民華餐廳

营业中

休息中

是日又和同事仔到呢度午餐，上次同事仔食咗牛腩覺得好好食，所以今次又想食牛腩😝😝意想不到係裡面座位幾滿吓，我和同事仔要搭枱~~~一開始又係上飲品，凍檸水4塊檸檬其實都算幾多吓，如果個杯底闊d就更理想~~~今次我又叫常餐，薑絲牛肉麵，牛肉唔會韌，薑絲夠曬幼，食落真的好食，個麵煮到軟硬適中👍🏽今次食熟的煎雙蛋，食落感覺不錯，最正係牛油多士夠曬厚，食落真的唔停口~~~同事仔今次五香牛筋腩湯河粉，佢大讚煮得夠淋，我在旁邊也感到飄出來啖啖的香味~~~為食的我忍不住加個西多士，呢度的西多士原來未上枱已經切開9件，感覺幾細心，方便我呢個有點笨手笨腳的人，西多食落既軟熟又好食同事仔就加1蚊打包，方便當下午餐食~~~見到對面枱大叔點的糯米雞感覺不錯，我就點返個外賣，打算星期二中午留在office 食，因為我要準備重要的會議，冇時間外出呢個外賣感覺好似唔夠環保，下次可以考慮自備外賣餐盒買雖然呢間店的價錢不算平，但勝在價錢與食物質素成正比，值得間中到此再食

一班大男孩於旺角球場運動完後，在深夜的旺角尋找飽肚的餐廳。雖然香港是個不夜城，旺角更是城市的中心，但一間好吃的深夜餐廳不易找的。民華餐廳是出名開到很夜的茶餐廳，於是我們一行幾人進入醫肚。這裏的店員非常友善的態度招待我們，介紹有什麼出名的食物。於是跟着店員的推薦點了西多士和常餐。常餐可以自由配搭的，今次點了沙嗲牛肉通粉和餐肉炒蛋。沙嗲牛肉味道濃郁，通粉的份量非常充足，炒蛋的味道更吃得出有濃厚的牛奶味，非常好吃。值得一讚，常餐裏的多士真的非常新鮮，非常推薦一試。再來就是煉奶西多士，來的時候，以細心為西多士分了9分，可以大家一起品嚐。深夜的時候亦看見人流非常多，可見這裏的質素非常不錯，是深宵餐廳非常好的選擇。

一早黎旺角做野，食個豐盛靚早餐😍最鐘意黎民華食，叫左個常餐蕃茄叉燒通粉＋餐肉炒蛋＋方包走牛油＋熱咖啡$38粒粒通粉都沾上濃郁既蕃茄湯，啖啖都食到蕃茄蓉加上叉燒好惹味，滑溜溜既炒蛋加上煎香既午餐肉，好豐富既早餐😍嘆埋杯熱咖啡，成個人即刻精神哂民華仲有點心食，價錢仲要非常親民$17-18左右叫左個秘製金錢肚$17牛肚好唸淋又入味，仲加左白蘿蔔吸哂d汁豉椒鳳爪$17數下起碼有6-7隻鳳爪，大份又抵食😋

琴日晏晝好肚餓，經過旺角想搵嘢食，見到民華，就即刻諗起同事推介過佢嘅常餐係好正，所以二話不說就入咗去食。因為太肚餓關係，除咗每人必食常餐外，我地仲叫咗兩個中式點心同埋一個西多士（太貼心啦，好少有餐廳會有埋中式點心）。先講講個常餐，我地叫咗沙爹牛肉麵+蕃茄火腿通，同時又叫咗腸仔炒蛋同餐肉炒蛋，一個烘底多教同一個普通牛油包。炒蛋配蕃茄通簡直好食，個烘底多士又令牛油底味出哂來，正呀！另外個西多士十分足料，食落去啖啖口感，好滿足。最後叫咗一份燒賣同金錢肚，十分有口感同入味，正。

復活節假期間嘅星期六，晏晝有節目，去之前喺地鐵站附近茶記食個快lunch。呀爸呀媽成日提起星期日食民華常餐，但我同老公今次係第一次幫襯，原來好多野食揀。常餐竟然有九款粉麵揀！我要左鮮茄牛肉通、餐肉炒蛋多士，凍檸茶。茄湯係濃湯o個款，茄味十足唔會過酸，類似中環某出名排檔茶記，牛肉份量都幾多。炒蛋夠香滑唔多油，多士外脆內軟牛油搽得夠均勻，正。老公叫咖哩牛筋腩飯，牛筋同牛腩份量各佔一半，咖哩香濃微辣，類似馬來西亞咖哩，撈飯食一流，飯面嘅煎蛋流心架，賣相吸引。另外加左個西多士，呢度嘅西多士好特別，係將厚多士兩邊都沾上蛋漿然後炸香，金黃有光澤之餘有蛋味，每一啖都充滿住牛油同煉奶，邢惡得黎勁好味！另外仲見到唔少人食盅飯同點心，不過兩個人食三樣野好飽喇，下次有機會再試。埋單只係$131，性價比甚高。另外值得一讚係店員好有禮貌，食物上得好快。

有朋自遠方來，指定要食港式茶餐廳，係旺角呢句，茶記總有1間係附近,今次食民華就係為左個常餐~估唔到係下就2點鐘數黎到都仲有咁多人，好full下，2個人搭台是必然的！難得台灣朋友咁欣賞茶記，咁就要盡！力！食！叫左以下幾款食物常餐~ 揀左蕃茄牛肉通，配上餐肉炒滑蛋~牛肉好嫩滑，蕃茄味夠濃，每一啖通粉都吸晒蕃茄湯汁，好好味！重點係全日供應，早餐時段就價錢平d~皇牌咖喱牛筋腩飯~見到“皇牌”，就點都要試下，飯上舖左1隻半熟煎蛋，咖哩香味濃郁，薯仔淋身入晒味，牛筋腩應該炆左好耐，全部都好入味，撈埋d白飯簡直一流西多士~西多士可以話係港式茶餐廳既甜片，呢度可以揀糖漿or練奶味，咁我地就傳統d,選擇左糖漿，麵包係厚身既，牛油好大塊，每啖麵包都沾滿左牛油香，再自行加上糖漿，好滿足好滿足另外，呢度仲有點心蒸飯類可以食，望落都唔錯！可惜眼界無限，肚腩有限，有機會先再黎試其他野！有外地朋友黎盛心推介港式地道茶記！

民華人人都知价钱最平民，又多款式，今日來到旺角金魚街，知道附近有一间，所以就過來食。餐廳都很多座位，已經有很多人，尚好不用排隊。滋味常餐要了個滋味常餐，薑絲牛肉通粉配火腿炒蛋及即烘牛油多士，跟熱檸水$46薑絲牛肉通粉，通粉都比較腍滑，湯底也很清甜，很喜歡牛肉灼到刚好熟，有牛味之餘且很嫩滑。也很喜愛炒蛋，炒得很滑。即烘牛油多士，㚒着火腿、炒蛋及牛油令烘過的多士很美味。秘製金錢肚$17秘製金錢肚，味道带少少甜，很爽口。燒賣$17燒賣有4粒，每粒面上还有一粒纪子，燒賣还隐约見到裡面爽口的蝦仁。豉椒鳳爪$17豉椒鳳爪，份量都算多，炆得刚好够腍，带豉味炆到很入味。山竹牛肉$17山竹牛肉，入口带㸃腍滑，喼汁带少少酸，与牛肉非常相配。

襯復活節假來到金魚街睇金魚， 起行前梗要先醫醫肚，一段通菜街，閒閒地有5-6 間茶餐廳，水準比較好的首選 。 中午食飯時間， 間間餐廳都人多到好似街市咁， 亦不例外。  店員都好FRIENDLY 主動幫我地帶位， 四卡位梗要SHARE 坐。今天一心來食最多人點的 $46 薑絲牛肉通粉 + 火腿炒蛋配牛油方包 = 是我不二之選   我喜歡喝這口薑湯,  辣度恰到好處， 唔會辣到流晒汗， 有暖胃的效果 。 牛肉有咬口之餘， 但牛味不算特出 ，當有點肉吊下味。 採用了較細的通粉，就算放久了也不會引致通粉變稔，而且頗有彈性，份量又多，食完一碗超飽。我最期待就是這份炒蛋，配上微暖的厚多士， 牛油搽得滿滿， 我慣性將炒蛋、火腿、牛油多士拼成多士三文治， 超豐富。炒蛋十分嫩滑，充滿着蛋汁， 雖然會食到好狼狽， 但那種充實感， 一定要食過先會明白，這是簡單的幸福。    凍鴛鴦                茶和啡的比例唔錯，喝出茶的夠香濃，唔會只有苦的啡味。唯美中不足是奶下得不夠多，略欠順滑。 男友點了三款點心 鮮竹卷 $17 、 雞扎 $17 、鵪鶉蛋燒賣 $17我試了 [ 雞扎]  如酒樓的出

民華餐廳有很多分店，今次再次來到旺角的民華餐廳，之前已經來過一次了餐廳面積頗大，雖然經常坐滿人，但是上餐速度快，所以很快有位置。點了一個常餐 $43 全日供應！讓喜歡吃港式常餐的你可以隨時吃到！沙嗲牛肉通粉配腸仔、炒蛋炒蛋真的十分嫩滑，扺讚！即看牛油多士熱柚子蜜茶 +$2魚湯浸菜心 +$16魚湯浸着菜心，菜心莖部也不覺得太硬了菜心咬下去的時候溢出魚湯，鮮味加倍西多士 $20配煉奶炸得十分均勻，雖然很邪惡，但是一次半次就讓自己享受一下豉椒排骨飯 $29盅飯，看起來好像好少，實質非也，這個份量對我來說剛剛好！蘿蔔金錢肚 $17金錢肚十分入味，秘製醬汁出色～

🔅🔅🔅香港出名多特色茶餐廳特別在旺角的通菜街今日Lunch就揀左～👉🏻<民華餐廳>👈🏻🔸<腸仔炒蛋配烘牛油多士>炒蛋入口香滑不會過老烘牛油多士外脆內軟加蛋一齊吃超滋味😍🔸<鮮茄牛肉通粉> 個人認為這是最有特色用左新鮮番茄熬製的湯底濃濃番茄湯酸酸甜甜很開胃牛肉不錯通粉很有咬口很喜歡👍🏻🔹<沙爹牛肉通粉>沙爹湯不算很濃且淡了一些相比鮮茄湯較為遜色一點牛肉肉質較軟還可以🔸<西多士>外皮超脆內層超軟塗上牛油和煉奶甜甜的很滋味🔹<鵪鶉蛋燒賣> 燒賣肉質彈牙跟鵪鶉蛋很配喔～🔸<雞扎>外面一層腐竹包裹了雞肉豬皮芋頭豬肚喜歡芋頭很香棉～🔹<總結>整體食物都不錯不過座位相對較窄🔅🔅🔅

每次行旺角金魚街都會到民華餐廳食下午茶或者午餐， 今次點了一個咖哩牛筋腩飯和一個食了很多次的常餐。 咖哩牛筋腩飯做得唔錯， 咖哩味香濃帶點微辣，牛筋腩又淋又好味， 可惜薯仔有點硬身，最欣賞咖哩牛筋腩飯還有一隻荷包蛋，正！ 常餐鮮茄牛肉通粉， 一碗入面只有三小塊牛肉， 份量比較少， 蕃茄湯的味道偏酸， 不過牛油多士好好味， 熱辣辣滿滿的牛油入口香脆。 這裏的飲品也有水準， 茶走和啡走茶香味濃。 茶餐廳來說這裏的店員服務態度 都很親切， 所以民華都是我經常會到的食店。

好多年都無黎過民華餐廳食飯了，記得以前讀書成日都會黎食，貪佢常餐好抵食，同埋佢碟燒賣好好味。今晚同男友黎食個快餐，我點返多年無食過既常餐：牛肉薑絲米粉配炒蛋多士牛肉依然係果陣醃得好咸香既味道，雖然薑絲米粉好似好清咁，但其實佢係咸咸地，都算健康夠味。蛋炒得炒得好香滑，唔係用牛奶炒，應該係用牛油的炒，但都好香滑，好想食多份。多士一定要食烘過既，配上牛油好香脆，又唔燶，恰度好處。男友點咗佢地個皇牌咖哩牛腩飯，再叫多份西多士。牛腩飯好好味！佢個汁勁香甜，辣辣地又好香椰香味，好過癮呀呢隻咖哩味！佢仲有隻半熟蛋係飯面，撈咖哩汁食簡直係香蕾享受。西多士嘩簡單正到不得了，唔係好油膩，練奶同牛油搭搭得勁出色，多一啲少一啲都唔得，西多食落鬆軟可口，令一食完一舊好想馬上叉多舊黎食，食食下先發現食晒成碟，我覺得任個人食過呢碟西多士都會上癮。

今日去旺角買完金魚， 小朋友好開心， 大人都好開心， 到了晚上大家都不約而同想找間茶餐廳休息一下， 但太子都是很多人，最後好不容易才找到這間民華茶餐廳！一進店覺得環境非常之舒服，小朋友就很快的走進卡位處坐下! 我們叫了他們的招牌常餐，常餐我們叫了牛肉薑絲通粉， 滑蛋火腿多士麵包，一碟西多士，一個梅菜肉餅蒸飯，一碟燒賣。牛肉薑絲通粉非常之好味，薑絲非常之幼細， 我把每一條薑絲都食了，真的香而唔辣，將整碗通粉提升了很多，牛肉很淋、夠鮮甜， 不像平日的梳打牛肉， 老闆好有心思，特別要一讚就是通粉， 他的硬度適中不會太淋！而梅菜肉餅蒸飯，熱辣辣非常之好味， 梅菜同肉餅的分量剛剛好， 肉餅不會太肥亦不會太瘦，飯剛剛夠硬有口，不會太淋，因為我實在不鍾意食太淋的蒸飯！西多士炸得非常有水準，裏面的蛋漿融入麵包當中，非常之有蛋味 ，加上牛油及糖漿， 脆口得來，不油膩 ，加上糖漿的香味非常之配合! 有水準的西多士！燒賣就拍得住酒樓的水準非常之好味，肉質唔會太過乾， 喺茶餐廳食到這個水準真的回味無窮 ，下次好想食埋鵪鶉蛋燒賣！

雖然香港係美食天堂，中、西、日、韓、法、德、美⋯應有盡有！但作為香港人，最鍾意食嘅，都係本土嘅美食—常餐！儘管常餐嘅配搭唔係啲咩山珍海味，但係佢就係有一個魔力令到我每日都會想食。其中民華係我一個幾鍾意嘅選擇。行過見到佢都忍唔住入去食返個常餐。基本上無論係早、午、茶市，餐廳來都係坐滿人客，非常熱鬧。坐低冇耐，連餐牌都唔需要睇，其實已經可以叫嘢食！「唔該！一個常餐，要番茄叉燒通粉，配火腿炒蛋，多士走牛油，熱檸水呀唔該！」伙記唔使一分鐘，已經完成落單。呢啲真係效率！座位旁邊設有唔同嘅溫馨提示，例如炒蛋加入鮮茄湯底會更好味，一陣間一於試吓！ 2分鐘左右，嘢食就已經全部上枱。望見塊脆卜卜嘅厚多士，已經忍唔住將塊火腿夾落去一齊食！外脆內軟嘅多士，口感非常鬆軟，好味道！蕃茄叉燒通粉，湯底茄味濃郁，叉燒分量亦都算多，唔會太多肥肉，好味！嘗試將炒蛋放入蕃茄湯底伴住一齊食，咦！真係幾好食喎！甜甜酸酸嘅蕃湯底，配上超滑嘅炒蛋，簡直係perfect match!食完野之後飲番杯熱檸水，消滯之餘又健康，咁就圓滿結束啦！

今次特意到旺角的人氣地道餐廳食早餐，由於時間尚早，不用等位便可入座。這間茶餐廳的早餐時段的食物不算貴，而且大大份一定飽肚。這次吃了兩個餐和一個小食，大概$100左右先來說說這杯紅豆冰，大大杯而且不會超多冰，反而超多紅豆，甜度不錯。80分！這碗叉燒通粉中規中矩，蕃茄味不會太濃味，65分。鵪鶉蛋燒賣，我女朋友超愛這味，大大粒鵪鶉蛋加上豬肉， 80分真店之寶西多士，來這裏吃都是為了他，口口的西多炸到金黃色而且乾身多油，脆卜卜，來這間店必吃！90分！還有這味炒蛋菠蘿油，都是必吃之選，脆皮菠蘿油加上滑蛋火腿， Perfect match ！都是90分。