橫浜街場 (已結業)

平時食開啲任食邊爐食到厭，今次同朋友行開黃旺角睇到呢間火鍋點店有藥膳湯底幾特別，就決定入去試試😛我地去嘅時間比較早，所以未有好多人入場打邊爐，接近包場咁濟👍🏻 餐廳座位闊落亦坐得舒服。如果多人嘅話餐廳仲有一間房仔選擇，好適合一大班親朋好友一齊黎打邊爐傾偈聚會👍🏻醬料配料同出面火鍋店分別不大，基本蔥，鮮蒜，炸蒜，芫茜齊全。餐牌選擇幾清晰，主要藥膳湯底同肉類可以係落單紙上揀，主菜如餃，丸，響鈴魚皮會跟人數上，唔洗揀，夠方便👍🏻至於其他菜類，肉類，麵類等配料同埋飲品可以係餐廳提供嘅平板上選擇同落單，好方便。上菜速度亦十分理想。今次我同朋友揀左姬松茸雞湯底，配料好足，半隻雞加上姬松茸，杞子，人參等等令成個湯底好濃厚鮮甜。店員亦有建議我地先飲湯，享用雞件之後再落火鍋料。特別一點係，餐廳所用嘅木筒鍋底擺滿左石春同埋圍住桶邊有幾個孔，方邊客人可以直接係果啲孔到承載湯底飲用，直接過濾左多餘油份，好創新亦貼心。牛頸脊肥牛片肉質鮮嫩肥美，輕輕淥十秒左右就可以，同朋友極速清曬成碟，好推薦!!其他火鍋料如手工餃子同丸類，即炸響鈴等亦睇得出餐廳選材嘅用心同誠意，唔係用出面現成急凍材料👍🏻

朋友推介呢間養生火鍋很不錯！我們在openrice先訂左位，還有折扣呢！呢度環境不錯，地方較大，坐得舒服。食物方面，可以用性價比超高來形容！我們點了超有少女心的心型鴨血，香脆的鹹蛋魚皮，響鈴，和牛和紫淮山，配上養生韓式火鍋，很喜歡木桶的設計，木桶裡有一層隔油的石，然後在小洞裡盛起雞湯喝，一點也不會油膩，喝多也不會濟，也不會很鹹！感覺好滋補養生！

又是火鍋怪出動的時候了！雖然現在正值炎夏，每天都很熱，但是依然無阻我和男友🐽對火鍋的熱情，所以我們又出動試一下這間火鍋店。這間以木桶火鍋套餐出名，但是原來近日已經轉了menu，所以現在會供應火鍋+串燒放題，藥膳湯底也需要額外價錢才能享用了。🍽美國牛肩肉+串燒放題我們選擇了沒有海鮮的，因為不太餓，我們怕吃不完🙈 首先會有前菜，這次有泰國無骨鳳爪同醃蘿蔔。泰國鳳爪很清新，味道也重，不算太辣。反而蘿蔔更加辣，而且爽脆的口感令我更加開胃🤤 大家也可以在豉油碟裡加入多達六種的配料，餐廳會在一開始提供，然後就會拿走，所以大家記得一定要拿足夠的份量☺️每一桌都會有一部tablet用來點餐，除了方便環保之餘，也令大家清楚看到有什麼食物下單了，就比較難漏單了。我最欣賞的是食物會用（件）或（份）來標示，非常清晰，大家也可以按照自己的食量調整，如果有些東西只是想試一下，可以叫一件，喜歡才加單👍🏻這次我們選了360牛乳海鮮湯底，湯底很濃，但是牛乳味不算太突出，但是感覺比較清新，而且有很多西洋菜，所以西洋菜的味道也很突出。湯底用木桶模樣的鍋，所以會比較深，可以一次過煮很多料👍🏻食物種類包括肉類、海鮮、丸類、蔬菜.

今日約左朋友係旺角睇戲，睇完戲既時候諗住搵個地方食下飯，見到呢間木桶噴泉火鍋好似幾得意，有別於一般既火鍋店，於是就去試下。搭𨋢上到去，個環境都唔錯幾舒服，唔會話好迫，同埋唔會好大陣油煙味！幾乾淨～因為我同朋友都唔係話好肚餓，所以我地唔係食左好多野。湯底方面，我地揀左個「超甜粟米蕃茄湯」，真係好甜！ 唔錯！而且啲料都幾多。我地點左「肥大肉蟹」，幾多肉，不過蟹既鮮味就一般，唔錯好出色。我地每人點左份「海鮮拼盤」，有鮑魚、蝦同扇貝。全部都好鮮甜！呢個我同朋友都讚好。另外我地仲點左個「魷魚筒」，我地點左兩份。

好中意打邊爐既我成日都係度搵好食既火鍋店。黎度叫左個HOTPOT放題。野飲同大部份野食任飲。叫左兩種湯底,一種係牛乳湯底,另一種係海鮮麵事湯。用機點野食,好方便。好快上。我最中意既係肥美既蟹棒。叫左好多丸,有蟹子係裡面的。叫左好多唔同種類既菜,新鮮。又叫左D串物,有甜薯,翠玉瓜,唔錯唔錯!飲品好多選擇,叫左盧會汁,好健康。呢度又係好多SAUCE既配料可自選。好多肉,豬牛雞都有,我叫左牛肩,冇肥牛咁肥。當D湯就黎冇時,服務生就會自動自覺黎加湯。本身好想食呢度既海鮮餐,但HOTPOT餐又平D,所以就冇叫到呀!佢個木桶鍋好似好正咁GA!應該係呢度既賣點。呢度既裝修好日本,有特色。放題黎講都算平,下次再來!

本身諗住search旺角打邊爐既餐廳 search既時候睇到橫浜街場依個名 剩係覺得係似食日本野既餐廳 但原來係木桶火鍋 最後我地揀左晚市海鮮火鍋套餐 湯底要左印度椰子雞湯先講湯底 湯頭好香 好有椰子味 一路食都見到有好多雞件係湯入面 木桶底有石春keep住保溫同增加礦物質👍🏻👍🏻 成餐不停咁飲個湯 但都唔覺口乾或者似味精湯 真係好香濃 果然冇叫錯名（濃湯）啲嘢食唔使點豉油已經好有味 因為已經有雞湯味手工韭菜餃好江重韭菜味 好好味👍🏻👍🏻手工西洋菜餃都好特別 出面好少搵到西洋菜整既餃炸魚皮好大塊 好驚喜會有咁大既魚皮跟餐我地揀左手切安格斯手頸脊肥牛片 好多片 好有牛味食完仲有甜品另外全場任飲白酒、紅酒、啤酒或汽水 我地都嗌左啲酒黎試 白酒同紅酒好易入口 不錯不錯食完好滿足 個晚仲有75折優惠 咁既價錢既嘢食好有質素呀

前幾日同朋友喺旺角行完街，見時間尚早加上我哋又好肚餓，就嚟咗呢一間火鍋放題嘅餐廳，因為我哋唔夠六點就黎到間餐廳，所以間餐廳都冇乜人。但去到六七點左右，成間餐廳已經full晒。一坐埋位就見到枱上面有六款調味料，包括辣椒、蔥花、炸蒜等等，俾你按照自己嘅口味，調配出一款合適嘅醬汁我哋嗌完放題套餐之後，飲品就即時送上。呢間餐廳最令我深刻嘅，就係佢可以任飲紅酒白酒仲有其他各類型嘅韓國飲品，個晚真係想試晒咁多款唔同嘅飲品。然後我哋揀咗花膠螺頭雞鍋嘅湯底，呢個火鍋最特別嘅就在於佢個木桶，睇返餐廳牆上面嘅介紹有講到呢個木桶嘅設計，入面有好多個噴泉孔，當啲湯滾左嘅時候，啲湯就會源源不絕咁噴出嚟。除咗可以有降火舒壓嘅作用之外，仲可以確保個湯唔會油膩！嗰晚食完之後成個人一啲都唔覺得熱氣，嗰晚仲瞓得好好添！而不得不提佢嘅花膠真係好足料，食唔夠仲可以不斷refill，我嗰晚自己都食左10塊以上，每一塊都至少有手掌一半嘅大小，真係好回本而放題套餐仲包左一大碟嘅安格斯肥牛，講真個份量三個人食都肯定夠飽，而且每一塊肉嘅質素，喺其他餐廳都唔會食到，我嘅朋友食到唔停口再嚟就一定要講下佢嗰個海鮮盤有龍蝦、帶子、青口等等。首

喺網上面見到呢間木桶火鍋，覺得又新奇又得意，好想搵機會試下，今日咁啱放假想打翻個邊爐，所以就決定黎依間試一試。裝修方面有種格鬥場嘅感覺，幾特別。餐廳有播放音樂嘅同時，亦有四面電視機，令食客睇用餐嘅過程增添娛樂👍🏻我同朋友二人揀咗$298/位既藥膳火鍋放題。湯底就揀左《花膠螺頭藥膳雞鍋》呢度嘅火鍋特別在於係用木桶，牆壁上有展示木桶火鍋嘅功效同埋好處，冇咁易上火仲有養生嘅療效👍🏻木桶內有幾個出水嘅洞，湯滾起後就會喺洞入面流出嚟，好過癮，不得不讚湯底嘅藥膳味道好濃，但氣味唔會令人難接受，由於湯內有雞隻，所以味道更濃郁，配埋花膠杞子人參等等嘅材料，令個湯好清甜，好好飲呀👍🏻手工丸方面都好有驚喜，尤其是*西班牙豚肉黑松露丸*豬肉粒好有咬口，配上濃郁嘅黑松露真係好好食🥰同埋手工安格斯芝心牛丸，牛味好濃，一咬爆芝，超正！手切安格斯牛頸脊肥牛片都好高質，肥瘦均勻，口感十分軟嫩👍🏻👍🏻份量都幾多！食到咁上下嘅時候，店員仲幫我地將隻雞拆件，好貼心！飲品方面，除咗一般嘅汽水之外呢度仲有白酒同埋花茶而我就帶咗一杯薑茶同埋洛神花茶，甜甜地好清香👍🏻估唔到打邊爐都會有甜品，呢個朱古力慕絲好滑，朱古力味好濃，食完好

又黎返上次小胖女帶過既橫浜街場再食呢個用木桶黎打邊爐既餐廳,今次就試新湯底啦,海底椰煲雞,基本上唔洗講,個湯底係無油既情況下,係勁好飲,平時小湯水飲既朋友一定要試,另外今次餐廳轉左有套餐價,普通料如肥牛,菜,飲品個類而家已經可以任叫,其他幾款特色丸類,海鮮,安格斯肥牛會先送你一份先有需要可以再加錢叫,咁樣各位會抵食好多一定要講講既就係個海鮮拼盤,有大大隻龍蝦,生蠔,海蝦同大蜆,配埋個咁鮮甜既湯底真係一流,另外大大盤既安格斯肥牛亦都好正,牛味特重,最緊要,係我地不倒飲湯都唔會口渴,無咩味精,食極都唔會濟

在雜誌上看過這間木桶噴泉火鍋，一直都很想試，今日終於約到朋友來到旺角的「橫浜街場」，第一次嘗試用木桶打邊爐，感覺新奇又刺激。餐廳是放題形式，每位＄388，包飲品任飲，有紅酒、白酒、啤酒和汽水，湯底有7個選擇，我們選了花膠螺頭雞鍋。嘩！一個很大的木桶上枱，木桶內有很多小孔，當湯滾起時，小孔內會噴出清湯，把油通通隔走，如果想飲湯，只要把湯勺放在小孔旁就得，很有趣……湯內的材料也是十足的，有好幾舊大大塊的花膠，有螺頭，有很多雞肉，還有很多紅棗。驚起陸續有來，跟住是一個海鮮拼盤，是按人頭上的，每人有半隻龍蝦、一隻大蝦、大元貝、大蜆和蠔，海鮮超新鮮，又大隻，放入奶白色的豬骨湯底內滾一陣就食得。正……跟住上了8樣食物，有韮菜餃、西洋菜餃、芫茜餃、雲吞、豬肉釀節瓜、芝士牛丸、豚肉黑松露丸和墨魚丸，全部都是自家手工製作的，食落去，同街市買的餃和丸完全不同，超新鮮，超好味……還有一大碟手切安格斯肥牛片，肥牛油脂分佈平均，肉質鮮嫩，食牛肉都已食飽了。香脆的食物有炸魚皮、響鈴和墨魚膠釀油炸鬼，不用放湯，就咁食都很好味。如果唔夠，蔬菜、麵、烏冬，還有豚肉都可以免費追加，一定能令你抱腹離開。

之前聽朋友講過呢間餐廳，係用木桶作打邊爐。請問筒中間有好多小孔，另有湯汁可以不斷的對流。這個設計理念與其他人不同，非常特別!!!!而且佢餐廳嘅設計非常簡單，但非常有活力!!!而且同一般高級火鍋餐廳一樣，先上會了到枱上。至於因為佢係任飲任食嘅放題，佢值得欣賞嘅地方係前菜都有得任食😱😍😍我自己十分滿意佢地湯底。用嚟打邊爐真係好正！而且顏色十分吸睛！唯獨牛肉唔可以任食～～～不過用的份量都說可以，我只係兩個人食都足夠至於其他人配料，以手打丸為最特別而且最好食～！最後不得不提嘅係佢個位先等海鮮真係10分新鮮，而且種類比其他自助火鍋還要多！ 特別係龍蝦！選料非常好！ 令人十分想食！不過真係要好好咁控制火侯～

無論冬天同夏天打邊爐基本都係香港人必食之選今次嚟咗呢間橫水浜街場裝修睇得出係有返花過心機，以街場做主題因為食第一轉嘅關係，客人唔算多，感覺好舒服入邊仲有一間房可以容納12個人房間入面亦有飛鏢機，都幾適合一大班人gathering揀好咗湯底之後佢就上咗一個木桶打左咁多次邊路用木桶都係第一次所以覺得好新奇有趣之後睇返佢係窗度貼左有少少介紹呢個煲係有特別設計除咗杉木係對身體有好處之外佢嘅煲底好多嘅石春當滾起嘅時候，湯底會經過石春好似蒸餾咁嘅原理然後你放係木桶邊度會湧返啲湯出嚟重點係經過咁樣嘅方法湯會格住左油就一啲都唔肥膩同埋飲到湯嘅鮮味今次我左胡椒豬肚湯用了亦都十分足料，蘋果湯好重胡椒味但有同事加咗好多芫西芹菜令到成個湯好清甜而食物方面亦都好高質一開始就會上個海鮮拼盤最利害嘅係龍蝦都有啲膏仲要爆曬出嚟另外，佢亦都有好多自家製嘅丸類同餃不同就係佢個響鈴真係做到好好食又超大條而個牛頸脊肥牛片更加出色油脂比例岩岩好基本上食左咁多野都飽但其實仲有一大堆食材同飲品可以再叫蔬菜都洗得非常乾淨同新鮮總括來說呢間餐廳食物質素度非常高另外亦要稱讚員工服務十分細心，成日都會主動加湯同會換碟

今日去左旺角行街~假期一到又想食得豐富D，老公無啦啦話想打邊爐，心諗咁熱打咩邊爐?不過佢想去就陪佢去下啦~本身諗住求其去酒樓果d任食火鍋，但行行下見到棟大廈有好多餐廳，見到呢間餐廳有任食火鍋，特別之處係用木桶做器皿，上openrice碌一碌見好似唔錯於是就拿拿聲上去試下!一上到去店員帶我地埋位，即刻預備d醬油同前菜俾我地，同我地解釋下唔同既餐同點樣落單~呢度唔同既餐已經包左好多款食物，要追加食物同點飲品就用ipad落單~海鮮套餐有龍蝦又有蠔，見門口寫8點前離座仲有75折，計一計又幾抵食於是就叫左個海鮮套餐啦，湯底就叫左胡椒豬肚湯!落左單店員就拎住裝住胡椒豬肚湯既木桶擺係爐上~個木桶真係好搞笑，好似做蒸身果d木桶咁~用佢黎打邊爐真係第一次!店員擺低個桶之後就解釋下個木桶既原理，仲教我地要飲啖湯先~佢一講我先為意到原來木桶入面有d小洞，一滾d湯就會係d 小洞度流出黎，店員話咁就可以過濾到d雜質同去左d油~我一試個湯~好香濃一d都唔油!一般火鍋湯底都會偏咸但呢個胡椒豬肚湯真係可以獨立當湯黎飲~胡椒味濃唔過辣，好正!係我地飲緊個湯既時候店員就將食物陸續上檯，個海鮮船一上檯我地真係嘩一聲~好大盤

這間火鍋店有别於傳統火鍋店，就是將木桶替代屬傳統的鍋具做打邊爐，木桶特別用上杉木，據說食物經杉木煮過後，有健脾益胃及減少上火等功效，杉木本身又會散發出木香味，再加上鍋底用料十足及新鮮，湯底愈煲愈香，味道香濃！此外，這店的肉類、餃子等用料，非常新鮮！另外，木桶旁邊圍著不同小孔會有湯底噴出，可以試試用料十足的鍋底，大家不妨約朋友一起去試試啦！

依排落雨天氣涼涼地，最岩就岩係打邊爐啦！我地貪優惠5:45入席全單75折所以早早就去到，因為時間尚早，餐廳唔算多人。男朋友話想食海鮮，所以就揀左海鮮套餐$388。湯底竟然有花膠雞湯湯底奶白色清清地唔會好濃，花膠湯真係好養顏啊。湯頭好足料，有紅羅白、紅棗、大大片花膠同埋成隻嘅雞！特別想提下個杉木木桶，依個好似溫泉咁嘅設計，原理係啲湯會由木桶入面嘅窿（噴泉孔）流出黎，有過濾嘅作用之外仲會冇咁熱氣嫁！海鮮火鍋套餐係半放題形式，主菜係按人頭分配，肉類三揀一我地要左安格斯牛頸脊，肉係薄切嘅，肥瘦適中，肉質都算滑身。海鮮拼盤有大大隻嘅龍蝦，象拔蚌，大蝦同廣島蠔，龍蝦同大蝦有好多膏，蠔都好鮮甜！手打丸同手打餃都唔錯，丸特別彈牙，而我最欣賞嘅係黑松露丸，好香好好食！本身覺得打邊爐配油炸鬼好奇怪，點知入面連嘅墨魚膠浸完湯好夾，推薦魚皮比平時食開果啲更大份更有鮮味，響鈴都係超巨型！其他放題部份就係菜同丸依啲基本野，不過由於我地食主菜已經太飽就冇咩點叫到而全場紅白酒，啤酒，汽水任飲，鍾意飲酒嘅唔好放過啊！最後，值得一提嘅係店員嘅服務，多次主動加湯同換碟，落order黎飲品都好快速