樂園

营业中

休息中

前幾篇寫開去Mikiki的8號仔飯堂食'平'飯, 想起另一個飯堂不可不提的就是龍城街市的樂園 --- 無約人那朝去完圖書館後跟手去樂園食個'快飯'...是假日的心水之選! 其實都是那些東西, 叫碟飯、或叫碗麵、配杯凍鴛, 就一餐了今天有點餓, 叫碟飯吃來一客豬扒飯可惜今天碟飯似十足叫了'少飯'的份量, 有點不夠喉, 唯有當'留肚'給空間自己, 晏些再去'Tea Time'~來樂園吃飯千萬不要計較什麼環境/服務, 想像下...位處龍城街市大樓就大概知道是什麼地方; 而假日來到就會見到人山人海 的各位都在忙著搵位、或分工合作排隊點食物各有各忙、自己取餐具及水...所以基本都是自己Serve自己的, 服務一欄我沒怎麼給分也不為過吧!幾十蚊要在龍城吃個香口豬扒飯這裡也不失為一個可考慮的地方, 只要明白來這裡是貪平/靚/快, 沒有更多可提供的了~

本人係附近街彷, 時有幫襯樂園。 平是主要光顧奶茶紅豆冰,因比較少有。 但感覺價錢略貴, 尢其抄米粉, 質素一般但收五十多元。其餘食物並冇特色, 幫襯只為奶茶紅豆。員工其實有禮, 但感覺老細反而吾憂做。平時有幫襯開的可能會有同感。冇問題, 食野姐, 但最近一次經歷, 火都黎, 冇下次。話說上周未大約兩点上到去, 点單要排隊, 那家人便先攞枱坐下, 自己排隊落單, 當前兩個客人下完單, 到自己的時候, 諗住開聲向女的想柯打, 冇人理我，女的一眼都冇望過我, 我以為佢有事處理, 所以我就冇催佢, 也企了響度約甘秒。 突然另外那男的把一塊白板放出來, 又係冇出聲。 望一望上面, 寫著好似小休, 板上附有電子計時器在倒數半小時。 但大佬你都見住我排隊架啦, 冇理由吾同我落埋單掛, 頭先你又吾截龍, 我排果陣你同我講要收,我米走攞。 我可能吾知佢規矩啦, 米開聲問下男的佢係乜意思囉, 順便原意係想不如你落埋我張單啦, 我都排左隊囉。 点知我想指住個白板問男的, 而家即係点呢的時候, 男的竟然不屑地講, 米寫左出黎囉, 自己睇啦! 嘩! 我即時火起! 我夠知你寫左出黎啦, 你吾係啞掛, 你小休米

久仰樂園大名，但由於九龍城實在太多美食選擇，直至最近才有機會品嚐樂園。樂園位於街市的三樓熟食區，雖然同場有三四間餐廳，但樂園的食客是佔絕大多數的。週末的點餐方式有別於平日，食客須在店付款後，拿了個號碼牌，再就坐等店員把食物送上。來餐廳前已做了功課，大概知道哪幾款食品比較馳名便選了配搭特別的沙爹牛肉西多士和奶茶紅豆冰食品都是即叫即製的，西多士上枱時保持著一定的熱度，切開後可見內裡有滿滿的牛肉，肉汁也緩緩流出來西多士與紅豆冰一向是絕配，邊吃西多邊喝紅豆冰，是吃貨的一大樂事。奶茶紅豆冰相比起一般紅豆冰的甜度會較低，雖茶味不夠香濃，但這個特別配搭是值得欣賞。而且，很欣賞奶茶的冰粒偏小，可連同紅豆吃下，這才算是真正品嚐到紅豆冰呢

沙爹牛面麵配奶茶紅豆冰，簡直係我肥仔獸既至愛😋肥呀！呢個沙爹牛既牛肉🐮係比較靚既牛肉黎，非一般硬綳綳既牛肉，加上好濃郁既沙爹汁，令到呢一碗沙爹牛麵ichiban😋奶茶紅豆冰，茶味足夠，不太甜，而紅豆亦夠沙，所以都好好味😋食到我肥仔獸有啲唔夠喉添。。😔但因為沒有套餐，所以唔太便宜，唯有帶著唔夠喉既感覺離開😣#肥仔獸為食團 #smalltoysinbigworld00

樂園famous for its satay beef french toast and red bean ice milk tea。Inside this public cooked food market,it is the only restaurant open during day time.its nearly full house in this resturant on Monday!!!!FoodThe kaya french toast is crispy outside and tendly soft insideRed bean ice milk tea is cold and milky. red bean match the milk tea perfectly.Size of red bean is massive, may be it is from Tianjin.The is the biggest red bean i saw in a red bean ice drink.The price is slightly higher than oth

打完波肚仔餓, 又落雨, 最就腳的莫過於係正對面既熟食中心3點幾人流仍然好多, 但集中係哂樂園呢邊, 好彩咁岩有位搭枱。朋友介紹要試奶茶紅豆冰, 而其他客人多數食有豬扒的菜式, 於是我也試試豬扒!朋友叫了鮮油咖吔多加熱奶茶。豬扒好脆, 但份量不算多, 加埋隻蛋就岩好夠飽。麵的湯底屬一般。多士夠脆, 也有好多餡如果喜歡茶味夠濃的朋友要點熱奶茶, 因奶茶紅豆冰會比較多奶, 茶味較淡, 但都好味! 紅豆唔會過甜, 出面普通紅豆冰都要$18-$20時就覺得呢度賣$22唔算貴。

沙嗲牛面，牛肉冇比鬆肉粉整淋，有趙口有牛味，沙嗲沙底香濃。咖啡紅豆冰，奶茶紅豆冰唔算甜，紅豆軟綿，冇比太多糖水浸，奶茶香滑，茶奶比例洽好，咖啡則比較淡。沙嗲牛西多有驚喜，兩塊薄薄面包夾住碎牛，唔太油。

沙爹牛肉西多士 （$28）即叫即整，新鮮熱辣嘅西多士，等候嘅時間需要10-15分鐘，我實在太心急食佢，一上枱就即刻切黎食，熱到😛燙親條脷。🐮牛肉餡非常入味，濃濃嘅沙爹味，亦唔會有多餘醬汁，而且咬落有鮮肉煙韌嘅口感👅，只係個餡料已做得好出色。而西多士表面搽左牛油同煉奶，以為會太甜同沙爹餡會唔夾🤔，點知味道出奇地match，牛油同煉奶嘅甜味仲加強左餡料嘅美味💪🏻，加上西多整體炸得外脆內軟，值得比讚！

剛好係九龍城附近~就叫朋友一齊食完lunch先走~始終吾熟 都兜左幾轉先去到，一入去就見到真係好多人不過就吾可以預期佢係好乾淨，因為環境係似街市，莫名有地道感覺。(有潔癖的朋友可能會卻步)點左豬扒麵 蕃茄麵等等，不過最期待都係個西多士 因為出名嘛！個餡的確幾特別既，都係第一次食依啲款。見到中間好飽實，讚既係啲沙爹牛肉吾韌，切開果下啲汁同香味都有湧出黎。不過食半份已經覺得油膩。而且味道同一般西多始終冇好大出入，糖槳同牛油有啲多蓋左陣味😌食完覺得會肥十磅(笑)另外點左豬扒麵 細細件，幾香脆。不過佢同個麵係分上，我幾乎食完 佢先出現~所以相都無影到~依碗麵看似好易整((的確如果吾係懶架話 (搖頭)但係啲蛋係幾滑！炒得吾錯！麵既軟硬適中，公仔麵黎講通常吾會衰既整體一般，幾好但食完印象吾深刻加上服務態度吾多掂。 可能因為忙，所以食物上桌時間都比較長吾值得特登黎食，但如果住附近 食下感受下有丁點既舊式情懷都吾錯既

泥呢間茶記真係要較準時間，平日收4點，星期6同公眾假期收2點半，星期日休息。不過要食好野就早啲泥搵位，千其唔好繁忙時間同好肚餓時泥，等位要時間，等食又要時間真係等了又等如果第一次捧場，沙嗲牛肉西多是必食之選，平時食西多，多數得個甜同溜。裏面加沙嗲牛都係第一次食，食落都幾有層次感，口感好丰富。西多炸到好香口，牛肉唔會韌唔會太喊又夠味。奶茶紅豆冰都好特色，紅豆抄得好香口，煮得多夠淋，而且好大粒又好咬口，推介

襯著新年假期把想逛想吃的地方去一遍 , 今次終於走到來九龍城市政大廈上的熟食中心 , 聽聞那兒的一間開業四十多年的茶餐廳是以賣「沙爹牛肉西多士」而盛名 , 如此奇特的配搭只是用腦想想也立刻引致口水流。 連 蔡瀾先生 也有為「 樂園 」題字 : 「勝過鮑參肚翅 ── 樂園玩賞 蔡瀾墨戲」 每張檯上都是放有圖中的餐牌 , 所有食物都是散叫並在餐牌上寫明「 不設套餐 及 沒有分店 」。 食物種類都是與茶餐廳雷同 , 提供咖啡或奶茶、冰飲類、即食麵、炸物、西多士、三文治、炒粉麵飯。如此名店 , 其實在於 「 待客」這一環會有心理準備 , 沒想過身處街市熟食中心 , 但環境整潔, 店員侍客有禮兼有笑容 , 曾向店員問了個蠢問題 , 通常其他名店的店員會表現出 「別浪費我寶貴時間」的模樣, 但「 樂園 」裏的店員竟然有禮的笑著回答詢問。 杏仁露奶茶 $ 16送上檯時會看見玻璃杯裏是有兩層顏色 , 白與棕 , 明顯是先放杏霜再撞入紅茶 , 茶味添加了杏霜的甜香 , 加半匙糖可更引出好味來！ 沙爹牛肉西多士 $ 28 新鮮熱辣西多士內夾有沙爹牛肉餡 , 牛肉是人手切碎 , 因此無需要用鬆肉粉 , 沙爹

九龍城樂園，一個不陌生的名字。以前在九龍塘上課，中午空檔時間較多的話有時會去九龍城吃飯，但那時卻不捨得去樂園吃，畢竟當時錢好花，顯得樂園是略貴的地方。到工作後卻因為星期六也要上班，都沒法去試那馳名的沙嗲牛西多，結果還是要辭職才能解決問題。（？）挑了平日中午稍後的時間避開人潮，走到可能會遇上發哥的九龍城街市…樓上的熟食中心。裡面的食店大多都休息了，就樂園一間還在忙碌工作。熟食中心衛生是弱項，不過自從街市加了冷氣後感覺比舊時乾爽不少，蚊蟲也少很多了，雖然地面的黏黏油漬還是沒救。 最馳名的沙嗲牛西多和奶茶紅豆冰，是今次的目標。價錢是比普通的西多豆冰貴一些，不過老子就算哪有錢也不會找伯母，最緊要是好食。這裡畢竟是茶餐廳，也有其他常見的碟頭飯和麵類，最霸氣的是雪菜肉絲和沙嗲牛肉炒米，最少等廿分鐘還要在繁忙時間暫停，令我想起澳牛不能點沙嗲牛麵的都市傳說… 即使廚房大佬密密手做，西多也無法話變就變，先飲奶茶紅豆冰。觀其色澤夠深色如咖啡，入口茶底夠濃夠厚，花奶份量亦恰到好處，令奶茶又滑又香。紅豆也毫不失禮，香甜大大粒煮得夠爛，真係一次過滿足三個願望。唯一的美中不足是奶茶甜度對我而言略高一點點，但站在

提早放午飯時間，以免同其他人迫，未上過市政大廈食，上去試下。點了粟米肉粒排骨飯，原來排骨是豉汁排骨，餐牌又無說明，我不吃豆豉的，惟有吃粟米肉粒飯那邊，飯不夠熱，肉粒不多。$36碟飯，無飲品，不算平，我寧願去方Ｘ記，$30有碟炒河，又夠鑊氣，中午之首選。

早前得知九龍寨城公園那邊有個期間限定的展覽…先往九龍城街市頂層的熟食中心 – 馳名老店《樂園》…幸好趕及打烊前到來…店子張貼了由蔡瀾題、「勝過鮑參翅肚」六隻大字…奶茶紅豆冰（$21），顧名思義就是奶茶和紅豆冰的混合版，「一次過滿足兩個願望」。紅豆煮得算是綿軟，喫來帶茶香，惟甜度稍高。沙爹牛肉西多士（$28），上面有牛油及煉奶，單從外表看與一般西多士無異。輕輕將之切開，即可見夾在中間的沙爹牛肉，份量還頗多。原本怕「又鹹又甜，會唔會好怪？！！」，吃來西多士外皮脆內層柔軟，牛肉的味道扎實而香口，絕非經鬆肉粉／梳打粉過度醃製的肉類能媲美，與煉奶走在一起，食味上出奇地匹配。總消費$49，與同類型的「地踎茶檔」相比定價稍貴，幸而食物質素高，沙爹牛肉西多士沒有風評與事實不符的情況，果然不負老牌馳名店美譽。

我已很久沒來樂園，不知道這裡在周末的新安排：客人要先到櫃枱點菜並即時付款，然後會取得一個號碼牌，店員之後便會按號碼為客人送上食物。這個較有系統的安排果然減少了混亂和提高了效率，即使在繁忙的星期六，等待上菜的時間明顯縮短了很多，不再像昔日般又要久等又要追單。沙爹牛米的鮮牛肉和沙爹汁都能維持昔日的味道。奶油多也一樣，多士烘的時間，以及牛油、練奶的份量都恰到好處。可惜奶茶卻退步了，茶膽不夠香濃，淡奶反而太多。上一次來則是茶太濃，不夠滑。有點懷念樂園昔日的奶茶，還有炒米粉、雪菜肉絲义燒飯......