民華餐廳

营业中

休息中

快、靚、正之選，幾時黎都甘多人。兩個人去都好，有卡位會比左卡位先，吾好hold住啲位，服務抵讚。【鮮茄叉燒通炒+餐肉炒蛋+即烘牛油多士】$46呢到蕃茄通無得輸，介紹親比朋友都話正，足料湯底加堆軟糯既通粉。炒蛋又系另一樣賣點，夠哂奶滑！相比之下呢到午餐肉比得較吝嗇，系屋企樓下茶餐廳會比兩塊仲要厚切。【紅豆冰】跟餐加$9紅豆好軟稔，不過份量太多，令到杯飲品有點過甜，同堆飲兩啖就冇，全部都系紅豆。【西多士】$20外脆內軟，蛋香十足，加埋煉奶同牛油，一個人食爆哂quota。

旺角好多好嘢食，而茶餐廳都有好多，民華就係其中之一好食既一間~ 星期六午餐時間去左食都已經full house，真係好受歡迎🤤👍👍-叫左好多嘢好豐富😋😋 常餐有鮮茄牛肉通粉配腸仔炒蛋多士，最鐘意嘅係通粉係無紋嗰種，滑嘟嘟最好食！個鮮茄湯底都好濃郁👍 炒蛋亦好creamy好多蛋汁，正✔✔仲叫左咖哩牛筋腩飯餐，咖哩味係香港味道，少少鹹唔太辣，而牛筋腩口感軟腍，牛筋腩份量多，薯仔先係精粹，索哂啲咖哩汁，好入味👍👍另外必點既仲有西多士，20蚊咋好抵食！佢真係好多事既厚多士🤣 同平時食到既完全唔同，厚身好多好多，仲要有好多件，好抵食👍西多士配糖漿一齊食先至最正宗😋😋 雖然咁食肥死，但食左先講啦🤣🤣🤤

每個星期六放假都食唔到早餐🤣點解？因為永遠起身既時候都已經過左早餐時間😅 但又好想食早餐點算好？我咁聰明就梗係食常餐啦😄😄-☆ 滋味常餐 HKD$46(跟凍飲加3蚊)雖然佢既價錢比早餐貴，但賺左瞓覺時間就算啦😂 鮮茄牛肉通粉配香腸炒蛋🍴哩度既鮮茄湯底非常濃郁，裡面仲有大大舊蕃茄，超足料唔怪得咁好食👍炒蛋亦十分creamy，半熟炒蛋充滿蛋汁及滑溜非常，一定要叫嚟食呀！-☆ 咖哩牛筋腩飯套餐 HKD$59咖哩味道係港式口味，食到椰香味，亦唔太辣。至於牛筋腩整得十分軟腍，有好多舊牛筋腩，絕對能媲美連鎖快餐店，不錯的。-☆ 西多士 HKD$20其實佢可以改名做"超厚西多士"😌 佢同平時食到嘅唔同，係用厚多士整成，份量仲要好多，好抵食👍西多士炸至金黃色，外脆內軟🤤 配埋傳統糖漿一齊食就最正啦😋😋

行到黎金魚&寵物街，諗唔到食咩見到有間好面熟既茶餐廳就入左去食喇～記得上次食過同集團既咖喱牛腩飯～覺得好ok,今次就試下其他啦～《常餐》 $46沙嗲牛肉通粉配炒雙蛋同埋即烘多士沙嗲牛肉嘅顏色比我平時食開既淺色，但聞落去比一般嘅沙嗲牛肉通粉刺鼻！覺得可能幾辣，但食落佢並唔係好辣，只係花生醬比較香既沙嗲味~炒雙蛋好香滑～而且份量都唔小👍🏻👍🏻即烘多士好香脆而且好鬆軟👍🏻👍🏻👍🏻🍞🍞🍞《五香牛腩湯河》$37牛腩就黎填滿成個碗，形成左一個小山丘牛腩滷得入味，而且唔會過老有‘鞋’口既感覺～河粉好滑溜而且索晒湯既鮮味👍🏻👍🏻《西多士》$20可選配糖漿或煉奶蛋味好香～ 而且麵包濕潤鬆香，配上糖漿味道終極邪惡🤪🤪

仔仔想吃個包做晚餐，筆者想吃常餐，民華餐廳為靚裝茶餐廳，價錢又實惠，港式滋味深受歡迎。孩子馬上手指指，尋找愛吃的東東（卻阻撓了媽媽查看）。常餐有分早餐時段及其他時段，早餐至11時，餐廳開至凌晨3時，常餐有９款粉麵、４款蛋類配料，兩款包及飲品組合而成。可以自由配搭，靈活度高，筆者點了沙嗲牛肉公仔麵配餐肉炒蛋、牛油多士，加了差價要咸檸7，屬於非常地道的吃法。常餐　$46咸檸7　跟餐+$14沙嗲牛肉公仔麵如牛肉汁更多會更好，筆者很喜愛溝了牛肉汁的湯。炒蛋十分嫰滑，牛油多士及餐肉都被孩子一下子就吃掉了。孩子的爸點了咖哩豬扒飯，點了凍檸樂。咖哩味香，豬扒很嫰口，份量亦十足，男生也絕對吃得飽。咖哩豬扒飯　$47凍檸樂　跟餐+$5西多士　$20西多士上碟時金黃色的，十分吸引，店員還有問及我們要蜜糖還是煉奶，我們選了蜜糖，配合牛油，濃淡適宜，孩子也很愛吃。孩子現在總愛喝華田，這天也喝光了一大杯。華田　$15餐廳附近都是寵物店，光顧後可前往購買寵物用品，十分方便，也可以順道與孩子上一課生命教育堂呢～

打波前同隊友食左野先有力量去戰斗！！！上次見到隔離檯食菠蘿油同火腿炒蛋菠蘿包已經好想食！！不過上次已經食左個常餐full左食唔落，今日諗都唔諗就要左個《蛋菠（火腿炒蛋菠蘿包）餐》;)隊友就要左個常餐飲凍奶茶佢食薑絲牛肉米，但佢原來唔中意食炒蛋，每次轉做太陽蛋！！！本身都想飲凍奶茶，但又怕未食野就飲會胃痛，所以都係穩陣起身飲鮮奶~~硬係覺得玻璃樽裝嘅鮮奶比盒裝嘅好飲，唔知有冇人都有同感xppp火腿炒蛋配菠蘿包，看似不配，其實味道都幾夾！！菠蘿包經過烘焗，所以個包外脆內軟架菠蘿皮面香脆微甜，夾上嫩嫩既炒滑蛋一齊食，比起食腿蛋冶多左層酥脆既口感：）不過食完之後都好似唔多夠喉，所以就做左魔鬼，叫隊友同我share一份西多士xppp色澤金黃既又厚身既西多，牛油同蛋香互相輝映！再沾埋甜滋滋既香甜練奶咁食，呢個組合壓根沒得輸☜☜☜食完啲咁邪惡既野之後，一陣打波真係要落十二分既力去還債先得

民華餐廳Angel 同朋友去開旺角又要搵野食啦，依間餐廳環境唔錯位置方便，好近地鐵站常餐💗💗💗選蕃茄湯底入味，跟餐既油多仲要人係用厚切麵包，食落感覺好飽，個炒蛋都炒得幾滑唔會老最開心就係茶記都可以食到點心阿，唔錯既配搭。秘製金錢肚💗💗💗💗金錢肚爽身入味，秘製咖哩好惹味，另外雞扎💗💗💗💗超出色阿，雞超大件，好抵奶醬多士💗💗💗💗，最後太肚餓關係叫多個原多士食，滿滿都是奶醬裝修都係幾舒服，而且價錢合理仲可以試到食點心，滿足備注💗5粒代表最深動 Angel美食天使周圍食

-今日係連假第一日✌️，瞓醒起身都已經晏晝2點幾🙈。橫掂要去金魚街買孔雀魚🐠，就去醫肚先。見到民華餐廳冇人喺門口等位喎👀。一個人獨霸卡位超正😝。慢慢歎先😚。滋味常餐🍜🍞🥚（$46）沙爹牛肉🐂通粉估唔到咁大碗，食極都仲有😲。香腸炒蛋🥚［全熟炒蛋］即烘牛油多士🍞值得一讚多士入面嘅牛油搽得好平均👍， 烘得有夠脆。西多士（$20）［跟煉奶］食食下，見到隔離枱有人食得咁滋味😏😏，忍唔住又叫個試。煉奶多到西多士可以上面游水🏊。特飲檸🍋樂煲薑🥤（原價：$19）特飲補差價（+$4）飲到媽媽嘅味道， 一樣咁夠薑、一樣咁夠檸🍋。==========民華餐廳地址: 旺角通菜街153-159號華鴻大樓地下C及D號舖

天時暑熱真係連街都唔太想出屋企人咁岩經過當然叫佢幫我買翻屋企啦！真係街都唔想落去啦Super hot 🥵 常餐 蕃茄牛粉好好味啊蕃茄味極濃 蛋又炒得好滑 勁正唷如果佢俾多d濃底就更好了西多士 必叫真係太好味了！！ 雖然好熱氣 但最後都係忍唔到口唷 練奶味甜甜地yummy yummy 😋 秘制豬軟骨飯 屋企人好中意食佢而度既飯類 但今次係俾左牛腩我地不過都好正啖啖肉架!!送飯一流啦！！！ 下次再試翻豬軟骨先 hahahaha ~~~再加埋杯杏仁霜同杯一鴛鴦超級飽嘅一餐

民華餐廳同朋友去開旺角食tea，依間餐廳環境唔錯位置近地鐵站，裝修都係幾舒服常餐選蕃茄湯底入味，跟餐既油多仲要人係用厚切麵包，食落感覺好飽，個炒蛋都炒得幾滑唔會老最開心就係仲可以食到點心阿，唔錯既配搭。秘製金錢肚爽身入味，秘製咖哩好惹味價錢合理仲可以試到食點心，推介推介推介⭐️⭐️⭐️⭐️⭐️——————#love #instagood #beautiful #happy #followme #friends #follow4follow #tagsforlikes #photography #instafood #fashion #photooftheday #amwriting #blogging #newblogpost #instablogger #food #me #followme #smile #igers

同阿媽行金魚街既寵物店買野，大約12:30pm 阿媽肚餓，佢話想食咖哩飯，真係考起我！然後諗起之前食過民華有咖哩牛腩飯！咖哩牛腩飯：勁香咖哩味帶少辣，d汁又濃椰香味，薯仔&牛腩好淋，仲有牛筋，又淋又滑，配白飯一流，阿媽食又大半碟！常餐鮮茄牛肉通：勁濃郁既鮮茄湯底，牛肉好淋，份糧好多！配太陽蛋，腸仔&多士呢個常餐好抵食，好味而份糧多！西多士：見到隔離枱食，我又點了一份，麵包勁厚，外面香脆，裡面係軟淋淋，配牛油鍊奶，好香好甜，肥都抵！阿媽高估左我個食量，佢叫左燒賣，我真係食唔落，阿媽自己食，佢話蝦好爽口，好味！餐飲，我要凍檸茶，茶味香濃，檸檬好新鮮！阿媽要熱coffee, 佢話好香濃！

日日出街食，食得最多就係港式茶餐廳，因為啱口味。呢頭有幾間冰室，多數幫襯民華，因為佢嘅常餐及凍奶茶都好得！員工服務友善，上餐又快！點會唔揀？！嚟親都咁多人~就係呢個常餐，多士鬆脆，厚薄適中，牛油的咸香佈滿整塊多士，正！多士係整份餐嘅靈魂，有d茶餐廳係做得好hea, 薄得嚟連牛油都塗得好求其。有冇心做，睇塗牛油嘅佈滿位就知一二！😎就係呢柸凍奶茶，唔係間間都好飲。奶與茶嘅份量調得啱啱好，幼滑！好欣賞呢個鐘，唔使望住等機會去揮手落order, 方便！咖哩雞飯，呢個彈吓彈吓嘅荷包蛋賣相好吸引！🤣港式茶餐廳有點心食！呢個「甜品」一定要介紹俾大家，非常鬆脆，西多一定要配煉奶！最怕o個d兩層薄方包夾住花生醬o 個種。呢間西多係一層厚包，外層塗滿蛋去炸，好香！食出蛋，包，奶與牛油的真正味道！

今日到了民華餐廳食早餐，我叫了薑絲牛肉米粉、炒蛋餐肉、一杯熱好立克、即拱牛油多士。盛惠$38，一個簡單的早餐已經好滿足😋整體上份量十足，水準OK, 價錢合理👍🏻一定再次光臨！

經過疲累的一天，我同男朋友最鍾意嘅，就係去茶餐廳食返個常餐。我同男朋友都會自稱常餐魔人，因為通常去親茶餐廳，或者諗唔到食乜，就會叫常餐。今日喺太子附近做完嘢，其實之前都成日食民華，因為佢個番茄湯通粉好正。所以今日我哋又黎左食一坐低我諗都唔諗，就叫咗番茄叉燒湯通粉嘅常餐。通常嚟呢度食我哋兩個人都會叫多個西多，因為佢呢度嘅西多係用厚多士整嘅，仲要係配煉奶，超級治癒今日我男朋友竟然食常餐，揀咗叫咖喱牛筋腩飯。好快我個常餐就到咗，一如以往我通常都會配煎雙蛋。將兩隻蛋放入通粉入面，一吉開啲蛋汁流晒落去，好正架！順帶一提，佢話叉燒湯通粉真係幾足料，每本都起碼有7至8塊叉燒。叉燒唔係乾爭爭嗰隻，係有汁同埋甜甜地嘅。可能今日比較多人，男朋友個咖喱飯等耐左。估唔到咖喱飯個面都有隻太陽蛋，咁又幾正喎，又可以蛋汁撈飯🤣佢嘅咖喱係比較港式茶餐廳風味，唔似日式又唔係印度風味。食落其實幾有大排檔嘅鑊氣feel。我試咗兩啖，幾鍾意呢種比較杰身嘅咖喱汁。 買單好似大約$60一個人？咁上下啦。而家去邊間茶記食都起碼要呢個價錢。btw，佢杯檸檬茶個茶底唔錯！

今日收工去旺角買衫，買完諗住食埋飯先返屋企，行經附近有間叫民華餐廳，發覺嘢食幾吸引，價錢又抵，所以就揀左呢間！因為一個人所以要搭枱，不過都預左，晩市多人嘛！入到去睇完餐牌就嗱嗱聲叫嘢食，因為勁肚餓，雖然多人，但上菜好快，大約等左十幾分鐘就上齊！首先食既係五香牛筋腩湯河粉，佢既牛筋腩煮得又軟又淋又入味，而且河粉比其他茶餐廳有口感，而且個湯汁有濃郁既牛肉味，超正！之後開始食佢地店員極力推薦既西多士，其實我曾經猶豫過，究竟叫唔叫始終一個人，又怕肥，不過都豁出去，食完先算，首先賣相一流，切成九少塊中間有塊大牛油，再加埋煉奶，食落感覺每塊西多都炸得剛剛好，金黃酥脆，每一啖都夾著牛油同煉奶既香味，簡直係男士恩物！但奉勸一句，件西多士確實份量十足，如果係女仔或者減緊肥既朋友，就最好叫到幾個朋友一齊share，廢費食淨浪費最後嘢飲叫左杯紅豆杯，唔太甜，啱我口味，掂！佢地仲有中式點心提供，如果大家食Lunch就可以試下，而且佢地嘢食真係大件夾抵食，啱哂我地呢排打工仔！