權記麵食專家

营业中

休息中

#權記麵食專家喺港島區想搵一間老字號又出名又抵食嘅麵家，我會諗起我經常去嘅石塘咀熟食中心入面嘅權記。佢同平時有幾間分店嘅平價雲吞麵舖唔同，呢間係好有歷史嘅舖頭。只見到老闆不停地包雲吞，就咁就包咗幾十年。幾年前食過炸醬麵好食，今次照板煮碗，$32，唔知係咪太耐冇食，定因為食多咗其他嘢，又或者係煮麵師傅唔同咗，總覺得冇上一次咁好食。炸醬嘅香味唔夠，麵亦唔夠爽彈，只有肉絲比較大條而且仲保持肉質嫩滑。之前食過淨雲吞一碗有八粒超好食，係必食。今次想試下淨水餃，同樣係$32，共有五粒。水餃幾大隻好飽滿，食到有木耳絲筍絲蝦肉同埋唔知係咪馬蹄粒，我會用實淨嚟形容質感，都幾飽肚。個人口味而言，我比較鍾意淨雲吞多啲，雖然今次味道好似有少少唔同，喺區內呢度嘅出品都係有質素的。權記麵食專家西環石塘咀皇后大道西470號石塘咀市政大廈2樓熟食中心CF5號舖

🥢 呢次嘅美食之旅，帶我來到咗一家有名嘅牛腩專門店。一到店裏，啲牛腩河直接戳中我嘅胃！碗中嘅河粉滑溜溜，攞起筷子一撈就知道今日揀對咗。河粉入口，帶點爽口，真係過癮！🐮 而啲牛腩呢？淨係睇都已經流晒口水。肥瘦相間，一啖咬落，外皮微微嘅焦香，層次豐富，軟嫩到化喺口裏，就好似食緊雲一樣，輕巧得滑。「餸汁」濃郁得嚟不過火，尤其那種微微嘅甜，夾帶嘅香料香氣，簡直係繞樑三日。同河粉夾埋一齊食，仲可以話係絕配！續命嘅碟油葉，簡單卻又必不可少，增加咗份爽口感，啫啫青翠，簡直係整個餐盤嘅畫龍點睛。至於其他嘅美食，例如水餃同雲吞都令人印象深刻。個水餃味鮮肉嫩，而且，個個都大得嚟實在，蝦雲吞就算係平時唔係好鐘意食雲吞嘅朋友，都讚不絕口。啲湯頭清甜，我估下次過嚟，可能會多叫幾碗！喺我走嘅時候，老闆仲唔忘囑咐話，下次記住再嚟。哼，唔使囑咐，我早就打算好咗，要再嚟攞份牛腩，試吓佢哋其他嘅招牌！🍜

久違的回到20年前中學時期的麵店價錢真的貼地，份量也很合理味道比附近另一間所謂的名店好太多了老闆仍然認得我，這個算是我估計不到的😂😂如果大家黎到附近，希望可以上來試試唯一美中不足是環境比較差（街市樓上，都冇得要求） 就這樣

［#西環搵食］#權記麵食專家一直以來都比較少食麵，因為驚唔夠飽🤪 今次終於決定要來試吓。依間權記我細個果時已經係度，真係歷史悠久。佢唔係連鎖平價果間雲吞麵，唔好搞錯😀店員好親切好有禮貌，係區內好受街坊歡迎👍叫咗雙拼麵 #雲吞牛腩麵 ，$36。雲吞係自己包，細細粒有三粒，真係幾好食👍 蝦肉夠爽彈，真係唔夠喉😅牛腩都有幾件，仲有兩件牛筋。牛味幾重，係有一件比較實，其餘都夠淋。湯底味道唔會過咸，麵底就一般，唔夠深水埗嵩記果次咁好食。飽就一定唔夠飽架啦，間唔中一次半次冇所謂啦😁最緊要係支持小店繼續經營💪💪權記麵食專家西環皇后大道西470號石塘咀市政大廈2樓熟食中心CF5號舖@foodiehck2022 #港飲港食平靚正 #西營盤美食 #熟食中心 #麵食 #小店

中午前公司派我前往西環攞文件，太好鳥！因利成便來到石塘咀熟食中心食個麵先！牛根腩撈麵色澤深厚跟濃郁柱侯味道都相輔相成！炸醬撈麵肉絲，筍絲，香信絲跟甜酸醬無論份量同調味都配合得恰好！上湯水餃餡料有小蝦2至3隻，木耳，筍絲和沙葛粒堆疊起大拇指般的餃子，味道口感可以講得上絕配！要知道現今市道普普通通一碗麵都要三拾多元，而這裡的價錢跟食物皆超值，希望小店用心制作，讓大家繼續有口福！

喺附近返工，經常都要搵不同嘅地方食午餐。因為想慳錢又想好味道，於是今日走到嚟石塘咀街市試吓同事介紹嘅麵檔。其實石塘咀街市有唔少嘅熟食攤檔，其中有幾間生意係特別好，不過今日同事想食麵，就坐低咗係呢間麵檔。我第一次嚟都唔知食邊樣好，見到個餐牌有兩個「手指公」喺雲吞同炸醬隔離，於是就隨便揀呢兩個餸，再配粗麵。一上枱就覺得好對版：- 炸醬好香，冇肥肉，仲要有冬菇絲- 雲吞啱啱好係一口一粒嘅size，鮮蝦爽脆，雲吞皮又薄又滑- 粗麵完全冇梘水味，仲有啲蛋香添呢個兩餸麵$35好好味，唯一要投訴嘅就係份量比較少，我唔使10分鐘就食晒，唔係好夠喉，下次再試吓其他餸先。

相隔數天再來是為了那色香味俱全的牛根腩之餘。甫坐下先點了淨豬手，炸魚皮，淨雲吞再來冰凍啤酒.啤酒夠凍不在話下，連酒杯都那麼貼心👍這裡的豬手也是絕味😋跟牛根腩一樣炆得腍滑易入口之餘骨膠原更是張口，味道濃郁得清香不過咸。香脆味美嘅炸魚皮，此名物源出於附近東興👍無得輸鮮蝦雲吞在此就顯現得失色，老實說句確是普通貨色。

原本想到波記食肥义鴨肶飯，但門口條人龍有大約十至十工人左右在等，唯有行過對面到熟食中心覓食，午餐食唔到想食嘅又無乜心水想食什麼就這間吧！簡單的牛根腩撈麵，上枱時先飲淡湯，清香而味濃，足料不錯!再看看麵上根腩，亮麗膠膠嘅汁液，得喎! 牛腩肉質入口夠軟淋微微有咬口，濃厚柱侯味道，至於牛根入口夠軟滑膠膠的，讚!麵質淥得剛好，配上濃厚亮麗嘅柱侯汁，吃上幾口麵要飲啖湯來調和一下口腔內嘅膠質!離去時老闆話好食就多啲嚟幫襯啦！會，一定會再嚟食埋其他如豬手，炸醬，魚皮，雲吞--

心血來潮，昨晚去了這西環老字號面檔，趕在其營業時間內到，幸好其開得算晚，十時，以街市熟食中心的面檔來說已很晚，因晚上多以價錢較高的晚飯小菜為主。吃了一碗淨水餃25元五隻，香甜脆，就算不計其實惠的價錢，單是其水準，都已冠絕西區的廣東面食店。

舊同事約食lunch佢極力推介呢間權記粉麵我第一次來石塘咀熟食街市原來呢度都好多野食去到權記果邊搵個位坐低老細好熱情的招待舊同事話河粉好好食本身不太好河粉的我都決定要試試最後我叫了一碗水餃河粉加菜心舊同事就叫鯪魚球菜心河粉碗粉好快就到一試個河粉，的確好好味河粉好滑，個湯味道又調得好菜心好甜又唔硬水餃都好好食，大粒料多，有蝦的同舊同事交換左一粒鯪魚球呢個都好好食，有胡椒味，無腥味，魚肉彈牙，好吃埋單每人$33都算係咁啦，而家出面食野好貴呢餐又好食，下次會再來食

已現今的香港物價，一張二十元可以吃到什麼？麥當勞？二十蚊餐早已消失了。今日，行經西環熟食中心，吃了一碗牛丸麵，價錢竟然是十九元。以十九元的價錢來說，一定是物超所值，它的味道絶不比賣三、四十元的茶餐廳差，在附近返工返小學又想慳錢的朋友，可以試一試。

用餐日字實際是2014年12月尾。因為有大食會，所以向權記訂了幾份牛腩(內有牛筋)，水餃及雲吞。老版話佢地冬至後有两日會休息，但無問題、佢哋可以早一日交食物。 所以叫我先給他們保鮮盒，咁就唔使用發泡膠盒令腩汁可能會漏啦。 又教我怎樣翻熱，十分貼心。  本來有些少担心會唔同味，但結果一樣咁好味。啲牛筋牛腩當然大受歡迎啦。的水餃及雲吞又十分鮮味，食到一粒都無剩。 唔知老版會否考慮出啲可煎嘅餃子(即似鍋貼)呢？ 两位老板，我哋支持你們。

是日午餐時間見到早排裝修的位於西環的權記麵家，點了一碗雲吞併牛根米粉來吃，雲吞雖然比未裝修前縮少了一點點但仍有四粒，咬下雲吞仍有蝦隻在內爽口而且味道濃郁，牛根份量也不少而且餚了很久很入味，牛根很軟，好味。

喜歡試不同社區的街坊小食，覺得這就是一種文化體驗。今天得到家住西環的老死帶路，來到從未踏足的石塘咀熟食市場。原本想吃她經常幫襯的檔口，因為已經落場的關係，所以轉投另一間自稱是麵食專家的店子。必先要稱讚老闆和落單婆婆的禮貌招待，相信現今很多所謂高級餐廳也要學習。不太肚餓的我只點了雲吞麵，朋友則叫了墨丸魚旦粗($20)加可樂($6)。雲吞麵一碗($16)五粒，是一口一粒的size。它的外皮幼薄軟滑，裏面包著兩小隻全蝦和豬肉。令人驚喜是蝦肉很彈牙，相信貨源新鮮。另豬肉本身的油份加上調味，香惹濃郁。至於麵質亦不錯，煙韌不過腍。湯底清澈，但味道不算出眾。友人給我試的墨魚丸則實實淨淨，如再濃味一些更佳。

Went to Shek Tong Tsui in a breezy afternoon. After a failed attempt to visit Bo Kee for its famous roasted duck, we changed our target from a bowl of scrumptious 'siu mei' noodles to a bowl of noodles with wanton, dumplings and other local delicies.And there was Kuen Kee, a modest little stall which serves, unquestionably, one of the best - and the cheapest - wantons in soup in Hong Kong. One would be shocked by the price as the numbers after the dollar signs are just so anti-inflation. One cou