民園麵家 (已結業)

今晚同林小B去民園重開後第一次開餐,發覺和以前真的差了不少! 我的豬手撈麵, 豬手雖然係腍, 但唔夠入味, D麵適合年青人食, 有假牙者免問及鹼水味勁濃。林小B的筋楠河, 上枱失望極,筋少不在下話,腩少而硬,D湯味道比以前淡了很多,沒了那陣濃濃的腩汁(可能這煲是新汁膽!) ,小B說以前的份量是大點的, 所以今餐吃不飽。舊民園還會回來嗎? 很懷念!

自從幾年前食過民園之後都無再去過. 到政府話收番個大牌檔牌時亦無專登去道別今日行過民園新舖就想回味一下叫o左碗雲吞伊. 味道一般. 上o左舖, 風味已經唔一樣響中環o黎講, 十七蚊咁o既質素都總算可以接受

終於都試了民園的麵,結果是失望!其實我不知道民園出名在甚麼地方,如果有這麼多人不捨得它結業的話,應該是有它的過人之處吧.可是我來晚了...上星期五原本打算要到店裏吃,可門口還排著長長的隊,之能退而求其次買外賣回公司吃.牛腩撈麵不消十分鐘就被交到我手上.它的牛腩確實不錯,又咬口,也很入味.可是那麵...試想想,當麵的味道都是鹼水的時候,再加上濃濃的牛腩汁,我只能想到一個"苦"字!!

真奇怪，為何民園也有人排隊，吃了這麼多年，還是第一次見到。上月受人所託來一吃，來的時候已經要排幾個人。這裡舖面很小，坐盡都只是廿多人，跟對面的舊舖差不多，雖然在後巷都有檯，但當然不能像以前一般在斜路都有得坐。餐牌選擇比以前的多，連糖水都有得食。但望著這張過了膠電腦編印的餐牌，我還是記著以前那個在牆上的手寫版本。例牌是叫豬手撈，雖然當時是坐滿人，但都唔使幾分鐘就有得食，對面阿叔碗牛腩河更是快得離奇，差不多不用三分鐘就有。碟麵又比上次賣相差了，至少現在連伴碟的兩條菜遠都慳番；豬手得番兩舊，皮多骨多肉少，跟上次一樣是幾「硬淨」的，牙力少一點都未必咬得入，呢一味好像是一次比一次差；麵份量仍多，有兩個麵餅，但鹼水味非常濃重，這個可以解釋碟麵這麼快上檯的原因。吃著追這個鹼水麵，望著出面的人龍，我在想，民園已不再是以前的民園。埋單19蚊，價錢沒有改變，但應該短期內都不會再來了。走的時候，人龍是長到排去荷李活道，再看泰昌，香港人真係有舖「排隊癮」。

民園仲係大牌檔個陣，將D生食物材料擺係路邊，同D坑渠洗碗水一齊，俾外國遊客見到香港人可以係唔乾淨O既環境進食，只覺得我地無衛生常識，對香港國際形象造成惡劣影響。全世界的街邊食檔都整潔過香港，點解大牌檔唔可以改善一下自己O既形象﹖係要污糟邋遢咁先至叫有風味﹖如果係，咁我支持取締大牌檔啦﹗

14/01/2006 14:00結過一輪爭議後,民園在舊排檔的對面重開了,雖然入了舖後少了以前的特色,但總比失去了這個有八十年歷史的字號好.重生後的民園,鎮店之寶豬手依然出色,夠腍夠入味,柱候牛腩亦炆得入味,唯獨有少少韌.麵質方麵跟以前的一樣,沒有太多的鹼水味,但好似腍左少少.現時還加入了咖啡奶茶,實行食物多元化,但會否失去了傳統以麵為先的味道?

民園新店開後，以為水準OK，點知原來食物變得超級差。上星期到民園麵店叫碗雲吞牛腩撈伊，伊麵又末熟、牛腩又硬，雲吞重差過十蚊碗。以後一定不會再去。

今日行過上址，有間新店雖未開張，正是叫民園麵家，後來打聽同事們得知復活，繼泰昌餅家，又一值得期待！

2005 年7月16日(星期六) 下午1時45分較早前在電視/報紙知道這間大牌檔將被政府收回牌照，令到這位老實的老闆不能繼續經營，不禁令人慨嘆！所以怎樣也抽空來試試，算是一種支持吧！第一次來這裡，我們好不容易在那斜斜的路上找到個撘檯位，跟著叫了牛根腩撈麵和豬手麵【見附圖】，過了一會，還叫了玉葉的凍海帶綠豆沙和芝麻糊一起品嚐。牛根腩撈麵($17): 牛根腩份量不算太多，雖然牛腩有點兒韌，但還是幾入味；麵質都幾彈牙爽口，配上大地魚清湯，確實不錯！豬手麵($14): 個人覺得這裡的豬手不是太出色，咬口也欠奉，個人覺得粉嶺的群記豬手比較好些。縱使這裡的食物不是最好食或非吃不可，但這樣的懷舊街邊風味確實令人回味，只因鐵皮屋大牌檔會在香港慢慢地消失。個人認為這類獨特的飲食文化絕對應該保存，難道我們將來要走進博物館才能找到一點兒的回憶嗎？是次每人消費約$16元味道：4 環境：4 服務：3 衛生：5 抵食：3

26/29-7-2005在一輪尋找後，趁它還未結業快快來食，26號那天下午1:40分不太多人，找了在斜路的位置(原來已坐錯了人家的店子)還未知道…) 叫了一碗豬手米，本想再試多一碗糖水，食不落了。過了兩天想再去多一次，那天下著雨，也照去，因為可一不可再呢! 可惜去到已很多人半個位置也找不到有人在等候，有些撐著傘來吃麵，真是難得一見。後來另一間舖有人話它做埋29號就不做，但事實貼了一張告示，不知為何會這樣? 跟著快快拍張照留念（我從未見過這模式的大排擋），幸好我也食過已經足夠了。在此多謝此網令我增廣見聞。

明知民園的雲吞麵﹐牛腩撈﹐油菜﹐都並唔係好出色﹐而且明知今日人流逼爆﹐一定會做得麻麻。但係我覺得都係非吃不可。只因為我覺得政府在大牌檔問題上唔肯讓步係絕對錯誤的。最後一日﹐點都要支持下﹐作為對政府無情的回應。對政府官員黎講﹐大牌檔消失可能只係少左一樣麻煩﹐但係對香港市民黎講﹐係無左一種飲食文化。真係唔明﹐花費數以千萬去向外推廣香港為國際文化都會﹐但係呢個國際都會偏偏連自己的本土歷史文化都無力/無意保留﹐簡直係荒天下之大謬。呢個食評我俾笑面係因為﹐如果你問我﹐大牌檔食唔食得過﹐我一定幾時都會話食得過的。

「親愛」的正苦：你好，真係唔知邊個出糧俾你，有d 係香港真正既特色，你就趕盡殺絕，有d毫無特色，又要夾硬要花錢整佢出黎，唉........今日，是民園麵家last day，你知道點解嗎？都係因為你law。其實你個腦袋生係邊，點解做野咁死板？真的沒有方法保留這些香港遺產嗎？仲要講這些大排檔會慢慢完全消息？難道你的腦袋真的掉進馬桶嗎？在這滂沱大雨的一天，我原本打算到這裡吃他的豬手撈麵，一日都係你，搞到呢排好多人黎食，令到在我到達時已賣清光，唯有叫牛筋撈。牛筋尚算頗稔，但麵就稍遜，一日都係你，如果唔係你，他會有更多時間做出好味的麵來。這次的到來，我對食物的味道變得其次，首要的是見證阿正苦你做過的「好事」。阿正苦，如果可以的話，我認為你應該減人工，將d錢去保留那些香港回憶還好。卻無奈是，我還要養你到終老呢！

﹝豬手撈系列之二﹞還記得第一次吃民園是整整19年前，那時在附近的一間出入口公司做信差，月薪一千六百元正，雖然公司包午飯，但有鬆動我都會來吃，第一次來，便是吃豬手撈，那時一碟是10蚊。今日最後一日來幫襯，感覺有喜有悲，喜的是19年來，我都算有進步，起碼人工唔止千六蚊；悲的是，吃開有地道特定的檔口，又少一間。都知佢今日會多人，諗住快快手手攝位食碗麵。來到時，人是比想像更多，有電視台電台報館，仲有一班趕熱鬧在影相的香港人，仲有幾個搏上鏡，但又無鬼用又幫唔到手的議員，當然還有那疊比老細留念的市民簽名。見著這個情況，真的應了貼在門外寫著的四字「光榮結業」。人雖多，真正坐低食野的人又不算多，輕易的在鐵皮屋裡面坐低，快快手叫碟豬手撈。可能人不算真正多，好快有得食。老實講，這碟撈麵是吃了這麼多年來最不濟的，麵比以前多鹼水味，豬手雖然大舊，但唔腍又少肉，又只得兩舊，從來未試過咁少。換著平時個喊面唔走得雞，不過明日已經再沒有民園的豬手撈，今次來吃算是告別，笑面相送，也很合理吧！埋單17蚊，一句「唔該」及「再見」，本地有特色的食肆，又少一間。題外話1：在圓檯的對面見一位母親帶著兩位女兒來吃麵，小妹妹猛問點解

16-7-2005 1430又要OT，O 完一輪後去將會結業民園麵家食番餐坐斜路上既食物。兩點幾人也一點也不少，就算內裡有空位，我要食風味，好彩等得唔係好耐就有位。坐底點了牛腩豬手撈，兩款肉炆得好焾，包括汁料撈麵一流，但覺得個湯係差少少。要拆始終可惜一點，未有機會食過既話，可以上少少食番碗綠豆沙，但爭的就係爭的。

After a very long one-day trip to GZ and factory, I could finally settle down with some nice food in Central. There are many traditional restaurants in Central. We had 3 stops in the same nite.It was still very hot when we arrived at 8. There were still people taking photos. We chose a table that was not too steep.1.雲吞撈麵:7分, 用豉油撈麵, could not taste much of 鹼水味, 雲吞was not very special.2.牛筋腩河:7分, I ordered 牛筋腩, 阿姐just said they would try to give me 牛筋but no promise, anyhow, I received a big bowl