正宗上海生煎皇 (已結業)

呢間正宗上海生煎皇，之前食過好多次喇，分別食過銅鑼灣店同旺角店，價錢唔貴，又好食。生煎包外賣優惠 $28 (4件)，如果堂食就要$34喇。因為已經食左正餐，但媽媽最喜歡吃生煎包，所以就買了外賣，在門外吃。要等十分鐘，新鮮製造，熱辣辣，生煎包煎到好脆，裡面充滿湯汁，要小心吃才不會燙到啊。好似去左台灣掃街咁，不停食食食，新一年豐衣足食。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

素雞素鵝就食得多，前陣子聽聞有種素肉叫"新豬肉"，口感跟豬肉沒兩樣，這間食店更用其製作生煎包，很好奇會是什麼味道！綠色外皮的生煎包，望落好醒神！外形滿分！一口咬下去，湯汁噴出！趕緊吸入這精華，味道頗鮮，像極了肉汁的味道，再咬一口新豬肉，這口感...真的不是肉嗎？為什麼這麼像肉？朋友更搞笑，吃完整個生煎包，我告訴他這是素肉，他一臉驚訝的望著我，以為新豬肉是一種新品種的豬，完全沒有察覺是素😅另外又叫了小籠包，水餃麵，中上水準。

充滿湯汁的生煎包今日途經旺角想食個暖胃既下午茶 走著走著就到了上海生煎皇 之前黎食過多次 佢既生煎包都冇令我失望 所以我不加思索地就走左入去叫左一客生煎包同麻辣雞翼菜飯 另外點了兩杯豆漿 生煎包香脆皮薄 看似不太熱但食既時候要非常小心 佢嘅湯汁非常多 仲要熱辣辣 但係入邊嘅肉 肉質結實 隨着湯汁嘅清甜 係美味的民間小吃 至於雞翼方面 佢比我嘅感覺似土匪雞翼 但香料冇咁多 唯獨比較失望嘅係冇麻辣味 不過佢亦都非常好食 個人非常推介佢哋嘅熱豆漿 飲得出係真材實料 濃郁既豆香 有時經過我都會叫杯熱豆漿外賣 超好飲！！😋

今天和朋友吃上海菜，呢間餐廳自己都幫襯過無數次！係好抵食上海餐廳，不過朋友們就未食過。餐廳係小店！但係每日都有好多人排隊幫襯，由於我地去到的時候已經9點。所以都算快有位座。這裡不得不吃的是生煎包， 生煎包外皮煎到有少少脆，内餡充滿湯汁加上内餡鮮味，很不錯每次都必點。小籠包：味道可以，但有更好的 ，這裡的小湯汁偏濃一點點。我個人就比較愛翡翠拉麵的小籠包。青瓜是我的最愛，味道不會很辣因爲我朋友不吃辣都能接受！雞絲粉皮的胡麻醬比較多，如果喜愛吃胡麻醬的人應該很喜歡。             排骨菜飯：排骨頗香，豬肉肥瘦適中，配上菜飯可減低油膩感。紅燒外婆肉：因爲太飽所以吃不下，不過我見到很多人都有叫，味道應該不會太差。這裡最值得推介的就是生煎包!!想起裏面的餡料和肉汁，又心思思想吃la~

Overall: 🌟🌟🌟🌟Environment: The environment was okay. Not too perfect. If you go during the peak hour, make sure don’t bring a huge personally belongs. As you might not have enough room to place etc. Service: the service was fair. The food was really fast, we didn’t have to wait too long. Taste: Dan Dan noodles- the noodle were nice. Not too spicy and still have the peanut taste. The noodles are chewy. Pan fried bun- it was super juicy and freshly hot when they gave it to us. Make sure don’t take

今天約左好朋友食2018既（最後）午餐，之後就要2019見了。約左2pm，店內唔算太多人，叫左兩個午餐，一碗四川擔擔麵，一碗韭菜豬肉水餃麵，一籠小籠包，仲有雞絲粉皮，另外有汽水。擔擔麵唔辣，比較香麻醬味；水餃麵個湯底比較清淡，加左醋就唔錯，韭菜餃好香多料；雞絲粉皮個麻醬又係好味，粉皮都好滑；至我覺得小籠包係最好味的一款，多汁而皮算薄，夾起唔會爛，一啖食一粒就原汁原味！店內比較細，坐得唔係太舒服，所以都唔選擇呢間食晚餐，但午餐就無乜所謂！

路過旺角，下午茶選擇呢間食上海野！果然冇令我失望👍🏻擔擔麵味道夠，麻辣適中👍🏻！唯一一樣份量少左啲（可能我大食）🤪另外，菜肉雲吞口味道都正，要提一提係雲吞個口感，有別於出面其他麵店食果啲👍🏻整體有90分下次會試酸辣麵！

想方便地食個上海麵，想快，「上海生煎皇」真係唔錯既選擇。旺角呢間都幾迫，包你唔會想坐耐啲。上海食店都係果啲例牌野啦。—四川擔擔麵男朋友去親上海食店都必點。佢好鐘意個湯，覺得夠濃味，花生碎亦好夠。🤣藍妹就唔鐘意啦，因為佢係麻辣果種，而藍妹最接受唔到麻既。🤧—皮蛋豆腐豆腐超級滑，藍妹一食就停唔到，最主要係佢既豉油好甜。甜豉油加豆腐，正！😍—原諒藍妹唔記得影佢既生煎包，佢果到既生煎包好有趣，個頂係向下既，反而煎完既底會向住你。食果陣真係要超小心！藍妹為食，一黎就咬落去，啲汁「芝」哂出黎，搞到辣到手添。😭會辣到手，可想言之佢幾新鮮滾熱辣，肉汁真係超多，包你食到lam lam脷。🤤

係旺角諗唔到食咩好就會去食佢😂 食過兩次都覺得好好味 價錢亦十分合理！下午菜套餐叫A+B會送飲品 推薦大家食炸排骨菜飯 豬扒厚身有肉汁 但菜飯略嫌唔夠味 不過有肉配飯就尚算可以啦！另外仲叫左雞絲粉皮同擔擔麵 個人覺得擔擔麵花生味太濃 湯底都太稠 如果鐘意花生味偏濃既朋友應該會鐘意食既 生煎包都係呢間店既招牌菜 基本上每枱人都會叫嚟食 個包煎得岩岩好 煎到金黃脆口冇變硬 皮亦都唔會太厚 入面有好多汁 食個陣要小心啲 唔好辣到口 呢個都推薦！

香酥餅（生菜、肉鬆）$32自從上次吃過它的擔擔麵後，便經常光顧。-其實是手抓餅。表面煎得頗脆，但吃下去帶點麵粉味😟。-想不到生菜和肉鬆這個組合也很夾😋。-回頭指數：5/10-感覺上銅鑼分店與這家分店的食物質素有明顯差別🧐，銅鑼灣店的食物質素較佳。-

旺角係一個萬物集合嘅地方我自己都周不時會落旺角行下當落到旺角肚餓唔知食乜好嘅時候呢一間舖頭都係我會考慮嘅餐廳其中之一佢哋都已經喺旺角區開咗好多年今次再去試下佢哋嘅味道有冇改變到先我哋除咗嗌咗生煎包之外仲嗌咗一籠小籠包首先講一講小籠包先小籠包出爐熱辣辣要攤一攤等佢凍啲先好放入口小籠包普普通通，個皮唔算薄肉汁唔係好多，佢嘅肉餡都係普通肉餡冇乜特別而生煎包果然係招牌菜式外皮又脆又香口，而且麵包皮唔會好厚亦都唔覺得膩肉汁仲好多，如果稍一不慎好容易就會辣親條脷不過真係好味道

而家出街食餃子都好貴，但咁啱屋企人想食，行過見到呢間的下午茶都幾抵食，就入左去叫左六隻韭菜餃子配豆漿。呢間之前食過，都出左名抵食，以而家的市來講，30蚊有6隻餃加野飲係幾抵。不過奉勸大家買外賣，千祈唔好買韭菜餃子。因為當我搭車嘅時候，浸味好大，搞到好尷尬😅返去我都食咗幾隻，幾大隻味道都唔錯，正正常常啦。

因為鐘意食生煎包，決定試下依間生煎包質素如何。中午套餐餐牌話係排骨其實似豬排多d,好厚肉好juicy又淋。最驚喜係碗菜飯，平時食果d菜飯得個樣，d菜少得可憐。但依碗菜飯真係超多菜，一d都吾孤寒，同埋d菜一d都吾黃👍👍終於黎到重頭戲啦，今日主角生煎包。店員好細心提醒小心燙嘴，話岩岩新鮮整起。細細啖咬左一下個皮，入面d肉汁即刻流左出黎，好彩一早用匙兜住先吾會浪費左d精華。雖然一早流走左d肉汁，但之後再咬都有肉汁流出，可想而知d肉汁係有幾多😮

雖然係晚飯時間但係因為唔係好肚餓，就決定同朋友掃街：食街頭小食😆食完一輪之後經過見到呢間生煎包專門店，早就聽聞過佢地既大名但係未真係食過，所以我地就點左4個生煎包外賣🥡本來諗住拎走，但係覺得侷耐左可能無咁好食，所以最後變左企係門口食外賣～生煎包比想像中細個，不過咬落去都食到幾多豬肉料，而且皮都算薄，唔好好似食好多麵粉既感覺，而且有好多肉汁，味道做得幾唔錯。雖然係用煎既方法，但係都唔會覺得好油膩～不過我覺得以呢個size黎講價錢算貴～

今日突然想食生煎包，去左哩間馳名既上海食店，叫左兩個生煎包，入面湯汁好熱辣辣，而且好香，百食不厭，另外叫多個炸排骨菜飯，d飯有菜感覺上健康d，排骨幾香不過有點硬。