民華餐廳

营业中

休息中

平時最鍾意食常餐，今次嚟到依間好多人食嘅餐廳，附近果幾間出名嘅常餐就係排隊排到天昏地暗。。不過竟然比我識到依間質素我自己認為非常之高嘅餐廳一心入到黎係食常餐，所以揀咗個番茄叉燒通粉加炒蛋腸仔多士，另外都揀咗蕃茄牛肉通粉加炒蛋餐肉多士好值得一讚嘅係，店員非常之有禮貌，呢一樣野好多茶餐廳都做唔到佢個多士係新鮮整嘅，啲牛油自己已經用得7788，加上夾少少佢嘅炒蛋，好好食佢個炒蛋唔會整得好老，有少少流質，好滑好好食個人認為牛肉比叉燒好食，牛肉佢用野那到佢好林，叉燒相對上比較瘦同靭，不過要值得一讚嘅鞋，個湯底本身自己已經好有好多好多蕃茄肉平時茶餐廳嘅蕃茄湯，感覺上只係罐頭加水，依個佢真係加咗好多好多舊蕃茄落去，好有誠意！總括嚟講，依間茶餐廳除咗多人嘅時候座位非常之迫，佢嘅常餐質素我覺得佢係香港數一數二嘅餐廳，我會再返嚟幫襯

帶了狗狗到旺角的美容院後便到對面的民華餐廳吃點東西！這裡環境分店跟其他都一樣～ 燈光通明，人流很多，地方也乾淨。 雖然人很多，但不會感到十分嘈吵～職員落單敏捷也沒出錯！ 天氣很熱梗不想吃飯，點了一份 「例排」常餐！ 常餐 HKD 46，內裡有 鮮茄叉燒通粉 、牛油多士 及 凍檸茶 加 HKD 3 頓時體溫上升又解渴。 煎雙蛋顏色很橙很美！ 多士暖暖帶點脆口～ 叉燒都是瘦瘦的不帶多餘的脂肪，份量也很足夠，通粉軟度適中，配合了半點杰身蕃茄湯。 狗狗很快完成了，接回他後便搭車回家，甚方便！

喺旺角同太子中間金魚街嘅街頭，民華餐廳每日由上午七點開到凌晨三點，所有時段都供應常餐。我就真係早餐，午餐，下午茶，晚餐同宵夜都食過啦~供應嘅食品就一樣啦，係早餐平少少38蚊，其他時段就46蚊。常餐分ABC三個部分選擇，A部分揀湯粉，我通常都會揀比較濃味嘅鮮茄湯跟火腿跟通粉~B部分就揀一個配菜同埋揀個蛋，就睇下你鍾意點樣食個蛋，有炒蛋，太陽蛋，全熟蛋都得。C部分呢就係睇你想唔想烘多士，定係冇烘過嘅方包。然後揀嘢飲，凍飲加三蚊。常餐其實好多人食過都知道好食㗎，但係特別真係需要推介呢就係西多士，又厚又脆熱辣辣食真係好好食!!

今日要到旺角處理銀行野，所以要找地方食下午茶。民華餐廳好多分店，抵食又美味！滿滿客人，好受歡迎的茶餐廳喔！之前黎過一次，今次又是食常餐（星期一至五有折呀，$38包餐飲又有粉麵）點了最愛常餐，轉食麵（叉燒清湯麵+火腿炒蛋多士）常餐：今日想食清清地，所以點了清湯叉燒，之前次次食通粉，今次就轉食麵，好喜歡這裡的自由度，可以不同配搭；叉燒唔肥又軟腍，麵軟硬剛剛好；更可加辣醬更野味火腿好香，配上最滑最靚的無得頂金黃炒蛋，還有好好好食的多士，今次我更加了花生醬，滿滿的花生醬塗滿多士部分，好香脆好厚身）飲品最愛是熱奶茶，好香好濃茶味又滑滑的，不用加糖已經夠哂好飲，我的最愛服務生快手快腳，友善又合拍的團隊！

上司很友善地請大家晚餐，想快快吃一個好又去工作，因而選了近公司的茶餐廳。身為台妹，對於香港的食物印象除了茶樓，還有在台灣熱賣的--波蘿包！不可能放過這便宜又好吃、最能代表香港的食物喔~香港之外又叫波羅包、菠蘿麵包，作為香港流行的一種甜味麵包，表面金黃色、凹凸脆皮就好似菠蘿咁，我們也叫了一個吃喔。香港茶餐廳代表著香港的美食文化，菠蘿包、蛋撻、奶茶等等也是很受歡迎的平民美食。茶餐廳美食很多，而且通通食物也很高質素的。這茶餐廳所有點心，包括燒賣、乾蒸牛肉，必食鵪鶉蛋燒賣和點心，也是同行上司的最愛，而我喜愛鵪鶉蛋燒賣，燒賣蛋黃香，燒賣豬肉刴得幼細。「唔該，埋單喔！」丶「要碟鵪鶉蛋燒賣呀！」未到晚餐時間，這店就開始響起下單及結帳的聲音。特別一說的是加錢的油菜性價比高。

平日周未如沒有什麼街去, 總愛睡到下午一、二點, 之後就踩着拖到附近的茶記食個下午茶~上周未都是一樣, 醒來就拉着媽咪到附近的民華餐廳開餐~民華都來過幾次, 食物好食, 價錢相宜而且選擇又夠多, 西式飯、常餐固之然有, 最驚喜是中式點心和蒸飯都一應俱全!不過餐廳生意實在太好, 人客很多, 有時不是坐得好舒服自在, 搭抬更是司空見慣, 再加上自由行較多, 要有心理準備~ 由於好肚餓的闗係,我和媽咪點了常餐(配薑絲牛肉通、火腿炒旦、多士)、西多士、秘製豬軟骨飯、魚湯灼菜心~ 飲品點了熱杏霜、涷檸茶食物好快就上菜了!!! 賣相相當不錯~常餐(配薑絲牛肉通、火腿炒旦、多士) -  薑絲牛肉通 好香薑絲香但又不太濃, 好易入口~牛肉嫩滑, 通粉唔會太淋, 我反而中意呢款帶爽口既通粉, 超有咬口~PS 湯都好好味, 我全部喝光~   火腿炒旦、多士 - 水準之上, 多士烘到脆脆就上桌, 而且佢仲係"厚多士", 超脆超有口感! 炒旦好滑又有奶香, 火腿都唔會太生, 幾好食~ 秘製豬軟骨飯 - 好冶味!!! 份量都好多, 每客足有4-5件豬軟骨~~~ 豬軟骨炆到好淋好入味, 最中意佢每件

放假兩口子去左金魚街個邊睇寵物由於都行到7點同埋太攰既關係 我地去左決定食金魚街上嘅民華餐廳兩口子一個叫左個常餐($46) 一個就叫左個咖哩牛筋腩飯($59)常餐黎講 就最喜歡鮮茄牛肉通粉民華嘅蕃茄湯底味道濃郁 牛肉數量又多又嫩滑 索晒啲蕃茄湯味 簡直一流！火腿炒蛋真係值得一讚 出面啲炒蛋用好多油先炒到咁滑身 但呢度啲炒蛋一啲都唔油膩但又keep到滑身值得一提嘅係 絕對建議加2蚊去加花生醬 唔講咁多 睇圖就知有幾足料 唔係求其搽兩下就算！咖哩牛筋腩飯都值得推介 一上枱都未食已經聞到陣陣咖喱味汁醬惹味 白飯仲有隻煮蛋放係面 一吉開啲蛋汁流哂出黎蛋汁撈飯係我至愛 最加埋咖哩汁撈埋一齊食 係正嘅！牛筋腩量多且每件都好大舊，牛筋好腍。食咁多肉都真係要食啲菜balance下魚湯灼菜心每條都好大條 魚湯味索晒落啲菜心度 好鮮甜 又唔會老到起渣 抵讚！食到咁上下望到隔離枱個西多士又香又大件好吸引雖然已經好飽但忍唔住最後都叫左個西多士配煉奶食西多士好厚身 金黃鬆脆熱辣辣嘅西多士索晒煉奶同半溶牛油 雖然好邪惡但好好味而且價錢只係$20咋!!!!!下次tea time再行開呢邊都一定會再幫襯~

去到太子 諗唔到食咩好， 就決定食民華！呢度最出名同食開 都係佢哋嘅常餐。我地兩人唔算好肚餓，而且又無位擺。仲要個匙羮係有污漬。就叫左一份常餐加一件西多士。腸仔炒蛋 多士腸仔無煎過白烚甘，好彩炒蛋 都算做得幾滑。多士嘅們質感都算不錯。番茄叉燒通粉通粉質感幾煙韌，蕃茄湯底都濃，叉燒份量較少。西多士$20烘燶嘅程度不能接受，有圖有真相。而且食落成口油，懷疑是翻炸。檸茶普通貨色。要提下嘅係卡位要兩人坐一邊，但其實空間不足以坐兩人，勁逼。埋單$69！幸好不用加一，因為服務不值加一。

依到既點心有好幾款，都足夠過下個點心癮，因為賣既都係大眾相對鐘意食既好幾款！！！“$17燒賣，$17金錢肚，$17鵪鶉蛋燒賣，$17鳳爪，$17山竹牛肉，$17鮮竹卷，$18雞扎”平過去茶樓飲茶，又無茶介~ 燒賣，有杞梓係上面，賣相幾靚仔！！！ 鳳爪，豉椒調味醃得好入味，鳳爪既有肉又有骨感！！！ +$16上湯浸菜心，比蠔油油菜清淡，啖湯都可以飲！！！ 好小有既鵪鶉蛋燒賣，好味，味道全統！！！ 雞扎，芋頭同豬肚索曬d雞既精華！！！ 鮮竹卷，個汁杰身，剛好掛係鮮竹卷上，餡料飽滿！！！ 火腿炒蛋三文治，+$2搽奶油係三文治到！！！ 依個柞菜肉絲通粉係跟火腿炒蛋既，依隻通粉較厚身有質感！！！ +$16有碟菜~蠔油菜心，依到得菜心選擇，無其他菜，如果有多d選擇會更好！！！

係旺角中午食飯度度都好多人其中民華就好多人等位好彩今日早左少少到就品洗等位 一到就入主打食常餐的民華 我當然要食返個常餐 蕃茄叉燒通粉 個茄湯好濃 仲有一舊舊蕃茄個份量又好多 好飽肚炒蛋好滑 好好食 必食今次多士加了（$2） 果醬加了果醬的多士更香更好食 果醬甜甜的好好食另外朋友點了咖哩雞飯咖啡好香濃 雞又好滑個飯上面仲有飯煎蛋 岩晒打工食中午食 一定夠飽另加了（$16） 點了魚湯灼菜個菜好清淡 又唔會太咸好健康而且份量好大 好抵食原來呢度有埋點心食今次食了燒賣燒賣大大粒 又夠足料

好似第二次食民華，今次食覺得好味左🤤旺角店食早餐同宵夜都一流！！開到零晨3點，有時想食宵夜，又唔算好多餐廳開到咁夜，民華會係個好選擇！旺角又方便，另外仲有其他分店的，留言番個營業時間呀❤️.必食鮮茄系列❗️❗️揀左常餐鮮茄牛肉公仔麵、餐肉炒蛋及牛油多士 $46鮮茄湯算濃郁，好味🤤蛋炒得滑，脆多士都喺呢度既名物之一！要趁熱食呀🙌🏻.西多士 $20煉奶加牛油，非常邪惡😈但好味！！又抵食！👏🏻燒賣 $17呢個正正常常。

講到我最喜愛的茶餐廳，民華必定係我最喜愛的其中之一，除左地點方便位於旺角，食物質素一直都keep到水準，亦係我喜愛嘅原因。今日放假就同媽咪黎左呢度食下午茶！豬肉燒賣燒賣好大粒，豬肉唔會太肥，所以肉質都比較結實，內裏亦有唔少鮮蝦肉，調味唔會太咸，啱啱好！豬肉偏瘦夠健康，我鍾意常餐炒雙蛋配麵包及榨菜肉絲湯米粉係我嘅常餐最佳配搭！炒雙蛋好嫩滑仲充滿蛋汁，帶有少少牛油嘅鹹香，非常滋味！榨菜肉絲份量好多，配埋爽身嘅米粉，夠晒飽肚！西多士好耐冇食西多士啦，下午茶時間就放縱一下吧！炸得金黃香脆的西多士好厚身，沾滿牛油同糖漿後的外皮好香甜，內裏係鬆軟嘅厚麵包，整個都充滿蛋香同時又有麵包香，非常邪惡啊！淨魚蛋魚片頭我地鍾意食魚蛋但又飽飽地，所以叫咗呢碗魚蛋魚片頭(走河粉)，魚蛋都幾彈牙，食得出麵粉比例唔高！金黃魚片頭都好出色，大大嚿，好好味呀！港式熱奶茶食茶餐廳點可以冇熱奶茶！奶同茶比例恰好，茶濃香而且奶好滑，係香港嘅風味啊！

茶餐廳都食得多，不過有幾間我特別鐘意。其中一間位於旺角既民華餐廳，平時行街睇戲都鐘意黎哩到食飽飽先出發。鐘意哩到坐得舒服，食物份量大，而且好食。哩個常餐係我既必食之選，簡單一個常餐可以有唔同配塔同組合。一個月黎食幾次都唔會嫌。鮮茄牛通，湯底味濃，通粉唔會煮到過火喉，口感岩岩好。即烘牛油多士，厚度絕對唔講得少，厚度冇影響包既脆口感，牛油同多士比例岩岩好，食到牛油啖啖香味。炒蛋就保持到香滑既質感，正👍🏼👍🏼👍🏼👍🏼。哩到款西多士係超級邪惡，有煉奶同糖漿揀。最鐘意哩款西多士厚身得來超鬆軟，所以食完唔會好濟好頂胃。不過今次煉奶份量稍為落多左，味道甜左啲，下次再黎可以要求少煉奶。菠蘿油加紅豆冰一向都係完美配塔。同樣地菠蘿包質感好鬆化，一大塊牛油釀左係包既中間，切開後牛油慢慢從包內流出，味道同賣相都一樣吸引。咖哩豬排湯河大大碗，裡面有兩塊大豬扒同一條油菜。鮮黃色既咖哩湯底，味道又香又濃，唔係辣既。河粉本身容易吸味，所以將咖哩湯精華完全吸收，非常入味。豬扒肉質好淋，好好食👍🏼👍🏼。

位於旺角通菜街153至159號華鴻大樓地下的民華餐廳，是一個性價比幾高的茶餐廳。這茶餐廳營業至凌晨三時，有時和朋友凌晨十二時下班後，也會來這裡吃個快的宵夜。今次則是和朋友中午來這裡吃飯，午飯時間，人頭湧湧，在門口等了五分鐘後便入座。🙆‍♀️朋友點了一客秘製豬軟骨飯，醬汁香濃，豬軟骨肉質軟軟的，十分入味，而且至少有五至六件，很夠送飯。豬軟骨旁還會有條菜心，菜心也吸滿醬汁。客飯還會包一隻半熟煎蛋，煎得香口。我則點了一份常餐。點了叉燒鮮茄湯通粉，鮮茄湯味道天然，能吃到頗香濃的蕃茄味，酸甜適中。叉燒十分大片，肉質鬆化，也不會像其他茶餐廳般，只有兩小薄片。腸仔炒蛋配即烘牛油多士 - 炒滑蛋質感幼滑，如果香腸能微微煎香，而不是烚熟便更好。

一直覺得茶餐廳是最具香港特色的餐廳，食物看起來簡單，但平淡中有著幸福的味道。因為今天生病了，不想吃煎炸的食物，簡單的常餐就是首選了。一個常餐包括麵，多士同埋飲品。鮮茄火腿通粉常餐$46蕃茄湯酸酸甜甜，非常開胃，就算食緊藥冇咩胃口，都可以輕鬆食完薑絲牛肉通粉$46媽媽選擇了薑絲牛肉通粉，我嚐了一口覺得很有驚喜!牛肉湯底鮮甜，薑絲的辣讓人感覺喉嚨暖暖的，非常舒服，大推薦!香腸炒蛋炒蛋應該加了牛奶，吃起來滑滑的。煎雙蛋全熟蛋很足料，吃這個也很飽。牛油方包+煉奶本來想試招牌的烘底多士，但生病了所以選較健康的牛油方包，很香軟，加上煉奶很滋味。熱杏仁霜檸樂煲薑病人恩物!!!第一次飲檸樂煲薑，仍保留了可樂的甜味，配上滿滿的薑絲，熱辣辣的，讓喉嚨非常舒服，飲完有暖暖的幸福感整體來說非常推薦，服務態度很好，上菜快，各種食物水準也不錯，價錢平實，值得一試!