樂園 (已搬遷) 新店位置

朋友知我鐘意貓，所以帶左我去哩個樂園食下飯，睇下貓貓。鐘意樓上舖Cafe既氣氛，雖然哩到地方唔大，不過就充滿家的感覺，環境份外舒適。出面好多貓貓café都有限時，哩到就冇既，無時間束縛可以同朋友慢慢食，慢慢傾，的確係三五知己小聚既好地方。哩間cafe既環境、一枱一櫈、甚至菜式都睇都出店主好用心。一坐低枱上就放左啲糖比客人過一過口隱。哩到所有菜式都經過精心伴碟，色彩繽紛，影相效果極佳。我地今次就揀左飯同意粉。味道都唔錯，用料新鮮，小店食物質素絕不比餐廳味道遜色😋。黑松露同菇味道都非常濃郁，配上煙煙韌韌意大利飯，令人食唔停口。帶子非常彈牙，扁意粉完全吸收蕃茄汁既精華，酸酸甜甜，超開胃。甜品心太軟，放左啲美少女戰士裝飾架😍。哩到既心太軟同出面食開既有啲唔同，哩到先焗好蛋糕外皮，再倒入朱古力醬，所以朱古力醬非常流質，份量都超級多。哩到除左食飯，傾計。仲有兩隻任摸唔嬲既貓貓🐱🐱同board games提供。另外board games櫃上面仲放左啲美容保健產品，有興趣都可以試用下。

上網睇到呢間餐廳，見到好多人打卡，於是就book 咗同朋友慶祝生日，朋友見到個廚師發板嘅生日套餐，開心到尖叫咗出嚟，首先唔評論好唔好食，一定要相機食先，因為真係整得好靚，影相一流👍🏼 侍應服務態度好好，仲會一路播生日歌，一路送上蛋糕🎂 氣氛好好入邊嘅食材主要係帶子、鵝肝多士、蝦、雞翼、三文魚，樣樣都唔錯，我最鍾意就係佢嘅帶子，新鮮得來帶點鮮甜，而且個醬汁配搭一流👍🏼剛好我朋友超鍾意美少女戰士，心太軟都焗得不錯，幾流心❤️呢個雪糕不得了，份量十足，而且有好多種口味，滿足咁多人嘅需求等野食嘅時候仲可以玩貓貓同玩game

愛貓之人今次有口福喇，尖沙咀呢間貓貓cafe可以話係滿足曬又中意食又中意貓又中意打卡既姐妹，好似出奇蛋咁滿足到起碼三個願望～🥰日本紅蟹忌廉流心薯餅$68不得不說,擺盤裝飾得好靚好有心思，而且薯餅外脆內軟，流心餡更為加分~黑松露鮮菇意大利飯$128咁靚既拉線裝飾，真係令人食慾大增~貓CAFÉ既料理都咁高質，真係有D意外!黑毛豬架$198🐷🥩煎得好好，金黃色，肉好厚身，份量十足!笑口常開$68🥭🍊🍎🍇(芒果，橙，蘋果，黑加侖)紫醉金迷$68🍍🍐🍋(火龍果，菠蘿，雪梨，檸檬)呢兩杯手工飲品跟餐可以半價$34所有料理都係色香味具備，打卡一流~

今日因朋友介紹就去左呢間餐廳試下。入到去裝飾幾靚，幾襯餐廳既主題。兩隻貓店長多多同寶寶超級可愛，由其是寶寶，肥嘟嘟唔驚人周圍走。一開始餐廳已經準備好糖俾你點餐既時候食，幾窩心。今次order左個薯蓉芝士焗西蘭花，德國咸豬手，黑松露鮮菇意大利飯，一杯芒果熱情果青檸特調和一杯紅粉菲菲。先講下個意大利飯，口感一流，做到意大利飯要求硬硬地既口感，不過可能本身自己食得比較濃，所以略嫌呢個食落有少少淡。之後焗西蘭花不過不失，焗出黎都幾香，西蘭花同薯蓉幾夾，不過芝士多返小小就更好。豬手都唔錯，皮脆肉嫩，食落有陣陣咸香味，配埋蜜糖芥末醬真係絕配。份量亦十分足夠，原隻豬手配埋洋蔥圈好夠飽。最後兩杯特飲好好味，紅粉菲菲入口好清新，少甜，幾好飲。另一杯特調係梳打黎，飲前可自行按自己口味加入果汁，有得飲又有得玩，好新奇。餐廳無限時間進餐，店員亦不時主動幫手影相同收嘢，抵讚！呢到仲有唔小board game和小遊戲，加埋兩隻貓貓好適合慶祝節日或者一家大細黎玩下game食下嘢。

係貓貓店長既cafe 呀😻😻😻都幾就腳就係isquare 隔離📍一入門口已經見到多多寶寶兩隻貓店長☺️可以比人摸勁乖😳😻餐具都好精緻👍🏻重有兩粒飯前糖好多小朋友黎同店長互動！隔離台一家大細同我地一樣都係黎慶祝生日😆！因為朋友生日！叫左廚師發板（$188/每人）上面想寫咩字句都可以😎用黎慶祝就真係岩曬！(牛油帶子、虎蝦、鵝肝多士、牛柳粒、蟹棒同埋花之戀煙三文魚）嘩！實物上台！朋友勁開心！影左勁多張相🥳因為個擺款 真係好靚😎少女心出曬黎☺️🎈唔只有個樣！食物都好新鮮！鵝肝多士最好食🤤🤔，牛柳粒份量又多又juicy👍🏻！ 隔離重有唔同醬比我地食沙律🤤我喜歡芝麻醬😋😋食完咸就緊係食甜野啦🥳朱古力心太軟（$78)嘩！係sailor moon 裝飾既心太軟呀🤤未食先影100張相😳 雪糕係曲奇雪糕，生果有藍莓同芒果，配埋流心心太軟😋正呀！都幾濃朱古力味！外層脆內心軟👍🏻出色重叫左黑糖薑絲茶（+$34)紅- 玫瑰柚子青檸特調（+$39)有條試管放住d juicy! 可以自己加入去。又好玩又好飲🥳紅蟹忌廉薯餅（$68)小心！因為入面係流心嫁🤤 d 忌廉爆曬出黎。小心辣到咀呀hahaha嘩 不得了每碟野都砌到

走進這家餐廳，第一時間給我的感覺很火暖，很有親子feel，環境一切來得很自然，沒有過分的裝潢，像家的感覺。腦海馬上浮現五個字，就是"家庭式經驗"，似上年在台南光顧的一間充滿home feel 的餐廳，同這兒一樣，很多色彩，開心相滿貼，人跟動物可多交流！先講食物西蘭花薯泥，用料新鮮，創意無限，一入口即溶，薯控朋友真的可錯過焗元貝，原隻連殼上，用料一流，新鮮，元貝雖大但恰如其份，剛出爐的它，暖暖口腔焗厚豬排，有口感，肥瘦適中，沒太酥味，很有嚼頑，爽夾帶點脆好，好滋味焦糖朱古力，味道濃郁，但清新，戀戀朱古力，人加倍開心幸福最後一提是，這家店有2隻貓貓，一白一灰，都相當乖巧，不怕人，愛貓人士值得一去，跟貓兒一起，所有煩惱一刻被掃走了！另，枱上有糖，好窩心！這兒氣氛很合適搞慶生，裝潢很有樂園feel,一家大細來這兒開開心心，歡笑一刻！

去到睇menu 諗住叫野食 揮手揮到手斷佢都見唔到😑 到終於叫到佢 個姨姨話轉頭落單 我見佢就嚟轉到頸椎炎都未記得我地 大概7點幾落左單 啲野食等到天荒地老都未嚟 到8點半 終於嚟左第一碟飯 我地開始計時 又過多成廿分鐘 牛柳粒飯終於到 哇慢到我以為佢啲牛仲未養大 仲有啲青口 唔係我落嘅我真係以為我食緊蜆。。。😑有貓都係咁話 下次不了 伏伏伏伏伏

今日去左尖沙咀行街街，行到攰搵左一間超正的猫猫🐱cafe! 位置在環球商業大廈，位置超好，好近地鐵站🚉巴士🚌，正！我地一上到去，見到外面已經好開心🥳樂園裝飾色彩繽紛有童話感覺，牆上仲有幾朵大玫瑰花🌹充滿浪漫情調色彩繽紛，適合情人、三五知己、一家大細來都可以！一入到去就已經有貓貓店長嚟歡迎你！肥嘟嘟超可愛！店員超好超親切！我哋好快就叫咗嘢食，因為隻肥貓實在太吸引太可愛了！裡面仲有好多益智遊戲！真係會唔捨得走架！

新年一班朋友約左出黎見面，諗住搵間餐廳靜靜地傾計就揀左呢間cafe, 不過可惜間餐廳太應聲太嘈🙈勁快食完就轉場飲野算...其實間餐廳既服務幾好，book完位仲會wtsapp menu 比你，我地見佢個廚師發板幾得意，決定試下，每位$188 ，係幾靚既影相，但其實佢用d料好麻麻，又唔係特別好食，我地叫左4人份咁樣已經$752🙈 真心唔抵食另外都叫左d pasta 食，味道都ok ge! 但應該唔會再黎，無乜特別，唔會推薦食佢個廚師發板😅

尖沙咀樓上Cafe，有Board games提供，又有貓玩。精美既餐具同呢到樸素既裝潢有D格格不入。有隻白色貓貓訓左系個架櫃上，吾怕人，仲有Ｄ高竇。我地食食下野會走左出黎，就算枱面有野食都會系枱上周圍行嚟行去，嚇親怕貓既朋友。情人節前夕已經推出情人節套餐，見到隔離幾張枱成班姊妹叫左個開心SHARE，我地都試下。擺設真都幾有心思，上面寫左 "Valentine's Day"，我地就梗係打卡先啦，侍應都好主動話幫我影相。 有齊熟食同冷盤，包括有牛油檸檬帶子，蒜片安格斯牛柳粒、香煎虎蝦、鵝肝多士，煙三文魚他他、榮螺刺身、蟹棒，烈酒煮布冧同沙律，2個人份量啱啱好，味道都唔錯呢。 我最鍾意食牛油檸檬汁煎帶子刺身，帶子外層經過香煎後變得結實但內層仍然保留軟爽口感，牛油香氣加上微酸檸檬汁，更加引出帶子嘅鮮甜 。酒煮布冧味道酸酸甜甜， 紅酒滲透布冧嘅皮肉，酒濃度啱啱好，配合布冧甜味，好特別。本來以為係裝飾，原來係食得！

朋友介紹呢間樂園慶祝生日氣氛好好~所以今次我就帶咗家姐嚟感受一吓喇~BOOK咗8點，上到去見都幾多人去~建議大家最好book位～地方唔係好大~裝修都好簡單～勝在食物吸引～賣相好靚～幾乎每碟嘢都會加上圖案～坐底之後我哋揀咗好耐食咩好～樣樣都咁靚真係好難選擇～店員都有推介我哋食咩～最後我哋就揀咗一個廚師發板～好靚啊～唔好話好唔好食先～淨係賣相都已經餵飽相機(最緊要都係襯熱食)店員細心講解順序，醬汁等等～牛油檸檬汁滲入帶子，爽口彈牙大蝦新鮮大隻，蝦殼容易拆開～鵝肝細細塊唔會太滯～多士好鬆脆～牛柳唔韌，配上蒜片味道更佳布林以烈酒煮過，微微酸好醒胃～其餘都不差～睇得又食得～另外再加點 小食拼盤 醬爆雞翼-雞翼醃製好再煎至脆口，熱辣辣好好味 芝士大傘菇-大菇好水潤尤如湯汁，芝士鋪面鎖住水份，切開大菇湯汁流出，味道出色～ 薯蓉芝士焗西蘭花-薯蓉芝士包圍住西蘭花，味道好夾～帶子南瓜意大利飯帶子新鮮大粒，煎得剛剛好，意大利飯軟硬適中牛柳粒飯牛柳粒好林唔韌，加添醬油牛味更出飲品揀咗彩虹特飲系列-紅係玫瑰柚子青檸特調紅色試管係玫瑰味蜜糖～倒落去撈埋一齊飲～味道有玫瑰清新，梳打止喝～場內仲有兩隻貓乖乖待

同朋友約咗呢日食餐飯同傾計，前幾日就book左樂園啦呢道既環境都唔錯，啲凳既顏色幾靚，比人一個好舒服嘅感覺見到有menu有薯絲蝦覺得好surprised,我不嬲好鍾意食薯絲蝦，但真係冇乜地方有，所以一見到menu有就一定要嗌一條條既薯絲包住隻蝦，咬落去好鬆化，完全係我expect既味道！正之後嗌左個安格斯牛扒，食到果陣grill過既味，而且成塊牛扒食落去都好軟身，完全唔會韌另外，個擺法裝飾呢啲望落去都好靚食落又好味最後仲嗌左呢個蕃茄帶子意粉，呢個既重點係帶子煎得剛剛好，咬落去好有質感配搭住蕃茄意粉下次會再嗌呢個！

進入生日週，細妹貼心揀咗一間有慶祝主題的餐廳嚟為我慶生，位置方便，出咗地鐡站，行幾步就到，位於二樓，望見門口就知名字的由來～設計及擺設既溫馨亦不失童真，仲有兩隻貓貓駐場，貓控必到餐牌選擇大眾化，小食丶西餐丶彩虹特飲，值得一提係廚師發板，差不多每枱必㸃，小食除散叫，叫三款及五款有特惠價，而且份量足，彩虹特飲就以顏色取名，除用咗花同鮮果調制外，顏色味道係自己加入，濃度自己調節~廚師發板，一般都以花嚟襯托伴碟，由於臨近情人節，所以加入咗情人節元素，不但睇得，仲好好味，廚師用心精制，用料上盛，又睇得又食得，而且用上多款醬汁伴食物，店員仲貼心建議客人食法、何等食物配何等醬汁⋯⋯食物同服務水準到位芝士焗有機大傘🍄，超好食芝士同菇好夾，個菇焗得啱啱好，多汁水嫩，芝士調配合宜，仲有拉絲蒜蓉芝士焗西蘭花，份量多，西蘭花焗得夠青綠又爽脆，而芝士配薯蓉亦是不二之選，配埋煙肉碎，健康又美味將爆雞翼，煎到D皮超脆，又香又入味香煎帶子刺身南瓜意大利飯，帶子煎得恰到好處，又滑又嫩，個意大利飯餵滿了南瓜汁，非常入味，可見廚師功架香煎牛柳粒飯配秘製燒汁，以和風沙律墊牛柳底，中和油膩感，牛柳煎得熟之餘又唔鞋，淡淡的黑椒粒

今日同男朋友黎呢間貓貓cafe晚餐！我地都係愛貓之人😆！禁岩情人節，有特別既廚師發板套餐，樣子好吸引，好快就決定要試下廚師發板 $188 (兩位起)見到個盤咁靚🥰用花花特別裝飾過 睇得出花咗心思 食都食得開心啲💑由於係慶祝情人節 店員為我地寫咗Valentines Day ❤廚師發板裏面有冷盤同熱食 分別係《牛油檸檬汁煎帶子刺身》加咗檸檬汁🍋令到帶子嘅鮮甜味更加突出《香煎加拿大特大號虎蝦》虎蝦係開邊蝦嚟嘅😛開邊後去煎更加入味食落方便《黑魚子鵝肝多士》鵝肝一啲都唔流 以呢個價錢食到黑魚子鵝肝 性價比高👍🏻《烈酒煮布冧》我唔係太鍾意食布冧 但用酒煮完之後反而有驚喜👅《鹽水煮榮螺》、 《蟹棒》呢兩樣係冷盤嚟 加少少Wasabi豉油食 唔錯😋《蒜片配香煎安格斯牛柳》建議呢個盡快食 因為凍左就會麻麻哋可以沾和風沙律醬 呢個醬超特別🤩《和風雜菜沙律》🥗佢只係雜菜嚟 但有兩個醬可以配麻醬同埋和風沙律醬 🥗好fresh #戀之花煙三文魚最底下係蜜桃🍑好甜好好食啊中間嗰層係牛油果🥑 上面係煙三文魚🍣三款夾埋一齊食 原來可以好夾🥰 《德國鹹豬手配蜜糖芥茉醬》 $188好大隻鹹豬手啊🤭豬手皮香脆🤤 一切開見

之前一直見到朋友食fine dining都心郁郁想試 老公知道就搵帶我食個平民版fine dining 保證我有得玩又有得食 打到卡又食得飽 入到餐廳 首先第一眼見到懶洋洋白色貓貓店長 仲有一隻灰色肥嘟嘟活潑貓 非常可愛坐低環視四周 不論坐椅還是碟都充滿色彩餐具用上金屬色 好有質感碟上一早擺放兩粒糖 作為welcome candy老闆娘話用餐時間無限時 可以慢慢食 老公話要試個廚師發板等我開心下 上檯見到實在太靚 食物精緻 幾款與愛情有關嘅小裝飾就好似一塊大畫板 佈滿鮮花作伴碟老闆娘仲好細心逐樣菜式介紹 建議我地先試熱盤後續凍盤熱盤方面有 牛油檸檬汁煎帶子刺身 帶子外層經過香煎後變得結實 內層保留軟爽口感 牛油香氣加上微酸檸檬汁 引出帶子嘅鮮甜 蒜片配香煎安格斯牛柳 牛柳一口一粒 肉汁仍然被鎖緊於肉內 軟腍有嚼勁 加上蒜片食用 牛柳肉香更見濃郁黑魚子鵝肝多士 鵝肝入口即溶香氣充斥整個口腔 油份滲入多士之中多士更加香脆可口 黑魚子睇得又食得之後就到冷盤 首先有鹽水煮榮螺同埋蟹棒個人覺得凍食更為凸顯原材料嘅鮮味 和風雜菜沙律 可以自選麻醬或和風醬汁煙三文魚牛油果他他 心形非常引人注目面層以