樂園

营业中

休息中

#double_九龍城-【久仰大名沙嗲牛肉西多士】-早兩日 #🍋👧🏻 同朋友去咗九龍城 上次食咗#聯發茶餐廳 今次食其他 不過既然決定介紹得比大家 當然唔係普通野😽-🔻沙嗲牛肉西多士($30)今日嘅主角🍞其實係為咗西多士而來 西多就周街都有 夾住沙嗲牛肉嘅西多你聽過未⚠️‼️🥩牛肉夠juicy 醬汁調校得剛剛好 表層有煉奶同牛油 如果多士 再厚啲就超級正❤️⭐️評分：7/10-🔻炸豬扒公仔麵($28)可以免費加沙嗲汁🙌🏻湯底好香濃 一個面唔夠喉 豬扒🐖炸得香脆 讚👍🏻⭐️評分：8/10-🔻鴛鴦紅豆冰($24)朋友認為不太夾 咖啡味☕️較突出 奶茶味🍼唔係太飲到🍶紅豆夠淋 叫了少甜 甜度足夠⭐️評分：4/10－－－－－－－－－

曾經被友人帶來，說要試試聞名的紅豆奶茶，不巧假日原來沒有開門，也就錯過了。今次來是尋常日子的早上，果然有開，畢竟已過9時，在場人客不算少了。我點了杯紅豆鴛鴦，叫了個腿蛋麵，夠地道了吧 !後者就不是重點了，普通得可以，前者真的不錯，不會太甜，可是老實說，飲下去其實就是想像到的味道 --- 紅豆冰轉了鴛鴦底 !其實呢，整個地區都是別有一番味道，來這裡飲紅豆飲品原本就是上一代本地人口耳相傳給下一代的。有時間的話，在附近行一行，再上來隱沒在街市樓上的這裡享受一杯地方風情，也是賞心。 

啱啱在隔離打圓場身水身汗的羽毛球賽，因為消耗得太多了，所以十分肚餓。見到運動場隔離的樂園，就即刻衝入去醫肚。我哋嗰日打朝早，所以試到樂園的早餐。我哋叫咗馳名的沙嗲牛肉麵，朋友就叫咗炸豬扒麵。幫我地落單的哥哥很好，問我朋友要唔要豬扒麵用沙嗲湯底。我哋當然說好啦，原來就算轉沙嗲湯底都是免費的。仲有就係炸豬扒同面是分開上的， 10分貼心。當食物嚟到嘅時候，已經聞到好香。就沙嗲牛肉味好濃郁，啲面又夠爽。一般餐廳做早餐，啲沙嗲牛肉都係得幾舊。呢間樂園嘅沙嗲好夠食。碗邊嘅沙嗲汁都睇得出佢係好濃郁，不是稀稀落落的。不過早餐飲品就唔包，要另外叫。但係唔飲嘢嘅話，都可以自己係自助飲品區自己斟水斟茶。好似我哋打完波咁，都諗住飲水，咁呢餐早餐就10分抵啦，個面都是廿零蚊。唔鍾意食麵食嘅朋友，可以選擇包呀麥皮之類，餐牌有很多選擇。

最後一日嘅朝早，當然係再幫襯樂園食早餐啦。因遲左出發，行到過黎都差唔多係十點鐘。因為想一陣喺九龍城依邊食埋晏先走，所以都唔敢食太飽。叫左一冷一熱齋啡，炸豬扒麵加沙爹牛肉，咖央鮮油多，都係分黎食算。依段時間唔多人，依度人D冷氣確實充足。咖央鮮油多一黎，即開動好耐無食鮮油多，加埋甜甜哋嘅咖央，好回味呢。

三日兩夜九龍城搵食記，下午黎到九龍城先去市政三樓食樂園星期六佢地收14:00好彩喺收工前半個鐘到，仲剛有兩個搭枱位我霸位，男友排隊落單比錢攞牌埋位等運到先黎兩杯咖啡紅豆冰，大大粒紅豆,夠晒𣺉之後到豬扒麵加沙爹牛肉，香脆味美嘅豬扒，我都分份返D食而我叫嘅雪菜絲絲米，個人認為比較咸，可能係D雪菜足料左。兩點左右收銀位便會夾上 “休息” 紙，入左黎亦會被通知已收工，落單的姐姐都好有禮貌同善解人意我地食晒D紅豆未飲晒咖啡，諗住放低匙羹帶走個杯，有位姐姐仲比個蓋我蓋好個杯添，謝謝妳們。

午餐時間，難得到了久違的九龍城快靚正首推熟食中心聞名的西多索價都幾高，但始終做街坊生意的飯同麵價錢尚算合理雖然好想食西多，但要醫肚都係揀返主食先黎碗【咸牛肉蛋通粉加沙爹汁】通粉上面是咸牛肉煎蛋咸牛肉和蛋煎在一起配搭極佳而且此配搭坊間不多見實在把香港地道口味演繹得出色店員主動詢問要唔要加沙爹汁雖然怕太咸，我都係拒絕唔到邀請加左沙爹汁更加惹味，果然沙爹係樂園既招牌不過通粉的分量太少啦，比較岩早餐其實冇套餐供應，所以唔夠飽/為食就要自行組合我就再叫左【奶油豬】，組合成為一個常餐 YEAH就未計飲品，加埋飲品就都幾貴【奶油豬】都唔平，不過勝在高質成個都烘得超級香脆奶油部分索入去，又有足夠的部分留在面層食到好食的奶油豬係值得既令人開心的「樂園餐」係一整日苦悶工作之中的推動力

星期六去食，要買咗飛先可以搵位坐。一點鐘去到，除咗沙嗲牛肉西多，所有麵包都賣曬😟💰 價錢方面小貴，冇套餐🙁🍞西多係必嗌✨等咗廿分鐘先上檯，色澤金黃令人垂涎三尺🤤已經落咗煉奶同牛油，沒得自己落，但個份量竟然啱啱好。第一次食沙嗲牛肉做餡嘅西多，咸咸甜甜咁又幾過癮，可惜嘅係個沙嗲牛得好淡沙嗲味，同埋有啲老。件西多真係炸得好靚，唔太油唔太乾👍🏻下次想試下普通西多。🍜麵就係一個好普通嘅公仔麵😂豬扒有啲細，仲要甩咗一忽😕好在食落味道唔錯，冇炸過籠。🥛香濃嘅奶茶，加清甜紅豆，甜度啱啱好，又係一個新奇有趣嘅組合。之後發現好多地方都有哩個組合出售🙈

今日專登帶番書姨甥仔嚟九龍城樂園食佢個沙爹牛肉西多士😍。但嚟到睇到個餐牌又有好多其他野想試噃， 於是我地決定每人叫一個主食， 然後再點一份沙爹牛肉西多士share😁。姨甥話想食飯所以叫左炸豬扒栗米肉粒飯， 我就怕肥(講笑咩？🤭🤭)係咁易叫左碗炸雞扒麵加沙爹汁。飲品我緊係要試鴛鴦紅豆冰啦， 人地就要左紅茶菠蘿冰！鴛鴦紅豆冰好得， 紅豆粒粒分明唔會腍到爛， 鴛鴦都夠味👍但杯紅茶菠蘿冰就普通左啲。姨甥話個飯好好味， 因為栗米肉粒好粒粒唔似開罐頭煮到結塌塌咁， 炸豬扒都好夠味，又唔會好厚粉， 不過份量就太少喇，男生真係唔會食得飽囉😏。我碗炸雞扒麵就好好味， 雞扒醃得好好味， 有啲台式feel, 個公仔麵加左沙爹汁特別好味😍食完主食， 重頭戲嚟喇😁，個沙爹牛肉西多士真係好味到唔知講咩好西多士炸得好鬆化軟熟，糖漿同牛油嘅份量配搭我覺得剛好， 如果唔夠甜嘅話反而會俾啲沙爹牛肉餡蓋過囉🙄。沙爹牛肉佢切得較細塊所以好易食， 佢又唔會多汁到浸哂落件面包度👍。總之鹹甜相配得好好， 我好鍾意呀。偷偷講， 姨甥都覺得好好味， 所以隔左兩日就再帶佢媽媽去encore🤣🤣🤣。

樂園，食左超過20年，呢家食親我一定叫多沙爹汁，係好食，但呢家寸左好多，星期六日要好似食大家樂咁買飛搵位，如果你一條友來真係比較麻煩，驚買完無位坐。同埋呢家野飲比較貴。

同事會特登搭的士去食就知道好好味，奶油豬係要搶的甜度，脆既程度，溫度咩都做得啱啱好，好正，會令人回味無窮可加沙爹汁既各類麵，沙爹汁好濃花生醬，所以個人口味不太鍾意。鹹牛肉蛋餅超大件 大過個碗，即使麵少都會好飽。野飲要分開叫，相對較貴，人地推介既xx紅豆冰我覺得冇乜特別食過炸豬扒又薄又細又唔juicy，唔會再叫。上海麵都好一般，甚至我覺得唔好食，鎖水能力超強非常飽肚。得個奶油豬係會一叫再叫，可惜好少見到12點半仲有。仲有個出名既西面姐姐，只有你唔識落單，唔會有佢唔記得既單。有得同澳牛揮冷氣超凍超凍

已經唔係第一次嚟呢度朝聖，但始終未有機會見到發哥，哈哈。今日天氣都好熱，幸好這個熟食檔有冷氣。眼見有幾檔熟食，有魚旦粉、泰國菜，但客人9成都係幫襯呢檔，樂園~地道茶餐廳，但賣嘅野好有特色，味道又出色一坐低(基本上一定要搭枱)，阿姐就埋嚟問你食咩，我地做定功課，好快就可以叫野食。先嚟叫個雪菜肉絲豬扒飯，再嚟沙嗲牛肉西多士，之後我見餐牌有款咸牛肉蛋餅，作為蛋蛋控嘅我忍唔住叫嚟試吓，朋友就叫咗杯菠蘿紅茶，佢話菠蘿代替檸檬，可以一試。食完呢餐，只可以講，有時間一定要再嚟，因為呢間樂園，就算紅了，都沒有失水準，依然令人回味

樂園，我食了20年的地方，多年來食物選擇一樣，最正就係炸豬排同沙爹，時間飛逝，食物水準不變，卻無了人情味。可惜可惜。推薦大家飲奶茶紅豆冰，普通飲奶茶會唔夠滑，但加埋紅豆就啱啱好。

🤤咩都好似好好食咁🤤一入到去見到咁多人排隊，要有定心理準備都等得幾耐下。😅無套餐，單點都唔平。😩但食物絕對值呢個價！😬👍🏿首先必點既，一定係沙嗲牛肉西多士！但「講真心」，要有心理準備，真係要等好耐，除非你早到，又或者無咩人排隊等緊。但當你等到佢黎，你會覺得係值得等啦咁耐。睇個西多既色，就知到炸得好。糖漿同牛油，又香又甜，唔會膩口。中間既沙嗲牛肉係精髓。咸咸甜甜既感覺，好夾。牛既份量岩岩好，而且集中係西多的中間，如果唔中意又咸又甜既朋友，可以集中食西多個邊，一樣咁好食，而且炸到好酥軟。但重點中既重點都係沙嗲牛肉，唔嚡口又唔韌。食下食下，就食哂成個西多LU…🐮😋西多食完就到奶油豬，呢個奶油豬，不得了，可能係世界上最好食既奶油豬。係唔係世界上就唔知，但應該係我食過最好食既奶油豬！因為我本身就唔好食甜品，基本上甜既野我都唔太喜歡。但呢個奶油豬真係好正，一入口鬆化到啲包皮碎飛哂出黎，真係唔誇張，我食到成台都係皮碎。唔會好甜，岩岩好的感覺。可一更可再！！！🍞炸豬排，原本就無諗住叫既，因為本身我就中意食沙牛。但見到後面個個人話必食炸物，咁我就叫左個炸豬排公。好老實講，佢真係炸得好好，塊豬排台既時候仲

已經十幾年無上來嘆茶由於工作關係重回舊地嚟到就當然叫返樂園既沙嗲牛肉麵來食。果然仲保持到水準，牛肉仍處理得好保持有𡁻口唔會貪心「發過頭」令肉過軟身，至於自製沙嗲汁亦依舊足料，濃濃花生香氣、甜辣咸味配合得宜令我差尐想飲晒碗湯.即食麵亦爽身，掛到汁，老老實實，好多標榜自己餐廳香港風味既餐廳真係要來學下師，出面沙嗲牛肉真係唔少粗製得太緊要。.飲埋杯靚熱鴦，十分滿足。尐嘢有心機煮對品質有堅持，相對貴少少都值得（無餐叫，散叫而已）。.

又有一間我收藏已久還未光顧所以要趕着試食既食店🙆🏻‍♀️🙆🏻‍♀️就係「勝過鮑參翅肚」既樂園,見到店內呢句題字就覺得霸氣十足😎.對我黎講九龍城區又係一個美食既集中地✨今次嗯間有逼爆滿瀉的沙嗲牛西多、鮮油多、樂園炸豬扒包、全都是經典茶記❤️真係未食就先興奮!.坐低無耐就叫野食啦,唔洗點睇мenυ都已經決定到,因為心裡有數😛.第一樣最快到既係👉🏻鮮油多 $17•老闆話鮮油醬多好食!因為牛油相當講究,所少便叫了一試!多士烘到脆口!夾住厚厚的鮮牛油都幾難唔好食😂😂第二樣落枱既係👉🏻樂園炸豬扒包 30•包裡塗了牛油,豬扒炸得香脆!夾着蕃茄其酸味就可以解油膩🙆🏻‍♀️不過咁既配搭係會有罪疚感既最後一樣👉🏻沙嗲牛西多 $29•西多士即叫即製送到時熱辣辣,未切都香噴噴!一切開就可以聞到好香的沙嗲牛肉味🤤西多味道又咸又甜,舊牛肉就唔夠腍係個多士夠香罷了😌講左咁耐終於食到呢個西多! 好開心雖然間茶記係九龍城的熟食中心！這裡較殘舊但環境衛生是非常可接受的✌🏻😎繼續深信平民美食都可以有驚喜既💁🏻‍♀️🤩.我星期六去既，開7:15-14:00，比平時收早d架!