民泰四七 (已結業)

星期日的中午，俾這間美美的餐廳環境吸引了入去進餐。看得出，環境設計方面很用心，連餐具也印有這所餐廳的名字，真是別出心材！食物方面, 點了一個沙律和意大利海鮮燴飯，2碗忌廉蘑菇湯，一杯熱奶茶和一杯凍0茶。先喝了餐湯，真是令人何其失望，沒有忌廉味，沒有蘑菇味，只有鹹味。喝了幾口, 使放棄它了。意大利海鮮燴飯， 味道淡， 要問職員額外拿 鹽和胡椒才有一點點味道。幸好沙律還好，味道正常。熱奶茶，沒有奶的味道，茶味淡 凍檸茶，還好！應該是茶底不是太好吧，所以，茶類飲品不的確令人震驚。可幸，職員方面態度良好，有笑容。價格不算貴，合理！但食物質素的確有待改善！

放假出下黎紅磡搵食，一點半去到，冇位，佢叫我留電話，有位會call我，於是我去行下附近，點知冇人call我，我行完反去，啲人都走哂，枱都執好哂，入到去個侍應根本完全唔記得我等緊位。叫左三個牛餐，餐湯煮燶左，叫個侍應換，佢地話試食過冇問題，個味係咁，咁都有？？？佢話如果你唔安心我地就換個個沙拉俾你咁係個湯煲燶左嘛，咩叫我唔安心姐！軟殼蟹奶油麵，好奶油，但唔夠喊味，食到好漏。之後西班牙海鮮焗飯，因為有小朋友食，個侍應話可以幫我落唔辣嘅，點知黎到都係辣嘅雖然海鮮ok新鮮，但話唔辣又整左個辣嘅俾我另一個牛扒餐，牛扒叫5成，又俾左差唔多全熟嘅俾我，如果唔係佢塊扒啲質素好啲，佢煮到全熟一定食唔到囉，佢個汁又唔好食，燒汁，但佢啲燒汁似平日超市買果啲，唔夾唔好食。侍應服務一般，食物質素都好一般，而且午餐時段只能叫set lunch ，不設其他小食，不會再去

自從黃埔站開通左之後，去果頭真係方便左勁多！哩日一於搭下地鐵去黄埔落車再搵下食先！唔黎到都唔發現哩度開左咁多新食肆，而今次食既哩間就俾個裝修吸引左，一於食番餐fusion西泰菜！牆上面有隻巨型八爪魚，好靚好吸睛！是拉差雞翼…雞翼輕輕炸過，外皮微脆，細細隻都幾多肉，仲幾入味嫁，醃料咸度剛好，面頭唧左辣醬帶黎是拉差既效果，愈食愈過引！流心車打芝士粟米片球…有芝士既野我都會想試，哩個一客三條，熱辣辣非常新鮮！有兩條入面芝士爆左出黎，冇爆芝果條入面既芝士好多，拉絲冇難度！粟米片唔通係用黎整外皮？炸得挺身夠脆口，不過整體有D油膩，食完要飲番啖茶解下膩喇！西班牙香辣蒜片鳳尾蝦…一上枱就聞到好香！蝦夠爽口彈牙，有好香既蒜味，同埋沙茶味？驚喜有蒜蓉菠菜墊底！整體只係微辣，唔食得辣既我絕對接受到。面頭就有紫薯、黃薯乾。溫泉蛋奶油卡邦尼稻庭烏冬…見到哩個combination已經心心眼，溫泉蛋一擢就流黄！同卡邦尼非常夾，不過蛋太小，撈幾下就已經唔見左佢既足跡，如果有三隻就好喇😂😂😂 (不過食一碟膽固醇已經超哂標)，烏冬同個汁都好夾！掛到汁之餘我就最愛佢煙煙韌韌既口感。整體唔會太膩，一個入KO都得。六十五度

Man Tai 47 是在紅磡黃埔近地鐵站開業不久的一間西班牙餐廳, 第一次幫襯在那裡午膳, 感覺餐廳內環境帶點歐陸色彩, order 了幾款午餐菜式, 與友人渡過一段輕鬆愉快的午膳時光:西班牙海鮮鍋飯, 蝦和青口非常新鮮, 整體感覺口感良好!美國頂級穀飼肉眼牛扒, 可選擇配飯、意粉或薯菜, 午膳那天選擇了 Medium, 肉質鬆化可口墨西哥焗豬扒飯, 蓄茄味濃, 豬扒鮮嫩, 值得推介香草忌廉汁燒挪威三文魚扒, 同樣可選擇配飯、意粉或薯菜, 味道尚可是日餐湯為蕃茄湯, 略嫌蕃茄茸較多

好耐無去黃埔啦，開左港鐵站後都係第一次去黃埔，真係超方便。今次去左試呢間好有cafe feel 嘅餐廳。門口已經好吸引，最重要係下午茶黎講又唔貴。我地叫左3個下午茶餐1個甜品餐同2個tapas, 話曬都係西班牙菜，點可以無tapas 😬 Tapas 1 西班牙香辣蒜片鳳尾蝦好開胃同好味，d蝦好爽，不過分量可以再多少少就好啦😋Tapas 2 深海大章魚呢個好有泰式加西班牙fusion style, 有少少辣都係開胃之選，值得推介跟住就係我地既下午餐啦，+12蚊可以轉fruit tea or coffee香蒜橄欖油意粉炒得好香，意粉軟硬度適中牛排都煎得好香口，好juicyfruit tea, coffee 好match 呢度既cafe 環境最後不得不推介呢個意式煲仔飯set(包飲品)，其實係甜品呢ga! texture 好似泰式糯米飯，又有d脆卜卜，好特別啊 😋😋😋食左好多，最後都埋單都係4百幾蚊，都算抵食 😋

颱風後的晚上，六點幾街上行人寥寥可數，民泰街都有唔少食肆，見到這間餐廳裝修幾有格調，個名都好得意—民泰四七，原來意思好簡單，就係民泰街47號，個名感覺咁古式但竟然食西班牙fusion？！前菜點左個芒果檸汁醃吞拿魚，睇佢細細碟，但色彩好鮮豔，吞拿魚好新鮮，同芒果出奇地夾，配上牛油果醬一流，非常醒胃。六十五度慢煮黑毛豬仔骨百幾蚊黎講呢份豬仔骨都算唔少，比起平時食嘅ribs, 呢個無咁肥，怕肥肉嘅女士啱曬! 可能慢煮嘅關係，佢瘦得黎肉質都唔會話好韌，仍然有肉汁，唔錯唔錯波士頓龍蝦釀海鮮意大利飯初頭望落去，以為唔見左隻龍蝦，原來成隻龍蝦都比意大利飯覆蓋姐！鮮茄汁的味道好濃郁，包實每一粒飯粒但又唔會太多汁「水嬲嬲」嘅感覺，龍蝦都有驚喜，肉質爽口而且份量亦好足！本來見到餐牌有好多得意甜品好想試，但最尾太飽放棄了。

紅磡一向多好野食，難得宜家有黃埔站咁方便，一於決定約好姐妹黎呢頭食生日飯！上網見到呢間西班牙Fushion菜好似幾正咁，所以就決定黎試試佢XD呢到既環境係藝術感幾重既Cafe，每個位影相都好靚，哈！帕德龍青辣椒配伊比利亞香腸 $55聽講名原本都已為呢個前菜既主角應該係香腸，但侍應就介紹話青辣椒先係主角，咁我地覺得更特別喇！呢個帕德龍青辣椒係細細粒，連埋籽食都唔辣；切成幼條狀既香腸烘到乾身，少少咸配埋青辣椒味道岩岩好！黑松露奶油大啡菇寬麵 $82呢個配搭可以話係我最鍾意既配搭之一，黑松露無論聞定係食落都好香濃，反而奶油味唔會太濃，咁就岩岩好喇！西班牙慢烤乳豬 $238食西班牙菜一定要食乳豬啦，今次呢個脆豬呢肉都幾嫩，不過味道就淡左少少，如果醃耐少少應該會更好味。 一頭霧水 $65話明慶祝生日，點可以冇甜品呢！ 正如甜品個名，其實甜品黎之前我地都係一頭霧水，哈！一上黎來，俾個蓋蓋住，仲冒緊凍煙，都真係幾Match佢個名！ 原來呢，佢係芒果 Mousse cake黎，口感好滑，甜度岩岩好。總括黎講，呢個既西班牙Fushion菜都幾特別，而且價錢都親民，所以都幾推介俾大家！

翻開大學都會係紅磡食飯。今次就去到呢一間西班牙餐廳食lunch。餐廳環境都幾舒服有吧枱同埋卡位夜晚過嚟飲杯野應該都唔錯😎餐湯係南瓜蓉忌廉湯可以食到好綿滑嘅南瓜溶咦？仲有好特別嘅香草味原來係迷迭香😋（不過未必個個都受到🤔）由於太想食牛肉嘅關係😂，點了一份美國頂級殼飼肉眼扒$118殼飼肉眼扒5成熟，真係做到架（不過太肚餓掛住食，又唔記得影）塊扒好Juicy 味道豐富配上少少酸甜嘅燒汁，更加惹味朋友都大讚呢個價錢，絕對物超所值！朋友叫咗份酥炸軟殼蟹奶油闊條麵$88個軟殻蟹闊條麵，首先唔會太咸或太油，麵嘅蛋味幾重，仲有切碎左嘅洋葱粒、露旬軟殻蟹唔會熱氣，但我地嗰碟偏乾身，醬汁如果多d就更好啦～嘢飲要我地左杯水果茶+$15，可以食到啖啖橙肉、蘋果肉，好清新。下次飲可以叫少甜😝總結餐廳環境幾舒服，價錢又唔算貴，可以再嚟呀：）

都有一段時間無黎紅磡食野今次呢間係朋友仔食過番尋味推介餐廳裝潢好有格調 (特別一讚個廁所好乾淨企理)MENU選擇吾算好多 但西餐應有既菜式都有小食揀左流心車打芝士粟米片球($55)上枱熱辣辣好晒脆 流士芝士部分都交到貨入口粟米味吾算太出 但勝在夠香口夠惹味主食要左半隻燒春雞($108)同波士頓龍蝦釀海鮮意大利飯($158)半隻雞2個女仔SHARE份量岩岩好 雞皮烤到微脆雞肉醃得好入味 肉質夠嫩滑入口無雪藏味 抵讚我特別中意RISOTTO 粒粒飯都滲滿龍蝦汁鮮味飯粒軟硬度剛好 加埋龍蝦肉食PERFECT識食既就一定食埋龍蝦膏 超正甜品方面款式夠特別我地忍吾住叫2份西班牙油炸鬼($60)同一頭霧水($65)前者係CHURROS 配朱古力醬同士多啤梨醬CHURROS即叫即炸好夠脆 面頭淋上大量砂糖個人黎講我中意士多啤梨醬夠香奶味至於一頭霧水真係無改錯名一上枱成個水晶球咁 望吾清究竟係咩黎打開係一件芒果蛋糕 食落吾太甜反而有好FRESH既果酸味 都幾開胃整體餐廳食物質素夠高 碟頭吾算好大好岩成班女仔GATHERING食 特別係甜品睇得又食得

今次去位於紅磡黃埔新邨附近嘅美食街，見到有一間門面比較開陽，新開張幾個月嘅西班牙餐廳，兩個人就入去試吓。餐廳環境以紅白色設計為主，餐廳最入嘅牆上面有大大幅好特別嘅圖案，而座位有沙發位、高枱同埋四座位位置。除此之外，揸車人士可以拍喺餐廳門口，而且有落地玻璃可以望到出去，幾方便。餐牌上林林總總嘅食物分門別類，當然唔少得叫佢嘅「招牌西班牙臘味海鮮飯」，賣相非常吸引，海鮮飯用個鑊仔裝住，好處就係可以保溫，而且飯上面有兩大隻嘅青口同埋虎蝦，食落去好新鮮好有鮮味，另外仲有一粒粒嘅蕃茄碎同埋臘腸粒，配以少少辣嘅味道，更為開胃滋味。主菜仲有「六十五度慢煮黑毛豬仔骨」，又係餐廳必食之選，條豬仔骨好大碟，餐廳店員仲好好幫我地切埋，切成大約有五至六條豬仔骨，估唔到豬仔骨啖啖肉，而且咬落去肉質鮮嫩爽口，再配以面頭香濃嘅醬汁，冇得頂。甜品方面，見到餐牌推介嘅甜品圖片好有特色，唔同出面餐廳普通嘅甜品，我哋最後叫咗「一頭霧水」，熱情果奶凍用木板裝住，上面仲有一粒大大粒嘅士多啤梨做點綴，連埋啲曲奇粒粒一齊食有幾種口感，脆卜卜加軟綿綿好滑溜嘅布甸，另有一番味道。食咗三樣嘢埋單都係＄400，最重要係食物質素高，環境舒適，

自從黃埔開左個地鐵站之後我同男朋友都多左去果頭。老老實實果到既小店都多架，有雞蛋仔格仔餅小食到西餐樣樣齊。今日想介紹返間好正既西班牙菜，呢間好野除左正餐之外仲有提供手工啤同甜品。大家食完dininer仲可以慢慢坐底，飲杯野傾下心事。餐具上面印左餐廳個名，別緻得黎好細心，刀叉既手感好高質，有少少重量，質料好，搞到我都心思思想同男朋友整返set自己既餐具。(果日有小小雨，係餐廳望出去別有一番風味)環境方面一定要比十分，空間夠大，燈光效果好有氣氛，有feel有feel就係呢D地方囉。舒服乾淨，而且每台客人之間都有足夠既隔離，大家保持住一份隱私。呢樣野好值得欣賞，唔會因爲想賺多d錢而放多幾張枱犧牲客人既舒適感。餐廳裝修得咁用心，忍唔住幫男朋友影返張一枝獨秀。題外話: 餐牌上寫住既Tapas係西班牙飲食中好重要既一部分。你可以解釋為下酒菜啦或者前菜。比較傳統既西班牙tapas可以係煎小青椒、炸魷魚圈、奶酪、橄欖等等等等...餐牌未黎到已經四散住濃郁既牛油香味，用左大粒既蘑菇黎煮。蘑菇入面岩岩好熟，小小辣汁令你醒一醒神。如果你係配返杯濃味既酒會更加NICE !揀左好耐，最後決定左叫呢個招牌西班牙臘

曾某年某一天某地，時間如靜止的空氣，你的“味道”給我驚喜！呢間位於紅磡以民泰街47號命名嘅民泰四七，聽個名真係一頭霧水，原來係食西班牙菜。餐廳以八爪魚為主題，仲有好多壁畫，連餐具都刻有店名，突顯餐廳嘅認真同一絲不苟！加利西亞深海大章魚位於西班牙西北部嘅加利西亞，最出名就係呢個深海大章魚，喺當地，這道菜係招待客人嘅最佳開胃菜！而民泰四七都保留住加利西亞嘅原汁原味！用上了青檸、蒜頭等調味，食落少少辣，章魚非常鮮嫩，有咬口，仲好開胃。四川麻辣西班牙肉腸鮮蝦意粉當四川遇上西班牙會係咩效果？呢道菜用上四川嘅花椒油同麻辣醬，配上西班牙肉腸，意粉嘅味道微辣，但又不少麻香嘅刺激！同一般creamy嘅意粉大不同！值得一試！六十五度慢煮黑毛豬仔骨近年市面好多餐廳都打住慢煮旗號，呢度以慢煮煮成嘅黑毛豬仔骨烤到橙紅色，肉質嫩滑，肉汁豐富，調味較淡，但卻突顯豬仔骨濃香嘅肉味！配菜有椰菜、小甘荀同蕃茄。

一睇餐廳個名就知正確地點係民泰街47號門口以大玻璃設計, 光線充足, 有渡假feel門口有幾個座位, 但大熱天時當然無人坐啦坐於鋪內亦能清晰見到街道環境與友共餐,點了allday breakfast及美國頂級肉眼扒配薯菜首先上了餐湯番茄湯,先暖暖胃再享受之後美食天氣熱,飲品點了水果茶解渴 (有雜果,蜜桃,荔枝簡)allday breakfast有以下食物煙三文魚、朱古力雞蛋仔、腸仔薯餅、奄列、火腿煙肉、茄汁豆、磨菇、番茄超過十樣野,非常豐富,,令你飽滿另外美國頂級肉眼扒SIZE 仲大塊過自己隻手掌食起不會太韌, 脂肪比亦不多, 肉質還有粉紅色, 岩晒我胃口!除食物外, 民泰所用既餐具都非常仔細同用心每樣餐具尾端都會印有民泰四七字樣,簡單將餐廳升了一個級別!

黃埔地鐵站開通後，左右隔離多了好多食肆。在黃埔逛街後，走進民泰街，老公用Openrice 搜尋到呢間餐廳，裝修得好特別，所以想入去試吓fusion菜。係皓熱天氣行入餐廳，感覺冷風一陣一陣好舒服。坐落覺得有啲凍，所以拿出披肩披上，好快有位女侍應見到我用披肩，佢即刻熄咗右邊𠴱一部冷氣，該名女侍應就同我講：（小姐你係覺得凍嘅話，等我睇吓我幫你熄埋左邊𠴱一部冷氣。）好窩心的服務👍，我覺得這位個子不高的女孩，為人親切和藹，笑容燦爛，值得為了她而再來。我們叫了兩個前菜，番茄醬肉丸、煙三文魚脆多士，主菜係四川麻辣西班牙肉腸鮮蝦意及全隻燒春雞番茄醬肉丸，用新鮮番茄做的茄醬，鮮、香、甜，肉丸香滑，配合得很好，茄醬沒有搶到肉丸的香味，溫馨提示：肉丸係牛肉造。煙三文魚脆多士，完全見唔到番茄？？，後來問該名女侍應，她説原來伴碟的mouuse醬是用三文魚和蕃茄加蛋白打混，嘩！份子料理😍😍😍四川麻辣西班牙肉腸鮮蝦意粉，表面有些芝士粉，香香辣辣，雖然係雪蝦但處理得好好，彈牙鮮甜（蝦味不是很濃，清清淡淡的蝦香)，麻麻辣辣好似食緊四川菜，不過又有西班牙肉腸，好特別的fusion 菜。法國燒春雞，細細隻烤得好香，好有雞味

民泰街，好熟悉嘅街道，因為屋企人好鍾意食呢度某間泰國菜。某日，等位時就留意到民泰四七，一是西班牙餐廳比較少﹔二是餐廳用上街名門牌命名﹔三是見到下午茶餐牌好抵食，當時問左店員，只要六點前入坐都可以叫下午茶餐。就係衝住呢個優惠而立心嚟試。門面好大︰但只有呢個細細塊牌寫住餐廳名字︰餐廳內裡寬敞，唔會為左多啲客而夾硬擺多啲枱，坐得舒適。如果想坐得再舒服啲，可以選擇卡位:餐具 - 用嘅係Peeress品牌，拎起來感覺用料一流，手柄部份還刻了餐廳名「民泰四七」。下午茶餐 - 供應時間由3點至6點，我哋大約5點9嚟到，仲可以order。下午茶餐有甜品或主食，價錢絕對抵食。下午茶餐已包美式咖啡/茶/汽水，加錢可配特調咖啡或新鮮水果茶。爭取時間，先點兩個下午茶餐︰美國穀飼肉眼牛扒配薯菜餐$88我哋叫左五成，肉眼牛扒都幾大塊，配有微微烤過嘅椰菜同炸薯條。肉質非常鮮嫩，整塊肉眼牛扒有肥有瘦，而且牛肉味濃郁。燒汁微甜，同牛扒好夾。香蒜橄欖油肉丸意粉餐$48意粉較幼但煙靭，食落幾有口感，而且用橄欖油煮，食落香而不膩。肉丸有3粒，如果大粒少少就更perfect~加$12轉配凍新鮮水果茶 - 味道新鮮，好濃橙汁味，