檀島咖啡餅店 (軒尼詩道)

营业中

休息中

之前只係食過檀島的外賣蛋撻，今日試吓佢個常餐，常餐也有幾款，我選了$50包牛油餐包，炒雙蛋或腸蛋，雙拼湯麵&飲品，價錢算中上，牛油餐包唔夠熱，牛油已經幫客人搽了上包內，D牛油已經融入在包內，雙蛋炒得唔夠滑，無咩蛋汁，乾身啲，雙拼麵我叫了牛肉雞絲通粉，因為好似比叫腸仔、午餐肉健康啲，通粉軟硬適中，牛肉也不韌，雞絲都幾大塊，湯底也不錯，清清哋，服務也ok，尚算有禮，食物也好快上枱，適合用餐時間不多的人去食，

經過灣仔成日都見到檀島，不過咁耐以來都冇試過今日終於的起心肝喺出邊麵包舖度買咗件拿破崙酥餅同埋斑斕卷蛋試吓<拿破崙酥餅$12>拿破崙酥餅攞上手原來都幾細舊下，以呢個價錢來講都算幾貴下不過唔緊要啦，一次半次食落酥餅有麥芽香，豬油令到酥餅更加鬆化，雖然唔係好健康，但係的確幾好食<斑蘭香蕉卷蛋$14>斑蘭香蕉卷蛋一次過滿足晒三個願望，最出邊嗰層係班蘭味，入邊嗰層係香蕉味蛋糕濕潤軟化，擺咗一晚依然都係咁好食，班蘭味好清香，香蕉味好濃烈貴就係貴，間唔中買下嚟食都幾正

下午茶時間你都彈到就好記得以前公司啲人好鍾意請炸雞翼做下午茶，所以呢我就喺度叫咗個茶餐。呢個炸雞翼多士薯條茶餐就承惠51蚊，我覺得係非常之貴嘅。炸雞翼好失望，因為睇相都見到個樣甩皮甩骨又有好多鑊焦。到底佢係退步左，定係回憶中嘅味道係記錯左？

入到去，想食蛋撻，但得我一條友食嘢，另一個飲紅豆冰...$51，得個意粉加魚柳，再加$8先有火腿奄列，算貴嫁。不過，佢個意粉感我真心鍾意，好多茶記都林或者發晒，呢個算煮得幾啱時間。奄列唔算油，夠大份。而個魚柳炸得啱啱好，脆得黎魚肉滑嘅。佢嘅奶茶當然橆得輸，事實大部份茶記都靠杯奶茶，呢個一定得。紅豆冰要加$13，個紅豆煮得夠沙，夠大杯，好有懷舊味道。走時，買左佢好出名嘅自制斑蘭香蕉蛋卷，一聞，香到不得了，不過只聞到香蕉味。回家食都係，斑蘭味被香蕉搶晒了。但質感好soft唔死實，仲之好味。仲要$14，勁大舊，自己試下就知。一杯奶茶$22。整體呢個價錢茶記少許貴，但係，只可以講啱我食囉。

話說響灣仔返工嘅我放工之後要響同區上堂，放工後就咋咋林響附近醫下肚。其實我係唔係好敢去檀島食，因為好耐之前食過一次，食物質素同環境衛生情況都麻麻地，可能始終有啲歷史，餐具杯碟比較殘，啲檯好似點抹都係唔乾淨咁😅😅 再加上又唔係特別平，所以即使響附近返工好一段日子，我都唔係成日幫襯。今日如果唔係因為趕趕地時間都未必會入去食，但係我覺得食物質素好左喎～ 可能係冇期望，所以反而有驚喜😃😃因為太趕同太肚餓冇影到相。我叫左個下午茶餐（總之兩點半後就可以叫）嘅吉列豬扒意粉連餐飲$53。塊豬扒薄薄地但係炸得好脆好香口，啲炸粉都係薄薄地，絕對唔會粉多過肉，同埋一啲都唔油，仲要即刻炸俾你，響嚴寒嘅冬天食係一流，個人即係暖曬～～意粉同啲醬汁都中規中矩啦，茶餐廳質素，味道都唔錯。雖然未至於話好食到飛上天果啲，但係食嘅時候的確係食得好開心好滿足㗎☺️☺️😊😊同埋我覺得杯熱菜蜜好好飲，唔會太甜，清清地咁。整體黎講係改變左我對哩間餐廳嘅印象，有可能係黃昏時間唔算太多客人嘅時間，廚房同侍應都冇咁忙，煮嘢同服務都好啲啦。香港難得有哩啲老字號茶記，希望可以保存落去啦～

每次經過灣仔呢間都一定會買啲蛋糕點心走已經好少買到咁好味傳統蛋糕點心比起連所式西餅店啲空氣包點 真的贏九條街呢間實在好多 用料十足 用心製作我最喜歡蛋捲蛋糕鬆軟而實在 忌廉同比例唔會太過份 甜度適中 而唔會蓋過蛋味另外家人推介拿破倫

每個星期上完興趣班成班同學都唔知食乜都會行入嚟檀島canteen。雖然呢度價錢對比其他平民茶餐廳真係貴左啲啲，但係啲份量又真係唔少㗎喎。加埋啲有型嘅落單哥哥仔都可以算係呢間茶餐廳嘅一大特色。常餐沙嗲牛肉米沙嗲醬非常濃，加埋東莞米粉，同埋新鮮牛肉，大大兜，冇得彈。大大個餐包，唔係平時茶餐廳嗰啲白方包喎，同埋炒蛋都大大份，夠晒醫肚呀！熱檸水就冇乜特別啦，而家百物騰貴，佢都唔吝嗇啲檸檬都算係值得一讚嘅。成班人有講有笑又過咗個休閒嘅星期六下午

所謂老牌茶餐廳都是得個名，叫左個波羅油，個包是凍既，佢都懶得入微波爐叮熱，可能電費貴？ 杯奶茶仲衰個lipton 茶包，飲唔出是咩味，既沒茶香更加波奶味，可能是新手沖？ 蛋撻我都唔敢叫，可能都是差唔多，或者好小小。如果唔想經營落去，就不如光榮結業，沒謂做壞招牌。

之前已經聽講過好多次檀島餅店日蛋撻好出名，終於有幸食到！但，可惜口味只係普通，又唔香口，又唔鬆脆，又唔係滑，又貴，仲要$10一件！！（出面大概$6-8一件）應該係做有錢人，或遊客生意。仲有唔知點解，係超級黃，好好奇究竟落左啲咩原材料？另外有啲咖哩角、叉燒酥等小食，十零蚊大大件但都係普通，因為皮好厚、又唔脆口。食熱氣野一定要夠脆！寧願幫襯小店，味道差不多甚至乎更好食。係有少少失望，但通常出左名係咁。

平時於檀島食中午飯，一般都會食常餐，今次就選了個粟米肉粒飯餐一試。中午指定飯餐都會送例湯和一杯飲料（熱飲免費）。是日例湯是青紅蘿蔔湯，想不到湯頗甜，意外地美味。粟米肉粒飯一上，第一感覺是「好多肉」，加上汁很少而且很結，個人覺得送飯不太好送，味道又不見是好味，以這個價錢來說食物是可以整得更好食。若再光顧，還是選擇常餐比較好，而且性價比稍高一點。餐廳的優點，就係上餐快。本來想叫咖哩餐的，但一見到餐牌價錢就令我退卻了

見佢平時咁多人排隊，今日特登早啲走去食早餐唔駛等位本來好開心既因為平常早餐多數牛肉是沙爹，這裡有鮮牛肉。沒思考多久，我就決定來一個鮮牛肉公仔麵。食第一啖已經覺得好失望，公仔麵太淋！個湯一般，而啲牛肉只可以話得個鹹味，而且牛肉好un.又多渣完全唔特別。其實待應收碟都見到成碟渣在碟！好多間茶餐廳都好食過佢跟餐的炒蛋十分老而凍奶茶就好甜，好後悔冇叫到少甜完全唔明白點解會需要排隊食啲咁普通既茶記，又貴喎！食個茶記早餐埋單要四十幾蚊真係貴到傻！

香港只剩不多的老牌冰室 茶餐廳簡單快餐,麵包飯麵都可以吃得到唯價錢略為小貴基本上係灣仔區最人氣既快餐提供多款早餐,常餐選擇常餐有牛油餐包,炒蛋或腸仔煎蛋,任選一款配料配通粉或粉麵, 包一杯咖啡或奶茶,凍飲加錢其招牌一定是蛋撻鋪面有一邊是專賣麵包糕點的櫃檯放滿各類曲奇,餅乾,簡約包裝,買回去也OK價位不貴,份量也多一大盤新鮮出爐金黃色的蛋撻當然係推薦之作蛋漿餡香滑甜蜜蛋味濃郁,那號稱有192層的酥皮外層也極為酥脆,來個下午吃2個剛剛好呢!

友人從美國回港，十分記掛香港茶餐廳的食物，於是相約在灣仔檀島來個下午茶，一解饞相思。檀島地點方便，門前就有前往各區的巴士站，所以平常餐廳也不乏客人。要數有代表性的港式茶餐廳口味，菠蘿油必然榜上有名，現時也不是每家茶餐廳有供應了。曾幾何時，在檀島是有菠蘿油下午茶餐的，如今祇有單點提供，唯有另加一杯熱奶茶。把冰冷的牛油片放入熱呼呼的菠蘿包內，趁牛油還沒完全溶掉，快快把它抹勻包的兩面，然後速速享用。暫且忘掉健康理論，享受口腹之慾，暖暖的包夾著還有點點冷的牛油，一口咬下去，任由酥皮掉落碟上，唔...真好味。奶茶茶味香濃帶點澀，自助加白砂糖調味，甜度由自己話事。豬扒包表面烘得微脆內軟，中間夾有豬扒、蕃茄和生菜。豬扒肉質軟腍，夾在麵包和蔬菜中一起吃，更添爽脆，不錯吃。

檀島蛋撻聞名已久，一直保持水準，今日到灣仔見客特意都走入檀島咖啡花十分鐘回味一下。🥧千層酥皮蛋撻，撻皮鬆化香滑不太油膩，甜度剛好就是欠了蛋香。☕️奶茶個人口味，算幼滑但欠茶香。一件酥皮蛋撻加杯熱奶茶 $33，平貴各有評價，賣點是老招牌。

平時來檀島，通常是買蛋撻，今天放假，遲了吃午餐，來試試檀島下午茶。下午茶餐，$52-53，凍飲加$3，幾貴。我叫了A餐，吉列豬扒燴意粉，賣相不錯。吉列豬扒，鬆脆；意粉，茄汁味道適中，不太甜，份量略嫌少。