樓下冰室 (已結業)

My usual restaurant in the area was closed so I went exploring around the area for other restaurants. This place looked crowded so I went inside to give it a try, however I was disappointed. Visited at 1130, unwelcoming staff, took an excruciating long time to come and take my orders, the waitress practically threw the receipt onto my tableonly half decent food but for 45 hkd it is not expensive. Will not visit again

今日收工之後，約咗朋友嚟到荃灣搵嘢食，經過見到呢間冰室裝修懷舊，食物亦都幾吸引，就入咗去試吓，果然有驚喜。我哋兩個人叫咗番茄米線配瑞士雞翼，滑蛋叉燒飯，仲有芝士西蘭花，嘢飲就叫咗紅豆冰同埋阿華田脆脆，最後大家都食到飽飽，好滿足。蕃茄湯好足料，茄味濃郁，好開胃，值得一讚。而瑞士雞翼亦都好入味，啲雞肉好林，呢度嘅瑞士雞翼係雞全翼，感覺更為滿足。而滑蛋叉燒飯份量對我地兩個女仔來講就好大，啲蛋夠滑身，啲叉燒亦都好腍，好味。芝士西蘭花嘅份量亦都唔少，啲芝士有少少拉絲嘅效果，亦都做得唔錯。嘢飲方面，阿華田脆脆唔會落得太多水，唔似平時其他嗰啲餐廳落得太少粉，味道會太淡，呢度就冇咁嘅情況。總結來講，食物質素唔錯，會再嚟幫襯。

知我朋友中意特濃蕃茄湯粉，印象中有節目介紹過呢間樓下冰室唔錯，帶佢嚟食下，我地差不多兩點入座，都多人食，餐廳座位鋪排比較壓迫，陳設具懷舊feel，朋友叫咗叉燒蕃茄螺絲粉配炒滑蛋同厚多士，我麻麻地蕃茄味嘅食物，所以叫咗個穩陣啲嘅午餐～咖喱牛腩飯。　蕃茄湯確實香濃好味，而且好大碗。但炒滑蛋有點失色，好似炒過火，有D老。而我的咖喱牛腩飯就OK喎，有五~六嚿牛腩，口感軟實，咖哩微辣，用嚟送飯是一個不錯的選擇，而且份量都足，係飽肚之選，這個冰室👌的，由於見餐牌停咗瑞士雞翼散叫，但叫餐又食唔晒，所以放棄了，見佢地都推介瑞士雞翼，我朋友都幾滿意，有下次

之前一直想搵邊度嘅蕃茄濃湯好味嘅舖頭, 喺網上介紹呢一間樓下冰室推介嘅蕃茄濃湯果然掂👍, 今日同朋友去試下lunch,叫咗一個午餐係蕃茄濃湯螺絲粉配叉燒,同牛油多士炒滑蛋,個蕃茄濃湯得來好有番茄味,但係又唔會太過濃過火,恰到好處, 下次會再食。佢午餐都有好多選擇, 我朋友就試咗個咖哩牛腩飯都好得, 啲牛腩好淋,咖哩汁夠味唔會太辣唔會太淡味道啱啱好, 可以將全部飯食曬。至於茶餐廳應該ok嘅奶茶,反而真係好普通冇乜特別, 茶味唔夠濃, 我可以改善尼一點就perfect👌。不過侍應生的服務態度就好一般啦

今日又來食樓下冰室啦！一排無食有D掛住個招牌 叉燒滑蛋飯大大舊叉燒加上即整滑蛋再淋上秘製豉油汁，超級大碟飯一個普通女仔一定食唔曬！撈埋一齊食隻越食越想食！不過都係食唔曬另外介紹如果唔係好肚餓既選擇蕃茄濃湯通粉其實都好大碗！！仲可以加餸，睇你係想要直接加入通粉煮既配料定另外炸既配料都有，加埋又係勁大份食得曬先好加啦！少少酸既蕃茄湯好開胃，其實淨係通粉份量都唔少食曬成碗都已經好飽！！再加上一杯 菠蘿冰🍍用新鮮菠蘿肉整成，冰涼感覺最岩夏天啦

樓下冰室係香港有兩間分店，食咗店家推介嘅冰室炒意粉、免治牛肉飯、番茄通粉，仲有脆雞粒，意粉好入味，仲有好多蔬菜，搭配食唔會覺得好膩，仲越食越想食添，係要講下牛肉飯，成碟送上黎有個好大隻嘅煎蛋蓋住，牛肉都放左好多，分量大，如果細食嘅人可以兩個人share，飯嘅軟硬度偏Q軟，但系唔會好似好濕好爛那種飯甘，一粒粒好分明，吃落feel good，hh，雞粒好多肉！！完全誤會系出邊全部都係炸粉，好味，紅豆冰正！

樓下冰室分店唔多間，所以每次都專登入黎荃灣去食。樓下冰室嘅蕃茄麻辣濃湯通粉，加埋佢地既瑞士汁雞髀真係超級邪惡，雞髀超入味，仲有炒滑蛋，真係好好味！佢哋嘅蕃茄係採用新鮮蕃茄，所以食落起嚟係幾新鮮，仲可以食到淡淡蕃茄肉。最特別就係竟然蕃茄係可以配埋麻辣湯底，呢個組合真係坊間少有。辣辣地嘅蕃茄湯通粉啱晒我哋呢啲無辣不歡嘅朋友！●綜合評分: 1. 湯底: ★★★★☆ 2.食材: ★★★★☆ 3. 環境: ★★★★☆ 4. 價錢: ★★★★☆

成日比同事荼毒話荃灣有好多好嘢食，就算係街邊所有嘢食都好吸引🤓包括茶餐廳。咁今日我哋放工就同朋友一行三人去咗荃灣一間冰室度食嘢，貪佢可以傾計，而且坐得又舒服。哩間荃灣「樓下冰室」嘅位置好好搵，佢就係喺荃灣買豆腐花好平嗰度隔離，喺路德圍。而家夏天大熱天凍飲真係唔少得，所以大家都有叫飲品 🤓 一杯話梅柑桔蜜，另一杯係大家成日都見到嘅紅豆冰。紅豆冰甜度啱啱好唔會太甜，奶都好適中。😎朋友話杯話梅蜜好清甜，好啱夏天飲，好解渴。瑞士雞翼3隻，我本身都係一個雞翼怪，佢個瑞士汁雞翼真係好吸引，甜甜地，同我係之前喺尖沙咀食過一間勁貴嘅西餐廳（瑞士汁出名既）有過之而無不及🤨但係價錢相差一半有多，所以真係樓下冰室吸引好多😜冰室炒意粉 ！ 呢個炒意粉係令到我哋三個最最最喜出望外嘅。開頭覺得佢係會平平無奇嘅一個意粉，食落口嗰種味道係充滿蕃茄味、甜甜地，而且哩個意粉係今餐飯最好食嘅一碟餸出奇地。🥳🥳公司三文治，，平平無奇冇乜特別，同一般普通食到嘅公司三文治差不多🤪呢個就係佢嘅招牌菜蕃茄通粉，而我選擇嘅配菜係牛肉同豬膶，番茄湯底好濃郁，我發覺呢間冰室好出名嘅應該係蕃茄😋🤨因為佢有蕃茄做配菜嘅餸都好好味😋😋肉醬炸薯角

由於工作OT關係，又到左一個人的晚餐時間，身在荃灣路德圍，要享受一個男人的浪漫，又想一次過滿足四種口味慾望，茶記一定是我首選，剛好找到附近的樓下冰室，這間算是非一般的茶記冰室，店內用了香港地道文化的裝潢，蕃茄的海報、紅綠字的膠片、懷舊的相片等，蕃茄湯的吸引力瑞士汁系列: 瑞士雞翼(推介!!)甜而不肥膩的瑞士汁，味道香又濃郁，兩隻全雞翼多肉入味，最難得是碟上的瑞士汁特別多，讓雞翼能夠內外也沾上咸中帶甜的瑞士汁，開胃惹味。完全能夠滿意我那種喜好重口味道的野心。蕃茄濃湯系列:由於留肚食多個邪惡小食，專登不叫那人人都叫的經典茄通，叫了個濃茄湯米線配牛乳炒蛋加豬潤，個人覺得米線比較通粉更入味滑溜，蕃茄蓉、蕃茄粒及加了香草的炒蛋色澤分明，豬潤熟度與口感也不錯。邪惡小食系列: 芝士焗西蘭花焗過的芝士面層香噴噴，西蘭花熟度剛剛好，西蘭花下仍存水份，讓芝士混合得適當，食落不會太乾身，如果怕熱氣又要健康這是必選一款。特飲解渴系列: 阿華田脆脆唔駛講咁多，飲華田，「識飲一定加可可脆脆!」👅美味: ⭐️⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

同左屋企人，響荃灣住左晚酒店，想繼續延續度假既感覺，好悠閒地落街食早餐。樓下冰室，好明顯充滿香港人味道，經典炒蛋，厚多士，沙嗲牛麵，茄叉通，多士夠厚夠脆，蛋滑又香特別一提，茄叉通，好濃郁既蕃茄湯，酸甜適中，加埋杯奶茶，簡直係完美既早上

表妹放緊暑假，趁仲未開學，今日揾我行街食飯，經過路德圍，表妹話未食過呢間冰室，我同佢講我食過瑞士雞翼好正，表妹即刻好開心話要試下。我點咗一碟滑蛋叉燒飯，大大碟，好多蛋同叉燒，舖滿成碟飯，叉燒係半肥瘦的，好食。表妹要了焗芝士肉醬意粉，因為係即叫即整，要等廿分鐘都無所謂。呢份意粉亦係好大碟，熱辣辣，好多蕃茄芝士，想唔好食都幾難。見到隔離差不多每枱都有叫瑞士雞翼，我哋都唔執輸，啲雞翼都幾大隻，醃得好入味，保持水準。飲品要咗阿華田脆脆同菠蘿冰，阿華田上面嘅脆脆真係好脆，菠蘿冰嘅菠蘿係新鮮菠蘿嚟㗎，一邊食一邊飲，爽！我哋兩個食到好飽，埋單找數都係佰零蚊，表妹話好抵喎，咁我又覺得真係好過去快餐店多多聲囉！

住係荃灣既朋友對呢間冰室一D都唔會陌生🤨 門口好大隻字寫住樓下冰室🍅一入到門口 待應就好熱情咁問你：「幾多位 埋便卡位啊！」 呢種感覺好傳統冰室既感覺！呢度既招牌係Tomato 咁一定要叫嚟食下！呢個係一個set 《特色番茄濃湯通粉配牛乳炒蛋》仲可以自選一款小食！我就叫左一隻（招牌瑞士雞髀）個價錢好合理 都係$50！番茄湯係勁勁勁濃郁 炒蛋好滑好香隻招牌瑞士雞髀好入味 而且肉質好嫩口平時好少會叫小食 但見佢係冰室 好想試下佢既唔同小食 分別叫咗 《焗芝士西蘭花🥦$36》味道較重味 外層好香既芝士 而底層有少少粟米湯既味道 整體不錯《炸薯角🥔 $28》以為會係普通既薯角 但佢既外皮好香！有一種食完好想再食既感覺！完全停唔到口😭就算好熱氣 都仲好想食！🥴《麻辣脆雞粒🍗$38》呢個脆粒同上圖一樣都係食到停唔到 唔係真係好辣 只係外皮有辣粉 但好香口 好食過KFC既雞粒 入面既雞肉仲好有。唔會乾爭爭😋最後大胃王既我 點都一定要叫個飯 一向好鐘意食咖哩飯既我就叫咗 《金牌咖哩牛腩》呢個咖哩可以有豬牛雞選擇！ 份量係好大份 牛腩唔會痴牙 好𣺉 值得一讚！咖哩加入椰漿所以好香😚餐飲方面 我地兩個都

今晚屋企無煮飯，又突然好想食茶餐廳冰室之類嘅野食，就嚟到荃灣路德圍樓下冰室試下！😬😬😬聽朋友成日介紹樓下冰室嘅蕃茄湯通粉好正！仲有招牌瑞士雞髀！所以就一定要試試佢！佢呢個特色蕃茄濃湯通粉配牛乳炒蛋（$50)可仼選一款小食，我地就叫左招牌瑞士雞髀，佢個蕃茄湯通粉真係好入味，蕃茄湯配通粉幾時都係perfect match!個蛋炒得好滑好有奶味！正！瑞士雞髀肉好嫩口，煮得好入味，好有屋企煮嘅感覺😍另外叫左個金牌牛腩咖喱（$50)，呢個咖哩飯可以配牛腩/豬扒/雞扒，個咖哩汁好嘢味，辣辣地好開胃！岩哂好肚餓嘅我地！牛腩煮得好淋，啖啖肉真係好滿足😍小食方面，叫左個焗芝士西蘭花（$36），真係剛剛焗好出嚟，熱辣辣，好重牛油香味！上面全部都係芝士好吸引💕仲有炸薯角（$28），係出奇地好食，本身以為係普通薯角味，點知一食，好卜卜脆！小食特別推介呢個！☝🏻☝🏻☝🏻☝🏻☝🏻☝🏻☝🏻☝🏻☝🏻仲有呢個麻辣脆雞粒，見到個名有麻辣好吸引😍就試下佢先！嘩真係有驚喜架！剛剛送上嚟有陣陣嘅麻辣香味，食落完全好有巴辣雞粒嘅味！超開胃超好味！唔洗5分鐘食清哂🤪最後叫左華田脆脆（$22），佢唔係一般嘅凍華田，佢啲脆脆配埋成杯飲

之前成日聽朋友講路德圍有一間食瑞士汁雞翼好好食嘅冰室，路德圍咁多嘢食，呢日我都係聽朋友嘅推介去咗依間樓下冰室食午餐😆鋪面裝修都走懷舊風，座位大部分都係沙發，坐得舒服😆午餐都好好多款可以揀，有飯有麵有沙律，男嘅想食飽啲又得，女嘅想食輕型啲都可以！而飲品跟餐配都係半價。嘢飲方面叫咗凍檸樂同埋阿華田脆脆🍹阿華田非常之濃郁，唔會話入邊加咗好多糖水，同埋面頭嘅脆脆用咗喺底之後又有啲口感，感覺幾特別。我哋叫咗一個咖喱牛腩飯餐同埋一個吉列豬扒配沙律餐。店員提醒我要食塊多士先，因為凍咗就唔好食，果然係烘得好脆口！不得不提佢嘅豬扒係非常之嫩滑，加上係即炸嘅，熱辣辣新鮮送上！配上嘅沙律係薯仔雜果沙律，入面用嘅並唔係全部都係罐頭水果，而係有新鮮蘋果，再加上薯仔有少少咬口，冇煮到好淋，依家好少茶餐廳或者冰室仲有新鮮水果嘅沙律食👍🏻🤩食咁多肉所以都想食返少少菜，所以就叫咗個芝士焗西蘭花🥦碟野嘅份量都幾多，懷疑足足有成個西蘭花，加上佢啲芝士並唔係好油膩，配上菜度焗啱啱好，推薦大家可以叫依個小食！另外佢嘅必食瑞士雞翼都係非常入味，而且好大隻，肉質鮮嫩，配飯一流！又係另一推薦！

今晚約咗個朋友，好耐冇見，以前係呢邊讀書，成日都會嚟呢間餐廳食，今晚特登約返嚟呢間餐廳食，食返小時候嘅味道。都係年幾冇黎食，水準依然無變，最出名嘅瑞士雞翼，真係見到都流口水。叫咗個雞翼餐配沙律，啲瑞士雞翼真係好入味，同埋都係咁大隻，我哋一人一隻，留返個肚食其他嘢。細細個最鍾意下午茶嚟食炸餃子，啲餃子新鮮熱辣上，炸到好香脆好惹味，不過啲沙律醬唔夠，次次都要額外再加，因為我真係好鍾意食沙律醬。另外再叫多個芝士焗西蘭花，份量好大個，價錢又唔貴，面頭鋪左好多芝士，呢個價錢真係物超所值。