樂面牛屋 (已結業)

行街經過呢間新開既台灣餐廳，見佢門口仲掛緊個試業中既牌，就決定一於試下好唔好食喇。間店唔算好大，MENU都算幾多野食，除左幾款飯麵之外，仲有前菜，小食同埋鹵水食物。台式魯肉飯 $38其實呢個應該係肉燥飯，味道唔錯，個鹵汁唔會正係得咸味，係有唔同既香料味係入面，不過肉碎唔夠肥，食落比較鞋，亦因為甘，個汁唔夠油潤比較稀，做到唔掛係飯粒既效果。古早味雞肉飯 $38雞肉飯味道比較清，但幾鮮味，可惜佢比既汁太少，唔夠拌飯，而且D雞肉好似煲完湯之後拎黎用甘，好鞋。老爹鹵水拼盤 $48一個拼可以食哂雞翼/豬耳/豆乾同埋蛋，鹵水幾入味，做得唔錯，不過豬耳有D奇怪既味道，可能係洗得唔夠乾淨。冰鎮桂花冬瓜茶 $20出面比較少見冬瓜茶入面加桂花，飲落味道都幾夾，不過稍為甜左D，可以淡番少少。百香果紅茶 $26味道唔會好人工，酸酸甜甜都幾清新，唔錯。食物唔算好差又唔算好有驚喜，不過價錢就幾合理，而且店員好有禮貌，有機會都可以再去試多次。

朋友話銅鑼灣新開左間台灣牛肉麵，今日就去試下！3個人，叫左清湯牛肉麵、紅燒牛肉麵同鹽酥雞飯，仲另叫左個炸咸菇！舖頭入面嘅staff係台灣人，落單時聽到國語嚇一嚇，估唔到呢間小店都有台灣人做staff！紅燒牛肉麵，麵係刀削麵，個湯唔太咸，朋友鍾意清淡，佢就話好岩食。清燉牛肉麵，個人比較喜歡呢款，最驚喜係個湯係藥膳湯！重複，係藥膳湯！我最終係飲晒成碗湯！湯面最緊要係咩？係湯底！去親台灣行夜市，必食炸菇！呢度居然都有，仲炸得好好食！推介！呢杯並唔係普通嘅乜乜紅茶/綠茶，係桂花冬瓜茶，叫左少甜都仲係覺得甜，可能我平時叫開走甜啦，下次可以試下走甜。另一個最想介紹嘅係辣椒醬，好香又好辣，我鍾意食辣，又唔覺得接受唔到，但朋友唔食得辣，就辣到跳舞喇！想試下藥膳湯底嘅牛肉麵，值得一試！

今日放工約左朋友喺銅鑼灣食晚飯，見到一間裝修得幾特別既台灣麵店，門口寫住試業中，就二話不說，一於入去試試！一進入店內，有一幅巨型牛肉麵畫，非常吸睛！畫上寫著「樂在其麵中」，睇嚟一陣真係要試下佢個牛肉麵先得座位尚算寬敝不壓逼。晚飯時間座無虛席。出菜位充滿懷舊感。好像穿越時空，走進了另一時代似的。坐下就拿起筆點菜了我們叫了招牌清燉牛肉麵、招牌紅燒牛肉麵、台式魯肉飯、酥炸台式花枝丸、珍珠奶茶、香芋奶茶和水蜜桃梳打先來兩杯珍珠奶茶。奶茶偏台式口味，有點似「紅樹林」那杯，不過不失，珍珠q彈！台式魯肉飯和招牌清燉牛肉麵賣相吸引，牛肉麵香氣撲鼻，但魯肉飯份量略嫌太小，男士吃的話應該不太足夠魯肉飯偏乾身，汁醬少，味道偏淡，有點失望熱騰騰的清燉牛肉麵湯散發陣陣藥材香味，牛肉不韌，不錯再來招牌紅燒牛肉麵，微辣，麵條闊身煙韌有口感！湯底味道濃郁，重牛味，推介最後就係酥炸花枝丸登場！呢五粒花枝丸可以話係全晚嘅亮點！剛炸好的花枝丸灑上少許椒鹽，非常香口，而且咬落更鮮味十足呢！

午市紅燒牛肉麵套餐：湯底有香辣牛肉味，吃完沒有特別口渴，辣度都有三分，食吾到辣嘅朋友應該會覺得幾辣;面條是粗面，幾有彈性，掛湯，不錯；牛輾只有3片，而且頗有咬勁，沒有想像中林滑，整體來講幾細碗午市鹽酥雞套餐：鹽酥雞本身炸得幾好，但雞是沒有帶皮丶部位較瘦的雞塊，所以冇乜湯汁或油份；肉燥飯都吾細碗;加埋3小碟伴菜都夠飽另點鹽酥菇，好吃，鹹香酥脆熱珍珠奶茶：有茶香奶香，稍嫌過甜午市要排隊，應改善廚房出餐速度

本人第一次寫食評，好意外見到有兩個負評！😮所以必須要講我嘅體驗分享。我地星期二夜晚9點經過，見到呢間設計懷舊嘅餐廳，見到咁夜裡面都坐滿人，所以就入去醫肚啦。招呼我地嘅係台灣男老闆，突然聽到台灣腔普通話好搞笑😬我地叫咗鹽酥雞（正！）肉燥飯（肉燥份量係少咗d），珍珠奶茶（茶味香濃，好似茶葉個種感覺），貢丸（非常爽口彈牙，糖底有d胡椒味）牛肉麵，花枝丸等等。全部都有水準，老闆話食材都係台灣進口。而且我地叫咗好多味菜都唔算貴。店裡面嘅裝修擺設有有懷舊特色，成個感覺都好舒服。相信我會再幫襯🤓

今日lunch行過禮頓道呢間新台灣麵鋪, 唔使排隊，立即入去試.點了招牌牛肉麵加珍珠奶茶, 結果不知什麼原因, 牛肉麵等了30分鐘才送到一看這碗麵, 份量超少, 而且只有4 "小"片牛肉. 食唔飽.汁既顏色濃，味道亦好咸, 而且超油. 珍珠奶茶感覺就是一杯糖水, 沒有一點茶味, 是要用這個甜來"中和"招牌牛肉麵的咸嗎?$78這個午餐就是中伏了PS: 待應都是說普通話和重鄉音的廣東話, 是只想做大陸人生意, 不想招呼香港人嗎?

朋友介紹，所以特意去試試。一進去就是台式的懷舊裝修，地方整潔，是個不錯的地方。之後點了不辣的牛肉麵，小青瓜和珍珠奶茶，牛肉麵的麵不錯，夠彈牙，而牛肉方面林一些會更好。青瓜很好食，很新鮮和清新，珍珠奶茶有台灣的風味。最重要是店員很親切，有時會跟你聊天，好像去了台灣一樣。整體來說整間舖由裝修到食物也能做出台灣的風格，可惜菜式的選擇還不多，希望快點推出多些不同的菜式，而份量大一點也比較有吸引力，店舖有點小，不過在香港也沒辦法。

最近，小編發現了公司附近新開一家台灣菜－「樂面牛屋」， 見門面裝修整潔又略帶懷舊feel，感覺不錯！👀 而且人總是有種心態， 新開張的店舖特別吸引， 見人排隊又唔執輸， 就和同事試試。🙈😂 原來這裡還有午市套餐呢！😯 但價格絕不便宜， 不知道是銅鑼灣貴舖租的關係， 還是台灣菜特別貴，💸 其實附近好幾家台灣菜價格都和「樂面牛屋」差不多。☹️ 嗜辣又是牛魔王的小編，🐮 當然是選了招牌紅燒牛肉麵。 $78包一碗招牌紅燒牛肉麵和飲品一杯， 套餐飲品可從茉香綠茶、阿薩姆紅茶、珍珠奶茶選擇，冷熱同價， 其他飲品則要額外加$8。 招牌紅燒牛肉麵（$78） 紅通通的湯底泛着不少紅油， 看起來以為很有辣勁， 可惜實際辣勁十分少， 可能比譚仔十小辣更少呢！😅 麵條是粗麵條，都算有嚼勁， 可惜一碗麵的份量很少， 男生完全不夠飽！😖 最大問題是紅燒牛肉麵變成紅燒「牛展」麵！😰 牛展只會在劣質的台式餐廳才會用來代替牛肉的！因為入貨比較便宜！😒 牛展肉質和筋部都燘得不夠時間，有點韌！ 而且一碗只有4小塊， 份量以$78一碗麵來說完全不合正比， 更可說是少得可憐！😩不符合性價比！👎🏻😟 唯一較為正常的是

難得同男朋友一齊放假，諗住去食d平時小食既野行去禮頓道睇下有咩食，行到角位見到呢間野，望入去見到係食台灣牛肉麵，仲要粗麵，好似幾正咁門口雖然寫住試業，不過都坐滿左，要等位。到我地時一入去，原來全部員工都係台灣人不過用廣東話都溝通到，而且有問必答由於試業款式不多，得張午市點餐紙，叫了紅燒牛肉麵和鹹酥雞肉燥飯雞粒好鬆化，肉燥也好好食。但牛肉麵辣左小小，同埋牛肉難咬左d，整體也不錯。缺點是飲品太多冰，好難吸珍珠環境都幾懷舊，地方幾乾淨。

今日一行五人去試，因為試業期間，暫時只有午餐供應味道唔錯，份量剛剛好所有午餐都有三報前菜 - 手拍青瓜、大豆芽菜同埋菜寶牛肉麵 (好似叫清湯牛肉麵)，湯底好香藥材味 (當歸味)，同事話食落唔重口味，而且係藥材牛肉湯湯底，係幼上海麵五香牛肉麵，湯底好香花招八角同有少少藥材味，同事話唔辣但好香，呢個係配關廟麵台式香腸飯，係正宗台式香腸，輕烤過，香腸味道比喺小食店賣嗰啲無咁重口味，係跟肉燥飯台式排骨飯，炸得剛剛好，而且餐廳有椒鹽供應，係跟肉燥飯嘢飲就有綠茶、阿姆薩茶、珍珠奶茶三款選擇 (全部有冷、熱選擇，可以自己寫走甜/小甜/小冰之類，我見佢都有跟足指示做)我本身係排骨飯，$68 (無加一)，好味道價錢亦唔貴，唔錯!