樂湯雞麵館 (白楊街) (已搬遷) 新店位置

在外賣平台落單，自取單已標明晚上6點半自取，6:27分就打黎問我地落左order咁耐都唔拎，幾時拎，我覆返佢我地寫左6點半黎拎，之後仲要我未講完cut線，全程通話時間得12秒。到我媽6:30分去拎，個女人態度非常惡劣，話我地咁遲先拎！下次要早10分鐘，仲要係咁講左幾次，但佢連一句回應時間都唔比我媽就走左！好似趕人出門的感覺！湯同食物完全唔熱，暖都唔算，就算個湯好食都無用啦。態度咁差想人幫襯都幾難，唔會再下次！

聽就聽得多，今日專程嚟到太子試吓佢嘅花膠雞米線我哋叫咗兩個唔同嘅餐，一個就係花膠雞湯米粉，另一個就係鮑魚花膠雞湯米線🍜兩個分別唔大，只係多咗一粒鮑魚！不過貴左HKD22我建議大家可以唔需要加錢另外佢有小食，我哋就叫咗海蜇雞絲涼拌！鍾意食辣嘅你就啱晒啦！講返先，碗米線嘅花膠大概有四舊左右，其實都夠晒，雞就幾件，加上佢啲湯冇味精，可以飲佢碗湯！大家都可以唔需要叫嘢飲！食完好飽，細食嘅有機會都食唔晒

呢晚放工去食朋友介紹的雞湯米線。我要左藥膳醉雞配米線，先飲個湯底，藥材味唔算好重，好清甜嘅感覺，但係feel到係真材實料，冇味精味。講吓個醉雞，比起幾星期前食過另一間醉雞專門店，呢間酒味唔算好濃，雞肉都算滑既，都唔錯。唯一一個問題係，米線嘅份量實在太少，我諗只有連鎖米線店嘅一半份量，所以女仔食完都唔夠飽🤧🤧朋友食鮑魚花膠雞湯翅，飲左佢幾啖湯，係幾清甜雞湯味。舖頭採用白花膠。鮑魚都幾腍。食晒米線，可以飲晒個湯，係幾好飲既😎

駕車時經過呢間「樂湯雞」名字幾有趣，原來係吃雞湯湯麵，還有些特色小食，於是泊好車之間入去買了些外賣帶走。藥膳醉雞湯米粉，藥材與花雕酒的香味好濃郁，但又不掩蓋雞湯的醇味，雞件分量都算多，嫩滑厚肉，米粉索了雞湯很入味，感覺吃完會很滋補。口水雞湯米粉，吃得辣的話好值得一試，麻辣度剛好，配爽口米粉好夾。還有些小食，泡椒雞腳、醉雞翼、醉鴨舌，雞腳好爽口，隨著時間會變得再辣一些；醉鴨舌的酒香四溢，分量亦算頗多。足見餐廳真材實料，值得推薦。

今次下午黎，唔洗等位正👍🏻餐牌有好多種配搭，撈麵，淨食主菜，湯麵，淨食湯粉麵或者淨係飲碗湯都得👍🏻仲有多款小食我就叫左個砂鍋雞湯翅米線同埋藥膳醉雞米線先講個砂鍋雞湯翅米線，砂鍋上熱辣辣好正，啖湯好清，飲完無口渴（應該無味精），不過d雞就無咩味但唔算太鞋到藥膳醉雞，因為真係好濃味，所以飲完呢個再飲返砂鍋雞就會覺得唔夠味。建議由清既湯開始飲起！ 醉雞方面非常入味，肉質嫩滑👍🏻兩個米線都夠飽，無空間再試小食😭要番返下次

本人前幾日去呢間餐廳試左，醉雞同鮑魚花膠雞翅湯一定要試。仲有好多小食，如沙薑雞腳，雞皮粉絲，醉鴨舌等...叫左幾樣食物都在水準之上彈既就係座位少，菜牌種類少。呢間食店太子同佐敦都有分店。

雞子見到好多人叫，但一擺入口成陣雪藏味，麻辣蓮藕係無麻辣既，花雕醉雞雪得太勁，口感咬到好似食雪條咁...仲叫左個胡麻醬三色撈麵，好似食麵粉咁.....食到要用水吞

好多朋友都向我介紹呢間醉雞同雞湯翅都不錯，見太子分店近近地就過來一試。入面座位唔多，加上政府抗疫政策我同男友決定還是外賣回家慢慢歎。餐廳主打砂鍋雞湯翅同不同口味嘅雞，今次我就試下口水雞及藥饍醉雞先，另外還叫了幾碟涼菜。涼拌萵筍 $28口感爽口～麻辣豬耳 $34調得入味，質感夠爽彈川汁皮蛋 $28皮蛋個川汁調得香辣，中間有少許溏心，最吸引嘅是底部吸滿汁的粉皮。醉鴨舌 $48抵食推介之選，鴨舌酒香味濃，肉質嫩滑！紅油花膠魚翅餃 $42 花膠就唔係好食得出，但比一坊間的紅油抄手更有紮實的口感，幾好味。口水雞撈刀削麵 $58刀削麵非常有嚼勁，撈麵都幾建議食呢種麵質。不過口水口味就是重紅油果種，所以都幾嗆口。藥饍醉雞配米粉 $54醉雞的肉質比口水雞好，外皮爽彈，中間更呈薄薄啫喱狀，雞肉嫩滑，酒味香濃。米粉用左質地幼滑、吸湯力強新竹米粉 ，湯頭飲得出是藥材味果種清甜。食果時加入醉雞汁入麵內一併吃，增加酒香味更佳。

‪#砂窩雲吞雞 配 #刀削麵‬‪.‬‪又一間標榜無味精雞湯食肆，最近小編同同事仔好似幾常搵到無味精湯底😂🙈 小編見到menu有得揀刀削麵係雙眼發曬光🤩，因為小編好鐘意食，但又好少地方有地叫……😞‬‪而喱個砂窩雲吞雞一上枱出曬煙，熱辣辣!絕對係食砂窩料理既一大吸引之處!!☺️ 雖然佢唔係好濃郁既香味，但係佢真係冇味精，飲得出係純雞湯，所以小編飲左一大半都唔會好口渴!而且配合埋刀削面係精髓!因為可以掛到更多既湯，食落口更滿足!而且煙煙韌韌好好味🤤 而佢d雞就正正常常啦，冇特部位，都算滑既~🐔 而佢既雲吞好足料、好大粒!不過味道偏鹹…🙊但係食完之後飲返啖湯就ok!正!👍🏻‬.🏆 「豬」味指數：7.5/10📌 溫馨提示：‪因為砂窩上枱會好熱，要小心唔好辣親手啊!!‬

自從開始了home office，慢慢我就開始習慣吃「住家飯」的生活，不過，媽媽的菜式總是千篇一律，日子久了，難免令人感到乏味。而在疫情影響下，大部分餐廳都會推出外賣自取優惠，知道媽媽為食，我就online搜羅一下，看看附近有沒有什麼吸引的菜式，買回家加餸。「樂湯雞麵館」位於太子白楊街，地點非常就腳，離我家不到20分鐘路程，即使由太子站步出，步行也不到5分鐘。「樂湯雞」顧名思義，就是以「湯」及「雞」作主打，全都是真材實料，絕不添加味精。而店內更推出期間限定鮑魚花膠2雞湯翅2(粉麵餐)每日限售30碗，還可以以試食價加配小食。砂鍋花膠雞湯翅 (半隻)店員很貼心，將雞與花膠湯翅分開，避免雞肉浸泡在湯內，肉質會因此變鞋。而雞湯翅份量十足，雞肉超嫩滑，肥瘦適中，脂肪量不重，入口帶有濃郁雞味，而雞湯翅味道鮮甜中帶點鹹香，湯質濃稠適中，內裏放了花膠、魚翅、魚唇及金華火腿，花膠入口帶點黏性，花膠軟淋入味，魚翅份量一般，但口感彈牙，魚唇滑捊捊，每一口都令人濃濃雞香~小食方面，我點了4款，分別是花雕醉雞、醉豬手、鹽水雞腎及藥膳酒浸雞子。花雕醉雞花雕醉雞的味道討好，酒香撲鼻，雞肉亦非常嫩滑，相比雞湯翅，醉雞

復活節假期前夕超級Holiday mode連飯都唔想煮，但喺疫情下個個都話要Stay Home後，諗諗下不如叫外賣。差不多收工同同事傾開知道佢屋企附近嘅樂湯雞而家做緊外賣有85折覺得好抵，仲要早兩日先食完，好好味。而且平時揸車經過時都已經想試吓，喺咁大嘅著數下就順便車埋我同事返屋企後就去幫襯啦。未夠7點見到門外都有兩三個人企喺門口等緊外賣，而我一入到店內職員都第一時間幫我量體溫，又示意酒精搓手液位置要消毒雙手，防疫工功夫都做到足，令到食客可以安心。睇咗一陣餐版後落Order，再計埋等拎埋食物時間都唔做10分鐘，效率果然快。返到屋企急不及待即刻開哂蓋先，一打開蓋已經聞到好香雞湯味。Total叫咗4樣野食，包括砂鍋雲吞雞米線再加5份花膠魚翅餃、醉豬手、醉鴨舌同埋滷水雞翼尖。先講醉豬手同醉鴨舌，其實兩個味道都一樣，豬手夠哂淋，而且豬皮中含有大量的膠原蛋白質，在烹調過程中可轉化成明膠有效防止皮膚過早褶皺，延緩皮膚的衰老，想靚嘅女士你地識叫咩餸啦~雖然我唔食鴨舌，但屋企人話鴨舌夠入味，鍾意食冷盤嘅人可以試吓呢兩個小食。然後到滷水雞翼尖，雞翼尖對於我來講真係又愛又恨，入面幾乎沒有肉(或者有一兩個%

看到朋友L先生嘅社交平台page，食完外賣後大讚樂湯雞麵館。連小店都做埋外賣，推出咗飯類套餐，$40-$50一位，抗疫價，大約係九折左右，當然你都可以外賣雞湯回家品嚐。本身都想外賣，但姐姐話你不如喺度食啦，又唔多人。正因為佢話:如果你食花膠雞湯，呢度會用砂鍋，好食啲㗎。我諗諗好似有啲道理，就係呢個原因，我決定快手堂食。一直都對呢間小店好有興趣，記得之前朋友J先生話呢間直頭係米芝蓮必比登推薦，講到咁正，直頭唔試唔得。上次喺嗰頭吃午飯，本來差啲就入咗去，結果都係去咗黃店告急潮州人食花膠，支持下。好多人嚟呢頭食飯都會講飛龍咖啡或者潮州人，反而就好少人講呢間樂湯雞麵館。潮州人本身食完都想寫，但係就一路擺咗喺度，太懶，反而食完樂湯雞麵館，箇中感動即刻要同大家分享吓，潮州人大把人識，洗鬼我寫咩，哈哈。店員推介這個鮑魚花膠雞湯翅，期間限定，一天只係30碗，呢個係最精彩嘅推介。用了十足，鮑魚炆咗長時間，加上大塊嘅花膠，斤兩十足的翅，飲一口湯，看到雞油，鮑魚同翅嘅精華揮發晒係個湯入面，飲一口已經愛上。我們選這個送上掛湯嘅刀削麵，非常適合。同樣試了花膠雞湯翅，呢個相對清新一點，冇咗炆鮑魚嗰個汁，湯底會淡少

星期日去呢間餐廳食麵，有一工作人員，男性，30~40歲，肥胖身型，在我留餐廳45分鐘裏，該名男子全程將口罩拉落下巴，他照樣送餐，照落單，照講野，完全沒有任何防護意識 。佢無視每個香港人嘅努力，為食肆帶來極高嘅傳播風險，佢每天接觸大量食客，沒有負責任地保護自己，超容易染上新冠肺炎病毒，萬一他染病，又會再把病毒傳播給大量食客。當時我同相信較高級的收銀姐姐講，佢竟然話邊個冇帶囗罩，我話呢度得一個工作人員冇帶，佢先望到，就叫返個男人帶，顯然呢間麵館欠缺衛生意識，大家自行考慮。如果香港有多幾間衛生意識差的食肆，將會拖垮整個飲食業，拖跨整個香港，係行業嘅害群之馬。

係香港食麵食米線嘅地方好多，有分左家嘅兩兄弟，仲有一埋乜哥乜姐米線。食落大家差唔多，差在個蕃茄湯有幾多真蕃茄，個胡椒湯有幾多真胡椒。日日食的話，即使有幾多選擇都會厭，見到餐牌個肝已經隱隱作痛。有日出太子，想食嘅果間無開，準備過馬路嘅時候，見到一個好浮誇又好應景嘅roll-up banner。上面寫住「恭喜某議員執葉」，有火藥味得黎又好抵死！點知佢地係食養生湯底嘅米粉或米線。當然佢地仲有原煲敦湯，同埋其他養生野食。點左一碗紅棗湯雞米線，湯好清甜，米粉靚新竹米粉，好爽好滑，雞件啖啖肉。整體好清新，清清淡淡，食完又唔會口渴。

新年臨近出去太子行花巿前當然要搵食，朋友帶左我去呢間樂湯雞食個晚餐。位置係太子嘅內街，要刻意行先會發現，所以想好似人地求其搵食就唔會黎到呢個位。其實要係樂湯雞食飯都有心理準備，一黎自家經營，態度上一次唔會似啲集團式咁，慢條斯理，而係快人快語。二黎鋪位細細，鋪裡坐到5枱客左右，而且要搭枱。不過亦可以坐鋪外嘅。由於萳茜自己對食嘅要求重要過環境，所以都係貴有貴食，平有平食，最緊要好食為本。去到一個未試過嘅餐廳，當然要試佢推介嘅主打菜啦。唔通好似Hermes出名賣袋，就走去買唇膏咩。所以我就叫左個砂碢花膠雞湯翅+飯，然後再加醉鴨舌，醉豬手同醉雞同朋友share。有人覺得貴7x蚊個湯貴，但我就覺得基本價啦！皆因進升為單身黨羽嘅成員之一，平時出去買個湯都成5x蚊啦，而且呢度真係有花膠+翅群+雞+湯喎，自己煲一次都唔止呢個價，而dry到一個點又無湯水落肚嘅單身狗黎講一次過滿足3個要求，算係咁啦。如果想有埋環境嘅話，就唔係賣7x蚊咁平架啦！個砂碢黎到嘅時候，係熱辣辣仲滾緊咁上枱嘅，而且食落嘅花膠同翅群真係真材實料先，唔似得其他出面食嘅花膠咁，一啲都唔似花膠嘅口感。再飲個湯未至於話好濃，但岩岩好，最重要