民泰四七 (已結業)

新年太勞累了，諗住揾間安靜舒適的餐廳吃頓晚餐，休息下。家人提議去這間，因吃過午餐也算不錯。可惜事與願遺，西班牙海鮮飯完全唔掂，裝飾上枱沒問題，但入口即放棄，全碟飯非常鹹，海鮮只食到沒海鮮感覺的青口，蝦只屬一般，失望！再來一碟蜆肉意粉，完全中伏，一樣係鹹到冇朋友，又放棄！接下來的黑豚骨，醬料多到完全掩蓋豚肉的味道，最後吃食到一個味道，得個鹹！最後一個是鹽燒魚，吃完三碟鹹點仍未見燒魚的蹤影，再等十分鐘同樣未到，可能是要考驗我們的耐性，或者係想緩沖下嘴巴內的鹹味，最後請侍應幫忙查閱有否入單，又等了五分鐘才説師傅剛忙完其他客人的單，剛開始燒，需要我們再等10分鐘。其實全場不超過十個人，我們屬於早到的，為何會讓客人先吃三碟(也是逐碟上)，然後還要等20分鐘才出到？太失望了，我開始懷疑係漏單，於是問可否取消，侍應最終同意取消，我們便埋單走人。這一頓實在太飯令人失望，大家都説沒有下次！😪

位於紅磡民泰街47號嘅「民泰四七 」個名係跟條街改 好搞笑😂 原來係主打西班牙Fushion菜🇪🇸菜式特別得黎又好match😋🍽▫️Cucumber Breeze🍸 成份有：Cucumber🥒, Vodka, Lime Juice, Apple Juice 酒精都幾高濃度 岩哂鍾意飲酒嘅朋友▫️少爺啤🍺飲落幾順口▫️民泰特色薄餅🍕▫️蘋果脆批判焦糖汁🥧好鍾意食里個😋▫️薄切醃八爪魚🐙 八爪魚好新鮮好爽囗✨▫️香蒜牛油炒蘑菇🍄▫️伊比利亞黑毛豬炸薯丸🐷▫️帕德龍青辣椒芝士風乾火腿卷🥓▫️香蒜酥炸小魚🐟▫️四川麻辣西班牙鮮蝦意粉🌶🦐🍝最鍾意里個😻估唔到麻辣配意粉可以咁match✨▫️西班牙慢烤乳豬🐖肉質鞋左少少▫️西班牙鹽燒魚🐟魚好滑但味道淡左啲

同朋友去開紅磡諗住搵啲好野食最後揀左呢間西班牙fusion菜😍佢餐廳名好搞笑叫民泰四七正正就係餐廳地址🤣前菜揀左炒磨菇😍好香好香既牛油味😍而且有番薯薄脆磨菇煮到好入味薄薄地既pizza外皮好脆🤤而且好足料有Parma ham、磨菇、芝士等等鹹鹹香香幾好食😍微辣既一個海鮮飯臘味味道幾重下所以都幾惹味估唔到臘味同海鮮會咁夾🤣充滿住砂糖既油炸鬼好脆🤤但中間又有少少煙韌面頭仲有好大陣玉桂味😏蘸果醬食幾好味不過都幾甜下較適合嗜甜人士🤓都幾重酒精既一杯cocktail😂飲多幾啖會醉醉地🤣整體黎講餐廳食物質素唔錯不妨一試🤤

聽過好多人推介呢間餐廳，雖則佢主打係西班牙菜，但係其實菜式入面都花左唔少心思，某啲包含左fusion既元素架，今次終於有機會前來一試😛👁‍🗨 鮮茄酒醬西班牙牛肉丸（7/10）💲63呢個牛肉丸口感係腍腍地嗰種，唔好期望係好彈牙嗰種，不過都頗為易入口🐮面頭嗰幾條似係平時撈粥既薄脆條，肉丸既茄汁味重，嫌唔夠汁既話有成碗醬比牛肉丸係入面盡情地打滾，滾到沾滿茄醬為止😏😂👁‍🗨 黑松露蘑菇芝士薄餅（7/10）💲88個薄餅係薄批，薄到想要完整一塊塊咁拎起都有點難度，不過真係好脆身既😋食落黑松露同蘑菇味都濃，啲芝士係一片片而唔係溶落去既，但都夠香口👌🏻👁‍🗨 招牌西班牙臘味海鮮飯（7/10）💲158西班牙海鮮飯係出名既，呢度仲要加左臘味，好有fusion特色💁🏻‍♀️辣辣地得黎，有少少似鳳爪排骨飯個味，都幾惹味🤗海鮮就有青口、蜆肉同蝦，算係新鮮既，可惜個飯既份量比想像中細，大啲會更滿足🙈👁‍🗨 西班牙油條（7/10）💲62炸到熱辣辣既五條西班牙油條，鋪滿左滿滿既肉桂糖，食落脆卜卜好鬆化😍仲配有兩個醬汁，一個係帶有微酸既熱情果味，另一個係甜既士多啤梨味🍓不過其實個人唔鍾意點醬，因為就咁食已經夠曬好味😳整體

大章魚先來，章魚爽口彈牙底層有嫩菠菜葉，蕃茄粒同少少醃辣椒，酸酸甜甜帶少少辣味，其中醃辣椒增加少少酸辣味，一道好清新開胃的前菜西班牙黑毛豬奄列份量挺大，有4大件，蛋入面有土豆洋蔥和少少黑毛豬，上面有蕃薯脆片，脆片和蛋餅一齊食增加口感，不過沒有黑毛豬粒的蛋餅比較淡，我覺得黑毛豬可以加多點

難得去到紅磡當然要捐窿捐罅搵嘢食， 有人介紹呢一間民泰四七西班牙菜， 平日食飯時間都唔使等位， 室內裝潢精緻， 靜靜地好適合三五知己傾計聚舊。七點半前仲有happy hour時間， 飲品可以減10蚊，都幾抵。 我哋叫咗兩杯cocktail同一杯mocktail，我果杯Singapore Sling幾好飲，質素唔錯。店鋪食品選擇唔太多， 以Tapas為主， 我哋首先order咗個深海大墨魚， 墨魚mix埋沙律，加埋個汁酸酸地好好味， 好開胃。之後就order咗個黑毛豬奄列， 呢個真係好好味， 好香蛋味， 好軟熟， 係高水準之作。主食就叫咗個西班牙海鮮炒飯同埋慢烤春雞， 兩個都好普通通咁。 個海鮮炒飯隻蝦燶咗，搞到成碟飯都有燶味， 隻春雞就完全柴皮咁， 連快餐店嘅水準都不如。整體嚟講呢間店適合happy hour慢慢坐多啲。

第一次寫食評， 因為太難食呢碟慢煮牛勒骨配薯粉容非常伏🤦🏻‍♀️牛勒骨9成是肥膏同筋， 煮得又生鋸到手都軟， 餐牌寫是配薯容。 但只有一些椰菜一粒薯仔都無...下午茶時段，收午餐價， 性價比超低超伏， 唯一優點系地方大同靜...因為無人.....咁既食物，怪不得無咩客

剛開張無耐黎過一次，有個細粒溫柔女侍應令我地覺得服務十分好，加上當時新開，未有太多客，所以長菜時間都比較快。感覺幾好，所以今次同事生日午餐就揀番呢間。今次有個黑面短髮女侍應態度真係好差，第二次加單時又懶型唔行埋黎最後個餐黎左先知佢將意大利飯聽成意粉，仲要話係我地叫嘅意粉未夠一點，唔知點解甜品已經可以送晒，食物份量都幾少，不過餐飲可樂係檸樂，同埋咖啡係steam，但叫左飲品等成三個字先到，今次之後應該未必再黎山西陳醋慢煮豬鞍 $88外觀上似係大塊比較厚嘅普通豬扒，仲要係無乜肉色，已經心感不妙，食落口感一啲都唔嫩滑，只可以當係食緊厚身嘅大塊豬扒，同我平時係餐廳食開嘅完全唔同，失望18小時慢煮牛肋骨配薯蓉 $118本身已經唔大件，仲要骨頭佔嘅比例較肉多，要將佢骨肉分離有難度，最後切岀黎嘅肉只有幾啖仔，脂肪比例都幾高，食落口有少少膩，同埋唔知點解薯蓉變薯角西班牙海鮮飯 $78味道尚可，有少許辣，海鮮只有三四小件香脆風乾火腿香草意大利飯 $68好creamy, 有香草味， 三片微脆嘅咸火腿民泰安格斯漢寶配薯條 $78份量最足夠嘅一個餐，上層面包脆面，汁比較少，只有一片菜，友人覺得好juicy

章魚沙律好好食，酸酸地好開胃，章魚味濃，麻辣蝦意粉味道唔錯，有唔同辣度選擇，不過我叫左少辣覺得ok, 但對面唔食得辣既就覺得好辣，所以唔食得辣既就叫唔辣好d la, 而燒春雞好香但肉質有d鞋，不過味道彌補番，都係好仲意食。食物質素好，環境暗暗地，枱度有燈光蠟燭，好舒服，如果想靜靜地食餐飯，就要早d去，因為夜d會比較多人，上次去既時候就係因為無訂位所以無得食，所以如果要正宗dinner時間去就問定有無位先la。

民泰四十七 ，看餐廳名字絕不會想到這是一間西班牙菜餐廳。餐廳裝橫精簡，坐位都寬敞舒適，都覺得幾啱朋友聚會傾計。同埋價錢以西班牙菜黎講 ，都算好抵食。Tapas選擇有十多樣，今次點了三款，下次要試埋其他tapas！加利西亞深海大章魚八爪魚（章魚）口感好好，夠哂彈口。我喜歡佢個汁，番茄味加少少辣，十分開胃，作為前菜好啱食！鮮茄酒醬西班牙肉丸酒醬冇走醬，肉丸肉質新鮮，味道都幾好。西班牙黑毛豬奄列依個菜式等左一段時間先到，心諗點解要整咁耐。上檯時見到個奄列夠厚同黑毛豬份量不少就原諒左佢。黑毛豬超級香口，為依個奄列實在加左唔少分。招牌西班牙臘味海鮮飯第一次食paella係有臘味的，唔知係咪餐廳覺得臘味同西班牙火腿係有異曲同工之妙所以加落去，味道都幾夾的，海鮮份量都不少，值得試下！最後我地點左一個甜品，名叫一頭霧水，睇相就明哂。芒果梳乎厘，兩個字清新！

住左喺紅磡區多年，好開心終於在左近有一間好味嘅西班牙餐廳！民泰47就喺紅磡民泰街，非常近黃埔站。今次同朋友嚟食左個下午茶。  呢味香辣蒜片鳳尾蝦少少辣帶蒜香，爽口蝦肉食得我地好開胃！  餐廳環境唔錯，飲番杯享受下先！  西班牙菜當然唔少得深海大章魚！佢嘅感覺似係加入左泰式風味，同樣好味開胃。  肉眼扒有驚喜呢！估唔到$88的下午茶牛扒都係Full Size，而且juicy多汁又好味！個晚都唔使食晚飯！  香蒜橄欖油意粉不過不失，但都好味！  最後呢個估佢唔到！你以為佢係煲仔飯？原來佢係甜品！呢個有D似泰式糯米飯嘅味道，但又不失西式甜品嘅感覺！食得出係有心機嘅甜品。

食盡紅磡！新開左間西班牙餐廳 紅磡應該係第一間 當然要試試 即刻好掛住果陣係巴塞食既西班牙海鮮飯同tapas... 😭頭盤：蕃茄湯，加埋橄欖油，酸酸甜甜好開胃🍅主菜：梗係要叫番個「招牌西班牙海鮮炒飯」海鮮都幾足料，青口蜆蝦都新鮮既，飯加左臘腸炒，好香口，加埋檸檬汁so fresh，不過就會有啲油膩，都值得推介既😍「六十五度慢煮黑毛豬仔骨」：我地兩個太鍾意食ribs!!! 平時都係得4-5條肋骨，但呢到係有成8條😳 雖然份量多，外皮炸得好香脆，但肉質就無想像中咁嫩滑，煮得過老，有啲硬，燒烤醬都唔係好夠😟小食：「流心車打芝士栗米條」，小失望，無咩流心，唔夠脆，味道略淡😢下次會想試「西班牙油炸鬼」好似幾特別😛總括黎講，餐廳裝飾好靚，充滿住現代西班牙既特色，環境舒服，野食質素都算唔錯，住係附近值得黎試下！

今次叫左個酥炸軟殻蟹奶油闊條麵，個面份量唔算多，一個女仔食啱啱好，不過個軟殻蟹就幾大隻，炸到金黃色賣相好吸引，食落又香又脆。闊條麵唔算好多汁，口味都偏清淡，所以唔會太膩，我自己都幾鍾意，不過闊條麵麵身比較硬，如果再煮林d就更加好。南瓜湯好香濃 唔錯唔錯 飲落好厚身唔會好稀 煮得好有心機呀 橙色都好吸引呀同埋 唔錯！呢個朱古力奶凍都好好味道 有點似阿華田哈哈 最鐘意粒士多啤梨好甜！我覺得食完意粉有甜野幾好 又唔會太甜太漏

平時去紅磡食小食多，掃下街好開心，今次朋友話食一間係民泰街47號既餐廳，我梗係跟機啦！之前都有留意開依間餐廳，睇太多人既靚相，我最想食既係溫泉蛋奶油卡邦尼稻庭烏冬，本身食既卡邦尼都係配意粉多，但今次餐廳用到係稻庭烏冬就比我好新鮮既感覺。一上枱我發現係勁大碟，二人分享都夠囉！中間有個溫泉蛋，一督開其實四散左就無乜存在感，但整體吾膩所以都不錯的！係creamy多於芝士既膩感！跟住嗌左個主食，六十五度慢煮黑毛豬仔骨肉吾會太腍同散，係有口感同埋帶少少肉汁，剛好係我喜歡既口感，用於烹調既醬汁都幾配！跟住我地仲點左個小食，但我個人就覺得外層太脆帶硬！同埋芝士味有點單一！最後當然要點甜品埋尾啦！本身想食雞蛋仔但無得點所以就點左其他既甜品。睇到個名好得意—薏式煲仔飯，賣相都一樣得意，煲仔飯既造型！薏米吾算好出，可以係整得比較淋，但味道不錯，有奶味！甜品怪吾滿足，再點了綠茶布朗尼蛋糕！幾鬆軟但偏甜～整體我最喜歡係個烏冬！

性價比高的lunch 有歺湯歺飲及甜品 $85 真超值 已經第二次黎哩度 誠意足份量亦剛好 歺具有心思 環境舒適 lunch hour亦唔使等位 甜品亦好滿意。略評涷檸茶茶味唔夠 。