樂園

营业中

休息中

星期六下午1點幾到埗，門口已經排左約10人，星期六要先攞位、然後排隊買嘢食後再等佢送到，我只係自己一個黎都冇辦法攞位先，有點頻撲。好在我已經諗好食乜，一杯奶茶紅豆冰（$22），同豬扒米粉（加沙爹汁）（$27）。樂園係冇套餐供應架。落單後等左大約10分鐘左右，先來奶茶紅豆冰，平時好少飲凍奶茶，呢度加左紅豆，中和了奶茶的濃度，而且紅豆煲得好淋，絕佳的配搭。豬扒米粉的豬扒新鮮炸起，香口亦有調味，醃得幾入味但唔會過鹹，米粉就一般貨色啦。呢度的炸豬扒係我心目中的三甲位置之一呢！

九龍城，舊機場的年代，光輝而絢爛，現在雖然星沉影夕，但人說依然有很多隱世食府認識樂園，是因為讀蔡瀾的書巳經是第二次來了，上趟人太多，點不到什麼、人也匆匆忙忙，好不輕鬆不知是否轉了餐牌design (上次看的好像不是這個) 點了茶走、雞扒沙爹麵、咖o央多士雞扒很入味香口脆身，麵身也剛好，不林也不韌，咖o央多士，熱騰騰的多士配上冰凍剛溶的牛油，omg 真的人間美味

今天是特別。會面一位客人。在九龍城廣場對於我是10分陌生的。師傅知道後立即陪我來。還帶我去吃我愛吃的給我打氣！從來覺得食物是有靈魂的紅豆冰紅豆太大粒奶茶有茶葉香。很回味！炸豬扒比想像中的有點遜色。但是香口的亦沒有粉漿。豬扒新鮮又咬口。公仔麵有彈性沙嗲醬10分香濃！今天當口我們也是討論尊重二字＋ ＋ ＋餐牌上看到的是互相尊重！人與人就是這樣緣份相遇用食物連繫愛談談心這裏成了我們談談心的老地方。我們會再來的。

香港真正懷舊的茶餐廳已經買少見少， 是香港的特色和歷史的見證， 現在的冰室的已經是現代化的改良， 招牌五光十色， 燈火通明， 尋找不到那種在門外已經聞到奶茶的茶香， 蛋撻的酥香， 小時候的光境不復再， 所以尋找懷舊茶餐廳是我周末的興趣， 今天來到九龍城市政大廈- 樂園。一到市政大廈3樓，已經有一小隊人龍， 看著菜牌想著自己想吃的名物， 大概3分鐘，已到我， 點了一杯鸳鸯，一件咖吔多士，一碗豬扒米粉。

香港真正懷舊的茶餐廳已經買少見少， 是香港的特色和歷史的見證， 現在的冰室的已經是現代化的改良， 招牌五光十色， 燈火通明， 尋找不到那種在門外已經聞到奶茶的茶香， 蛋撻的酥香， 小時候的光境不復再， 所以尋找懷舊茶餐廳是我周末的興趣， 今天來到九龍城市政大廈- 樂園。一到市政大廈3樓，已經有一小隊人龍， 看著菜牌想著自己想吃的名物， 大概3分鐘，已到我， 點了一杯鸳鸯，一件咖吔多士，一碗豬扒米粉。 再找坐位等著吃， 鸳鸯先來， 茶的比例較多，很濃的茶味，因為個人習惯不落糖比較澀， 但尚算奶滑茶香。咖吧多士， 綠色的咖吔很香的椰子味， 配上薄脆的多士 ， 雖然不致驚為天人， 但仍可口。秘制豬扒是吸引人客的菜名， 秘制在於脆?在於香? 先來米粉，豬扒後上，豬扒竟然是凍的，原以為是鮮炸， 但又不是冷冰冰， 仍然脆身， 放在米粉湯上變暖，皮漿有調味， 豬扒有豬味， 減低了雪藏的味道， 很難得。價錢平宜， 值得一試。

由樂富轆去九龍城當然另有目的...皆因呢間茶餐廳收得早...星期六只開到2pm...而且~ 不。設。外。賣。更甚的是︰星。期。日。休。息。想食嘅話真係要下定決心早少少起身出動！食店位於九龍城市政大廈嘅熟食中心...一出升降機就見長長人龍排隊入「樂園」...因為客人需要先落單再比錢...然後搵位坐再等侍應送上食物...餐具調味自助區...熟食中心除「樂園」之外...仲有其他食店...地方都幾擠迫...內裡有圓枱又有長形枱...最正就係用摺凳...容易移開或收起...所以輪椅使用者想用枱進餐亦不大問題...豬扒好薄身又夠脆亦juicy...粉漿內加咗蔥...如果無食錯...應該有加少少薑汁...味道好夾...好食！米粉湯底係沙爹汁...食落帶有微微花生香...一口米粉一口豬扒...好滿足！另一出名必食嘅就係西多...賣點在於餡料係沙爹牛肉碎...甜中又有少少鹹...食落又幾夾...西多食落有蛋香...叫咗凍奶茶同紅豆奶茶...純奶茶飲得出茶底唔錯...奶味唔算好濃..合我口味...另一杯嘛...紅豆好食又大粒...食得好過癮又開心...奶茶味相對較淡...總消費: $92

都係人红惹的禍！現在星期六、日去要大排長龍先點食物，冇人落單，收錢招呼的人口黑面黑，食物質素更不用說了，最出名的炒米一早賣曬，不准外賣 。做嘢嘅人個個都想你走 ，呼呼喝喝，為什麼我們還要難為自己去一家食物質素普通，態度非常差劣的地方？又一名牌食店名不乎實！

剛巧到附近工作⋯來到這裡食午餐～ 知道沙嗲牛西多很有名～ 但怕午餐吃這個會不夠 (餐牌也說繁忙時間沒有供應) 🙈🙈 決定要很多人大推的炸豬排麵～但才一點鐘⋯已經沒有麵賣了😱😱😱 最後還是吃沙嗲牛西多😂😂😂等了十至十五分鐘西多來了！一切⋯外層超脆！平常都是現做的但都沒有那麼香脆～ 我喜歡用煉奶不是用蜜糖～ 多了一份奶香 😍😍😍切開後見到沙嗲牛肉～ 牛肉不會過份軟淋⋯還保留了肉的口感～ 沙嗲也很香👍🏻👍🏻 至於西多跟沙嗲牛肉的配搭～2樣獨立來看無疑很出色⋯但拼在一起我感覺口感太複雜了🙈🙈一口又咸又甜又帶丁點微辣⋯有牛油香 奶香 牛味 沙嗲味 (我還覺得有花生味？🤔🤔🤔) 而且牛肉分佈不太平均⋯邊邊的只會食到普通西多士⋯沒有牛肉～ 也比較難去食⋯一切牛肉便擠出來⋯弄得散散的～西多真的很出色～ 下次可以來吃淨西多～ 還要試另一推介食物炸豬扒 😍😍😍

晏晝點半既時間座無虛席一心想黎食下傳說中既嗲牛西多😂求其搵個位就坐底左一見餐牌寫話“繁忙時間不設供應”當堂心入面驚一驚😦不過問完姐姐都話有賣就嗌左個凍紅豆奶茶同嗲牛西多喇紅豆奶茶一上枱沉底三分一紅豆 三分一奶 三分一茶攪混飲落 就係分開既紅豆味同奶茶味無個種融為一體既感覺🙊見到最多人嗌既都係熱奶茶下次或者應該嗌杯先試得到佢個精粹😛雖然姐姐話要等半個鐘不過三四個字都黎左姐姐見我地兩個人仲主動話“我比多隻叉你地啦😊”好貼心😙想切開影張靚相 不過失敗左😂炸得金黃 邊位香脆 中間口感就偏軟綿不過同我想像中既沙嗲牛肉有分別 我本來仲以為係一舊舊牛肉個樣而哩隻係碎牛沙嗲唔算咸 加埋西多既甜味個人感覺黎講 哩個配合唔算天作之合😂不過單講西多黎講係好食既 唔會太油 又唔會太乾身切開既時候仲可以見到麵包醮左蛋汁既淡黃色如果再黎既話 會嗌佢個西多一試😀

好多時來到九龍城，總是遇著已關門或是休息，難得今日放假就終於可以食到，平日唔多人，坐低就立即叫左聞名已久的沙嗲牛肉西多士，再加一杯咖啡紅豆冰。由於即叫即制，所以都要等左十分鐘，一來到姐姐都叫要小心熱，因為剛剛炸起，急不及待就即刻食，第一次食估唔到沙嗲牛同西多士味道咁夾，沙嗲牛好入味，但又唔會搶左西多士香味，食完今次應該好快要再來食多次，唯一可惜杯咖啡紅豆冰麻麻地，咖啡無乜味，只是紅豆夠淋夠沙，下次再試下其他

毎次到九龍城都想一嘗樂園，可惜毎次都是他們的休息日。這次終於可以一試樂園的牛肉西多和奶茶紅豆冰。 牛肉西多有驚喜，即叫即製，需時約十分鐘 。西多的脆度恰到好處，有一種讓我吃一口，就想接著再吃第二口的「催逼感」。牛肉沒有被鬆肉粉過度處理的感覺，少少的咸味跟西多的甜配合得很好。 整份西多值得一試再試；唯奶茶紅豆冰則有點失望。 可能從前風聞有佢，有過高的期望吧，感覺只是普通的奶茶，裡面有普通的紅豆，沒有甚麼「化學效果」。

九龍城街市 - 樂園 對好多係九龍城住或者讀書嘅朋友一啲都唔陌生。有人話民叔無做之後野食質素差左，但我又覺得差不多姐。每次去到都一定食炸豬扒麵加沙嗲汁，記得一定要加沙嗲汁，咁先夠！今次食早餐所以飲咖啡，不過佢杯奶茶同奶茶紅豆冰都幾好的，有機會可以試下喔！

九龍城呢個地方雖然好近我, 半個鐘車就到, 但真係好少黎.除左黎食泰國野, 但每次都好少下午去九龍城, 之前黎過但收左舖.今日老公早收工就黎啦, 我地2點半左右到, 門外寫住收4點.點知坐低無耐佢地就話收工, 好好彩早入黎一步咋.唔係又望門輕嘆.因為打算出去再試其他野食, 所以只點了凍紅豆奶茶同埋沙嗲牛肉雪菜麵.凍紅豆奶茶, 呢度既名物, 先飲一口奶茶, 好港式既味道, 好大排檔, 唔似即沖奶茶.茶味夠濃, 紅豆熟度很好, 唔算好淋個種, 但有起沙.呢杯比起我上次係上環果間好多了, 而且價錢無咁貴.沙嗲牛肉雪菜麵, 伙記送上後見到個湯底勁深色, 一定勁濃味喇.所以我都先嚐一嚐湯底, 很濃郁, 很香花生味.但我覺得牛肉比較乾身, 有點咬口的, 好似煮左好耐咁.我比較喜歡軟身少少既, 相反我老公覺得好食.但呢個單點要$3X, 我覺得太貴了. 總算完左心願喇~

通常星期六日我都會睡到午後。有好吃早餐的時候就例外啦。今天到九龍城吃早餐。樂園是再合適不過的。豬仔包漢堡。新鮮的番茄有點酸。沙爹牛肉公仔面加蛋。沙爹很濃郁，牛肉雖然很硬，但好在不是用了很多嫩肉粉製造的假嫩肉。公仔面也煮的剛剛好，有勁道，還帶一點點脆。這就是最棒的週末醒神早餐啦。

食物及服務質素下降嚴重。以前小時候來食，真是名店的食物及服務，一換第二代，立即變衰，好心蔡先生就收回塊牌匾，真的影響蔡生清譽。最重要以為食有一陣陣人情味，現在只有扮大牌。好惡頂。