樂園 (已搬遷) 新店位置

同朋友嚟到尖沙咀呢間樓上cafe聚餐，地點好方便，出地鐵站行幾步就到！.食肉獸嘅我哋要咗兩份扒，賣相方面非常吸睛，用糖霜印出唔同嘅卡通圖案，好可愛呢！味道方面都幾有驚喜，而且每份扒都配有大量薯角，大滿足！.《醬燒豬仔骨》醬汁香濃，鹹中帶甜，而且入味；豬仔骨夠軟腍，容易去骨，好味！.《厚燒美國安格斯肉眼扒》五成熟煮得啱啱好，肉質唔靭，點汁之後味道更濃，唔點汁就更食到牛嘅鮮味！.《黑松露鮮菇意大利飯》口感夠晒creamy，黑松露亦落得重手，中意黑松露嘅朋友仔可以一試！.《明太子泡菜釀雞翼》都唔錯！明太子味道唔算太出，泡菜味相對濃啲，雞肉外皮焗到脆卜卜，內層雞肉嫩滑，中間就有爽脆又開胃嘅泡菜，我都幾鍾意呢個小食呢！.我哋最後order咗個甜品《怪獸雪糕》，一上枱真係震撼到不得了！份量極多！巨型甜品杯上面佈滿彩色雪糕球、香蕉、鮮忌廉同威化餅，雖然都係普普通通嘅材料，但係佢嘅外形真係好吸引xd，而且一班朋友share嚟食就更加溫馨！.Cafe提供咗好多唔同嘅board game，但係當晚最吸引到我哋嘅，就係店入面呢兩隻可愛嘅喵仔喇🐈 💕

上網見到呢間餐廳設計同食物都好特別，決定同朋友趁sem中黎放鬆一下🥳-好幸運地我地既位側邊有兩隻好可愛既貓貓🐱 可以係等食既時候同佢地玩下影下相😍 （不過佢地多數都係訓著左😂）（捕捉到眼訓既一面😂）-食物方面，都有唔少小食同主食可以揀🤓 -我就揀咗黑松露鮮菇意大利飯🍲 份量上睇起嚟唔係話好大，但係食落就好飽肚😛 口味上適合一啲鍾意淡口味既朋友仔🤓-小食嗌左明太子泡菜釀雞翼🍗 齋聽個名都已經覺得好吸引，估唔到上枱嘅時候都有驚喜😆 咬開有濃濃既明太子，配埋醬汁有微辣，係好開胃既前菜，推介！🤪-見到有咁多肉扒既選擇，忍唔住叫左兩份，分別係醬燒豬仔骨同埋厚燒美國安格斯肉眼扒🥩🤩 兩份肉扒嫩滑多汁，肉味濃郁，仲可以配埋脆卜卜既薯角食🤤 最特別係兩隻碟都印左啲用糖霜整既卡通人物上去，打咭一流🤓-呢杯榛子朱古力大推😆 甜度適中又不失榛子既香，大大杯好抵飲🍫🥛-最後唔少得叫呢度最出名既怪獸雪糕🍧 一上枱大家都嘩嘩聲，因為真係好大杯好曯目😍 入面有唔同口味既雪糕、威化餅同棉花糖，仲有唔同既水果，好豐富，好啱4-5個人share🤤仲有每人兩粒糖做小禮物清清口氣，幾貼心🍬-總括黎講，食物味道同環境都係唔錯，

成日睇openrice都見到樂園，感覺成間餐廳都好開心咁，今晚終於有得試下喇！芝士焗青口，好香芝士同香草味，不錯呀！芝士焗大菇，好juicy又夠香！等左陣，全晚重點”廚師發板”終於黎喇！！好大份呀！仲可以寫字添！食物都有好多款呀，最正係有鵝肝、帶子同大蝦！鵝肝好有油香！牛柳粒都算嫩滑！由於太鍾意食鵝肝，所以再叫多個鵝肝意大利飯😂果然無令我失望，大大塊鵝肝😋飲品方面都好有睇頭呀！金莎沙冰真係嘩一聲😂梳打就有得玩，有枝試管可以倒落去玩變色😂

朋友正日生日, 就帶咗佢去呢間cafe同佢慶祝而最重要嘅係佢好鍾意貓, 而嗰度亦都係有貓可以同佢玩其實我都去過一次呢嗰間cafe, 廚師發板同埋佢哋嘅怪獸雪糕都係佢哋嘅招牌菜, 所以我就幫佢叫咗呢兩樣去比個surprise佢(因為寫埋字真係好有heart）當個發板上台嘅時候,朋友都覺得好靚嘩咗一聲,睇得出係好有心思去擺位同設計上面嘅醬汁亦都係精心淆製過,而且上面嘅燒大蝦嘅味道係我最喜歡,用咗少量嘅鹽去調味,但都OK好食.而我地另外都加點咗一個黑松露鵝肝意大利飯,呢個真系好食.無論係味道,口感,同香氣都唔錯重點係個鵝肝真係煎得外脆內軟最後終於到個怪獸雪糕出場,終於明白點解佢叫怪獸...因為佢真係好大份...成個人頭咁款...到最後都係食淨啲餅底,食完之後真係想飽到嘔咁濟,衰啲嗰句佢真係未試過食雪糕食到咁飽... 再飲埋佢杯特飲....埋單都係大約七百幾八百蚊,個人而言係有啲貴.不過開得喺尖沙咀開呢個價都算都唔多嘅.

今次我同朋友去咗一間好有心思嘅小店，入邊嘅裝修同埋裝飾都好特別，啲餐具同埋枱椅子都好得意，而且就聖誕，好有聖誕feel，真係好啱一家大細、情侶、朋友黎食。佢個餐牌上面嗰啲嘢飲個名都好得意，同一般餐廳嗰啲都唔同，呢杯就叫做夢幻樂園，聽老闆娘介紹入邊嗰啲水果都係佢哋自己整嘅。呢杯野影相真係一流，好靚。另外我仲叫咗個桂圓紅棗茶，佢個杯勁得意，勁似小時候玩煮飯仔嗰啲杯同埋壺。好鍾意佢個桂圓紅棗茶唔會話好甜，但係又好養生嘅感覺。嘢食方面我哋就帶咗個薯蓉芝士焗西蘭花，味道唔錯，佢嘅調味啱啱好，唔會話好鹹或者太淡。另外不得不講嘅係呢個廚師發板、呢個真係好推介大家去試！呢個真係超級有心思，佢哋會問你想要寫啲咩字，咁你可以自己諗想寫啲乜嘢，咁啱我個朋友佢畢業，咁我就叫店員就幫我寫咗Happy Graduation，嗰時我喺張紙上面畫埋頂畢業🎓，然後個店員真係幫我畫左頂畢業🎓，超靚！同埋其實佢有勁多嘢食，店員好好，佢仲會同我地講應該由邊度開始食同埋介紹番啲醬汁，雖然佢入邊有好多款唔同嘅食物，但係佢樣樣都好有質素，樣樣都好好食，呢樣野勁難得！仲要睇得出佢個擺盤係非常之有心思！超推薦大家！呢個日本紅蟹忌廉流心

虎蝦蕃茄意粉用咗好大隻king size虎蝦，配搭蕃茄醬味道清新扁意粉係我最愛嘅意粉類別，撈勻醬汁好掛麵大大個碟面仲寫住smile，貫徹佢餐廳嘅主題，讓人快樂桂圓紅棗茶係用保溫度十足嘅粉紅色茶壺上店員提醒我要先蓋住焗15分鐘，先好倒出嚟飲因為即叫即做，要先焗好再飲，所以提醒想叫呢個飲品嘅朋友早啲落單入面好足料，有圓肉，新鮮紅棗片同杞子，整個味道互相配搭焗西蘭花有薯蓉底，上面有好多新鮮嘅西蘭花，再鋪上芝士焗薯蓉夠綿密，芝士同西蘭花keep到有水份，食落唔太乾，幾香最後嘅一道小食可能因為需時製作，所以最遲先上沙嗲雞肉醃得好惹味，洋蔥同椒片串燒味道實在太夾，一啲嫩滑嘅雞肉同清新帶grilled香嘅椒一齊食，唔使特別再點沙嗲醬已經好味

今日行過尖沙咀，突然記起上次去'樂園'，貓貓店長肥肥白白，好得意😊好掛住佢，於是乎想去'樂園'食番餐，順便探下貓貓先。見到兩隻店長喺度打情罵俏，你眼望我，眼含情默默，真係想搣佢幾下 😬幾個月冇黎過，原來舖頭仲有其他著數嘢推介俾客人，睇下啲價錢又好似幾抵喎👍我望多兩眼，事頭婆就話俾啲sample我試下 😅煙三文魚沙律煙三文魚砌成花咁，我仲笑笑口話畀女朋友聽，喇。。。送咗花畀你啦😂泡菜雞翼雞翼先去骨，然後釀入肉碎同埋泡菜， 啖啖肉外脆內軟，入面啲肉仲好juicy😋辣辣地，醒胃🤗芝士大傘菇芝士醬將傘菇鋪得滿滿，咬落去仲拉斯添，芝士控嘅女朋友食到舐舐脷😋😋😋呢度每款小食可以散叫，但係如果叫三款都係288蚊，如果叫五款仲抵添328蚊👍我哋兩個人咋，於是就叫三款嘅小食拼盤啦。連埋呢款餃子剛剛好三款呀~黑松露鵝肝意大利飯，大大塊鵝肝放喺飯上面，上面再放上黑松露醬。黑松露的香味隨之飄嚟 ，令人十分享受。意大利飯最忌係偏糊，這裏的意大利飯軟硬適中，醬汁的比例調得剛好，入口感覺很有平衡感 😍黑松露菇菌的配搭簡直是絕配啦，意大利飯裏面亦有不少香菇，混合了飯的黑松露醬一起食，好味道呢 。。。。呢度裝修得好雅致

兩位射手座壽星生日快樂！！今次地點係樂園cafe，就係isquare對面既環球商業大廈2樓。開開心心又一餐❤我地7個人，點左5款主菜，4款小食，2款餐湯連飲品，5杯飲品。人均消費400元左右。 滿1000元送怪獸雪糕一個。先黎到檯既有3款小食，分別係吉列蠔，炸魚手指同埋雞軟骨豬肉棒餃子。 吉列蠔同埋炸魚手指都煮到剛剛好，外面酥脆，裡面冇雪藏味。 餃子超級透薄，外面已經望到入面滿滿餡料。再來既係芝士焗青口，我最愛芝士，入面仲有洋蔥粒和煙肉，非常香口，好好味。跟住主菜分別有醬燒美國豬仔骨，牛柳粒飯配秘製燒汁，意大利黑松露吞拿魚比薩同埋戀之花煙三文魚菠菜汁扁意粉。 豬仔骨好入味，啖啖肉令人停吾到口，推薦大家試下。牛柳粒飯當然最主要係牛柳粒啦~小編超中意牛柳粒，燒汁有調配過，味道與別不同，岩晒中意汁撈飯既朋友仔。比薩上面滿滿芝士同埋吞拿魚，加上黑松露，令整個口感再提升一個層次。煙三文魚菠菜意粉一般，感覺普通，不推薦大家試。或者建議可以加配一些香料令依道料理更有生氣。等左好耐，最後一款小食登場啦～就係薯蓉芝士焗西蘭花，上面滿滿芝士，西蘭花同埋薯蓉。 看似簡單既3款食材配合成一道令人有滿足感既料理

一入到嚟，成間餐廳嘅佈置都好colorful又夢幻，仲已經有哂聖誕裝飾，環境好靚大人細路都好似去咗童話入面嘅樂園咁兩隻懶喵係一邊瞓覺，雖然好想抱緊處理，但係我哋都冇特登走去騷擾佢哋碟上已經有兩粒萬樂珠，可以係食嘢前清清喉嚨我哋叫咗個二人份量嘅廚師發辦，店員落單嘅時候會俾張紙我哋寫低想寫嘅message因為姑姐就嚟生日，所以就好簡單咁寫咗姑姐happy birthday(啲字寫得咁靚，唔打卡嘥哂)上菜嘅時候店員同樣好細心，有略略介紹要先食4款熱葷再食冷盤熱食包括煎帶子帶子本身已經係刺身級別，食落更放心，用咗牛油同檸檬汁煎香，食落味道清新唔黏笠，係開胃之選angus牛柳粒好入味，肉質有咬口得嚟又夠鬆化，而且配埋脆卜卜嘅炸蒜片一齊食好香，口感豐富鵝肝多士一聽已經好邪惡，仲要加埋黑魚子多士烘得香脆，上面嘅鵝肝好香又幼嫩，油脂豐富，精華完全鎖咗係入面最後黑魚子更係味道上加添一層鮮煎虎蝦夠大隻，去頭，簡單剝開身嘅殼，食落啖啖肉，肉質彈牙呢度2人份量嘅食物都幾啱情侶/夫婦二人嚟食，因為成雙成對都幾浪漫煙三文魚卷成玫瑰花形狀榮螺味道都夠，佢都有畀wasabi同壽司豉油畀我哋最後嘅呢個煮布冧幾特別，酒味

收工前接到朋友來電，問我今晚有冇時間，因為佢本來约左另一个朋友食飯嘅，對方臨時有事嚟唔到，所以打比我，咁啱今晚冇約人，所以有時間同佢食飯，我問佢係边度食，佢話尖沙咀有間叫樂園嘅樓上舖，有兩隻肥貓好得意，最初諗住個朋友喜歡貓，所以訂咗呢間咁特別嘅餐廳，七点半我倆都準時 到達，因為已訂位，所以好快已可座低，入去已經比隻肥貓吸引住，真係好得意，侍應俾咗餐牌我倆，又不停咁介紹有乜好嘢食，真係有太多選擇，重有一個係廚師發板嘅特别驚喜套餐，但係我地揀咗松葉蟹味噌甲羅燒，同埋美國安格斯肉眼扒，加78元送餐湯和特飲，先上嘅係松葉蟹味噌甲羅燒，味道鮮美，又有洋葱圈係底下，洋葱圈炸得非常香脆，沾茄汁更加惹味，跟住就到美國安格斯肉眼扒啦，因為我要咗五成熟，所以切開中間都有啲红色，但入口好冧，沾埋嗰自家制嘅醬汁，好味，最後來杯特飲係由芒果，橙，蘋果，黑加侖组成嘅飲品叫笑口常開，味道清甜，有時間下次可以再來。

嚟到呢間似係樓上cafe嘅私房菜，一開始梗係叫嘢飲呢杯叫做笑口常開，貪個名好聽係用咗新鮮嘅蘋果乾，菠蘿乾同埋黑加侖子飲落味道唔會太甜，而已手工制嘅水果感覺好健康另外叫咗兩壺黑糖薑絲茶，味道香濃暖胃，近排天氣凍，飲完真係暖笠笠朱古力系列都係好吸引嘅榛子朱古力食落好香，焦糖朱古力食落唔會太甜，加埋上面嘅鮮忌廉，呢杯特飲嘅份量好足，有少女心焗豬鞍有少少似德國咸豬手，個皮真係好脆烤到乾身，食落卜卜聲又入味入面嘅豬手肉唔會太鹹， 配上薯蓉同薯條食， 一大班人嚟食真係好啱黑毛豬串燒聽落好普通，但係肉質超級嫩滑調味簡單，可以將豬肉整到好似牛肉咁軟諗，真係好驚喜再加上新鮮炸起嘅洋蔥圈，grill過嘅三色椒 一齊食，成碟小食好快就清曬最後上嘅risotto飯質軟硬適中，又有好香黑松露味刺身帶子好鮮甜，就算半生熟食落都唔怕

因為聖誕節前要出trip，聖誕節不在香港，要提早三個星期同太太慶祝，揀咗這朋友食過同介紹嘅尖沙咀樓上餐廳。入口係isquare對面，好方便。我早到，坐低先。好好彩見到兩位貓店長，同佢玩，吾理我，😔，果然有性格。話好彩係因為店員話今日吾放出嚟，要捉返入去。 留意環境，已經有聖誕飾物，冇揀錯地方，枱面有兩粒糖果，感覺好好，還有好舒服嘅音樂，好relax。點菜，要咗廚師發板，店員解釋得好詳細，有帶子，鵝肝，虎蝦，牛柳粒，煙三文魚，菜，果，等等。好豐富，仲幫我地寫Merry Christmas, 好靚又好食。仲點咗蟹柳芝士卷，外脆，裏面好creamy, 連吾食炸物嘅太太都話好食。飲咗個夢幻樂團，原來有半價😁，菠蘿味比較重，好喜歡。好滿足嘅一餐，店員提我地食滿1000送招牌 monster ice cream。下次約齊朋友再嚟，希望兩位貓店長出嚟見下你地D Fans。

Happyland最近推出咗全新嘅下午茶，仲要係以美少女戰士為主題嘅下午茶😍，作為美少女戰士粉絲嘅我🤭，梗係要去試下啦🤤！我同朋友叫咗一份兩個人嘅tea set👭，啲食物真係好精緻😆，甜品上面仲要插住印有美少女戰士嘅紙牌仔，整個感覺真係好靚💕，而且仲附送了兩杯飲品🍹同埋兩個海鮮沙律🥗。Happyland既環境氣氛都好適合同姊妹嚟影相打卡📷，音樂亦好relax🎶，店內仲有兩隻可愛嘅貓咪添🐱。今次下午茶入面，有我最鍾意食嘅雜莓鬆餅😋， Happyland嘅雜莓鬆餅唔單止重牛油味，質地仲好鬆軟，食落口感一流👍。Tea set入面仲要有用美少女戰士整成嘅翻糖曲奇，本身以為翻糖曲奇既味道會係非常甜，但點知甜度竟然啱啱好🙈，味道真係出乎意料之外😳!對於今次Happyland新出嘅下午茶，真係覺得非常滿意😎，下次再有新出嘅主題下午茶，一定會帶朋友再黎試😝。

放工約左朋友去cafe吹下水，上網search下尖沙咀有咩cafe,見到呢間好多like好多推介，就上左黎～一入黎就見到呢隻可愛貓貓🐱其實仲有另一隻肥灰貓，不過佢訓左就冇攪佢嚕，隻貓貓任摸唔嬲架左右隔離都有嗌呢個海鮮拼盤，好多人都係寫happy birthday，我地就揀左寫dreams come true成個擺盤都好有心思，別出心裁👍🏼食之前店員都細心介紹每一款食材同建議嘅進食次序，基本上盤上所有野都食得，除左啲花。我地相機食左好多下先到我地食🤣店員推介新menu，我地仲有嗌左呢個炸忌廉蟹肉餅，裹面啲忌廉真係有好多！最底有個月野兔糖霜圖案，少女心即刻出晒黎另外嗌左呢個沙爹雞肉串，份量唔多，但同樣係好有心機嘅擺盤，有個connie圖案呢兩個湯係兩個小食餐加錢包埋嘅，蟹肉湯配麵包條除左湯仲包埋野飲，試左呢兩杯都係店員誠意推介嘅水果茶，連野飲都有乾花裝飾。入面有幾片乾水果，可以食埋落肚，兩杯野都唔會太甜

今天晚上，難得不用加班，與先生來到尖咀的happy land品嚐美食！一進店內，就被其充滿聖誕氣氛的佈置吸引著，除了椅子、枱充滿色彩外，店內放了一棵白色的聖誕樹，佈滿聖誕氣氛。另外，店內亦掛滿聖誕裝飾，令人看後心情歡悅～及後，我還在店內看到幾隻可愛的肥貓，愛貓人士一定很喜歡呢！接著，就是看menu時間，我們叫了一份兩人份量的廚板、日本紅蟹忌廉流心薯餅，飲品則點了青蘋果荔枝乳酸特調及一杯菠蘿金柑特調。先呈上的是日本紅蟹忌廉流心薯餅，賣相精美，咬下去忌廉汁流出，好好味好多忌廉汁流出呢！及後呈上的是兩杯飲品，包括青蘋果荔枝乳酸特調及菠蘿金柑特調。一呈上來，我便被飲品賣相吸引，杯裡擺了花朵作點綴，店員還教我們可以先點2/3份量的乳酸特調，然後再攪拌飲料，味道會濃郁很多，飲品很好喝呢！最後，呈上的是小店推介的廚板，店員還細心地教我們先食熟食，後吃生食，食物包括：三文魚、牛柳粒、蟹棒、鵝肝多士、帶子等等。這碟菜式賣相別緻，用乾花作伴碟，碟上還刻上句子，很漂亮呢！總括而言，店內食物賣相精美，食物質素不錯，值得推介👍👍😁