檀島咖啡餅店 (已結業)

一個字:貴到死~~~ 食個茶餐加個蛋撻都幾乎要四十蚊,又唔係特別好食,服務態度更加唔係殷勤,除左靠個老字號,唔明點解可以收咁貴~~附近咁多平靚正選擇,下次唔會再黎~

上星期我跟我的老公去中環行街, 經過檀島茶餐廳,入左去食個午餐啦!!點知個個服務生的態度好似見唔到有人咁,叫極都無人幫，d人係你身邊經過都好似當你透明，終於有一個服務生見到我地啦！咁我老公就問有無沙翁~ 個態度勁正~ 眼望第二度聲就大一大好似睬你都有味既聲線"無~~~~`呀" 之後叫左兩個午餐! 味道無乜問題~ 最大問題係個侍應~ 我先發現該侍應站有水吧前~ 面對食客們公然挖鼻~ 我好清楚係隻食指之後佢就用他的制服抹手再捽他雙手的老泥跟住就囉兩杯檸茶比兩個食客再把兩個午餐送到我們的桌上! 一個字! 差!唔會再幫襯! 衛生程度(負)- 1000 分

同同事黎開呢邊做野黎左呢到食lunch我食左碗麵﹐同事食燒味飯結果係︰我地都覺得勁難食！

週日的中環, 度度都close, 想搵食都幾難, 唯有走番去檀島啦~~蒙牛例叫豉油皇炒麵, 我就叫左個冬蔭公雞扒檬, 豉油皇炒麵portion唔多, 但麵質都算彈牙, 味道ok, 合格, 但無料的炒麵賣成$30, 都幾貴冬蔭公的湯底極度無料到, 一d香料味都無, 只係一個咸味的湯....雞扒ok, 煎得脆脆地, 幾好味....檬粉ok, 成份portion都幾大, 但係千祈唔好抱期望有冬蔭公....檀島呢度個pricing真係幾貴, 咁樣一餐加埋飲品要成舊水, 唔係好值.....加上個地方又有點dirty, 又多人食煙, 坐多陣都危害健康

你問我佢值唔值咁既名，兩個字：「唔值」，但唔係話佢難食。檀島酥餅蛋撻新鮮出爐o個陣真係幾吸引，D 包款新鮮出爐o個陣都好吸引，但係其他貨仔呢，講真，唔係好值個價- 用咁既價錢已經可以o係翠華食個心安理得既乾淨「茶餐廳」貨仔。但我鍾情於佢個熱啡，因為：（一）個杯（夠厚夠舊）；（二）個味；同（三）個濃度- 唔單止係啡底個濃度，仲有個植脂奶個濃度同比例。另外值得一試既係個蓮子冰，因為唔係度度有得飲。記住要慢慢飲- 飲得太快、或者攪得唔勻，唔好飲，唔好賴我。

今日同個frd行行下上環,諗住食個蛋撻由於上次試左泰昌既原故所以今次特意去左檀島,本來我地諗住堂食既但係一黎驚堂食剩係兩個蛋撻根似唔係咁好意思二黎最緊要佢\\\0的waiter根似當我地係空氣咁坐左5分鍾,一杯茶都無,一句野都未問過我地把心一橫之下,外賣算之不過呢,好彩佢\\\既蛋撻唔似得佢\\\既服務態度咁,佢\\\出名梗有佢\\\獨特之處雖則佢\\\個皮真係過份厚(傳聞中既128層),加上完全係無酥皮既香味,咬落去有0的似粉團(相比起上水間成發,佢\\\既皮可以話係差幾皮)但係蛋撻既靈魂始終係蛋,檀島既蛋真係very good食落去真係有淡淡既蛋香,少少甜唔算溜,最緊要係夠滑最衰係買左一人一個,唔係好夠皮,不過有時0的野食到盡反而無乜意思最令人回味既係食完檀島蛋撻之後,口里面有既係佢\\\幽幽既蛋香,而唔係平時食開0的牛油皮或者一般蛋撻既酸味(平時一定要食番粒香口膠)呢一種餘蘊足足留到至少去到天后先散,確係令人回味

D人成日都讚話檀島d蛋撻點正點正, 其實我食過都只係覺得麻麻, 我個次三點幾去食, 蛋撻都開始涷左啦, 個張底紙滿晒油, 見到都唔開胃…..食落係ok, 唔係特別甜, 酥皮同蛋都同平日的無咩分別, 都唔知點解d人會大讚特讚另叫左一個下午茶餐\, 雞扒撈公仔麵加涷奶茶, 連涷飲收左我行我$32, 都咪話唔貴, 雞扒係炸左的, 都好大塊, 但係炸得有點過時, 有點un同老啦….公仔麵煮得合時, 好味道, 不過撈味精, 食完之後好口渴奶茶就一般啦, 同平日個d好味茶記奶茶差唔多, mm….地方又污漕, waiter又唔得醒........名過於實…….

最鍾意飲咖啡的我竟然未去過檀島嘆咖啡，有一次終於有機會去，經過門口已經覺得奇怪，為什麼那些蛋撻看起來完全不新鮮？蛋已全部凹晒，好像已放了很久似的。叫了麵套餐，有一碗麵和一杯飲品，我當然是叫咖啡啦。喝一口，簡藉失望得連個心都掉了，這般出名的檀島「咖啡」餅店，竟然賣這般水準的咖啡，連普通茶餐廳也比不上，再食碗麵，非常麻麻，我很相信他們的蛋撻也好食極有限。服務又不好，侍應懶懶閒，好像不願做似的。一句講晒，無下次。

10/11 Tea~同朋友們三人原本特登走去泰昌試下蛋撻，但去到見到條人龍長到鬼咁...即刻轉軑入0左檀島食撻∼基本上我對蛋撻唔特別要求，唔太難食同新鮮就OK~但同行既朋友都話檀島同泰昌真係爭得遠∼∼∼∼3件撻加3杯凍飲，約70蚊埋單。都見到幾多人因為食唔到泰昌而去左檀島∼話時話前者手指罅漏Ｄ檀島都發達咯。

20051023 4pm口痕之過。食完太平館諗住食蛋撻，行上去泰昌新舖，人多到嚇死你。最後又行返去檀島，幾無謂！要o左兩隻撻($4@)，一杯熱檸茶($13)一杯熱檸水($13)。隻撻酥皮勁厚兼且唔夠熱，作為招牌撻o黎講係絕對唔合格。灣仔老店好食好多。失望。

尋尋日食個雙併雞鵝飯(味道一般)不是人買李又買本人覺得楚記味道好一點。

蛋撻好香蛋味, 酥皮又好香脆~~~果然係香港數一數二既蛋撻...

本人在中還番工，一至五都在這裡吃早餐，其實只不過喜歡呢度夠大，夠free，有多種麵包選擇，其他大茶餐廳如翠華和港式又太遠，唯有來這裡，但這店有很多缺點。（１）侍應服務太差，有兩三個態度好有問題，經常扮見唔到你，經常傾計都唔幫客人落order，越後生越懶。（２）咁大間都唔設不吸煙區，所以我食lunch and dinner時一定選港式都唔會去這裡。（３）早餐款式十年如一日，好在有麵包同杯奶茶頂住者！（４）細小問題太多，不能盡錄，但一級茶餐廳價錢，三流服務就好有問題啦！呀！其實很久前在這裡吃過lunch的，不用提，當然唔惦啦！

今日有個客請食蛋撻，咁大個女第二次食，真係唔覺得有咩咁好食。酥皮太厚好漏，蛋又唔香，希望泰昌快d番黎啦

價錢與所供食物不符，招呼第九流!!!