樹記腐竹全駿記 (已搬遷) 新店位置

見BLOG友介紹大埔的樹記雪糕及壁畫，有興致看看，雖然經常出沒大埔，但卻沒留意壁畫的存在ORZ...於是，假日在大埔逛逛了，是日天氣酷熱，先到樹記一轉，樹記腐竹出名，但原來也有出品雪糕，見不太多人之下即幫襯了。 腐竹味雪糕，$18，小小的杯裝雪糕，雪糕質感不算好軟滑，口感是正常水準，腐竹味濃，甜甜地，幾好味呀。 之後去看壁畫，好靚呀。 再一直行，去到火車博物館，好耐冇去過了，順便行下，今次反而比個模型吸引左呀。

工作中咁啱去到大埔，住大埔同事推薦呢間腐竹製品店，有腐竹雪榚食，趁中段有少許時間，特登行去買來試，黃色門面好細，門口一個櫃檯，唔使行入去，去櫃臺同阿姐店員講低要嘅貨品，店員袋好比客人！呢度其實似雜貨店，掛咗好多豆類製品，仲有適合食素嘅人嘅食品！有幾款豆類製品嘅甜點！買埋比同事食！阿姐好爽手，仲親切問埋我要不要加錢配埋乾冰！幾窩心！因為即食所以無加！腐竹雪榚（$18）價錢唔便宜，細細個紙杯，打開有一張膠片封口（竟然係Gelato!)要等一陣子半軟身再𢳂來食，奶黃色雪榚好香濃嘅腐竹味，加啲奶香，好像食緊腐竹糖水嘅雪榚版，味道唔太甜，食落好好味！好似分子料理嘅感覺！好味！絕對唸唔到中式食品店可以做得咁出色！抵讚！

深水埗有名的樹記腐竹因家族糾紛而結業，四弟在大埔運頭街重開的腐竹店易名樹記全駿記，雖然不及舊店經常排長龍但東西做得認真一樣其門如市。今次幫襯既算係新産品，就係腐竹雪糕啦！細細杯，80ml, 價錢不便宜，要$18，拍得住外國入口杯装雪糕。打開看看，淡淡奶白腐竹顔色，好似好天然咁!吃一口，嘩，真係好香腐竹味，有奶味但不會蓋過腐竹味，也不太甜，軟滑可口，就是細了點。店員建議因雪得很硬待數分鐘後才進食，記得聽話啊！如考慮帶回家品嚐店員說大概一小時內應該沒有溶掉問題。

大人同我講，你要認住、認住、認住呢度，呢間至係正宗「樹記」，其他果D無甘好食。其實之前我從來無幫襯過任何「樹記」，都唔知究竟有咩唔同，不過每次經過鋪頭，無論平日定假日，都一定有人排緊隊，分別只係隊長家短。見每逢假日，就見到個個都攞住標雪糕，心稔，真係甘吸引？呢日趁熱返少少，條隊又唔係甘長，買返杯試下先。鋪頭招牌下面寫左，佢地無其他分店，同埋最好通知埋親戚朋友知。哦終於明白大人點解甘認真甘同我講大埔至係正店，佢真係好聽話，跟住鋪頭指示做bor.原來佢地仲有Facebook，就叫「樹記腐竹」，Facebook仲有食譜教大家點用佢地D材料整野食。平日條人龍唔係好長，職員好快手下，所以等一陣就買到。「樹記腐竹雪糕」：$18一杯，2杯平D，好似$32(因為只買一標，唔太記得2杯實際金額)。成份有鮮腐皮、水、奶、忌廉、砂糖，......根據食物標籤，鮮腐皮放第一，即係材料入面最多係佢啦。打開蓋之後，有層膠膜保鮮。撕左膠膜就係「樹記腐竹雪糕」真身，hello你好呀ice cream，聞名不如見面，想食你好耐架啦~~今日終於得償所願。雪糕都幾扎實下，我由鋪頭過埋對面馬路，行埋去運頭角遊樂場，個雪糕都無

知名老店，總避不過兄弟爭產的命運。深水埗的百年老店「樹記腐竹」，兄弟因財反目，對薄公堂。老店「樹記腐竹」創辦人孔樹育有七名子女，後來由四弟與二哥合夥經營，但四弟不滿二哥在一街之隔另開設「百年荳府」，出售腐竹、枝竹等同類產品，遂入稟高等法院，「百年荳府」隨之結業，兄弟各自另起爐灶。四弟家人在大埔開新店「全駿記」，最近，店旁又多了「樹記腐竹」。 店門人頭湧湧，大家搶購的，是「樹記」獨創 - 腐竹雪糕也。腐竹雪糕 $18/ 杯，自家設計包裝，蠻有特色。據說，小店每日都會送腐竹去雪糕廠，每天新鮮製造 Gelato 雪糕，再送返店中出售。打開雪糕杯，奶白色雪糕，入口質感細滑柔軟且粘粘的，味果然十分突出且濃郁，甜度適中！

樹記的名號 無人不知道 從以前在深水埗 到現在移居大埔 水準一樣高 心機手作全靠祖傳手藝好 非那些盲毛隨便模仿到 聽說冒牌店在深水埗原址附近扮老師父開鋪 所以想吃得好要認得香港正牌老字號 樹記腐竹的好 在於既香且滑兩面兼顧到 用來煲糖水最好 響鈴也是必買一道 是唯一一款略過湯後豆香依舊 三不五時買來打邊爐 今天經過發現出了雪糕 自然要一試葫蘆 自家制的Gelato 滑溜度不是頂級的好 但勝在豆味濃郁甜味不高 清香順喉已經很好 會誤以為凍腐竹糖水來報到 新產品質素算幾好 不試試會走寶 不過記得認住可愛的新Logo 識撑要撑香港正牌老字號

由深水埗舊鋪已幫襯過堅·樹記，對於依家有人想魚目混珠，堅嬲。老字號由新一代接手，在保持傳統之餘也試試搞搞新意思，創出腐竹雪糕。的確吸引咗唔少新客源，個個客人不論老中青都買來試試。$18杯，都幾細杯，約半個雀巢雪糕杯嘅size.雪得過硬，有碎冰感，口感唔算creamy, 微甜，有淡淡豆香。總結: 欣賞創新，但還是傳統製品更誘人

樹記出名腐竹製品。最近有新出品係「腐竹味雪糕」。$18 / 杯的確有d拿利。同某雪糕品牌價位相近。一試🤔仲以為食緊腐竹糖水。味道濃郁又唔假。小小甜。食多杯都唔怕肥。正丫

大埔有一間老字號專賣腐竹既鋪頭「樹記腐竹全駿記」，竟然賣埋雪糕「腐竹味」，仲要係Gelato雪糕添，咁就要專程試試啦。「腐竹味雪糕80ml」$18/1個，$32/2個。店員提示要4分鐘後先食，融化下再食，食落去好似腐竹雞蛋糖水既味道，腐竹味好濃，唔太甜，好好食，未食過既真係要去試下啦。

上星期睇到網上介紹話百年老店有得賣腐竹味雪糕係由老闆女兒研制出黎， 食得大埔既豆腐花多又試下傳統食品- 腐竹既變奏- 腐竹味雪糕。所謂創意就係平常既事物增添左新既原素， 腐竹味雪糕就係一個好例子。 18蚊一盒80ml , 2盒特價32蚊。有指示買左放4分鐘先食～有依足指示等下先～～ 佢其實口感好似比較硬d既雪芭咁， 所以要放一放先唔係真係食唔到。放一放等佢融下就啱啱好啦～味道就好似白果腐竹糖水綿綿冰咁， 都幾得意嫁～腐竹味好濃， 夏天食真係唔錯～