樂湖刀削麵

营业中

休息中

「新北江商場」聚集咗天水圍區嘅各路名吃，而「樂湖刀削麵」就係其中一間！ 呢間刀削麵鋪係由一對夫妻共同經營，雖然環境較為一般，但佢嘅刀削麵做得好出色，即叫即場削，每條麵都削得好均勻，口感扎實有勁道，爽滑煙韌，軟而不淋！ 另外價錢都唔貴，四五十蚊一個餐，跟一碗麵食同一杯飲品，CP值高！ 🧡熱拌東坡肉刀削麵（$53）東坡肉好大舊，肥瘦相間，燜得好淋，入口即化！熱拌刀削麵有少少辣，味道偏甜，適合唔係好食得辣嘅朋友仔~ 🧡麻辣雞扒刀削麵（$49）雞扒同刀削麵係分開上，雞扒同刀削麵都可以選擇辣度，我就兩樣都揀咗微辣~上到嚟先發現原來微辣都好辣，個辣味係會不斷疊加上去，越食就越辣，越食就越麻！呢款嘅辣同熱拌刀削麵完全唔同，偏蒜蔥香，食落超惹味！食到辣嘅朋友仔一定要試下~

行到新北江商場搵吓嘢食，見依家好多人排隊就試吓買，但係覺得座位好狹窄，店內通風好似一般，就選擇買外賣，買完外賣行路返到屋企，中。今次叫左麻辣豬扒麵同麻辣東坡肉，兩種肉都住得非常入味好食，麻辣醬做得幾出色。係湯麵方面比較失望，雖然短短10分鐘湯底仲好熱，但竟然唔係選用湯麵分隔外賣盒。一打開，一夾一條面即刻爛，底的面幾乎變糊狀我覺得店舖應該考慮吓參考/採用新式外賣，分隔湯麵。始終堂食座位有限，附近居民都想外賣返該屋企食。重點係因為疫情，禁堂食嘅話，做好外賣管理嘅工作，生意會更加好。

去過新北江商場的朋友，應該都明白裡面的商店食店都是些小店。雖然這餐廳的裝潢一般，但從掛牆的相片可以知道這店是店家的心血結晶。 店員都是年輕人，無論落單上菜都很乾脆俐落。 既然招牌寫的是刀削麵，當然要試一下。這餐廳的刀削麵軟硬適中，口感煙韌，而且能看到師傅即場削麵條，真的賞心悅目。 餸菜方面有二十多款，今次點了 魚腐、豬大腸、菜肉雲吞、紅燒豬手 魚腐 - 外層有少少脆，估計是煎熟，不是一般灼熟的 豬大腸 - 肥瘦適中，鹵水夠入味 菜肉雲吞 - 皮夠薄，餡料中菜肉味道平均 紅燒豬手 - 皮夠入味而且不太軟亦不會韌 

🔎樂湖刀削麵 (天水圍)💛難得入水圍 當然要搵間黃店食嘢啦 黃店集中地非新北江莫屬 今次就揀咗樂湖刀削麵 絕對會encore！🔹麻辣大腸刀削麵 $46 送豆漿/熱飲 凍飲＋$3多餸到唔知揀咩好 試咗個麻辣大腸 揀咗小辣 都ok 少少辣食食下少少麻 大腸滷得幾好 仲要好淋 另外仲有好多蒜 好正！食湯麵一定要食辣 辣度由BB辣起跳 第一次食試咗小辣先 點知都真係幾辣 未至於食唔到 亦都愈食愈過癮 食到最尾已經無咁辣 個湯唔係普通清湯底 本身已經好夠味最後 我本身好唔鍾意刀削麵個麵質 今次食完令我對刀削麵改觀咗 重新愛上刀削麵呢樣嘢 而且份量仲好多 呢個價錢呢個質素💯🔹熱拌紅燒豬手刀削麵 $50 送豆漿/熱飲豬手同樣好淋好易咬 熱拌會跟埋啲炸醬 係偏咸少少嘅炸醬 撈埋麵食就會平均啲 熱拌雖然都好好味 但我會鍾意湯麵多啲啲📍天水圍嘉湖新北江商場1樓C41B舖🍴搵返相關地區👉🏻 #90sfoodieshare_天水圍#食在天水圍

建議：留意繁忙時段，每人最低消費HK$40 (12-14:30/ 18-21:00)之前碌艾豬見到有刀削麵，已經一早Cap定圖。平時真係比較少去天水圍個邊，如果唔係點對點通常都好易迷路 🤣舖位係正新北江商場中間位，今一次突登同#屯元天 地膽一齊黎，跟住行好快就到達😎 今次試左：雙拼套餐 (HK$46，連凍豆漿/熱飲)▫️刀削麵＋牛腩＋金錢肚▪️薯粉＋五香牛肉(牛展)＋水餃配料既肉量好多，水餃都有成4隻😋 最正係金錢肚，入味之如仲好爽口。牛展同牛腩都唔差，啖啖肉啲根又好咬口👍 刀削麵既面質口感唔錯，唔會煮得過淋/未煮熟，咬落幾煙韌。而薯粉食落係比較爽口，係幼麵，食落反而好似韓國粉絲既質感。如果想食煙韌感，可以揀刀削麵👍😌 如果鍾意食辣🌶️，餐牌上仲有好多選擇。下次會再黎試下紅油系列/熱拌刀削麵🍜

天水圍 樂湖刀削麵次次1230一開鋪過多陣就會滿座 所以真係要睇準佢開鋪就到🧟‍♀️🧟‍♀️🧟‍♀️👉🏽雞排刀削麵 麵唔辣 雞排微辣 個雞排一上枱就熱辣辣 有蒜既餸係點都唔會難食架😚😚 睇落份量都好足 食落又真係幾辣 我唔食辣既真係叫微辣好啦🤯🤯 刀削麵有咬口既 鐘意咬野既人一定好鐘意食 所以我好喜食刀削麵🤤🤤整體會覺得呢間鋪啲辣真係好辣 好彩個刀削麵冇叫辣 如果唔係真係食唔到落去🧟‍♀️🧟‍♀️整體黎講係好食既！但環境偏迫 大隻啲既男人坐可能會好唔自在 但天水圍新北江啲鋪大部分都係咁迫 要食好西就要將就下嚕🤭🤭

黎新北江商場食得最多次既餐廳就係樂湖刀削麵❤️支持小店（最緊要真係好好味😋）叫左一碗紅燒豬手刀削麵（$42）送豆漿/熱飲一杯，豬手好大舊😍好入味肉質好淋，補充骨膠原🤣正湯底濃濃牛骨味，又不太咸最正係刀削麵，係手工麵，見住店員拎住 麵團削麵煮麵，可以落單時叫店員削薄D又單。我就最鍾意原本既厚度啦，咬落有口感好煙韌👍🏻另一碗叫金錢肚，肥牛（$46），份量驚人，好多片肥牛😲，金錢肚入曬味，鹵水汁正👍🏻👍🏻

係新北江幫襯得最多既一定呢間樂湖刀削麵💛，好食得黎又有良心，點可能唔食你👍🏻紅燒豬手刀削麵🐷（包凍豆漿）$42豬手整得好淋、易咬，好入味，舊舊都大大舊，而且個湯底會變左紅燒湯既味，唔食得辣既不妨試下👍🏻麻辣魚蛋 $28/4粒魚蛋好彈牙，大大粒，麻辣得黎又唔會過份辣，個人覺得單點魚蛋比較抵，因為配麵叫既話係得3粒麻辣牛腩刀削麵（小辣）🐮 （包凍豆漿）$46牛腩都一樣好淋，一咬就散開，加埋啲蒜同蔥，好惹味，唔食得辣既可以叫bb辣

‧˚₊*̥(* ⁰̷̴͈꒨⁰̷̴͈)‧˚₊*̥樂湖刀削麵#天水圍黃店💛•小妹好日都唔入一次新界，但每次去天水圍必食呢間刀削麵！•🌶《麻辣豬頸肉刀削麵+凍檸茶》($51)豬頸肉同碗麵係分開上的，小妹揀咗碗麵要清湯，然後將啲豬頸肉嘅辣汁倒落碗麵到，咁就可以自己調較辣度(✿´³`✿)呢度嘅麻辣係真係辣到痺嗰種，只係小辣已經係譚仔嘅五小！小妹好中意呢種巧辣巧痺嘅感覺(˶‾᷄ ⁻̫ ‾᷅˵)！豬頸肉亦非常入味，肥瘦均勻完全唔韌，煮得剛剛好~不過貪心的小妹就覺得份量可以再多一點點喔～ଘ(੭ˊ꒳​ˋ)੭✧•🌶《麻辣東坡肉刀削麵+凍豆漿》($46)東坡肉切得好厚好大舊，每舊都有肥有瘦唔會切到岩岩巉巉，而且好夠辣好入味又唔會鞋⁽⁽٩(๑˃̶͈̀ ᗨ ˂̶͈́)۶⁾⁾！小妹好中意上面啲蒜同辣椒，倒落碗麵到好香口\(◦´-`◦)/♡。🍜呢度嘅刀削麵好啱小妹口味，落完單就即刻睇到(令仔)老闆攞住舊大麵團一刀刀咁削啲麵落煲湯到，由於係即叫即削，啲麵唔會淥得太淋，少少厚身咬落好煙韌(o´罒`o)～·新北江入面都有好多黃小店，小妹都食過好多間，有部分都巧正！遲啲有機會食再講٩(˃̶͈̀௰˂̶͈́)و！•٩(ˊᗜˋ*)و✧*｡📍樂湖刀削麵 (天水圍)天水圍天湖路

呢度係一間刀削麵小店,隱隱一角不突出,但人流不絕就係為左佢碗麵而來刀削麵有冷拌麵食法或熱湯食法你可以見到佢真係一邊煮一邊削麵條入鍋煮每條麵身都幾煙韌彈牙涼拌雞絲 雞肉浸熟手拆絲,皮爽肉嫩,再配以花生蔥芝麻青瓜絲拌勻麻醬又濃香又惹味,最重要係雞肉好嫩滑好食蒜泥豬頸肉配熱湯麵條 點少得食麵條呢? 熱湯可以食到麵條既香同煙韌口感配以自家醃料秘製既豬頸肉,燒得香口再加蒜蓉食,又香又辣又惹味!滷豬軟骨配辣肉醬拌麵滷得好入味,香料既味滲透了全件豬軟骨,但又仍然有脆脆口感連骨都可以食埋~拌勻佢既辣肉醬同蔥花配料,麵條比熱食更加彈牙有口感!消費$150Shop C41B, 1/F, Kingswood Richly Plaza, 1 Tin Wu Road, Tin Shui Wai

如題，呢間舖頭啲嘢真係好好食，辣味好夠好惹味配埋個麵食簡直就係一流，有時真係辣到我流晒鼻水同埋鼻涕，但係真係冇阻我對佢嘅愛，佢真係好好食，特別推介豬頸肉同埋豬軟骨，仲有雞扒，啲辣味全部都入晒佢仲有啲肉質好鬆軟，雖然個環境係比較迫少少，但係喺親新北江食飯就預咗㗎啦。阿姐速度好快，講嘢都好快，上菜都好快。現場仲要加映靚仔哥哥喺廚房度整刀削麵，係味覺同埋視覺嘅衝擊。唯一要改善嘅地方就係希望你哋可以盡快開分店，同埋可以啲位隔開少少。希望你哋可以擴充到每個輕鐵站都會有你哋嘅分店啦。樂湖刀削麵世一

話說好耐之前問大家天水圍有咩好食，好多人就叫我去新北江（fyi係一個商場），咁就一於去踩場先😀·我地一去到個商場，兜咗個圈，一致認同好似去咗羅湖城咁😂😂最後揀咗呢間最多人排隊嘅😌估唔到叫嘢食都要等好耐先到😅·✨熱拌撈刀削麵 $50刀削麵係真係見住廚房一路削一路煮嘅，食落都幾煙韌，連埋撈面醬食好惹味，唔錯😗我叫咗豬頸肉（另加唔記得幾錢），外層好脆身，入面又好爽口😍，係值得加錢嘅仲有叫豬大腸，份量超多，每舊都好厚😜·✨雙拼刀削麵 $46揀金錢肚和牛腩，牛腩原來係牛𦟌，金錢肚又正常啦·🌟推介豬頸肉！·後記：不過如非必要，冇咩意欲特登再去新北江😅始終間間餐廳座位都少又迫，商場整體衛生又偏差😹我以為自己返咗大陸🤭·

係新北江商場，就係有唔同既小店， 呢d小店既野食都好出色，唔會有咩豪華裝修 但勝左價錢抵 野好食！ 今次就食左刀削麵！間店舖坐位唔多 大約10-15人左右 好多人叫外賣強烈建議食麻辣刀削麵套餐 餸同麵係分開上 我就叫左麻辣豬耳中辣，最好就配埋凍豆漿啦 解下辣嘛。佢餸既份量都足夠 你可以再加餸都得 個麵真係冇得輸 手工刀削麵 仲要可以有時睇住廚房師傅即場削 真係觀感100分！ 個餸既麻辣汁麵做得好好 建議叫兩樣餸就足夠。如果係繁忙時間叫佢既外賣就要耐心等候一下啦！

手撕雞同飯既份量都幾多個汁都幾濃味 雞嘅肉質唔會鞋有少少花生同蔥做配料手撕雞下面用青瓜鋪底青瓜吸晒啲汁 撈飯都幾好味菜飯正常 如果多啲菜就好啦$49包埋豆漿 都幾抵豆漿唔會好甜 飲到豆味下次可以試佢個刀削麵

💛黃店📜”樂湖刀削麵 (天水圍)📍地址:天水圍天湖路1號嘉湖新北江商場1樓C41B舖🤍分店地區: 天水圍📝評價💬📢 麻辣控必定要試💛麻得來唔會太辣 兩種味道都好balance 😍 一次過滿足兩種味道💛💛仲有好多配料可以簡😌全部配料都好吸引 吾係普通車仔麵既餸😍主打刀削麵 好彈牙 份量又好多😛 長期都多人排隊 要食真係簡岩時間黎💛🏵環境指數:⭐️⭐️⭐️⭐️🏵味道指數:👅👅👅👅👅🏵抵食指數：💰💰💰💰💰🏵回購指數:❤️❤️❤️❤️#美食推介 #天水圍美食 #天水圍黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #foodieshk #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow天水圍 #foodieksk天水圍