正斗粥麵專家 (已結業)

正斗粥麵同小菜兩個鋪位，其實都屬於同一個老闆。小菜鋪位可以叫小菜，不可叫平價的粥麵，但相反粥麵鋪可以叫小菜。正斗雖然不算便宜，都吃過不少次，雲吞，不過不失，算過得去，但不算得突出。反而紅磡舊區有一間雲吞麵幾好, 但環境卻麻麻.乾炒牛河，算是過得去，不算乾身，但好在抄河之前，已把河粉和鼓油得撈得混，故算是有點味道。點心也不過不失。豬手撈麵，湯底重鹼水味。裝修算ok，乾乾淨淨。腸粉，水準平穩，無突出。服務態度，相差極端，低層員工特別好禮貌，但相對最無禮的是應待女經理，不可一世，所以點菜，要搵普通待應，唔好搵高層，除非想看經理黑口黑面.

香港人經過鮑參翅肚時期的洗禮, 回歸基本, 尋找一碗普通的雲吞麵, 但越簡單的, 就越難做得好, 但香港人最有口福, 在香港什麼都找得到, 食得到! <正斗>係四大雲吞麵世家<何洪記>的子店, 且食物種類較母店為多, 無論粥品, 炒粉麵飯, 小菜到點心都有, 且水準上佳, 確實難得. 說回雲吞麵, 做一碗好食又正宗的雲吞麵, 有幾個條件: 麵要軟滑, 咬落去又有彈牙的感覺; 湯要清且濃; 雲吞用料新鮮之餘, 蝦, 豬肉與肥肉的比例要恰到好處, 皮要薄, 又不可太大粒, 還要有條金魚尾! 正斗絕對做到以上要求, 所以為何別處賣十一元大大碗, 而這裡二十七細細碗亦有大量捧場客, 其實每樣事情都一樣, 只要根基札實, 把基本的做好, 到你再創新的時候就會事半供倍, 但現在很多人都忽視了這點, 只想一步登天, 基本的都做不好, 就想做些更有高層次的事來, 不知大家品嘗一碗好的雲吞麵時, 會不會想一想當中的人生道理呢?

又係下午荼時間，鋪面不太但店內沒很多客，我們點了細蓉及紅棗茶。麵條很彈牙，雲吞亦很好，湯很香。但食下去又沒有嘩一聲的感覺，或者下次可以試試其他菜吧。

又是慘淡、勁多功課的weekend，不想跑遠，就去了黃埔的『正斗粥麵專家』，雖然是粥麵專家，可真正吸引到我們的卻是炒飯。滑蛋蝦仁炒飯索價$88，真是吃過的炒飯中最矜貴的了，可是無論是取材還是味道，蝦仁抑或滑蛋，都頗具水準，絕不會令人覺得錢花得冤枉。蝦仁大件，鮮味十足又十分彈牙爽口；雞蛋嫩滑充滿蔥香；炒飯也一點都不含糊，拌了滑蛋蛋汁后更令人食不停口。不過，缺點是整個餸都偏咸，大概是一時失手鹽落多了。再來一杯熱情果黃桃蜜暖暖胃，黃桃味道很出，但熱情果就一點都飲不出來，有些許失望。雖然是最貴的滑蛋蝦仁飯，卻也好味到令人心甘情愿，單這一個菜已值得一枚笑面。如果下次再來這間食肆，我估我八成都還是會點這個炒飯呀！

如果你覺得正斗價錢貴的話,不如在下午三時一刻前來.這店的西關雲吞麵,在此時段只賣$18一碗.雲吞麵就雲吞麵,為何加多個"西關"二字?西關是廣州其中一個地方名,店方無非都係想為自家的雲吞,添加一點點羊城色彩.現今廣州的雲吞麵不比香港好吃,用上廣州地方名來冠名,有幾馨香?早一點來到也不能點此味,店員說要等到三點才能下單,赫見收銀處的咭鐘,已經過了三點,不過亦無謂去爭論下去,叫多一味來間場吃亦無不可.正斗亦有一些懷舊點心供應,見到雞球大包只賣$22,即刻叫一籠.本來要個飽來間場,即叫即蒸製作需時,邊吃住檯上的酸菜等吃.結果最後還是雲吞麵先來.份量正常地小,如果想吃大碗麵,正斗不是閣下杯茶.雲吞麵份量小,是應該.湯羹放底,雲吞沉底不見天.賣相正宗.麵條爽口彈牙,雲吞夠細帶小散尾,餡料豬同蝦肉比例適中,湯底清鮮不濁.在下午茶花區區$18就吃到這般水準的雲吞麵,實在超值.大包真的名乎其實,包身鬆軟香甜,面上的春蛋甘香可口,餡料的雞球反而很少,可能同包本身太厚,所以餡料相對不多.如果想用相宜一點的價錢,換出一碗有水準的雲吞麵,在下午三時至六時這段時間前來.其他時間,就要收原價了.

这是现代装潢的蔡澜美食坊里一家怀旧风格的餐馆，以粤式粥面为主，干炒牛河据说是全香港最好的，色香味果然都不错，但可能也是全港最贵的（68元）。鲍鱼鸡球大包也是经典，一个人肯定消灭不了；几个人瓜分，有人分到鲍鱼，有人分到鸡块，有人分到香菇，有人分到鹌鹑蛋，也是一乐。焖猪手焖得很软，凤爪味道做得很入，都值得一试。椒盐鱿鱼炸得太硬，不过关。糖水中，番薯有质感，味道好，其他则一般。芒果布甸不新鲜，让侍应换了一份才好。

方魚肉碎蠔仔粥HK$52份量大．蠔仔的尺寸也大差不多有一吋，卻欠蠔味．湯鮮甜．炸過的方魚很香口，甚是欣賞．還有冬菇，非常滿意瑤柱魚翅水餃麵HK$36水餃內找不著魚翅，但基本的材料如爽脆木耳還是有的．麵質不算爽．整體來說只屬一般原汁柱侯炆牛腩HK$48(小)賣相吸引，牛腩、牛筋也很腍，汁香濃，生菜墊底，不俗設加一服務費價錢於此區屬貴

星期六下午本來想去飲茶,點知成個黄埔間間都爆滿,記得呢間都有點心食,唯有走去蔡瀾美食坊碰吓運氣,一入去即刻有位.點心款式唔多都係D大路嘢,價錢就唔平,叫咗燒賣,牛肉,鳳爪,牛腸,大飽等,睇嚟睇去都係食午市套餐抵D,分別叫咗野菌炒牛柳同五柳班塊,先講點心,唔係俾酒樓好但係價錢就貴過酒樓,燒賣比較好,因為係切肉並非一般碎肉,大飽都幾正宗,D雞係連皮成舊去蒸.至於午市套餐嘅野菌炒牛柳就好正,炒得好香,五柳班塊就唔得,D魚腥嘅.不過例湯就正,夠濃又無乜味精.始終都係個句,水準唔平均,一樣得,另一樣又唔得,無計!

母親節當日照例大吃大喝,翌日想食得清淡D,食碗麵就算.下午兩點幾冇乜人,真係一節淡三墟.叫碗雲吞麵($30),見佢有午市套餐$45好抵就叫咗兩個.先講雲吞麵,成$30碗得幾粒细雲吞,大细唔係問題,最緊要好食.但係食落完全無味,D饀料唔夠新鲜,D麵又唔夠爽,绝對失敗.反而午市套餐仲有驚喜.首先例湯好對辦,粉葛湯夠濃好味,兩味餸分別係黑椒牛柳同西芹帶子,一般例牌size,味道都唔錯,仲有甜品送,好抵食.另外叫咗個擂沙湯丸($18)同窩貼($18),擂沙湯丸水準一般但係窩貼就正喇,饀料夠新鲜又煎得脆口.呢間D水準好飄忽,一D好一D差,都唔知點俾分好,不過都食得過,下次要試埋佢D粥.

佢有分粥麵及小菜兩個鋪位.今晚食粥麵.本以為佢收得呢個價錢, 可能好食d, 但點知令我都幾失望.1) 豬手撈面, 豬手好硬. 2) 介蘭, 素菇腸粉, 都ok.3) 全晚最好, 都係得過紫薑皮旦. (可能只係本人鐘意食皮旦)佢地叫得專家, 味道真係好一般, 俾我既感覺係重差過"好好"或"海景".貴- 唔一定真係唔會好食d.

其實已經幫襯過無數次嘞，水準都唔差既，不過價錢唔算平架，一碟炒粉麵都要七八十蚊，拍得住酒樓既價錢架。今次我哋點咗二人用生滾煲仔粥，揀咗豬膶、花枝丸及魚片做配料，粥底很綿又熱辣辣、配料足，亦算新鮮。另外仲有白灼鴛鴦蚌（象拔蚌及桂花蚌），有銀芽及韮黃墊底，但味道一般。蒜蓉白菜仔炒得太油膩。服務認真麻麻，侍應唔夠醒目，唔識幫客人加茶，又落錯單咁。

清心不清心用江西薯（又或蕃薯粉，又或城鵝粉）造的清心丸，色澤清而且明，口感韌中帶彈，配一口清而不濁的甜湯，實在有說不出來的愜意。可是，這碗用少量冰糖、大量砂糖弄出來的蓮子白果清心丸，甜得來沒勁，甜得來也沒性格。當然知道市價，但這碗索價三十大洋的糖水，料子未免單薄了點。想到這裡，猶恨在心，恕未能清心。

水準算是過得去，食物有鑊氣，如果小菜加一點豬油，則有小時候去大檔棑的鑊氣及香味。大多數的小菜平均都不錯，但服務呢？愈高級，愈黑臉，反而低級服務員的服務還好些呢？如果不是廚房有水準，相信正斗已經拍烏繩了。乾抄牛河算不錯，下午茶有優惠，反而外賣，收正價，因為吾妻愛吃，所以正價也取走也。

又一個出隊的晚上, 大家還記得當晚的情形嗎? 想著到此, 又係一句, 變幻原是永恆. 想說的係除了珍惜之外, 還是要好好把握.當晚大家都係匆匆趕去紅磡, 未食飯. 之後當然要好好食餐, 就過來了這裡.九點幾, 無乜人了. 始終而個場係完完全全的今非昔比. 現在連凝聚力都無了, 下一步會係點? 五個人, 坐在別有洞天的大圓臺, 鬆鬆動動.這裡係兩邊通, 我們只要叫正斗金廚這邊的小菜, 一碟都得, 就可一併叫隔離正斗粥麵的粥粉麵, 一次試足兩邊的食物.下火皮蛋瘦肉粥$28: 9分, 粥底係好綿, 米香足夠, 幾多皮蛋, 食完又好似係幾下火.炸兩$26: 9分, 真係做到皮薄餡靚. 腸粉皮係好薄, 油炸鬼好脆, 新鮮熱辣, 相當得.正斗鮮蝦雲吞麵$28: 9分, 年前的得獎作品. 要了小的, 就算五個人分都係要回最正路的細蓉, 又唔係要填肚, 唔要大的了. 依然係幾高水準的雲吞麵. 麵無鹼水味, 比永華的易入口. 雲吞細細粒, 一口一啖. 蝦子湯底也不錯.甜蜜蜜鰻魚件$58: 9分, 鰻魚件好鮮甜, 個蜜味汁好入味, 唔腥. 炸過的鰻魚件帶點脆身, 鰻魚肉又算嫩滑. 係份量比較細.桑拿農家雞

我同老婆兩個人田雞粥一碗北菰滑雞粥一碗炸兩一碟薑蔥鯇魚皮一碟田雞粥同滑雞粥兩樣唔同時間嘅野撈埋一齊滾完分番開攪到雞粥有田雞肉, 田雞粥又唔熟又有雞皮咁整法我駛鬼分兩碗叫咩, 我叫兩碗鴛鴦雞粥咪得囉廚房大佬可能覺得咁樣叫環保, 唔駛太多燃料兩個都係食得幾啖半碗唔食炸兩漏氣得層皮夠滑, 魚皮食得下(因為冇味自己加豉油食)埋單$139, 夠我食廿碗白粥食死佢