民園麵家 (已結業)

今晚同朋友係附近飲完野, 見有d餓, 黎左呢度食宵夜!我叫左~水餃米($14) : 三大隻水餃同米粉. d水餃真係好大隻架~有我隻中指咁長~ 涵料有蝦,豬肉同冬菇~ 好抵食~油菜($7) : 唔錯啦~朋友叫左~魚蛋米($14) : 見佢好多料呀~ 又有魚蛋又有魚片~淨牛腩($30) : 大大碟, 好好味~ 仲有d油菜塾抵tim!又飽又好味~ 下次試埋隔離玉葉甜品先得!

成日都食牛腩, 今次想試下其他野.不過牛腩唔食又好對唔住自己所以要左碗牛腩水餃米.牛腩仍然好出色, 今次只係想講下d水餃.餡有一般水餃有既野, 不過味道亦都係好一般唔似自己包唔知係咪街買架呢平時單送就14黎講, 我覺得廿蚊一碗雙併都幾貴.

一班朋友相聚, 食糖水之餘肚子還有點空位, 點了一碗豬手撈麵, 豬手入味有質感, 汁料亦香濃, 加上麵質唔錯, 十分討好~ (同伴則認為幼麵有點怪味~)

哎呀新客仔真係新客仔, 放工拿拿聲又去食好好味既牛腩, 一埋去就大嗌「牛腩撈粗丫唔該」, 但老細就話「我地唔賣粗架」. 其實一向都唔太鍾意食麵, 不過好想試下佢既撈又冇理由撈米架嘛.今次有三舊牛筋, 而且好大舊, 食完都有d飽飽地.其實今次想講下d麵, "間"水味唔多只係少少, 但吸收唔到腩汁既味道, 都係湯米好食d

晏晝冇食飯特登等下午茶, 不過呢行黎行去經過好多餐廳都唔入去, 潛意識都係好想黎依到見識下.其實之前已經搵過兩三次, 今次都係兜一大大個圈先搵到呢.坐低冇考慮過就要左碗牛腩米.上時見到D牛腩個樣炆得好入味, 顏色好濃, 而且肥瘦適中.咬落去隻汁果然正, 冇六角陣味(我好憎), 而且唔會鞋烚烚, 又唔會肥到滿口油. 牛筋亦煮得岩岩好, 好淋但又唔會一咬就變左一PET 野, 連我平時對牛筋冇興趣既人都覺得好好食.這個牛腩米點只「食得過」咁簡單.好開心平時成日要經過呢到...大把機會繼續食

成日嚟 呢頭食飯，但今日先第一次食，食咗碗豬手伊，$15一般咁啦，特別在條斜路囉。

今日剛落機，飛左十幾個鐘只得雪糕頂肚，當直接返到公司打點一下就立即搵地方醫肚。在彼邦貴及平也有吃，海鮮、牛扒、羊扒都有，但總吃不到合意的，不知何解，時常在腦海中閃出撈麵的映象，所以立即就行上來食碗牛腩撈。今日不太熱，坐在戶外食麵也不覺太熱。叫碟牛腩撈加碟菜，撈麵是照舊的大碟，可能吃了西餐幾日，今日吃這個腩汁撈麵是特別美味。有牛腩又有大舊牛筋，有人喜吃腩，有人喜吃筋，我是兩樣都要有。嚴格上論味道當以九記的清湯腩質數好一點，但這裡的柱侯牛腩又是另一味道。今日而言，我是吃得特別的津津有味。菜心大碟，菜亦幾靚，不比收貴幾倍的黃枝記差，當然呢度環境差好遠。大排檔係無咩服務可言，有個在同吃的年青人問：「可唔可以在呢度叫紅豆沙？」個阿叔望都無望佢，答：「唔係叫！係自己買！」幾有九記feel ！

想食麵又想食糖水最好去依度，其實都係第一次食麵，因為每次o黎都只係食糖水，今次兩樣都想食，所以只食碗凈雲吞，原來一碗有成10粒，要分d俾其他人，雲吞皮好薄、d餡只食到蝦冇mud豬肉。另外同事食魚蛋麵，係大大粒白魚蛋同又厚又大的魚片，還有雙丸麵係魚蛋加黑椒牛丸不過再熱d的話，行上條斜路都幾辛苦。

民園這種麵檔, 在港九新界所剩無幾喇!味道一般啦, 鍾意懷舊feel的人士可以食下。那兒還是用傳統的木筷子, 好有感情呀!鄰店的糖水就好味好多, 推介芝麻糊!

回南天時又到，係時候睇睇有什麼舖頭係天氣涼至可幫襯的要去的了，民園肯定是其中之一，所以今日見無人約食飯就去了。<br />一邊坐在開在斜坡上的檯一邊食，絕對是平衡力的考驗，要來吃當然預左。呢度的特色係民園同玉葉可以一齊吃，所以叫了豬手撈粗同紅綠豆沙。這裡的豬手炆得入味又有咬口，杰杰的豬手汁撈埋粗麵同吃，好食！17 蚊幾抵，如果不好豬手，牛腩都同樣好味，玉葉的甜品有一貫水準不用多介紹。<br />18 度天時食完都有D 冒汗，夏天唔使預我！<br />

民園麵家睇過以下食家有咁好評價,我小張又點會錯過!今日特登同食家思上去SOHO搵食,對民園都有幾高期望好彩都不負所托!我o地每人叫個筋腩撈- 牛腩有D腍, 有D唔腍. 牛筋就好鬼腍, 好好味. 柱候味亦好濃好香. 但係無o野係完美o既.. 正如樓下taster所講,麵鹼水味大重, 要落大量醋補救.另外, 同意樓下ss講法: 炆同清湯腩係唔同食法, 所以唔可以同九記直接比拚. 不過絕對比九記平另外試埋雲吞.. 中規中矩我同食家思都同意民園筋腩撈可以食完再食!