樓下冰室 (已結業)

今晚同媽媽行開荃灣，諗緊食啲乜嘢，行行吓經過呢間餐廳，都幾多人叫外賣，所以就入去試吓。餐廳都幾多唔同款式種類食物揀，佢呢度最出名嘅係蕃茄湯底嘅通粉或者面，不過因為我太肚餓嘅關係，我叫咗個咖喱飯食。我哋入到黎都幾多人等位，不過等左幾分鐘就有位。叫咗個咖喱牛腩飯，份量都幾多，咖喱牛腩嘅辣到對我來講啱啱好，唔算太辣，個汁都幾惹味，連我阿媽唔食辣都覺得好好食。我阿媽叫咗個沙律餐，連埋兩隻瑞士雞翼，佢呢度嘅瑞士雞翼都好出名，好入味，同埋隻雞翼或者雞髀都好大隻，我見隔離枱食雞髀自己都好想食，但因為食咗個飯所以食唔落。

在荃灣，要數富有香港地道味道的，樓下冰室可以係其中一間。每次朋友入荃灣，都會拜訪一下先走。而樓下冰室走新派裝修, 但又保留香港舊有的傳統風味的店內環境十分好, ,座位舒服, 以卡位為主。瑞士汁雞脾 HK$28/隻樓下冰室最出名除左係蕃茄濃湯系列，另一個就係瑞士汁。瑞士汁味道十分濃郁, 而且味道完全滲入雞脾內. 雞脾肉質有彈性, 每一口都有滿滿濃香味, 這個重口味道我最愛.自家製叉燒滑蛋飯 $50平時食得多蕃茄通粉，今次轉食叉燒滑蛋飯，估唔到份量好多,而且賣相十分吸引。飯底不會太冧身,粒粒分明，而蛋整得好滑, 叉燒肉質又唔會嚡, 再加上豉油同蔥花好味道。焗芝士肉醬薯角HK$36上次食過芝士肉醬意粉，個肉醬整得好好味，又唔會太鹹，今次試下焗芝士肉醬薯角，一樣無令我失望，味道唔錯。薯角事先炸過再同肉醬一齊去焗，所以薯角口感唔會太稔太爛，加上整份薯角份量唔少，而肉醬不是只是面層有，更是每一塊薯角都沾有肉醬，呢一點就已經大大加分。來冰室當然唔少得一杯紅豆冰，個人推介忌廉紅豆冰和話梅柑桔蜜都是不錯的選擇, 可以試一試.

而家唔少茶餐廳都裝修得好新淨好靚，好多變曬連鎖店，冇左以前嗰隻懷舊味道，好彩呢間仲有啲懷舊小裝飾🤣🤣🤣🤣講返野食先，今次就叫左個咖哩牛腩飯，一黎已經聞到陣陣咖哩香👅👅👅食到熱辣辣既飯加埋頗杰身既咖哩汁真係無得彈👍🏻👍🏻👍🏻👍🏻再黎，牛腩唔會太韌太多根，易咬又鬆化☺️☺️☺️呢到雖然係茶記，但服務態度都唔錯，唔會俾人催你買單既感覺，姐姐仲好聲好氣咁介紹下有乜好食，可以翻兜🤘🏻🤘🏻🤘🏻🤘🏻

分享美食時間到 唔想錯過嘅朋友仔記得收藏啦荃灣路德圍樓下冰室主打番茄🍅喜歡番茄嘅朋友仔唔好錯過啦個套餐係小食加番茄湯湯粉麵個人超級推介佢個瑞士汁雞髀好入味而且好滑另外佢個炸雞粒分量多好多 唔會厚粉仲有少少辣唔會因為套餐而分量少咗👍🏼👍🏼叫佢個套餐真係好抵食好多人都叫佢個瑞士汁雞脾👍🏼👍🏼以下5分為滿分🏞環境：⭐️⭐️⭐️🤝服務:⭐️⭐️⭐️⭐️🧹衛生:⭐️⭐️⭐️🤤美味:⭐️⭐️⭐️⭐️🍴推介度：

今日去開荃灣，相約友人一試「樓下冰室」， 等了大約3-4分鐘便可入座，外面天氣好熱， 餐廳也是， 冷氣不夠凍， 坐位狹窄，坐位分佈很密。坐下後友人叫了咖哩牛腩飯， 我點了蕃茄炒蛋通粉拼雞翼， 兩杯凍飲。友人下單時忘記了叫小飯，想找侍應後補， 侍應回覆「算啦，要搵返張單好麻煩， 由佢啦」，餐具好衛生情況恐怖，桌邊櫃筒內的餐具有食物污漬，仲係濕嘅🤢，食物也很一般， 友人說飯沒有飯香， 很散，我的蕃茄湯味道很甜， 感覺有加好多糖， 其實整體食物好一般，衛生欠佳， 無下次。

過去一個月都真係好攰！食咩都唔想諗，但又唔想食得太差。所以食樓下冰室就無錯。其實每次都想試個蕃茄意粉，但每次都因為個雞脾而揀食返蕃茄通餐。雞脾係必食之選，雖然雞翼都係人。但雞脾多肉，可以點返佢的瑞士汁。每一啖都沾滿汁的雞肉，好美味。另外，選了蕃牛通，朋友則選了蕃豬潤通。豬潤係好食的，下次我都揀返豬潤。飲品半價，成個餐每人約$65。可能你會覺得食連鎖餐廳有飯食會抵d。不過，求好食同飽肚係兩回事。睇你求咩囉，我就求好食喇！

★★★★特色蕃茄濃湯通粉配牛乳炒蛋 $50份量足夠，不過蕃茄湯並唔算太濃郁，不過咁樣清清地感覺較健康嘅，仲有D蕃茄粒係湯入面一齊飲，開胃之選～炒蛋尚算嫩滑，食到淡淡奶味★★★瑞士雞翼瑞士雞翼，上碟大大隻，色澤睇落都非常開胃咬落亦啖啖肉又多汁，肉質嫩滑，不過似乎醃重手咗D，非常入味，咸味比甜味略重★★★★香煎豬扒呢個香煎豬扒貌似普普通通，但佢做得好出色，完全唔乾身，肉質咬落非常juicy！又冇筋只有邊位一條骨，個人認為呢個水準上仲高過招牌瑞士雞呀樓下冰室 整體評分★★★★地理環境★★★店內裝修整齊，尚算闊落服務★★★★態度良好，招呼快食物★★★★上餐快，味道唔錯價格$$$中等合理

今日落雨濕濕做嘢行過荃灣路德圍，同行人士話肚餓就入閘試下佢見佢menu都幾多選擇，係正常冰室提供到嘅食物，心諗其實都唔太肚餓，要試就試下散嗌佢啲小食，又可以share下入到去人唔算多姐姐仲安排左個卡位俾我兩個叫左佢隻招牌瑞士雞髀，上到台就知係好野，色澤均勻，肥美大隻。切落真係啖啖肉仲要係juicy, 咬落香甜又唔腥，其實好想encore ！每間冰室都有佢嘅必殺技，睇嚟呢間冰室係專注於焗肉醬類別。試咗三款肉醬系列，個人推介佢個熱狗，時間拿捏得岩岩好，做到皮脆juicy ,唯佢肉醬對於食開清淡既朋友會覺得比較濃味總結此店系荃灣平民價錢係值得做日常飯堂既，佢個雞脾值得回味！

現在的冰室開到成街成巷都係，但我覺得有些冰室，價錢都會很貴，今日去到荃灣探個朋友，就入咗去（樓下冰室）嘗試一吓，餐廳地方不算太大，但已經坐滿了客人， 咁即係話應該十分抵食， 最重要係食物質素好，先可以keep住一班顧客。瑞士雞髀，瑞士汁先係主角，雞髀大隻，索曬全部瑞士汁，顏色又好深好靚，仲食到舐舐脷。番茄蛋通粉，用大量的蕃茄蓉做湯底，煙韌的通粉索曬番茄汁，再加上滑蛋，成碗通粉食到津津有味 。炸餃子每隻都金黃香脆，食落口時仲啖啖肉，香口十足。

明天不用返工，約埋同事去到公司附近路德圍（樓下冰室)食番個晚餐，然後再出去尖沙咀飲杯嘢先回家，所以今晚不需要趕時間，咁就可以慢慢嘆啦！餐廳招牌菜，蕃茄濃湯通粉，再配雙腸同牛乳沙蛋，通粉煙韌，湯底非常濃郁入味。瑞士雞翼，餐廳另一招牌菜式亦不可錯過，食落口時雞翼已索曬濃郁的瑞士汁，帶些甜味，最重要就係雞翼嫩滑而不老，十分美味。麻辣脆雞粒，啖啖肉一口一粒非常方便入口，麻辣味道充滿味蕾，十分醒胃。最喜歡食香腸的我，當然不會放過，厚切而不太肥膩。食物款式也好多種類。

之前一直有食開，到而家水準冇一次有失，而服務方面，從來都冇唔好既員工，雖然佢哋態度一般，唔會話好熱情，但係佢哋有求必應，這就是我一直有去光臨的原因！.依到最岀名最多人食既就是番茄湯螺絲粉+一個小食($50)，番茄湯入邊會有炒蛋係面，個番茄湯係極之濃郁，炒蛋都好滑，而小食我有食過瑞士雞髀、瑞士雞翼、吉列豬扒、吉列魚柳、麻辣雞粒，我只可以說，沒有一樣是不好吃的‼️.其中瑞士雞髀係佢哋嘅招牌，不妨可以試試佢哋個雞脾，然後再試吉列豬扒！

一如既往，每次嚟到呢間店舖，都係咁人頭湧湧，今日tea time又嚟到食我最鍾意食嘅蕃茄通粉，貪佢蕃茄通粉同以往一樣保持香濃，同我honey一樣~<<特色蕃茄濃湯通粉配牛乳炒蛋 + 牛肉 58$>>好重既茄蓉味道，加上好似用牛油炒既牛乳炒蛋，一鮮一香。鮮牛十分嫩滑，無煮過龍，三者加埋係一個下午茶有營好配搭<<吉列豬扒>>配上薄薄既麵巴糠去炸，炸得剛熟，入口鬆脆，配上千島醬、沙律菜和通粉和一和，正<<咸檸柒>>以上既配搭，加上咸檸柒，等於一個完美既afternoon tea，呢層不用解釋吧XD 埋單60零蚊，有lunch甘飽，都抵食

係荃灣路德圍永遠都唔洗驚冇野食今日就黎到樓下冰室食野有別於普通嘅冰室呢間冰室打響名號係出名蕃茄通粉同滷水雞髀裝潢都有少少懷舊feel蕃茄通粉湯底濃郁而個湯基本上都飲晒咁滑蛋唔會過熟，保持返滑滑嘅口感雞髀滷得好入味又唔會好老基本上如果第一次食呢個餐一定係必叫可以稱得上係招牌菜當然其他野都有佢特別之處因為朋友不太喜歡蕃茄所以佢叫左火腿奄列配蒜蓉多士下午餐黎講分量一流而火腿亦都唔會得三兩條炒蛋都控制得不錯，唔會過熟焗芝芝薯角上得出奇地快但上到時熱辣辣出晒煙仲有好香嘅芝士味薯角係有炸過再去焗，令薯仔嘅質地更加霖加上佢唔止面有肉醬就連中間都有大大加分飲品方面，第一次見到有綠椰冰覺得幾得意就試下其實就係綠豆冰紅豆就聽得多，綠豆都係第一次佢會相對比紅豆冇咁甜同口感會比較清新唔鍾意太甜一定要試下佢

懷舊冰室有樣野我好中意既,就係佢既獨有味道。叫左隻瑞士汁雞脾,相當出色呀!隻味同普通既SOYSAUCE雞脾好唔同。勾起我兒時食雞脾既回憶。佢講到紅豆冰係必飲,我當然點左啦,紅豆煮到成沙,同D椰汁好夾,紅豆味滲晒係D椰汁到,終於知點解一定要飲。另外我仲叫左公司三文治,裡面有厚厚既雞蛋,蕃茄,火腿,煙肉,沙律菜,超豐富,好好味,仲配埋薯角添。叫左咁多野食,貪新既我仲叫左阿華田脆脆。勁中意佢D脆脆,阿華田都好濃呀!呢度有好多懷舊既圖片及FIGURES,好有果個時代既感覺。我細個係度長大,所以黎呢度食真係好有FEEL。老闆娘好積極叫人黎幫襯,服務態度都好。呢度好近荃灣,下次經過都會再黎呀!下次真係要食蕃茄通啦,鎮店之寶。

路德圍是出名的食街，很多不同類型的美食，簡直花多眼亂，走著走著，就到樓下冰室，午飯時間人還沒多起來。有很多選擇，我們點了鮮茄濃湯牛肉通粉，配牛乳炒蛋，牛油厚多士，挺豐富的。另一個就點比較簡單的粟米汁雞扒飯。果然是濃湯，很濃的蕃茄味，牛肉煮得剛好，很有厚感，牛乳炒蛋甜甜滑滑，好可愛，厚多士脆脆的剛好。另一個粟米汁雞扒也不錯，一直很怕雞扒炸得黑黑的，但這個沒有，少許還是有的，但可以接受，這樣一口下去還雞油，粟米與汁分量也很好。檸茶就是普通的，沒有甚麼特別。