民華餐廳

营业中

休息中

民華冰室📍旺角通菜街153-159號華鴻大樓地下C及D號舖Kay gor 去開旺角食lunch當然係茶記啦依間餐廳既方便，而且簡單快捷又好味常餐（蕃茄牛肉米+多士蛋腸仔）蕃茄🍅🍅湯底入味湯底夠甜，牛肉片都幾香，米粉唔會煮到好淋咖喱牛筋腩飯🐂🐂🐂牛筋腩好軟好林好大舊，蘿蔔好入味咖哩仲係有甜甜地少少辣！餐廳門面都好光猛，以茶餐廳黎講佢都好乾淨坐得都唔算迫美中不足當日食唔到佢地個招牌西多士，可惜Kay Gor 推介 👍🏻👍🏻👍🏻👍🏻👍🏻備注👍🏻5粒代表最推介———

同阿女去旺角行街順便醫肚，路經呢間民華，其實平時都唔多幫襯茶記，所以入黎睇下有咩食。選擇都幾多，叫左個常餐($46)，揀左番茄牛肉通粉配煎雙蛋，個通粉好濃蕃茄味，D湯成碗飲哂！而且牛肉份量都多，多士烘得夠脆，太陽蛋煎得靚！另外叫左個牛腩牛筋河($37)都唔差，夠腍而且入味！仲有菜附送！估佢唔到係連點心都有！叫左個雞扎($18)試下！裡面有芋頭、豬肚、雞肉等，都唔錯呀！至於個秘製金錢肚($17)就有點辣，但十分入味！食唔停！見到有人叫西多士又想食，原來係呢度既主打，個西多士($20)好厚，炸到金黃色，中間有一片牛油，而枱上有糖醬任落，食到阿女lam lam脷！

上班、假期都喜歡食茶餐廳，而旺角的民華餐廳環境好大幾寬敞，所以好容易有位。必飲的凍咖啡同凍檸茶，咖啡上灑上咖啡粉，賣相加分。茶餐 $46 也是常食，有多款湯底、配料選擇，一點也不會悶。美味的腸仔配嫩滑炒蛋，而香脆鬆軟厚多士有濃郁的牛油是完美配搭。雪菜肉絲米粉，湯底入味清甜，雪菜肉絲份量也很多。西多士 $20有花生醬餡是港式造法，而這個是正宗西多士 $20。金黃色的外表，鬆脆可口的質感。民華餐廳還有點心食！實在太多元化選擇，有入味的鳳爪及金錢肚，超正。

依家鋪頭嘅常餐我好鍾意食，通常點都係蕃茄湯底嘅通粉😊今日我地兩個點左番茄牛肉及蓄茄叉燒通粉，仲有餐肉炒蛋多士兩份，同埋熱奶茶、熱華田。最鐘意蕃茄湯底好濃郁，牛油多士好厚，久唔久掛住就會去依間店食下😊

在友人的不斷鼓動下，甚少嘗試油炸食物的我今日來到旺角民華朝聖這裡馳名的「西多士」。食物一上檯我即刻嘩一聲，都明白為何這麼出名。這裡的西多士是用上少見的特厚多士炸至金黃，火候掌握的剛剛好，又不會過於油膩。面頭有一磚厚切的牛油，加上大量煉奶，真叫人食不停口，難以忘懷更重要的是，咁足料的西多士，只要20蚊！半份特厚西多士落肚，已經半飽，於是我哋又叫咗個常餐同油菜開心share。常餐晚市都只是$46，而且選擇豐富，自由搭配。我們選了沙爹牛肉米粉，餐肉炒蛋，即烘多士加果占（$2），凍檸茶。食物來到份量驚人，個米粉是正常一碗粉麵的份量，沙爹牛香濃松化。滑蛋有淡淡的奶香，火候正好，餐肉亦食得出用料上乘。另外一提，這裡的油菜都幾有心思，是用魚湯來浸住，$20絕對大份抵食過出面餐廳。

今日去左旺角買貓糧，行寵物街行左個幾鐘，行到攰攰又肚餓，所以就搵野食啦。見到有一間好大間，又好繁忙的餐廳，就入去醫肚啦😂餐廳都幾多野食，有中式點心，西式常餐，到粉麵都有，好多選擇。我選左常餐，鮮茄义燒麵，配餐肉炒蛋。跟住見到格離枱個西多士好香好吸引，就單點左一個配密糖。好快常餐就上菜，真心快。佢個鮮茄湯真係好濃好香，無一啖麵都吸滿鮮茄湯，正呀。個炒蛋都好出色，一啲都吾老，有蛋汁，重好滑👍🏻👍🏻推介指數⭐️⭐️⭐️⭐️食左一陣，西多士都上菜啦，應該係即叫即整，新鮮熱辣。重有成支密糖比你加落去，非常好。熱辣辣既西多士，加上牛油同密糖，，睇住牛油由固體溶化到汁體，再比件多士吸收，好好feel👍🏻👍🏻而且佢地係厚切嫁，細心到幫你切埋一舊舊，好易入口👍🏻又好好味推介指數⭐️⭐️⭐️⭐️⭐️

夏天出旺角真係可以當做運動，唔洗點行都會出到成身汗……同朋友係花園街買完野之後就入左黎食野，之後我就要趕下場去返工，所以茶記/冰室就係不二之選因為通常我都係會嗌"常餐"HKd$46，今次要左蕃茄叉燒通，配餐肉炒蛋，但因為最近好熱氣，所以就唔揀多士，要左方包走油就算嚕~~~朋友都係要常餐，但個配搭就有d唔同眨下眼，d野食光速送到！！！炒蛋嫩溜溜是必須的最中意將佢加埋落個蕃茄湯個到，就好似食梗蕃茄炒蛋咁，味道超夾！！！而通粉既份量都好多，食完成碗堅係飽~~~雖然今次無要多士，但方包都好似多士咁係厚切，仲好鬼鬆軟添♥♥♥而朋友既薑絲牛肉米都係份量十足的不過朋友係黑洞，佢食完之後仲自己對左份西多（其實我唔係怕熱氣既話，一定會偷食兩舊xppp）因為西多士真係邪惡得黎又好鬼吸引大熱天時，我地飲埋杯冰凍解渴又消暑既凍檸茶（跟餐加3蚊）就滿足滿足啦=D我地坐底連埋落單食野埋單都唔洗一個鐘，係食得滿足又快捷既一流之選

最鍾意食多士所以諗都唔使諗一定食常餐轉多士。常餐好多選擇，餐肉/腸仔/火腿/蛋，基本上一般茶餐廳的常餐都係呢幾款配搭。其優勝之處是，每款食物都是有質素的。看似沒特別，但炒蛋超滑！我至愛的多士，果然外脆內軟，最欣賞牛油塗滿整片多士，帶微鹹的牛油跟微甜的麵包是冇得頂的！叉燒米粉，厚身叉燒配上湯米粉又係冇得輸，叉燒的蜜糖滲到湯裡，味道又更勝一籌！章魚肉餅飯，有馬蹄冇肥肉！食完多士，encore食件西多士，一點都唔會吝嗇，見到厚厚的雞蛋包住麵包，香到呢。。牛油+煉奶，真係超讚！！！很好的"甜品"

民華餐廳既常餐真係百吃不厭😝每次都係食常餐同西多士✌🏻-西多士 ($20)餐廳侍應極力推薦落煉奶 因爲真係好好食！炸到外脆，保留麵包鬆軟有口感，但美中不足係中間個層無花生醬既😭😭😭-常餐每次都必點既蕃茄湯，因為用左真材實料既新鮮蕃茄～湯底好濃郁好香酸酸地好開胃！另外都可以揀普通清湯底同有牛肉/叉燒/火腿等配料～常餐主角通常都係炒蛋多士，厚多士可以加$2配煉奶/花生醬😍😍😍同朋友每人加一款，就變左奶醬多👻😝

西多士可以揀糖漿或者煉奶😋因爲平時好多餐廳都係得糖漿,所以我地就揀左煉奶😛成塊牛油再加埋煉奶雖然好邪惡但真係perfect match,個多士邊炸得好脆,下次去都要再encore!常餐蕃茄叉燒通粉配炒蛋/太陽蛋即烘多士,湯底好開胃多士外脆內軟.溫馨提示:多士可以加$2加煉奶/花生醬,因為西多士已經加左煉奶所以我地加左花生醬,真係好滿足喔!

平時都黎開民華食野，有時食下 lunch，有時就一支公食晚餐。早排覺得民華個質素麻麻地，今日食完想幫佢有個小平反。今日照舊係叫常餐，搭多左個西多。今日佢個蕃茄湯，少左茄膏味，有番重少少蕃茄味，應該個湯底落嘅蕃茄足料左。另外個太陽蛋有驚喜！我知一般茶餐廳叫太陽蛋可以比各式各樣嘅蛋比你：熟蛋又有、半煎半炒又有、有d就上到碟漏黃嘅。但係呢度叫太陽蛋真係比太陽蛋你。蛋邊微微煎香，蛋黃仍然保存得好好！至於個西多，中規中矩啦。呢度有得揀用煉奶定糖漿，我又怕煉奶怪，揀左糖漿，食落又好似無咩特別咁。下次可以試試用煉奶會係點。

旺華通菜街民華餐廳 大部份時間都差不多坐滿、可能食物選擇比較多吧。 除了常餐、粉麵、咖喱、蒸飯、還有西多士/ 甜點和中式點心。秘製金錢肚、鵪鶉蛋燒賣等都可在這裡吃到～常餐點了沙爹牛肉通粉 份量不少即烘牛油多士配香腸炒蛋加$2 可轉柑桔蜜西多士厚切 可選煉奶或糖漿、不過有點太甜啊。魚湯魚蛋河粉 $45 套餐包飲品。賣相唔錯、竟然有齊魚蛋、魚片頭和魚皮，魚蛋片頭彈牙爽口、魚皮脆卜卜、有驚喜。另外還可以加配 油菜一碟、幾抵食！

旺角茶餐廳林立，常餐都是炒蛋多士與湯粉。既想吃厚實的炒蛋，也想吃番茄湯粉。沒半點懸念，便想起民華。很喜歡民華的格局，有卡位，踎茶記也坐得舒服。吃茶記點常餐，是常識吧。番茄湯米，一定是首選。不知從哪時候開始，不再供應豬潤，只好改吃牛肉。每次吃它的番茄湯底，都是會燙到口。無一例外，又，燙到了。果然，心急是吃不了番茄湯米。番茄湯微甜，不是很濃郁那種，但能濕潤著米粉。隨湯附幾顆番茄粒，使湯頭有點真番茄味。牛肉是不經調味，宜配番茄湯吃。看到鄰桌的西多士，有點欲拒還迎。心動不如行動，加配一份西多士。一個人，能吃下嗎？美食當前，管不了。西多士配煉奶，再蓋上一塊牛油。厚多士更有口感，炸至金黃色，沒有半點油溢味，內層鬆軟。甜咸交融，既邪惡又滿足。

香港未到暑假已經熱到嘔，加上又濕又熱，間唔中又落下雨，真係好辛苦，尤其是走出街，行一陣已經成身濕哂，冇乜必要都唔想出街，不過今日咁啱屋企無哂貓糧，焗住要去旺角，無計😅好在旺角勝在多嘢食，下午茶就更加多選擇，不過我最Like去港式茶餐廳，因為無論你幾時去，都一定有唔同的餐供應😬早、午、晚，常餐等等，流量又快，過下冷河至啱👍🏻我最愛的西多士，一定係必食推介，我會揀練奶，因為練奶特別香特別滑，再加上大大件嘅牛油，絕對不能抗拒嘅魔力😋四邊都沾滿了甜甜的牛奶醬，入囗嗰種開心同埋滿足感，令我感覺到自己真係好幸福🤗當然呢度嘅常餐都係佢哋嘅招牌必食推介，有七七四十九種變化咁多😂我留意到好多客人都有不同嘅喜好和選擇，但係梗有一款啱自己，不過我最欣賞佢哋嘅香滑炒蛋，同埋脆卜卜嘅即烘多士，名副其實的外脆內軟👍🏻呢間茶餐廳，送餐速度快，效率高，成日都大排長龍，久不久就要來幫襯一下👍🏻

今日早左放學，帶阿囡行街街兼食Lunch . 我個幾次都見呢間門口排晒長龍，今日難得有位,即時衝入去試下先！ 常餐抵食大大份！ 叉燒通粉： 叉燒夠淋好味！通粉唔係快熟淋pat pat果隻，有彈性又吸晒湯汁、好好味！ 配埋炒蛋、餐肉同脆多士。大大份，食唔晒。 配埋餐飲都係$46，算抵食。 另外叫左個五香牛筋腩湯河，跟餐都係$46 牛筋腩又淋又入味，唔會太肥，牛腩一絲絲又唔會太爛。好正！腩汁味道剛好唔會太咸，每啖河粉吸滿腩汁，阿囡超鐘意食必吃西多士$20 少有超厚西多士，煉奶。炸得夠脆口，厚多士外脆內軟，好食好多，正！ 阿囡想飲紅豆冰，$24一杯，不如叫個波蘿油餐， $31蚊配埋紅豆冰。抵啦！