檀島咖啡餅店 (已結業)

中環「血拼」時, 心血來潮想喝鴦走, 就到檀島抖一抖, 一入門就被污糟的地下吸引了注意力,算啦.... 舊式茶記....鴦走都ok, 不茶不啡卻稍甜膩的味道很準確,菠蘿油一般, 包包面不脆, 那塊「油」亦全溶了,不及冰火的來得吸引,伙記則在我旁行來行去和唱歌, 又大聲讀出我在看的hk standard 的標題,有點煩, 而且看到髒髒的地下,唉......走為上策.....為什麼「翠華」這樣成功呢?來過檀島, 自會知道!

Very good egg tart.

今天去上化妝課，順便到檀島吃個下午茶。聽說蛋塔很出名特別去試試。先點鮮油波蘿包：就普通波蘿包加奶油，沒有特別好吃，上皮不香不甜有點硬，合著吃沒有特別香滑的感覺。凍杏仁霜：好淡，冰塊又多，肯定用不怎樣的粉泡的，真的好像在喝洗鍋子水（煮過杏仁霜的鍋子）。蛋塔：沒有香濃的滋味，沒有奶香，酥皮聽說是特色比別人多層，但並沒有特別好吃的感覺，ＫＦＣ並不比它差，去中環我寧可買昌泰的。蛋塔是帶走的，買２個，那位歐巴桑就隨便幫我丟在塑膠小袋中，我請給一片厚紙板墊底，以免擠壓，她好像覺得要跟她要錢一樣，臉色難看，心不甘情不願，拿給我自己放。因為袋子很小，又得把蛋塔拿出放紙片再放回袋子，弄了半天，看客人搞半天一付不關我事，你活該的樣子，那時又沒別的客人要忙，真的很想把蛋塔丟她臉上。絕對不會再惠顧。

6-5-2007 1739上完堂去食下午茶，以前只係在灣仔分店幫襯過，仲要食到一肚氣的午餐。不過今次都唔係食蛋撻，而係薑雞扒撈丁，至在過下口穩。擺法夠晒西式，一大塊「極厚」雞扒放係丁面上，上面仲有油，而不是劈埋一邊。丁面加埋味精湯有幾好味可想而知，厚厚兼剛煎起的雞扒咀嚼口中，有難以形容的快感，如回到以前薑撈飯的美好回憶。加2蚊飲埋杯凍奶茶就心滿意足。死靚仔，發完夢未丫，去埋單啦。

星期六行完街入左去食tea,入到去無人招呼,ok無問題,自己搵位坐,坐底無一個伙計俾茶你,ok都無問題,橫掂我唔會飲...都叫野食,個伙計行埋黎個樣黑口黑面,由開始落單到落完佢都無出個一句聲...連最基本問你個餐飲乜都唔問!我明白你唔係酒店級數,不過d伙計連最基本既服務都無就真係唔係幾得~ d野難食都唔係一個問題,不過真係好難食! 我亦都唔會再幫襯依間咁既茶餐廳!

舊時喺灣仔返工都有幫襯嗰間壇島，因此今日午間經過見到佢有燒臘就心血來潮去幫襯一下。我突然好想食四寶飯，但佢哋話要$35兼無嘢飲跟，足足貴灣仔一倍。於是我再望吓餐牌，發現大部份嘢都要卅幾四十，於是仍然都係叫四寶行街，唯有安慰自己中環啲租咁貴無辦法。佢哋嘅四寶有燒肉、叉燒、紅腸同鹹蛋，四樣都算唔差，其中以燒肉最好。滿滿一盒，食咗八成已經飽，但始終都係懷念灣仔嘅四寶飯，不但有超過四種餸，仲要有例湯送才盛惠$18。下次都買蛋撻算喇！

今日下午茶想食十~二十元嘢叫左人臣個E餐金菇什菜炒米+熱飲28元金菇什菜炒米無金菇得幾甘順且小得可憐,粥店6元貨都好個佢無下次,唔会再去!!!!

2007年2月26日下午3點30分，正值下午茶時間，路經該店，滿以為水準與灣仔店一樣，偌大的餐廳，只有小貓三四，差不多伙記還多過顧客，隨便在大堂中央坐下，五分鐘有多過去，重未見有人來招呼(例如奉上清茶並問食D乜)，回頭一望，卻見侍應們圍在一起好似脆麻花般翹手翹腳在水吧講笑，偶然有一個侍應行過又扮時運高睇唔到，直到我好似發問咁高舉隻手先有個人埋來，叫了蛋撻及熱咖啡，即時來了一個已涼了半截的蛋撻(這是下午茶時間)，再等了五分鐘，咖啡還未到，催了一次，發覺原來無落單，又等了五分鐘，咖啡還未到，回頭望下水吧，有一杯熱飲孤單地站在水吧上，再催一次，那杯孤單的熱飲就被帶到我面前，已變成暖咖啡，埋單盛惠$18(暖咖啡$13，涼蛋撻$5)，早知幫襯隔離大家樂!這是我第一次去中環檀島，亦是最後一次!

響中環同灣仔都成日見到，但今日係第一次去。坐低後睇下餐牌，都有D貴，最後我同朋友都揀左喇沙。我食既係星加坡雜錦喇沙，連餐飲。味道都ok，不過冇乜特別，海鮮喇沙可能好D。環境同衛生麻麻，服務不過不失。

就我的「餅底論」，檀島的蛋撻一向不是在我首選之列。但比一比，檀島蛋撻的「膽」，似乎質素較為平均。平心而論，要做一個外層鬆化的酥皮蛋撻要考真功夫的：擂油要擂得好，搓要搓得勁，且不用隔夜豬油（重點不在「豬油」，而在「隔夜」- 用豬油做的酥皮才是最香、最鬆、最好吃的）；檀島基本上是做到的了。雖說檀島蛋撻入口教得歡心，較香，也較creamy，但卻又獨愛對手那黃澄澄的色澤。但，三點三食蛋撻，差不到那裡。

今日嚟開呢頭，唔想食快餐店，揀咗呢度，領嘢！叫個出前一丁早餐有三種餸鮮牛、午餐肉、雞絲，除左午餐肉其餘两樣都唔掂，因為午餐肉係唔會唔掂架嗎，熱鴛鴦唔熱，都唔好飲，麵食咗兩三啖食唔落，唯有叫咗馳名的蛋撻，唉！都係不外如是。 個餐22蚊、蛋撻5蚊。盛惠27元。都係無下次架啦。

同事萬歲,叫這裡的外賣西多士-幾好味,不過糖膠無用器具裝好,弄到所有紙袋都黏黏的咖喱角-幾脆薯條-太部份都脆.好難得沙律-以茶餐廳水準,這間頗好紅豆冰-豆夠”林”,不過送來的時候,大部份冰粒已溶化,所以味道略淡

諗住叫佢個lunch set 應該無死我叫左個乜乜牛扒, 碟野黎到我都唔知原來係我GEI, 頂! 佢D 所謂0既扒其實係沙爹牛面0個D牛肉片, 整幾塊大大件就當係牛扒, 仲要超難食超唔值($4X-5X), 我從未從未試過食D咁難食0既野(講真GA), 救命,我一定唔會再黎>__<!!!

I heard this restaurant's egg tarts were so famous so I went to taste its last night..Which was really good and delicious..Maybe that was really "最好的酥皮蛋撻"!!

跟靚女同事在對面吃完迴轉壽司，總覺得有點唔湯唔水之感覺。見這裡有盤蛋撻出爐，就立即兩個人來吃個蛋撻，嘆杯咖啡先。兩點幾，這裡的午市仍然多人。不設禁煙區，也有點煙霧瀰漫的感覺。要了茶走及啡走各一杯，蛋撻兩個。雖然這裡以檀島咖啡掛頭牌，但個人覺得，其實這裡的奶茶是好一點的。茶味足又夠滑身，實在是配襯蛋撻的好拍檔。這裡的蛋撻，酥皮焗得鬆脆，亦焗得夠透，幾時都保持一定水準。有外國賓客來港，外賣一打蛋撻回去做下午茶，好少會失禮人的。服務十年如一日般的低水準，但有效率。由落單到上菜再比錢加埋找錢，幾位伙記都可以一粒聲唔出的。堂食蛋撻貴一點，加兩杯熱飲，埋單36蚊。不知何解，在對面迴轉壽司店出來是有點喉飽肚不飽，飲左杯奶茶食埋件蛋撻，就非常滿足，真係大鄉里。