樂園 (已搬遷) 新店位置

同朋友WhatsApp發覺剛巧大家也在尖沙咀，既然咁啱，大家就約一陣一起吃晚飯。 朋友即時打電話去book 枱，介紹一個好地方俾我。 見到面後跟她在北京道上了幢商厦，上到2/F轉左就見到樂園。 餐廳大約有10張枱，門口放了個架，架上很多遊戲玩具及貓咪小休地方，牆壁上盡花心思佈置成打卡位。炸魚手指及薯絲蝦，炸物也可叠放得咁靚。選了健康無價及紫醉金迷天然水果茶，係用乾果加熱水泡浸出味好滋味。焗青口直插放成花花一樣，底層薯茸好香滑。煎牛扒旁邊也有花花及水果粒做裝飾，跟放了一小粒乾冰，放上枱一刻帶有煙霧迷漫，好浪漫哦

我諗呢間餐廳係第一間令我重拾戀愛嘅感覺好耐未試過發現原來等一個人係咁辛苦 要等全餐廳唯一一個識落單嘅auntie對我默然回首 但係有d嘢 唔係你肯等fik曬手就等於要理你 我以為 我肯堅持佢就會應承我嘅要求 點知只換黎一句”轉頭翻黎” “唉” 發現原來對一個人嘅執著係咁辛苦終於落完單 幾經辛苦 望穿秋水 等咗49分鐘21黎終於黎咗第一兜飯 其實對於一個讀緊書食開學校canteen都知對食都無咩要求 又可能係我未見識過598 3個意粉 3杯嘢飲 真係拎去叫雞好過唔講我以為佢自己係入面養牛養青口種波菜採茶個青口就唔多講啦自己望啦 仲細過個一蚊 哈可以呢到賣嘅唔係食物 係一份你對生命歷練同耐性 如果 同朋友黎 一定會鬧交如果 同閨蜜黎 一定會絕交如果 同伴侶黎。。。如果想分手就一定要帶呀。。。真係估你唔到一話埋單 放低完張單連銀包都未拉開拉鍊 就仆都仆唔切過黎問 “咦你計完錢未？”嘩 hi auntie真係有錢洗得萬年船原來 唔係咩耐性定歷練而係你有錢真係大曬

小姐第一次默書一百分，應承咗帶佢去食飯慶祝，帶咗佢嚟樂園，呢度果然係樂園，除咗裝修七彩繽紛之外，仲有好多棋盤，又有貓玩。小姐未開始食飯已經玩得不亦樂乎。食物上桌，小姐嘩！一聲，廚師發板可以寫名,我哋寫咗小姐嘅名,小姐以為自己生日,開心到不得了,而且食物精美之餘，仲非常之美味，煎帶子刺身新鮮，煙三文魚美味，牛柳夠淋，小姐食得好開心。另外我哋仲叫咗烤豬手，外脆內軟，豬肉粉嫩，烤得剛剛好，外皮脆脆的。飲品亦都非常之精美，用食用花放上面，好靚。一定要打卡影相。小姐仲問下次默書一百分可唔可以再嚟啊，梗係可以啦。😆😆😆

見到呢到咁多好評，見賣相又唔錯，就同男朋友黎試下，叫左招牌廚師發板，好唔抵食，得幾啖野食，得個樣，純粹係用黎影相打卡呃like, 好搵笨！味道好一般，一定無下次！

🎂 朋友表示好驚喜🎂大成功 🉐咗上網見到好多人喺呢間餐廳打卡於是就book 咗同朋友慶祝生日我哋點左蘑菇、意粉同沙律🥗分量剛剛好👍🏼 而我地最鍾意就係佢嘅廚師發板因為真係整得好有心思入邊嘅食材都好新鮮😋食物黎之前，覺得悶悶地，可以玩餐廳提供嘅card games ，時間好快過，仲可以玩下貓仔，好開心，餐廳嘅氣氛都好好，送蛋糕嘅時候仲會播生日歌👍🏼下個朋友就黎生日，我都考慮再去，因為真係好開心🥳設計好有心思！一個人一定食唔曬！一邊玩一邊消化貓咪好乖乖，唔會騷擾你用餐🍴

友人是愛猫之友，這晚就決定帶她來這間已放在我的To Eat List很久的貓貓樂園。走出電梯就看到色彩繽紛的壁畫，而走進餐廳亦立即少女心爆發！ 除了有彩虹牆壁和兩隻可愛貓咪外，連餐牌和餐具都好少女的！在等候食物的時候，當然要和兩隻貓貓拍個寫真啦！ 貓貓在餐廳都好自由的遊走，同時也很乖巧的不會亂碰食物。有時會靜靜的坐在桌上和客人四目交投，真的有店長的範兒呢 嘻嘻！我們一共點了兩個肉類，首先來的是這個美國安格斯肉眼扒。擺盤超有心思的，有數朵鮮花和貓貓圖案呢！ 肉眼扒充滿濃郁牛香，肉質鮮嫩多汁，有少許筋和肥膏的部位更有嚼勁！特別喜歡旁邊的類似燒汁的醬汁，和牛扒很配又很惹味呢！而另一個扒類就是烤焗西班牙黑毛豬架配薯條。豬架烤的剛剛好，肉質粉嫩多汁，肥瘦均勻！ 薯條亦炸的香脆可口，忍不住把肉和薯條都KO了！惠顧主食就可以以半價享用飲品，我們點了兩杯天然手工水果茶 - 笑口常開 (芒果、橙、蘋果、黑加侖)和紫醉金迷 (火龍果、菠蘿、雪梨、檸檬)。兩杯都非常清新鮮渴呢！

尖沙咀有間樓上cafe地點方便😏 可以開無限時生日會🎂 有兩隻貓店長🐱 平時亦有西餐食😋-#醬燒美國豬仔骨 🐷 ($168)兩大件豬仔骨🐷 容易切開😛 配bbq醬唔會錯夠惹味😎 肉質唔韌👌🏻 幾多肉食🤣-#松葉蟹味增甲羅燒 🦀 ($68)估唔到cafe都會有甲羅燒食🦀 擺碟仲好有心思🥳 甲羅燒夠creamy食落惹味👍🏻 質素不俗😏-#黑松露鮮菇意大利飯 🍚 ($128)意大利飯軟硬度適中🍚 食落creamy👌🏻 配上菇菌類好夾😊 如果黑松露味再重啲會更好😅

同閨密本身想去貓貓cafe，但最後去左呢間又有兩隻可愛喵、食物又好靚的樓上店，食物造型有誠意，staff仲好樂意幫手影靚相，好岩打卡《廚師發板》成日比人洗板，因為佢擺盤極有藝術感🤩每樣食物都好似幅畫咁，仲包用醬汁寫字，好岩慶祝🎉成個set包左9樣食物，包括帶子刺身、虎蝦、黑魚子鵝肝toast、安格斯牛柳粒、煙三文魚等等，我覺得食物除左賣相精緻外，味道都意外地有水準👍🏽‼️最中意個鵝肝，肥美得尼唔油膩😻牛柳粒都好嫩口，呢set野好岩同閨蜜打卡慶生😝《德國咸豬手配蜜糖芥醬》賣相又係可以媲美幅畫😝仲有用糖霜做出貓咪圖案😻豬手非常大件，其實一客已經好飽肚🙈仲包埋炸洋蔥圈，平衡下油膩感《蜂蜜鮮果窩夫》嗚🥺有我最中意的美少女做裝飾品🙈窩夫質感中規中矩，但個黑芝麻雪糕好濃好好味😺當日仲點了兩杯手工水果茶《紅粉菲菲》同《紫醉金迷》，每杯都加左風乾生果乾，又係好igable🙈不過味道偏甜

呢間樓上Cafe裝修好colourful好童話👼🏻好似去咗幼稚園入面食嘢咁🚼店內有好多款Board Games一班人嚟都唔會悶入面仲有兩隻小猫咪😼😼 不過今日兩個都瞓晒教😴🦐🍝炭燒虎蝦蕃茄汁扁意粉 $188 (🍏青蘋果荔枝乳酸特調 +35)虎蝦燒得好香 意粉冇落到茄膏要讚👍🏻 蕃茄汁好濃郁唔會太酸同扁意粉好夾 彩虹特飲我揀咗青💚 嘢飲可以自己倒特製醬汁入去 可以因應返自己口味又可以拍下片呃like😎 飲落酸酸甜甜 仲有一啲水果同椰果10% Service Charge💰

一見到樂園呢個名字 都會第一時間令人聯想到遊樂場 可以供人開心玩樂和消遣嘅好地方一踏入餐廳就見到架上擺放好多不同種類嘅board game 例如大富翁 ,uno, 掘金 ,你畫我猜 ,甚或一些考反應 鬥智力的card 類遊戲 ，可以邊等食物到 邊玩遊戲 。 如果唔想玩game的話 都可以同入面兩隻貓貓互動 佢地都好乖 非常可愛 😻至於食物方面 選擇種類亦很多 而且賣相都十分吸引 明顯餐廳係有花心思係食物嘅造型外觀上 加上鮮花做點綴 整體感覺很eye catching 鮮豔奪目 👀另外 更配有餐廳特點之一貓貓公仔 同埋以美少女戰士主題 確實又幾CUTE的 觸及到大家嘅少女心 💓💓 睇見真係忍唔住影多幾張相😍📸 而食物味道方面 我覺得是唔錯既，比較喜愛是日本豬肉眼串配洋蔥🐽🐽 每咬一口豬肉 都連帶住汁，不會感到超乾身 硬蹦蹦 而且鹽醃得夠味道 👍紅蟹忌廉薯餅 同埋朱古力蛋糕都係跟外面吃到的差不多 不過不失啦 😌😌不過提到雜菌雞粒炒飯便有點兒失望 味道比較淡 濃一點會更好而飲品方面 可以嘗到比較有特色嘅手工水果茶 因為它是以乾果製成的 味道比較濃縮 所以味道還好 整體而言 我都會推介未去過嘅

聽聞尖沙咀有間有貓咪既樓上cafe😍今晚就走左上去試試😎廚師發板😎$188/每位上菜時，真係幾驚喜👍九款食物同時捧上😬擺盤精緻，亦用真花作裝飾，忍唔住已經相機食先😏盤上九款食物，我特別鍾意黑魚子鵝肝多士同埋烈酒煮布冧😛鵝肝煎得好香，入口溶化，完全唔覺得膩，多士亦夠新鮮😋烈酒煮布冧，酸酸甜甜，極之開胃😇醬燒美國豬仔骨🍖$168即叫即燒，醬汁惹味，肉質夠腍，容易去骨😬擺盤亦相當精緻，而且仲有個貓咪卡通，相當可愛😘芝士煙肉忌廉藍青口😬$88芝士味道濃郁，青口味道突出，底下薯蓉都唔錯😬樂園咖啡+拖肥摩卡咖啡☕️$34/每杯 (跟餐價)奶味夠濃，味道唔錯，甜度適中，賣相亦不俗👍最後飯後當然要玩一下貓咪先捨得走🙈

有一日喺網上面見到傳媒介紹呢一間食店非常吸引加上有兩隻貓咪所以就決定去探下兩隻貓貓喇地點非常之方便就係I square 附近今次好好彩店員安排左我地坐係貓貓旁於是可以同貓咪共進晚餐！呢度嘅店員都好細心佢哋會逐一介紹餐牌上既食物有咩推薦咁所以第一個印象好好值得一提嘅係呢度既小食拼盤食物數量唔會因為簡左拼盤而減少數量係同單點一樣好抵食最後我地點左「廚師發板」岩哂我呢啲相機食先既人啦！真係好吸睛呀旁邊既人都忍唔住望實我地！而且啲英文字可以自己決定寫咩吸引呀！有熱食同凍食記得食哂啲熱食先呀牛柳粒鵝肝多士蝦味道尚算不錯！飲品方面簡左比較特別既水果茶紫醉金迷用烘乾左既水果片沖水非常有心思賣相亦色彩繽紛餐湯亦相當足料有好多蟹肉如果想打卡呢到相信會係一個唔錯既地方！

同朋友仔去左玩貓同食好野佢話上網搵到呢間好平又好食咁喎呢度係cafe 有好多遊戲玩 仲可冷酷貓兩隻成個裝修都用左糖果色 係幾可愛嘅餐具都有好多可愛元素我地已經急不及待咁叫左廚師發辦根本上 除左啲花 所有野都食得嘅冷盤有蠑螺 煙三文魚煙三文魚帶有小許鹹味 煙燻味不太重蠑螺爽口 一啲小清新嘅前菜 可以配合埋蔬菜一齊食主菜有安格斯牛柳粒 牛油帶子 特大虎蝦 同鵝肝多士牛柳粒牛味香濃 無筋 而且食落軟而嫩加埋蒜片同隔離扮裝飾嘅燒汁一齊食 一流帶子爽口 加上牛油煎香 表面煎得微微香脆隻虎蝦真係好隻 而家好彈牙食落好有蝦味 根本唔需要任何調味料鵝肝多士 多士烘成金黃色 而且烘得香脆與煎完都好軟嘅鵝肝互相輝映鵝肝肥美juicy 一舊真係唔係好夠大食嘅我地 仲叫左個Cabonara一上枱就聞到佢陣陣嘅pamasen cheese 香味食落芝士味都好濃 闊條麵滿醬水 而且味道適中因為廚師發辦叫野飲有半價我地都叫左慢慢嘆 我嘅紅棗桂圓茶淨係套茶具都已經可愛到我想再黎呢個飲完成個人都溫粒粒 又滋潤朋友仔叫左 薄荷摩卡咖啡佢話飲落甜度適中 加埋上面個cream 好軟滑

原本以為這只是一間普通的樓上cafe玩玩board game, 誰不知誤打誤撞來了這間貓貓樂園。餐廳的兩只可愛貓咪為老闆所養，身為貓奴的吃貨們有福了小食拼盤$198任選三款，我們點了芝士煙肉忌廉藍青口、魚手指、焗帶子!主食點了牛柳粒飯($148)，牛柳煎得香噴噴又嫩口，伴碟的設計十分有心思。是日餐湯+菊花杞子茶($68)蜜糖鮮果窩夫($78)餐廳設有不同類型的board game供客人玩愛貓人士快來嚐嚐吧！

今日提早去慶祝3/8婦女節，同朋去了一間好特別的餐廳，位置在尖沙咀北京道環球商業大廈2樓，名字叫做［樂園］。裡面有兩隻肥胖花貓隨意走動，好可愛，啲食客都好鍾意去觸摸佢哋和同佢哋玩。呢兩隻貓係呢間舖嘅店長叫做（多多和寶寶）。店舖內又有一個大櫃，裡面有很多種遊戲卡，方便食客食完可以慢慢玩，因為呢度冇限時，如果有人生日佢重會幫你影張即影即有相，張相唔使錢㗎。店員介紹我哋食一款餐叫廚師發板，上面有9款菜式，有刺身和熟食，其中有牛油檸檬汁煎帶子刺身，食入口帶有清新口味，香煎加拿大特大號虎蝦，蝦肉好新鮮好香口，黑魚子鵝肝多士好鬆脆，蒜片配香煎安格斯牛柳。冷盤就有鹽水煮榮螺再配搭蟹棒，和風雜菜沙律，花之戀三文魚……再跟上有三款醬汁，芥辣醬，和風沙茶醬及海鮮醬。再後又點左兩款小食，醬爆雞翼薯絲蝦，雞翼上面有紅色絲絲，我就問店員是什麼、店員話這是辣椒絲。入口有小小辣都好好好味，今次薯絲包蝦炸得好香口好味道😍，飲品有。 🍸冰凍Hazelnut Mocha上面有一層白色CREAM,天然手工水果茶夢幻楽園（菠蘿，雪梨，奇異果 ，黑加侖子）入口好清淡🍺喜歡。