殿·大喜屋

营业中

休息中

位於帝京洒店既放題，我第二次食啦！三百幾蚊一位既放題可以吃到海膽😱仲可以任食魚子醬😱真係好抵食呀😋刺身都係厚切嫁，有三文魚，甜蝦，帶子，長腳蟹，都有呀‼️熟食就有燒生蠔🦪燒乳鴿，蝦餃，燒賣，小籠包，鵝肝多士，燒大蝦，嘢食係多到數唔晒而外面自助區仲有任食榴槤蓉😋各類冷盤，沙律🥗飲品🍸有大量唔同種類既茶類，果汁類，汽水類，仲有清酒任飲🫶🏼甜品亦有各種蛋糕，同雪糕雪條😋真係多到我食唔晒😋

朋友即將去外國讀書，臨走前同佢食餐好。呢間殿大喜屋應該係日本放題中最高級的。雖然係平日，但中午已經好多人排隊，大家記得早D book定枱。入到去的環境已經覺得好舒服，裝修充滿日式風格，座位夠闊落。刺身當然係必食之選，肉厚鮮嫩，長腳蟹腳鮮味十足，肉質細嫩，保持到一貫的水準。呢度仲有好多款高級食材，酒店級的自助餐都未必食到，包括魚子醬，仲要原罐上。魚卵色澤光鮮，第一次食的我，表示好滿足。另外日本海膽，乳鴿，鮑汁鮑魚，醉鮑魚，金湯燴花膠等等，都可以俾你試勻，重點係食村的品質都好高。海鮮控大推金蒜粉絲蒸扇貝、川燒珍寶鮮蠔燒全部都好大隻，食落去有天然的海水味又夠惹味。另外避風塘炒蟹用上肉蟹，啖啖肉，好有大排檔水準。鹽燒泰國鮮草蝦的鮮肉新鮮爽彈。辣酒煮花螺好大隻，肉質鮮甜爽脆，煮得夠入味。當然仲包括左平時必食的天婦羅蝦，燒香草羊鞍冇膻味，肉質好嫩。西京燒比目魚和蒲燒鰻魚都夠肥美。榴槤炸彈同芝麻雞翼做得好出色，每次都食過返尋味。呢度最驚喜有樽港式奶茶飲，茶味香濃，飲落又夠順滑。仲有極尚椰皇燕窩燉蛋白，滑溜溜又夠清甜，加埋燕窩夠滋補補。雪糕仲Haagen Daz, movenpick仲有milktop

多年來都咁受歡迎嘅大喜屋最鍾意旺角MOKO呢間分店皆因位置喺帝京酒店環境舒適．食物新鮮有水準．五星級質數午市時段任食放題三小時．時間非常充裕有唔同海膽嘅菜式全部都選用日本海膽．好鮮甜三百幾蚊/位．竟然連仲有魚子醬任食性價比極高長腳蟹鮮甜．海水味亦唔會太鹹蜆肉大隻飽滿自助區乾淨衛生款式多前菜．炸物．水果．飲品．甜品生果區仲有榴槤蓉任食味道香甜濃郁單係Haagen Dazs 雪糕都有多款口味樣樣都好吸引今餐滿足又滿意

比較多內地客幫襯。環境很嘈雜，好似去咗大排檔一樣。廁所很恐怖，比公廁更嘔心。食物一般，餐牌本有金槍魚腩，但點了也沒有出餐，若以400多元來說，是有點不值。枱很細，攞放食物的空間也不夠。

其實食物質素問題不大，最大問題係佢哋收餐收碟嘅時候，會攞住一架垃圾車推來推去，喺你面前，將嗰啲食物殘渣或者垃圾倒落去嗰個垃圾車度🤮🤢，而你係可以好清楚咁見到或者聞到嗰啲食物殘渣嘅氣味😵，我之前自己去食，唔知係咪啲職員蝦我一個人，經常走來收餐碟，但就將架垃圾車推到去我張餐枱好近😓，仲要停留好耐🫨🫨。好似等我快啲食完佢可以快啲收咁😓🤬，我可以見到垃圾餐車裏面食物殘渣同埋啲汁液豉油🤮 ，當佢將啲殘渣倒落去佢個垃圾兜度，汁液係會飛上嚟落我張枱同我啲食物上面🤢🤢。 話晒價錢都唔係平，但我就得到咁樣嘅待遇，真係唔敢再去多次😭😭😖😫你哋咁樣收餐法，你哋啲嘢食幾好食都冇用啦，見到都嘔返晒出嚟真係唔明點解你哋唔覺得有問題？其實知唔知你哋咁做係好污糟好唔衛生。其實真係想自己一個人放假食餐好嘅，點解要留呢啲陰影俾我😰

呢間放題之前成日聽朋友講話好正好正☺️終於都去左食啦🥰放題地點位於旺角MoKo帝京酒店內，質素自然有返咁上下，食完真係會令人想encore嘅一間放題😝放題環境寬敞舒適，入面好多卡座，唔會好似一般放題咁好多細枱，比較迫，呢度真係好有食自助餐嘅鬆弛感，可以慢慢享受慢慢食，而且價錢又比自助餐平👍我地坐低後兵分兩路，一個負責拎自助吧，一個負責QR落單點餐，幾有效率🤣自助吧有好多海鮮冷盤、小食前菜、水果🍉仲有點心區甜品區等…我哋點左好多野食，有刺身、壽司🍣、燒物、熟食、甜品🍮、炒蟹🦀️創作料理等….. 全部食物都好新鮮同有質素😋😋OR區落單真係方便好多，而且無出現漏單情況👍餐廳職員收碟速度又快，服務周到💯仲有超級加分位係三百幾蚊，連魚子醬都係任食🤩🤩同埋佢哋所有海膽菜式都係用日本海膽，番本真係話咁易嘅事😉呢個甜品好得，encore左📍殿·大喜屋 (旺角)旺角太子道西193號帝京酒店2樓#yummy #relax #酒店水準 #高質放題 #日式放題 #選擇多 #旺角帝京酒店 #旺角放題 #殿大喜屋 #美食推介 #人氣推介 #必食之選 #mk

💡 高性價比的日式放題難得同另一半放假，緊係去食新開個間殿·大喜屋放題慶祝一下，呢間地點好方便，空間感十足，最正係三百幾蚊就可以任食魚子醬，真係第一次放題有，食幾次已經回本，而且佢地海膽菜式都係用日本海膽，質素有保證。🍽刺身｜壽司🍣件件都厚切又大件，我最鍾意三文魚刺身、油甘魚、拖羅等，連松葉蟹腳都有，壽司有多款式黑松露赤魚、燒牛肉，仲有鵝肝多左、海膽等，細細件，好易入口😍🍽熟食推介即燒乳鴿，皮脆肉嫩，又多肉汁，好有酒樓水準。醉鮑魚、皇帝蟹粥 🦀、花膠等，川燒珍寶鮮蠔燒，肥美飽滿又大隻，真係有好多選擇。🍽自助區自助區有勁多野食，例如海蝦、小龍蝦等，仲有好多涼拌同水果食，好飽。甜品仲要係任食Haagen Dazs 、movenpick 雪糕 🍨而家榴連蓉都係任食，真係不得了，岩曬我呢個榴連控。🍽飲品🥤飲品真係有勁多選擇，酒類飲品勁多，仲有任飲嘅清酒同梅酒。整體三百蚊幾就食到咁多食物，性價比真心係高💯

位於旺角東新世紀廣場既殿大喜屋，可以話係日式放題既首選。舖位前身係做自助餐，基本上裝修完都保留咗原有餐廳嘅設計，座位寬敞，有好大既取餐區。所以除左手機點餐之外，都有好多元化嘅食物於自助餐區供應。熟食例如小龍蝦、蒸魚、豬手、涼拌特色小菜，應有盡有。飲品區除咗包裝果汁，茶之外。手搖飲品、餐酒、清酒、梅酒等等，都一應俱全。 野食一如既往，種類豐富。刺身提供牡丹蝦、雪場蟹腳、帶子等高級食材。甜品區亦都好有特色，除咗一般嘅奶凍、芝士餅、雪條、豆腐花之外，發現餐廳提供咗一些特別嘅公仔造型大福餅，得意又好食😋上餐速度快，職員好勤力收碟，嘢食上枱都熱辣辣。快啲趁新開張去試吓啦😆

每次放題都會先嗌一大盤刺身🐟(C9仔心理)要回本呀嘛😂不過今次唔洗咁做啦😏因為依到連魚子醬🖤都有任食，海膽菜式🧡仲係用日本海膽🇯🇵仲有松葉蟹腳🦀 • TORO • 鵝肝厚多士 • 花雕醉鮑魚 • 避風塘炒蟹 • 海膽拖羅黑松露帶子 • 燒乳鴿 • 一品花膠 • 蟹黃粥 • 燒蠔🦪 • 椰皇燕窩燉蛋白🤍...依期仲係榴槤季💛，有新鮮榴槤肉蓉放題😳滑滑又濃郁。鍾意食榴槤既朋友仔，可以食咩都加番一Pat上去🤤最後記得要食埋Häagen-Dazs🍨Mövenpick雪糕，滿足埋甜品胃🤰🏻.讚讚位💕野飲基本罐裝 • 樽裝 • 紙包 • 冷泡茶 • 珍奶 • 酒類🍶🥃之外，有(熱🔥)暖櫃，靚靚們撞正個幾日都唔怕。咁多高級食材，都係三百幾蚊位，地點📍Royal Plaza Hotel酒店內，環境一定夠豪華又舒適🌟我食午市☀️仲可以食足3hrs(12:00 - 15:00) ，要回本更易啦🤪~•~•~•~•~•~•~•~•~•~•~•~•~•~•~•~•~•~•~• 🔺需加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~•

細仔仔7月22日，帶肥爸同靚媽，到呢間超高人氣，長期爆場嘅日式放題店，食午膳，因佢知肥華最愛，美食之一，三文魚籽，此店喺無限任食。而此店放題食品嘅質量，環境及員工待客態度，都俾同集團嘅日式放題食店高出一班，能在短時間内，成為炙手可熱，人氣食店，真喺實至名歸。而此店最得，肥華歡心就喺至愛食品，三文魚籽，可以當飯食，真喺有大滿足感覺，再加好食到要 encore又encore 嘅燒鱈魚乾及特別好味嘅甜蝦，呢餐日式放題午餐值💯🥰🥰🥰⭐️⭐️⭐️⭐️⭐️

一行八人食放題，全部食到飽住走⋯滿足係門口等入座時見到要四百幾蚊，仲諗緊點解咁多人食🤣 雖然book左枱，但去到都要等10零分鐘～ 一入到去已經聞到好大陣榴槤味😍😍 自助區都有好多選擇⋯ 榴槤蓉任食🥰仲有蒸點心 （麻麻地） 有烏雞湯、糖水、水果、甜品、飲品都好多選擇！！ 最主要貴價雪糕都可以任食～ 出面好多放題都限一人一杯🥲 加分位魚生都幾新鮮，整體員工禮貌都好好，遞碟比佢佢地會講唔該⋯ 係有個別員工上菜時會整到啲水去我件衫到 同埋個盤會係你頭上面過～ 總結： 呢間放題啲野幾好食， 可以再幫襯😊

身為大喜屋嘅粉絲 最近約埋老公去食旺角果間極尚大瀛喜日本料理拍拖👫 餐廳一如以往熱鬧 好多人排隊好旺場🤩 呢間殿·大喜屋地方超寬敞 空間感十足 坐得真係幾舒服😆晚市主打高級食材 包括魚子醬、海膽、吞拿魚腩、池魚王、帶子等!😍 300幾蚊食到甘多高級嘢 真係超抵！我哋主要係食壽司同刺身🍣 種類真係超多而且仲要好新鮮🥰 我最中意就係殿堂級鐵板鵝肝厚多士💓 鵝肝好肥美 一咬就陣陣油香😋 自助區域有炸鷄炸餃子同瀨尿蝦等等 好多新鮮水果，冷熱飲品、甜品、前菜冷盤、湯等等，種類繁多 真係食唔停口😂 食完老公大讚下次要再戰100回🤣

三百幾蚊魚子醬都任食😱😱大癲所有海膽菜式都使用日本🇯🇵海膽，個海膽軍艦鋪滿海膽，超級鮮甜刺身新鮮厚切，三文魚、甜蝦、帶子、長腳蟹，有質素保證熟食選擇多，中式有燒乳鴿、避風塘炒蟹🦀、蝦餃🦐、小籠包，味道媲美大排檔同酒樓鵝肝多士，超厚切，食落滿滿油脂感，滿大滿足🤤 蟹黃粥鋪滿蟹膏燒蠔🦪蒜味濃郁，完全冇腥味 仲有任拎嘅榴槤蓉，配埋軟雪糕🍦食，真係回哂本 飲品🥤同甜品🍮專櫃有大量選擇，梗有一款啱你

今日試咗一個魚子醬級嘅放題，同酒店buffet真係有得媲美，但係價錢講緊只係三百幾蚊就可以食到頂級魚子醬，係任食！而且仲有大量海膽菜式，所有海膽菜式仲要係日本海膽，真係俾我發掘到好嘢！呢個價錢可以食到多款美食，刺身方面，款式非常齊全，有三文魚、甜蝦、牡丹蝦、雪場蟹腳、金䱽魚、赤貝、北海道帶子等等。壽司款式種類非常多，而且用料非常新鮮，說得上是比一般壽司店更齊全！推薦款式包括：黑松露油甘魚、油花四溢三文魚腩、海膽拖羅、羅勒醬燒大蝦🍤、火炙海膽帆立貝、鹽燒左口魚邊、海膽軍艦等等。海膽色澤金黃而且味道回甘鮮甜，加上落足料，一個軍艦嘅海膽我見到足足有三層，厚過啲飯，吃起來真係大滿足架！熟食方面，蒜蓉燒生蠔、西京燒比目魚、蟹粥、乳鴿等等都係非常受歡迎嘅款式。另外自助區都有不少熟食和點心選擇，Refill速度夠晒快，記得一定要食埋時令生果呀，因為隨時會見到大大碟榴槤蓉任食，配雪糕真係一流啊！

放假出旺角MOKO行下，才發現原來帝京酒店的花月庭自助餐餐廳結業了，衣家變左做《殿·大喜屋》，網上見未來幾天都Full晒booking，唯有直接過去博下有無位啦！幸好去到又有位俾我地喎！✌🏻今晚有口福了😋，居然這間放題有西伯利亞既鱘龍魚子醬喎！😍 出面買要兩百幾蚊罐果喎！衣家三百幾蚊居然可以任食，咁樣好快回本果喎！😏自助區賣點還有鱒魚子及榴槤蓉，個個都成碗成碗咁攞，唔係呀嘛！😲 刺身賣點除左赤蝦及長腳蟹，居然還有拖羅，質素好高，大腹都被我地吃上，雪糕係 Häagen-dazs，CP值真係超高呀！👍🏻👍🏻👍🏻問左店員話午市同晚市啲野食係一樣架！同一價錢午市任飲任食三小時，咁樣下次就可以約埋班姊妹邊傾邊食了😌