影片
营业时间
今日营业
11:30 - 21:00
星期一至日
11:30 - 21:00
公众假期
11:30 - 21:00
公众假期前夕
11:30 - 21:00
以上资料只供参考，请与餐厅确认详情
-
网上订座即将推出
相关文章
段純貞喺The Southside開咗喇餐廳嘅環境好有格調座位闊落舒適牛肉麵依然好高水準呢間分店仲有同Chatime合作美味嘅台式飲品同牛肉麵簡直係絕配🔸麻辣鴨血冬粉鴨血嘅份量都幾多，食落質能細嫩，好有彈性，完全唔腥。冬粉口感滑膩，每一條都掛到汁，食落麻香味十足。🔸大腸麵線麵線嘅口感滑漏彈牙，大腸清洗得好乾淨，完全冇臊味。味道食落好正宗，好有台灣風味。🔸滷水拼盤拼盤好豐富，有多款美味嘅滷味，包括牛肚、牛𦟌、滷水蛋、豆乾同埋鮮菌。每一件滷味都醃得好入味，鍾意食滷味嘅朋友絕對唔可以錯過。🔸招牌紅燒腱心牛肉麵呢道係餐廳嘅招牌菜，師傅將牛腱肉以慢火烹煮6小時，所以食落口感軟滑細嫩，牛香鮮味濃郁。食客可自行選擇手工麵或細麵，每一條麵條都吸收晒紅燒牛肉湯嘅香味，不愧為餐廳嘅招牌菜。🔸酸辣豬軟骨段式乾拌麵豬軟骨食落入口即化，完全冇筋，肉質嫩滑。細麵條食落好滑溜，酸辣嘅調味同麵條好夾，開胃得嚟又惹味。🔸招牌珍奶奶香茶濃，珍珠爽滑彈牙，甜度同冰量都可以選擇，非常貼心。🔸太極厚奶呢杯嘅奶味更為香濃，同茶嘅香味好夾。🔸純貞芋圓1號有仙草、紅豆、芋圓、透明珍珠、黑糖珍珠同埋愛玉做配料，食落冰爽涼快。🔸純貞芋圓2號有仙草、芋泥、紅豆、芋圓、透明珍珠同埋黑糖珍珠做配料，口感極有層次。
继续阅读
台灣人氣牛肉麵店段純貞唔經唔覺都黎左香港4年今次佢地係The Southside開左新分店黃竹坑店仲同人氣茶飲店 Chatime合作食住段純貞都可以enjoy台式飲品除左台式飲品外佢地亦增添左新小食同甜品滷水拼盤 港幣98元 牛肚 l 牛𦟌 l 滷蛋 l 豆乾 l 鮮菌拼盤好豐富而且份量又多2-3個人share都完全ok滷水濃香但又唔會過鹹膩或苦澀每款配料都索晒滷水嘅精華自己最鍾意係牛肚 入口爽彈又滑嫩蔥肉蝦餅 港幣48元蝦餅煎得香口彈牙內裏有粒粒蝦肉 配埋青蔥好鮮甜 配搭辣椒油做配味更惹味大腸麵線 港幣48元 麵線高湯湯底鮮味又香濃芡汁稠度啱啱好唔會過杰身大腸處理得乾淨 口感好彈牙犇牛四寶麵 港幣108元 牛腱 l 牛筋 l 牛肚 l 嫩五花黎到段純貞點可以miss左主角牛肉麵牛肉湯鮮甜 充滿牛骨香氣 整體一d都唔油膩湯底經超過18小時烹調而成 風味更濃郁味道同時帶點香料及藥材香氣麵條可以選擇粗麵或幼麵 今次就揀左前者 因為粗麵掛湯力同煙韌度都更高四寶牛同樣出色 全部都好嫩腍又充滿牛香酸辣豬軟骨段式乾拌麵（細麵）豬軟骨軟腍得黎中間帶住脆口軟骨 果道鹹香又帶點甜味底下拌麵吸入酸辣汁 味道酸酸辣辣好開胃細麵質感同樣彈牙純貞芋園1號仙草 l 紅豆 l 芋圓珍珠 l 冰糖珍珠 l 愛玉到甜品又點可以無芋圓芋圓芋頭味好香而且口感Q韌冰涼嘅芋圓配上嫩滑仙草同愛玉作為甜品豐富又滿足純貞芋圓2號桂花冰糖 l 黑糖珍珠 l 豆花 l 芋圓芋圓配上豆花同樣夾伴以桂花冰糖味道更清香芋圓同樣Q韌重芋香哈蜜瓜奶綠夏天新產品入口好香滑 充滿蜜瓜清香奶味同蜜瓜味平衡 冰涼又清新芒果QQ忘滿夏日感嘅選擇仲係chatime top5人氣之選味道清甜 入口啖啖煙韌嘅珍珠同椰果
继续阅读
想在香港食正宗台灣牛肉麵，我第一時間一定會諗起「段純貞牛肉麵」，在台灣和香港都食過，最愛「招牌紅燒腱心牛肉麵」的牛腱心肉軟腍又Q彈，重點當然係湯底，香濃嘅牛骨高湯，真的令人回味！最近還在黃竹坑新商場開設新分店，除了原有菜單外，更獨家增設台灣滷菜風味菜單，更與台灣人氣手搖茶飲店「Chatime」合作，有超多款台式飲品配合美味的台菜！▪️ 招牌紅燒腱心牛肉麵 $ 86一隻牛只能取出約五碗份量的牛腱心肉，花紋狀的油脂分布均勻，豐富膠質及黃金比例的半筋半肉，口感軟Q，肉香醇厚，湯底以牛大骨熬煮，經過數小時慢火細燉，靜置一晚凝聚風味，鮮甜又濃郁，每次吃完都令人再三回味▪️濃湯燉雞麵 $ 88雞件鮮嫩，肉質細滑不會過腍，濃濃的鮮雞香，湯頭更用新鮮雞慢火熬煮6小時，味道濃香散發清鮮雞香，加上香蔥，極致美味▪️蔥肉蝦餅 $ 48有著夜市月亮蝦餅的風味，炸得外皮超香脆，蝦膠超彈牙，卜脆卜脆，沾上酸甜醬汁，加上香蔥，香口滋味▪️鹽酥雞 $ 48鹽酥雞選用無骨雞腿，外層超級酥脆，而且帶有濃濃嘅蒜香味道，雞腿肉極之嫩滑，口感爽口不油膩，極之入味▪️纯貞芋圓1號 $ 48最傳統的台式風味甜品，材料滿滿，有仙草、紅豆、芋圓珍珠、冰糖珍珠、愛玉，多重口感，最愛三色芋圓的煙靭，而且唔太甜，好美味▪️黑白豆花 $ 35滋潤之選，完全符合中式糖水美味的杏仁糊、芝麻糊、味道濃厚充滿原材料的香氣，加上芋圓、豆花，多重滋味▪️招牌珍奶 $ 30台式茶飲必飲的梗係最傳統嘅珍珠奶茶，茶香醇厚，珍珠煙靭，而且可以自選甜度，我就揀咗3分糖，唔太甜至啱我▪️西瓜荔枝冰沙 $ 34夏日炎炎，這兩款水果造成嘅冰沙，就最適合而家呢個天氣，冰涼冰涼，清新又解渴
继续阅读
今日第一次去食叫左一個牛肉麵同小食咁menu上寫住如果要水 可以叫服務員要求的咁我舉手 就有一個類似高級d既女人（生到成個群姐咁）走埋來 然後我講左兩次要水 之後行開左就無再理我 等左好耐 我再叫另一位 服務員 佢態度就非常好啦 等左幾分鐘就有水啦野食方面 我覺得牛筋好q彈 牛湯濃郁去到埋單 又係群姐負責 佢do唔到我個俾錢code 就用一個無表情 鵝公喉聲 語氣都惡 咁叫我 「拉埋d 啦」
继续阅读
剛跟朋友喺附近傾計飲了點酒，離開時感到有點兒宿醉， 就腳去了附近段純貞坐坐，叫了碗《濃湯燉雞麵》解解酒氣。 一碗滿滿嘅雞湯麵嚟到，飲咗幾口高湯，立時感到舒服點， 食完碗麵，再坐一陣， 成個人醒返晒。講返呢度碗《濃湯燉雞麵》， 都可以話做得不錯，幾啱我口味。 碗《濃湯燉雞麵》嘅雞湯熬製成乳白色高湯，雞高湯香濃鮮甜，而且整碗湯麵一點肥油都唔覺有 ，飲得舒服。 雞腿肉相當嫩滑，雞肉浸在濃郁高湯內， 入口時雞肉更覺鮮甜美味。 麵食選了用手工麵，麵條寬身，入口彈牙有嚼勁。
继续阅读