炒米粉$65，仲提醒你要等15至30分鐘，配料有出面無加既餐肉，又唔會好油，獨門嘅雪菜肉絲好味。西多士呢⋯以前既我係絶對唔會食呢啲咁邪惡嘅野，而家人大左反而間唔中都想食下，當然要有人share啦。我就唔會試佢果啲特別版本，所有嘢都係原味最好嘅。係唔知有冇辦法將西多條邊都整到好似中間咁軟淋淋。口痕痕仲要加多塊炸豬扒小食，$25 係呢度嘅特色豬扒，佢係用脆漿炸嗰款豬扒，其實都幾熱氣😅我就最鍾意食熱氣野🤪最尾埋單係$65加$23 （西多士）+2杯凍野$21x2再加豬扒$25我哋仲發現原來佢逢親假日係要自己走出去落單㗎，啲夥計係唔會走埋嚟同你落單！

沙爹牛肉西多士🤩$31九龍城最有名氣嘅西多士☺️以前住響附近，成日食😝搬咗之後少嚟呢頭🙈平時佢哋又早收😫六丶日又人多😂好彩今日行過，佢哋仲未收😉即叫即整😍新鮮食，真係好正😝沙爹牛肉嘅鹹😚配上煉奶同溶化中嘅牛油😘實在好邪惡😈樂園 (九龍城)九龍城九龍城市政大廈3樓6號舖

相隔十年特登走黎食沙爹牛肉西多 + 奶茶紅豆冰味道不差，但香港依家好食嘅野已經大把唔係個個都會好似樂園咁，出咗名態度真係超級差！收銀個女人黑面神咁隔離吧台個男人當然唔會理你 只做自己野都正常九龍城出名鋪頭大把隔離街方榮記同樣出色做沙爹牛肉人哋老一輩坐陣 有禮貌 態度好完全唔同年青一代當家真應該好好學習人哋嘅待客之道

聽聞紅豆奶茶係呢間店嘅原創，名物仲有周一腹最鐘意嘅豬扒同沙嗲牛肉，決定黎一試。都唔知有幾耐無去過熟食中心，環境同衛生比預期好，嗰度有好幾間食肆，不過營業緊嘅就只有呢間，其他店鋪好似做午市同晚市。經過精密嘅計算，梗係叫沙嗲牛肉西多士同豬扒麵再加杯紅豆奶茶。奶茶好快就送上，我覺得紅豆同奶茶比例同甜度剛剛好，好融合，唔會互搶味道，不過周一腹就覺得好普通；然後到豬扒麵，豬扒好香蔥油，好淋，不過就薄左少少咁啦；我最期待嘅西多士到啦（我真係期待西多士咋，牛肉唔係我目標），切好西多士，四隻角梗係歸我，因為沾到牛肉最少，切個陣唔好諗住係流心，會有一埋沙嗲汁湧出黎，只係微量醬汁剛好掛係牛肉度，周一腹話我計算失誤，因為咁樣試唔到沙嗲味，而且佢覺得出面甜入面咸，好奇怪。

本人第一次試食佢哋嘅炸豬扒，點了一個炸豬扒上海麵及熱奶茶一杯，小弟才疏學淺，因為我唔熟悉佢哋嘅餐牌，未有細心閱讀，來了日本沒有配料的上海麵，於是查詢職員可否+1點雪菜肉絲另外加錢，收銀的哥哥馬上搶答我的問題，你要早啲講而家唔加得，我說了一句對唔住，因為他的態度令我有點害怕，雖然未至於態度惡劣，但全程吃得一點都不舒服，我沒有下次了，祝生意興隆🙏🏻

好耐無食一心黎食午餐$150比$200找2張$20，1張$10自然無睇清楚銀紙有無爛買外賣盒時因無散紙自然拎$10出黎當時服務員稱爛左不收下？錢你地找比我.宜家就話唔收？跟住一個年輕後生就走出黎話我都有責任睇清楚銀紙有無爛午市你地人多排長龍.我自己拖住個小朋友睇到岩數就自然走好正常都估唔到你地會咁樣找錢比個客叫你地睇下閉路電視睇下係咪你地找一句話睇唔到咁細張銀紙到野食方面叫兩杯少冰野飲，結果大半杯冰叫少甜.篤哂檸檬都仲甜到不得了

唔知點解對於西多士係有種情意結 雖然好邪惡 但每隔一排就會想食(雞蛋仔都係咁)😆😆_沙爹牛肉西多士 $31 🍞今次黎到呢間位於九龍城熟食街市既樂園 試呢到最出名既沙爹牛肉西多士😻 炸到漲卜卜 顏色金黃 四邊微脆既西多士 裡面包住惹味既沙爹牛 面頭再淋上煉奶 同放埋一大舊牛油 食落鹹鹹甜甜 好夾 好滋味😻😻😻 (👧🏻小編對呢種鹹甜配搭真係毫無抵抗力🙊) 而且西多蛋味香濃 炸得唔油膩👍🏼 雖然邪惡但真係好正！_奶茶紅豆冰 $25 🥤奶茶紅豆冰都係呢度既招牌🙆🏻‍♀️ 杯底塞滿紅豆粒 紅豆熬得粉糯但仍然保持粒粒分明 每粒都飽滿有光澤 食落味道微甜 叫少甜甜度尚可😚 而奶茶茶味都算濃郁但唔特別香 而且稍嫌口感唔夠creamy 奶味較薄弱🙊 但連埋啲紅豆 成杯一齊飲 再加埋個靚西多 都係滿足既～🥰🥰

好多年無食樂園以前婆婆住九龍城個個月都會食一兩次相隔十年咁濟 去開九龍城帶鐘意食沙嗲牛麵既老公去試下 所有食物都無set 飲品要另嗌12點半坐底 都坐滿左幾枱我嗌左個咸牛肉蛋丁麵老公嗌沙嗲牛麵加杯凍檸茶略嫌個蛋太熟我叫爽麵 但個麵黎到幾乎係生麵要搞好多先淋返小小☹️老公話個沙嗲牛肉麵係好old scl既味道似我地細個廿年前食既感覺我倆一致覺得性價比較低食物收費同味道配不上 食完好口渴加上服務態度麻麻同坐得唔係幾舒服兩個麵一杯飲品 食左接近一百蚊😐

Happy Friday 落左九龍城食lunch 唔想食泰國野同事提議去市政大廈的一間冰室唔講唔知原來街市入面有間咁出名的冰室叫左五香肉丁通粉加炸雞扒再加熱杏霜差不多俾左半罐五香肉丁真係好抵雞扒炸得好出色炸粉又薄又炸雞肉又好嫰滑

每次來到樂園都會叫鹹牛肉蛋出前一丁，再配一杯凍奶茶其實他的招牌是新樂園炒米粉，但因為每次都是早餐時間來，會比較想簡簡單單吃麵。鹹牛肉蛋出前一丁要等大約20分鐘， 因為是即整製的。現在很小茶餐廳會選用真的出前一丁，這也是我經常光顧的原因之一。他不像普通茶餐廳的鹹牛肉炒蛋，而是把炒蛋煎成一個方形。味道方面，蛋味很重煎得香，不過有點偏鹹。另外，也點了一個阿華田多士。這個是必吃的，與傳統西多士不同，他的西多士完全沒有油膩感，感覺上也健康一點，而且很香脆，好味。👍🏻

九龍城樂園既沙嗲牛肉麵係食咗會令人上癮既食物，食過呢到既沙嗲湯底，你根本唔會對其他地方既沙嗲湯有興趣🤷🏻‍♀️另一推介既必食：炸豬排麵+沙嗲湯 / 西多士如果唔食牛既朋友，可以叫炸豬排/雞排麵+沙嗲湯，呢到既炸物同樣非常出色！當然仲有呢到非常咁出名嘅西多士！係香港正宗地道茶餐廳既味道，有花生醬既西多士！唯一要注意既係呢到既營業時間，特別係星期六日想黎既朋友，一到中午時間好多食物都會沽清！

今天畀我食到最好吃的沙嗲牛肉出前一丁再加菜圃蛋🍳（平時我是吃太陽蛋的）簡直是一流既配搭😋再飲杯凍奶茶少甜🤤完美的早餐就是今天最好既開始💪🏾其實仲想試樂園既炒米粉😏還是留返下次吧😊

近來多了來九龍城吃早餐，每次都去聯發又有點厭倦，所以有時都會改變口味，上街市大廈的樂園。如果還沒聽說過樂園的話，這是九龍城市政大廈內的幾家有名食肆之一，它是家港式茶檔，特色是不賣 ABCD 及常餐，只有單點，名物是奶茶紅豆冰及沙爹牛肉西多士（把沙爹牛肉夾在西多士中！）。這些名物對我來說未免過於離經叛道，我只吃傳統的麵食及三文治等東西。不過他們家的沙爹牛肉麵是真心好吃，沙爹汁不是可憐地只下幾滴，而是一整碗麵的湯頭都是沙爹，味道香濃。而麵煮則得剛好，軟硬適中。牛肉沒有下鬆肉粉，雖然粗糙，但有牛味，不是那些吃完也不知是牛還是豬的無味鬆肉。奶油脆脆豬亦不比翠華的差，豬仔包烤得鬆脆，牛油及練奶塗得均勻卻不過多，讓人忍不住幾口就吃完。